ᑎᐱᑦ ᐅᓂᑭᒧᐅᓇ 37:34 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁴ ᐊᓯᓄᐛᔨ ᑎᐸᔨᒋᒐᓱᐤ, ᑭᓄᐛᔨᑎᒻ ᒪᒃ ᐅᑦ ᐃᓯᑥᐅᓐ, ᒋᑭ ᐃᔅᐸᐃᑕᑯᐎᒄ ᒪᒃ ᒐᒋ ᑎᐸᔨᑎᒥᓐ ᐊᔅᒋᔾ: ᐃᔅᐱ ᒋᒥᔄᑭᓄᑥᐛ ᐅᒥᒋᑥᐅᒡ, ᒋᑭ ᐛᐸᑕᓐ᙮

ᑎᐱᑦ ᐅᓂᑭᒧᐅᓇ 37:34 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 112:8

ᓱᑲᔅᑕᔪᐤ ᐅᑕᐃ, ᓇᒪᐎᔾ ᒋᑭ ᓴᒋᓱᐤ, ᐸᑎᒪ ᐛᐸᑕᒐ ᐊ ᐃᑐᑐᐛᑭᓄᔨᒋ ᑲ ᐛᐧᑲᑎᑯᑦ ᐊ ᐃᓯ ᓂᑐᐛᔨᑕᐧᒃ᙮

ᑎᐱᑦ ᐅᓂᑭᒧᐅᓇ 112:9

ᒋ ᒪᑎᓂᒪᒐᐤ, ᒥᔭᐤ ᐅᒋᔅᑎᒪᑎᓯᐛ; ᐅᑯᐃᔅᑯᑕᑎᓯᐅᓐ ᑲᒋᒡ ᑎᑯᓂᔪᐤ; ᐅᑦ ᐊᔅᑭᓐ ᒋᑭ ᐃᔅᐸᔨᑕᑯᓂᔪᐤ ᒋᔅᑕᔨᑕᑯᓱᐅᓂᒡ᙮

ᑎᐱᑦ ᐅᓂᑭᒧᐅᓇ 25:13

ᐅᑦ ᐊᒐᒂ ᒋᑭ ᑕᔪᐛ ᒥᔽᑎᓯᐅᓂᒡ; ᐅᑦ ᐊᐛᓯᒥᓴ ᑭᔭ ᒋᑭ ᑎᐸᔨᑎᒥᔪᐛ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 27:14

ᐊᓯᓄᐛᐃᐧᒄ ᑎᐸᔨᒋᒐᓱᐤ; ᓱᒋᑕᐊᒄ, ᒋᑭ ᐊᔨᒋᑕᐤ ᒪᒃ ᒋᑕᐃᔪᐛᐛ᙮ ᐊᓯᓄᐛᐃᐧᒄ ᑎᐸᔨᒋᒐᓱᐤ, ᓂᑦ ᐃᔅᒋᔄᓐ᙮

ᑎᐱᑦ ᐅᓂᑭᒧᐅᓇ 37:3

ᒪᒥᓯᑐᑐᐤ ᑎᐸᔨᒋᒐᓱᐤ, ᑭᔭ ᒥᔪᑐᑕ: ᐊᑯ ᒐ ᑕᔨᓐ ᐊᔅᒋᒡ, ᑕᑈ ᑭᔭ ᒋᑭ ᐊᓴᒥᑯᐅᓐ᙮

ᑎᐱᑦ ᐅᓂᑭᒧᐅᓇ 37:7

ᐊᔽᐱᔅᑐᐤ ᑎᐸᔨᒋᒐᓱᐤ, ᓯᐱᔪᐛᓯᐅᓂᒡ ᐊᓯᓄᐛᔾ: ᐊᑲᐎᔾ ᒥᑯᔅᑲᒋᐃᑎᓱᐤ ᐊᓐ ᐅᒋ ᑲ ᒥᔽᐱᒪᐅᓯᑦ ᐅᑦ ᐃᓯᑥᐅᓂᒡ, ᐊᓐ ᐃᔪᐤ ᐅᒋ ᑲ ᑎᐱᐸᔨᑕᑦ ᐅᒥᒋ ᐃᑕᔨᑎᒧᐅᓇ᙮

ᑎᐱᑦ ᐅᓂᑭᒧᐅᓇ 37:9

ᐛᔅ ᑲ ᒥᒋᐃᑎᒡ ᒋᑭ ᒥᔄᑭᓄᐛᒡ: ᐊᓐᒡ ᒪᒃ ᑲᓯᓄᐛᐊᒡ ᑎᐸᔨᒋᒐᓱᐛ, ᒋᑭ ᑎᐸᔨᑎᒧᒡ ᐊᔅᒋᔪᐤ᙮

ᑎᐱᑦ ᐅᓂᑭᒧᐅᓇ 91:8

ᒥᒄ ᒋᔅᒋᓯᑯᒡ ᒋᑭ ᐅᒋ ᐛᐸᑕᓐ ᒐ ᐃᓯ ᑎᐸᐊᒪᐛᑭᓄᐅᒡ ᐅᒥᒋᑥᐅᒡ᙮

ᑎᐱᑦ ᐅᓂᑭᒧᐅᓇ 92:12

ᐅᑯᐃᔅᑯᑕᑎᓯᐤ ᒋᑭ ᒥᔪ ᓂᑕᐅᒍᐤ ᒧᔭᒻ ᐸᒪᑎᒄ; ᒋᑭ ᓂᑕᐅᒍᐤ ᒧᔭᒻ ᒪᔅᒋᔅᑲᑎᒄ ᓚᐸᓇᓂᒡ᙮

ᒪᑎᔪᐤ 24:13

ᒥᒄ ᒪᒃ ᐊᓐ ᐊᐛᓐ ᒐ ᐊᔨᒋᑲᐳᐅᒂ ᒐ ᐃᔅᐱᔅ ᐱᒪᑎᓯᒂ ᐊᐅᒄ ᒐ ᐱᒪᒋᐊᑭᓄᐅᑦ᙮

ᓗᒃ 14:11

ᐛᔅ ᐊᐛᓐ ᒥᔅᑎ ᑲ ᐎ ᐃᑕᔨᒥᑯᓯᑦ ᒋᓴᒪᓂᑐᐛ ᒋᑭ ᑎᐱᑕᔨᒧᐃᑯᐤ᙮ ᐊᓐ ᒪᒃ ᑲ ᑎᐱᑕᔨᒥᑎᓱᑦ ᐊᐅᒄ ᐊᓐ ᒐ ᒋᔅᑕᔨᑕᑯᐃᑯᑦ ᒋᓴᒪᓂᑐᐛ᙮”

1 ᐱᑕᕐ 1:7

ᐛᔅ ᐊ ᓂᒋᔅᑭᒪᒄ ᒐᒂᔪᐛ ᐊ ᐊᔨᒪᒋ ᐊᑯᑕ ᐛᒋ ᒋᔅᒐᔨᑕᒂᒡ ᑕᓐ ᐊᓐ ᐊ ᐃᑕᔨᑕᒂᒡ ᒋᑕᑈᑎᒧᐅᓄᐛᐤ᙮ ᐛᐛᒡ ᐎᔄᐅᓱᓇᔭᐱᔅᒄ, ᐊ ᐃᓯᓇᑯᓯᑦ ᒐᒋ ᓂᓱᐅᓇᒋᐊᑭᓄᐅᑦ, ᓂᑐ ᒋᔅᒐᔨᒪᑭᓄᐤ ᐃᔅᑯᑕᒡ ᑕᑈ ᐊ ᐎᔄᐅᓱᓇᔭᐱᔅᑯᐅᒂ, ᒋᑕᑈᑎᒧᐅᓄᐛᐤ ᒪᒃ ᐅᔅᑕ ᐃᑕᔨᑕᑯᓐ ᐊ ᐃᑕᔨᑕᑯᓯᑦ ᐎᔄᐅᓱᓇᔭᐱᔅᒄ, ᐃᑕᔨᑕᑯᓐ ᒐᒋ ᓂᑐ ᒋᔅᒐᔨᑕᑯᓄᐅᒡ ᑕᓐ ᐊᓐ ᐊ ᐃᑕᔨᑕᒂᒡ᙮ ᑕᑈ ᒪᒃ ᐊ ᐃᑕᔨᑕᑯᓂᒂ ᑕᓐ ᒋᐸ ᐃᑕᔨᑕᑯᓐ, ᒋᑭ ᒥᔽᒋᒥᑯᓇᐛᐤ ᑭᔭ ᒋᑭ ᒋᔅᑕᔨᑕᑯᐃᑯᓇᐛᐤ ᑭᔭ ᒋᑭ ᒋᔅᑕᒋᒥᑯᓇᐛᐤ ᒥᓐ ᑎᑯᓯᒐ ᒋᓴᔅ ᙭᙮

1 ᐱᑕᕐ 5:6

ᑎᐱᑕᔨᑕᑯᐃᓱᒄ ᒪᒃ ᐊ ᓂᓇᐃᑐᐛᒄ ᒋᓴᒪᓂᑐᐤ ᐊᓐ ᑲ ᓱᐧᑲᑎᓯᑦ, ᐛᔅ ᒋᑭ ᐅᐱᓂᑯᐛᐤ ᑕᑈ ᐃᑕᔨᑕᒐ ᐎᔾ ᒐ ᐅᐱᓂᑕᒄ᙮