ᑎᐱᑦ ᐅᓂᑭᒧᐅᓇ 37:7 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁷ ᐊᔽᐱᔅᑐᐤ ᑎᐸᔨᒋᒐᓱᐤ, ᓯᐱᔪᐛᓯᐅᓂᒡ ᐊᓯᓄᐛᔾ: ᐊᑲᐎᔾ ᒥᑯᔅᑲᒋᐃᑎᓱᐤ ᐊᓐ ᐅᒋ ᑲ ᒥᔽᐱᒪᐅᓯᑦ ᐅᑦ ᐃᓯᑥᐅᓂᒡ, ᐊᓐ ᐃᔪᐤ ᐅᒋ ᑲ ᑎᐱᐸᔨᑕᑦ ᐅᒥᒋ ᐃᑕᔨᑎᒧᐅᓇ᙮

ᑎᐱᑦ ᐅᓂᑭᒧᐅᓇ 37:7 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 27:14

ᐊᓯᓄᐛᐃᐧᒄ ᑎᐸᔨᒋᒐᓱᐤ; ᓱᒋᑕᐊᒄ, ᒋᑭ ᐊᔨᒋᑕᐤ ᒪᒃ ᒋᑕᐃᔪᐛᐛ᙮ ᐊᓯᓄᐛᐃᐧᒄ ᑎᐸᔨᒋᒐᓱᐤ, ᓂᑦ ᐃᔅᒋᔄᓐ᙮

ᑎᐱᑦ ᐅᓂᑭᒧᐅᓇ 40:1

ᓯᐱᔪᐛᓯᐅᓂᒡ ᓂᒋ ᐊᓯᓄᐛᐊᐤ ᑎᐸᔨᒋᒐᓱᐤ; ᓂᒋ ᐱᔅᒐᔨᒥᒄ ᒪᒃ, ᑭᔭ ᒋ ᓂᑐᑎᒻ ᓂᒪᐅᓂᔪᐤ᙮

ᑎᐱᑦ ᐅᓂᑭᒧᐅᓇ 50:8

ᓇᒪᐎᔾ ᒋᑭ ᒋᔅᑐᑎᓐ ᒋᐱᔅᑎᓂᒐᐅᓐ ᐅᒋ ᑭᔭ ᒥᒄ ᒋᑦ ᐃᔎᑕᐤ ᐱᔅᑎᓂᒐᐅᓇ, ᒧᔅ ᒐᒋ ᐅᑎᔅᑲᐎᔅᑲᑯᔭᓐ᙮

ᑎᐱᑦ ᐅᓂᑭᒧᐅᓇ 62:1

ᑕᑈ ᓂᑦ ᐊᒐᐧᒄ ᐊᓯᓄᐛᐊᐤ ᒋᓴᒪᓂᑐᐛ: ᐎᔾ ᐊᑕᑦ ᐅᒋᐱᔪᐤ ᓂᐱᒪᒋᐃᑯᓯᐅᓐ᙮

ᑎᐱᑦ ᐅᓂᑭᒧᐅᓇ 62:5

ᓂᑦ ᐊᒐᐧᒄ, ᒋᑭ ᐊᓯᓄᐛᐤ ᒋᓴᒪᓂᑐᐛ ᒥᒄ; ᐛᔅ ᐎᔾ ᓂᑦ ᐊᔅᐸᔨᒪᐤ᙮

ᑲᓚᓯᔭᓇ 6:9

ᐊᑲᐎᔾ ᒋᑭ ᐅᒋ ᑕᔅᑎᑲᒋᓇᓄᐤ ᐊ ᒥᔪᑐᑎᒪᐧᒄ᙮ ᐛᔅ ᒋᑭ ᐅᑎᒋᐱᔪᐤ ᑕᓐᑕ ᒐ ᒥᔨᑯᐅᔭᐧᒄ ᒋᑎᐸᐊᒪᑯᓯᐅᓄᐛ ᐊᑲ ᐳᓂᔭᒂ ᐊ ᒥᔪᑐᑎᒪᐧᒄ᙮