ᑎᐱᑦ ᐅᓂᑭᒧᐅᓇ 37:28 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁸ ᐛᔅ ᑎᐸᔨᒋᒐᓱᐤ ᓴᒋᑕᐤ ᑎᐸᔅᑯᓂᒐᐅᓂᔪᐤ, ᓇᒪ ᑭᔭ ᐛᐱᓇᐤ ᐅᐸᔭᒋᓯᒪ; ᑲᒋᒡ ᑭᓄᐛᔨᒪᐅᒡ: ᒪᒃ ᐅᑦ ᐊᐛᓯᒥᓱᐛᐛ ᐅᒥᒋᑥᐅᒡ ᒋᑭ ᒋᒥᓱᐛᑭᓄᔪᐛ᙮

ᑎᐱᑦ ᐅᓂᑭᒧᐅᓇ 37:28 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 11:7

ᐛᔅ ᑲ ᑯᐃᔅᑯᑕᑎᓯᑦ ᑎᐸᔨᒋᒐᓱᐤ ᓴᒋᑕᐤ ᑯᐃᔅᑯᑕᑎᓯᐅᓂᔪᐤ; ᐅᑕᔅᑎᒥᐧᑯᒡ ᐅᒋ ᑲᓄᐛᐱᒪᐤ ᐅᑯᐃᔅᑯᑕᑎᓯᐛ᙮

ᑎᐱᑦ ᐅᓂᑭᒧᐅᓇ 21:10

ᐅᒥᓂᓯᒧᐛᐤ ᒋᑭ ᓂᓱᐅᓇᒋᑕᐛᓐ ᐊᔅᒋᒡ ᐅᒡ, ᑭᔭ ᐅᑦ ᐊᐛᓯᒥᓱᐛᐛ ᐊᓐᑕ ᐊ ᑕᔨᒋ ᐃᔪᐛ ᐅᑦ ᐊᐛᓯᒥᓯᔪᐛ ᐅᒡ᙮

ᑎᐱᑦ ᐅᓂᑭᒧᐅᓇ 37:25

ᓂᒋ ᐸᒋ ᐅᔅᒋᓂᒋᓱᐅᓐ, ᐊᓄᒡ ᒪᒃ ᓂ ᒋᓴᐃᔪᐅᓐ; ᐊᔅᑯ ᒪᒃ ᓇᒪᐎᔾ ᓄᒋ ᐛᐱᒪᐤ ᐅᑯᐃᔅᑯᑕᑎᓯᐤ ᐊ ᐛᐱᓇᑭᓄᐅᑦ, ᑭᔭ ᒪᒃ ᐅᑦ ᐊᐛᓯᒥᓴ ᐊ ᐸᑯᓯᑕᔨᒋ ᐸᒂᓯᑭᓇ᙮

ᑎᐱᑦ ᐅᓂᑭᒧᐅᓇ 37:40

ᑎᐸᔨᒋᒐᓱᐤ ᒪᒃ ᒋᑭ ᐎᒋᐊᐤ, ᑭᔭ ᒋᑭ ᐱᒪᒋᐊᐤ; ᒋᑭ ᐎᒂᒋᐊᐤ ᐅᒥᒋᑥᐛ ᐅᒡ, ᑭᔭ ᒋᑭ ᐱᒪᒋᐊᐤ, ᐊ ᒪᒥᓯᑐᑕᑯᑦ᙮

ᑎᐱᑦ ᐅᓂᑭᒧᐅᓇ 99:4

ᒋᓴᐅᒋᒪᐤ ᐅᒥᔅᑯᐅᓯᐅᓂᒡ ᑭᔭ ᓴᒋᑕᐤ ᑎᐸᔅᑯᓂᒐᐅᓂᔪᐤ; ᒋᑦ ᐊᔨᑎᔅᑕᓐ ᑯᐃᔅᑯᑐᐅᓐ, ᒋ ᑎᐱᑐᑕᓐ ᑎᐸᔅᑯᓂᒐᐅᓐ ᑭᔭ ᑯᐃᔅᑯᑕᑎᓯᐅᓐ ᒐᑭᐱᒡ᙮

ᐊᒃᓱᑕᔅ 20:5

ᐊᑲᐎᔾ ᒋᑭ ᐅᒋᒋᐧᑯᓂᐱᔅᑐᐛᐛᐅᒡ, ᐛᔅ ᓂᔾ ᑎᐸᔨᒋᒐᓱᐤ ᒋᒋᓴᒪᓂᑐᒻ ᓄᒋᐃᐛᐤ ᒋᓴᒪᓂᑐᐅᓐ; ᓂᑦ ᐊᔨᒥᐊᐅᒡ ᒪᒃ ᐊᐛᓯᒡ ᐅᑕᐎᐛᐛ ᐅᒥᒋᑥᐅᓂᔪᐛ ᐅᒡ ᐱᐃᒻ ᓂᔅᑐ ᑭᔭ ᓇᐤ ᒐ ᐊᑎ ᐊᓂᔅᒐ ᐱᒪᑎᓯᒡ ᐊᓐᒡ ᐎᔭᐧᑲᓯᒡ;

ᒠᓐ 15:9

“ᒧᔭᒻ ᑲ ᐃᔅᐱᔅ ᓴᒋᐃᑦ ᐅᑕᐎᒪᐤ ᐊᐅᑯᓐ ᒧᔭᒻ ᐊ ᐃᔅᐱᔅ ᓴᒋᐃᑎᑯᒡ ᑭᔭ ᒋᔨᐛᐤ᙮ ᒧᔅ ᓂᔾ ᐊ ᑕᔭᓐ ᐃᓯ ᐱᒪᑎᓯᒄ ᑭᔭ ᒧᔅ ᒐ ᒋᔅᒐᔨᑎᒪᒄ ᐊ ᓴᒋᐃᑎᑯᒡ᙮

ᒠᓐ 5:24

“ᑯᐃᔅᒄ ᒋ ᐎᑎᒪᑎᓇᐛᐤ, ᐊᓐ ᐊᐛᓐ ᒐ ᐸᒋ ᓂᑐᑎᒧᒂ ᑕᓐ ᐊ ᐃᔅᒋᔄᐅᒡ ᑭᔭ ᑕᑈᑐᐛᒐ ᐊᓂᔭ ᑲ ᐸᒋ ᐃᑎᓴᐅᔨᒋ ᑲᒋᒡ ᒋᑭ ᐱᒪᑎᓯᐤ᙮ ᓇᒪ ᒋᑭ ᐅᒋ ᑎᐸᔅᑯᓇᑭᓄᐤ ᐛᔅ ᓂᐳᐅᓂᒡ ᒋ ᐅᒋ ᐅᑎᓇᑭᓄᐤ ᐊᑯ ᐱᒪᑎᓯᐅᓂᒡ ᑲ ᐃᓯ ᐱᔅᑎᓇᑭᓄᐅᑦ᙮

1 ᐱᑕᕐ 1:5

ᔅᒋ ᑕᑈᔭᔨᒪᐛᐤ ᒋᓴᒪᓂᑐᐤ, ᐎᔾ ᒪᒃ ᐅᒥᔅᑯᓯᐅᓐ ᒋᑭ ᑭᓄᐛᔨᒥᑯᓇᐛᐤ ᐱᐃᒻ ᒪᔅᑕᔾ ᒋᓯᑲᔨᒐ᙮ ᐊᑯ ᒪᒃ ᒐ ᐱᒪᒋᐃᑕᒄ ᐛᔅ ᐊᐅᑯᓐ ᒧᔅ ᑲ ᐸᒋ ᐃᑕᔨᑕᐧᒃ ᒐ ᐃᑐᑕᑕᒄ᙮

1 ᒠᓐ 2:19

ᐅᒡ ᒪᒃ ᐊᐛᓐᒋ ᓇᒪ ᒋᒋᐛ ᒋ ᐅᒋ ᐎᒐᐅᑯᓄᐅᒡ, ᐊᐅᒄ ᒪᒃ ᐅᔭ ᐛᒋ ᓂᑭᑎᑕᐧᑯᒡ᙮ ᐛᔅ ᑕᐸ ᒋ ᐛᐎᒐᐛᑭᓂᑕᑯᓄᐅᒡ, ᐊᔅᒄ ᒋᐸ ᐎᒐᐅᑯᓄᐅᒡ᙮ ᐊᓂᔭ ᒪᒃ ᑲ ᓂᑭᑎᑕᐧᑯᒡ, ᐊᑯᑕ ᑲ ᐅᒋ ᒥᔪ ᒋᔅᒐᔨᑕᑯᓂᔨᒡ ᐊᑲ ᒋᒋᐛ ᐅᒋ ᐎᒐᐅᑕᐧᑯᒡ᙮

ᒍᑦ 1:1

ᓂᔾ ᒍᑦ, ᒋᒥᔅ ᐎᐧᑲᓂᓴ, ᒋᓴᔅ ᙭ ᓂᑦ ᐊᑐᔅᑯᐛᐤ᙮ ᓂ ᒥᓯᓇᐊᒧᐛᐅᒡ ᐊᓐᒡ ᑲ ᑕᑈᑎᑯᒡ ᑭᔭ ᓇᔅᒡ ᑲ ᓴᒋᐃᑯᒡ ᒋᓴᒪᓂᑐᐛ ᐅᑕᐎᒪᐛ᙮ ᒥᔪ ᑭᓄᐛᔨᒪᑯᐅᒡ ᒋᓴᔅ ᙭ᑕ᙮