ᑎᐱᑦ ᐅᓂᑭᒧᐅᓇ 46:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᑎᑯᓐ ᓯᐱᔾ, ᐊ ᓯᐱᓯᐅᒡ ᒋᑭ ᐅᒡ ᓯᒋᔭᓯᓇᓄᐤ ᐅᑦ ᐃᑕᐅᓂᒡ ᒋᓴᒪᓂᑐᐤ, ᐊᓐᑕ ᐊ ᑎᑯᓂᔨᒡ ᐅᐸᔭᒋ-ᒥᒋᐛᐱᒻ ᒪᐅᒡ ᒐᔅᑎᓯᑦ᙮

ᑎᐱᑦ ᐅᓂᑭᒧᐅᓇ 46:4 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 23:2

ᓂᑦ ᐃᑐᑕᒄ ᒐ ᐱᒥᓯᓄᐅᒡ ᐊᓐᑕ ᐊ ᒥᔪ ᒥᔅᑯᓯᐅᔅᑭᒥᑲᔨᒡ: ᓂᑦ ᐃᑐᑕᐃᒄ ᐊᓐᑕ ᐊ ᐊᐱᓴᐸᐎᔪᐛᔨᒡ ᓂᐱᔪᐤ᙮

ᑎᐱᑦ ᐅᓂᑭᒧᐅᓇ 43:3

ᐸᒋ ᐃᑎᓴᐊ ᒋᐛᓴᔭᓯᐅᓐ ᑭᔭ ᒋᑕᑈᐅᓐ᙮ ᐊᑯᔅ ᓂᑭ ᒋᔅᒋᓄᑕᐃᑯᓐ; ᐊᑯᔅ ᓂᑭ ᐃᑐᑕᐃᑯᓐ ᒋᐸᔭᒋ ᐱᔅᑯᑎᓇᒥᒡ, ᑭᔭ ᒋ ᒥᒋᐛᒥᒡ᙮

ᑎᐱᑦ ᐅᓂᑭᒧᐅᓇ 48:1

ᒋᔅᑎᓯᐤ ᑎᐸᔨᒋᒐᓱᐤ, ᓇᔅᒡ ᒪᒃ ᒐᒋ ᒪᒥᒋᒪᑭᓄᐅᑦ, ᐅᑕᓇᒥᒡ ᒋ ᒋᓴᒪᓂᑐᒥᓄᐤ, ᐅᐸᔭᒋ-ᐱᔅᑯᑎᓇᒥᒡ᙮

ᑎᐱᑦ ᐅᓂᑭᒧᐅᓇ 48:8

ᑲᒋ ᐃᓯ ᐸᑎᒪᒡ, ᐊᑯ ᑭᔭ ᑲ ᐃᓯ ᐛᐸᑎᒪᒡ, ᐅᑕᓇᒥᒡ ᑎᐸᔨᒋᒐᓱᐤ ᒥᓯᐛ ᓱᐧᑲᑎᓯᑦ, ᐅᑕᓇᒥᒡ ᓂᒋᓴᒪᓂᑐᒥᓇᓐ: ᒋᓴᒪᓂᑐᐤ ᒋᑭ ᐊᔨᒋᑕᐤ ᑲᒋᒡ᙮

ᑎᐱᑦ ᐅᓂᑭᒧᐅᓇ 65:9

ᒋ ᒧᐅᐱᔅᑕᓐ ᐊᔅᒋᔾ, ᑭᔭ ᒋ ᓂᐱᐎᑕᓐ: ᓇᔅᒡ ᒋ ᐛᔪᒋᑕᓐ ᐅᓯᐱᒪ ᒋᓴᒪᓂᑐᐤ ᐅᒡ, ᑲ ᓴᑭᔅᒋᓇᐸᔭᔨᒡ: ᒋᑦ ᐊᔭᔅᑲᐎᑕᒪᐛᐅᒡ ᒪᑕᒥᓇ, ᐃᔅᐱ ᐊᒋ ᐱᔅᑎᓂᒥᓐ᙮

ᑎᐱᑦ ᐅᓂᑭᒧᐅᓇ 87:3

ᒋᔅᑕᔨᑕᑯᓯᐤ ᒐᒂᓇ ᒋᑦ ᐃᑕᒋᒥᑯᐅᓐ, ᐅ ᐅᑦ ᐃᑕᐅᓐ ᒋᓴᒪᓂᑐᐤ᙮

ᑎᐱᑦ ᐅᓂᑭᒧᐅᓇ 91:1

ᐊᓐ ᑲ ᐎᒋᑦ ᐅᑲᓱᐅᓂᔨᒡ ᒪᐅᒡ ᒋᔅᑎᓯᔨᒋ, ᒋᑭ ᑕᐤ ᓯᐸ ᐊ ᑎᑲᔅᑕᓯᓂᔨᒋ ᒪᐅᒡ ᓱᐧᑲᑎᓯᔨᒋ᙮

ᑎᐱᑦ ᐅᓂᑭᒧᐅᓇ 92:1

ᒥᔽᓯᔪᐤ ᒐᒋ ᓂᓇᔅᑯᒪᑭᓄᐅᑦ ᑎᐸᔨᒋᒐᓱᐤ, ᑭᔭ ᐊ ᓂᑭᒧᓇᓄᐅᒡ ᒐᒋ ᒪᒥᒋᑕᑭᓄᐅᒡ ᒋᑦ ᐃᓯᓂᐧᑲᓱᐅᓐ, ᐅ ᒪᐅᒡ ᒋᔅᑎᓯᔨᓐ:

ᑎᐱᑦ ᐅᓂᑭᒧᐅᓇ 92:8

ᒪᒃ ᒋᔾ, ᑎᐸᔨᒋᒐᓱᐤ, ᒋ ᒪᐅᒡ ᒋ ᒋᔅᑎᓯᓐ ᑲᒋᒡ᙮

ᑎᐱᑦ ᐅᓂᑭᒧᐅᓇ 93:3

ᐊ ᐃᔅᒋᐸᒋ ᒋ ᐸᑕᑯᓇ, ᐅ ᑎᐸᔨᒋᒐᓱᐤ, ᐊ ᐃᔅᒋᐸᒋ ᒋ ᐸᑕᑯᓇ: ᐊ ᐃᔅᒋᐸᒋ ᒋ ᒪᒪᐧᑲᐊᓇ᙮

ᐃᑉᕈᐛ 12:22

ᒋᔨᐛᐤ ᒪᒃ ᐎ ᓇᒪ ᐸᐃᑯᓄᒡ ᐃᓯᓇᑯᓐ᙮ ᐃᔅᐱ ᐊ ᐅᑎᔅᑯᑲᐳᔅᑎᐛᒄ ᒋᓴᒪᓂᑐᐤ ᒧᔭᒻ ᐊᓐᑕ ᐊ ᐃᑐᑕᔭᒄ ᐊᓐ ᐱᔅᑯᑎᓇᐤ ᓴᐃᔭᓐ ᐊ ᐃᓯᓂᐧᑲᑕᒡ ᐊᓐᑕ ᒋᒋᒋᓯᑯᒡ ᐊ ᑎᒂᒡ ᐊᐅᑯᓐ ᐊ ᐃᓯᓇᒂᒡ᙮ ᑭᔭ ᒧᔭᒻ ᐊᓐᑕ ᐊ ᑎᑯᓯᓂᔭᒄ ᐊᓐ ᐅᑕᓇᐤ ᐊᓐᑕ ᐱᔅᑯᑎᓇᒡ ᐊ ᑎᒂᒡ ᒋᕈᓯᓕᒻ ᐊ ᐃᓯᓂᐧᑲᑕᒡ ᐃᓯᓇᑯᓐ, ᐊᓐᑕ ᐊ ᐎᒋᑦ ᐊᓐ ᑲᒋᒡ ᐊ ᑕᑦ ᒋᓴᒪᓂᑐᐤ ᑭᔭ ᐊᓐᑕ ᐊ ᑕᒡ ᐊ ᒥᔅᑎ ᒥᒐᑎᒡ ᐊᓐᒋᓐᒡ ᐊ ᒧᒋᒐᔨᑕᒡ᙮

ᒋᔅᒐᔨᑕᑯᑕᒐᐅᓐ 21:10

ᐊᑯ ᑲ ᐸᔭᒋᓯᑦ ᐊᒐᐧᒄ ᒂ ᐸᒋ ᐱᒋᔅᑯᐅᑦ᙮ ᐊᑯ ᐊᓐ ᐊᓐᒋᓐ ᐊᓐᑕ ᓇᔅᒡ ᐊ ᐃᔅᐸᓇᔨᒡ ᐱᔅᑯᑎᓇᔪᐤ ᒂ ᐸᒋ ᐃᑐᑕᐃᑦ᙮ ᓂᒋ ᐛᐸᑎᔨᒄ ᒪᒃ ᐊᓂᔭ ᑲ ᐸᔭᒋᓯᒥᑭᓂᔨᒡ ᐅᑕᓇᔪᐤ ᒋᕈᓯᓕᒻ ᐊ ᐃᓯᓂᐧᑲᑕᔨᒡ ᒋᒋᒋᓯᑯᒡ ᐊ ᐅᒋ ᔭᓯᒪᑭᓂᔨᒡ ᒋᓴᒪᓂᑐᐛ ᐊ ᑕᔨᒋ ᐅᒡ᙮