ᑎᐱᑦ ᐅᓂᑭᒧᐅᓇ 37:39 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁹ ᒪᒃ ᐅᐱᒪᒋᐃᑯᓯᐅᓄᐛᐤ ᐅᑯᐃᔅᑯᑕᑎᓯᐅᒡ ᑎᐸᔨᒋᒐᓯᓇᒡ ᐅᒋᐱᔪᐤ, ᐊᔪᐅᒄ ᐅᔭ ᐅᒥᔅᑯᐅᓯᐅᓄᐛᐤ ᒪᒂᒡ ᐊ ᒋᓯᑲᔨᒡ ᑲ ᐊᔨᒥᓂᔨᒡ᙮

ᑎᐱᑦ ᐅᓂᑭᒧᐅᓇ 37:39 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 28:7

ᑎᐸᔨᒋᒐᓱᐤ ᓂᒥᔅᑯᐅᓯᐅᓐ ᑭᔭ ᓂᑦ ᐊᒂᓇᐅᓱᐛᑭᓇ; ᓂᑕᐃᔪᐤ ᒋ ᒪᒥᓯᑐᑕᑯᐤ, ᓂ ᐎᒋᐃᑯᐅᓐ ᒪᒃ: ᐊᐅᒄ ᐅᒋ ᓂᑕᐃ ᓇᔅᒡ ᒪᔽᔨᑎᒧᒪᑭᓐ; ᑭᔭ ᐊ ᓂᑭᒧᔭᓐ ᓂᑭ ᒪᒥᒋᒪᐤ᙮

ᑎᐱᑦ ᐅᓂᑭᒧᐅᓇ 3:8

ᐱᒪᒋᐃᐛᐅᓂᔪᐤ ᐎᔾ ᑎᐱᔨᐛᐅᓯᐤ ᑎᐸᔨᒋᒐᓱᐤ: ᒋᒥᔽᒋᒧᐛᐅᓂᔪᐤ ᒋᒋᔅᑲᑯᐅᒡ ᒋᑦ ᐃᔨᒥᒡ᙮

ᑎᐱᑦ ᐅᓂᑭᒧᐅᓇ 34:20

ᑭᓄᐛᔨᑎᒺᐤ ᒥᓯᐛ ᐅᔅᑭᓂᔪᐛ: ᓇᒪ ᐛᐛᒡ ᐸᐃᒄ ᓇᑥᐱᔪᐛ᙮

ᑎᐱᑦ ᐅᓂᑭᒧᐅᓇ 46:1

ᒋᓴᒪᓂᑐᐤ ᐊᐅᒄ ᒋ ᒋᔅᐸᐛᑎᑯᓯᐅᓄᐤ ᑭᔭ ᒋᒥᔅᑯᐅᓯᐅᓄᐤ, ᑲ ᐎᒋᐃᐛᑦ ᐊ ᐊᔨᒥᓯᓇᓄᐎᒡ᙮

ᑎᐱᑦ ᐅᓂᑭᒧᐅᓇ 46:2

ᐊᐅᒄ ᐅᒋ ᓇᒪᐎᔾ ᒋᑭ ᑯᔅᑕᒋᓇᓄᐤ, ᐊᑎ ᐊᔅᒋᔾ ᐊᔭᒋᐱᔨᒐ, ᐊᑎ ᑭᔭ ᐱᔅᑯᑎᓇᐛ ᑕᑕᐅᒡ ᐎᓂᐸᑯᒡ ᐃᔅᐸᔨᑕᑭᓄᐅᒂᐛ;

ᑎᐱᑦ ᐅᓂᑭᒧᐅᓇ 62:2

ᐎᔾ ᒥᒄ ᓂᒋᔅᑕᐱᔅᑯᒻ ᑭᔭ ᓂᐱᒪᒋᐃᑯᓯᐅᓐ; ᐎᔾ ᓂᒋᔅᐸᐛᑎᑯᓯᐅᓐ; ᓇᒪᐎᔾ ᓇᔅᒡ ᓂᑭ ᐊᒋᐸᔨᐃᑯᐅᓐ᙮

ᑎᐱᑦ ᐅᓂᑭᒧᐅᓇ 9:10

ᐊᓐᒡ ᒪᒃ ᑲ ᒋᔅᒐᔨᑕᒡ ᒋᑦ ᐃᓯᓂᐧᑲᓱᐅᓂᔪᐤ ᒋᑭ ᒪᒥᓯᑐᑕᑯᒡ᙮ ᐛᔅ ᒋᔾ, ᑎᐸᔨᒋᒐᓱᐤ, ᓇᒪᐎᔾ ᒋᑭ ᐛᐱᓇᐅᒡ ᐊᓐᒡ ᑲ ᓇᓂᑐᐛᔨᒥᔅᒡ᙮

ᑎᐱᑦ ᐅᓂᑭᒧᐅᓇ 9:9

ᑎᐸᔨᒋᒐᓱᐤ ᑭᔭ ᒋᑭ ᓇᑎᒧᐛᐤ ᑲ ᐊᔨᒥᐊᑭᓄᔨᒋ, ᐊ ᓇᑎᒪᒐᑦ ᒪᒂᒡ ᐊ ᐊᔨᒥᓂᔨᒡ ᐊ ᒋᓯᑲᔨᒡ᙮

ᑎᐱᑦ ᐅᓂᑭᒧᐅᓇ 91:15

ᓂᑭ ᓇᓂᑐᒥᒄ, ᓂᑭ ᓂᔅᑯᒪᐤ ᒪᒃ: ᓂᑭ ᐎᒐᐊᐤ ᐊᔨᒥᓯᒐ; ᓂᑭ ᐱᒪᒋᐊᐤ, ᑭᔭ ᓂᑭ ᒋᔅᑕᔨᒪᐤ᙮

ᐃᐱᓯᔭᓇ 2:8

ᒋᓴᒪᓂᑐᐤ ᓴᒐᔾ ᔅᒋ ᓱᐛᔨᒥᑯᐛᐤ ᑲ ᐱᒪᒋᐃᑕᒄ ᐊᓐ ᐊ ᑕᑈᑎᒪᒄ ᐅᒡ᙮ ᓇᒪᐎᔾ ᐎ ᒋᔨᐛᐤ ᐅᒋ ᑲ ᐅᒋᐱᔨᒡ ᒐᒋ ᐱᒪᒋᐅᔭᒄ᙮ ᒋᓴᒪᓂᑐᐤ ᐅᔭ ᐅᒥᔨᐛᐅᓐ᙮

ᑯᓚᓯᔭᓇ 1:11

ᓂᑐᑎᒧᐛᐤ ᒋᓴᒪᓂᑐᐤ ᒐᒋ ᐃᑐᑕᑕᒄ ᓇᔅᒡ ᒐᒋ ᒥᔅᑯᓯᔨᑯᔭᒄ ᓱᐧᑲᑎᓯᐅᓐ, ᐎᔾ ᑲ ᒋᔅᑕᔨᑕᑯᓂᔨᒡ ᐅᓱᐧᑲᑎᓯᐅᓂᒡ ᐅᒡ᙮ ᐊᑯ ᒪᒃ ᒐ ᓯᐱᔪᐛᓯᔭᒄ ᒥᒄ ᑕᓐ ᒐ ᐃᓯ ᓂᒋᔅᑭᒧᐛᐛᒂ᙮

2 ᑎᒧᑎ 4:17

ᒥᒄ ᒪᒃ ᐅᑎᐸᔨᒋᒐᐤ ᓂᒋ ᐎᒋᑲᐳᐅᔅᑕᒄ ᑭᔭ ᐎᔾ ᓂᒋ ᒥᔨᒄ ᓱᐧᑲᑎᓯᐅᓂᔪᐤ᙮ ᒋ ᐃᔅᐱᔪᐤ ᒪᒃ ᐃᔭᐱᒡ ᓇᔅᒡ ᒐᒋ ᐛᐎᑎᒧᒡ ᐅᔭ ᒥᔽᒋᒧᐅᓂᔪᐤ ᑭᔭ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐᒋ ᐅᒋ ᐸᑕᒡ, ᑭᔭ ᓂᒋ ᐎᐧᑯᒋᐃᑯᐅᓐ ᒐ ᐊᑲ ᒋ ᒧᐅᑦ ᒥᓯᐱᓱᐤ᙮