20 ᒪᒃ ᐅᒥᒋᑥᐅᒡ ᒋᑭ ᓂᓱᐅᓇᑎᓯᐅᒡ, ᑲ ᐛᐧᑲᑕᒡ ᑎᐸᔨᒋᒐᓱᐛ ᒪᒃ ᑕᐱᔅᑯᓐ ᐅᐎᔨᔪᐅᓄᐛᐤ ᒪᔭᑕᓂᓯᔨᒡ ᒋᑭ ᐃᓯᓇᑯᓯᐅᒡ: ᒋᑭ ᓂᓱᐅᓇᑎᓯᐅᒡ; ᐱᐳᑕᒡ ᒋᑭ ᐃᓯ ᐛᐱᐱᔪᐅᒡ᙮
ᐃᔅᐱ ᑲᒋ ᑕᐸᑕᐧᒃ ᓱᑕᒻ ᑭᔭ ᑯᒧᕋ ᐅᑕᓇᐛ ᑭᔭ ᐊᓐᑕ ᒥᓯᐛ ᑲ ᐱᓴᔨᒡ ᐊᔅᒋᔪᐤ᙮ ᒋ ᐛᐸᑎᒻ ᐊ ᒧᔅᑲᐸᑕᔨᒡ᙮ ᒧᔭᒻ ᐊ ᑕᐸᑕᒋ ᒪᔅᑎ ᐃᔎᑕᒋ᙮
ᐛᔅ ᓂᒋᓯᑲᒪ ᒪᒋᐱᔪᐛ ᒧᔭᒻ ᐊ ᐱᐳᑕᒡ, ᓂᔅᑭᓇ ᑭᔭ ᐃᔎᑕᐛ ᒧᔭᒻ ᐃᔅᑯᑕᑲᓇᐱᔅᒄ᙮
ᒧᔭᒻ ᐊ ᐱᐳᑕᒡ ᐊ ᐛᐸᔅᑎᒡ, ᐊᑯ ᐃᓯ ᐃᒐᑎᓴᐅᒡ; ᒧᔭᒻ ᐱᓴᒂᐃᑭᓐ ᐊ ᐃᓯ ᑎᒋᔅᑕᒡ ᐅᑎᔅᑯᐤ ᐃᔅᑯᑕᒡ, ᐊᑯᔅ ᐅᒥᒋᑥᐅᒡ ᐊᔪᐛᒃ ᒐ ᐃᓯ ᓂᓱᐛᓇᑎᓯᒡ ᐅᑎᔅᑯᐤ ᒋᓴᒪᓂᑐᐛ᙮
ᒪᒃ ᐊᑯᔅ ᐅᑯᐃᔅᑯᑕᑎᓯᐅᒡ ᒋᑭ ᒥᔽᔨᑎᒧᒡ; ᐊᑯᔅ ᒋᑭ ᒧᒋᒐᔨᑎᒧᔅᑐᐛᐅᒡ ᒋᓴᒪᓂᑐᐛ; ᓂᐦᐃ, ᐊᑯᔅ ᓇᔅᒡ ᒋᑭ ᒧᒋᒐᔨᑎᒧᒡ᙮
ᐛᔅ, ᐛᐸᑕ, ᑲ ᐛᐧᑲᑎᔅᒡ, ᐅ ᑎᐸᔨᒋᒐᓱᐤ, ᐛᔅ, ᐛᐸᑕ ᑲ ᐛᐧᑲᑎᔅᒡ ᒋᑭ ᓂᓱᐅᓇᑎᓯᐅᒡ; ᒥᓯᐛ ᑲ ᒥᒐᑎᓱᐤ ᐃᑎᒡ ᒋᑭ ᐛᓯᔄᑎᓴᐛᑭᓄᐅᒡ᙮
ᓇᒪ, ᓂᑐᑎᒧᒄ ᒪ ᒐ ᐃᑎᑎᑯᒡ, ᒧᔭᒻ ᐊᑲ ᒂᔅᑲᑎᓯᔭᒂ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒐ ᐃᓯ ᓂᓱᐅᓇᒋᐃᑯᐅᔭᒄ᙮
ᓇᒪ, ᓂᑐᑎᒧᒄ ᒪ, ᒧᔭᒻ ᐊᑲ ᒂᔅᑲᑎᓯᔭᒂ ᑭᔭ ᒋᔨᐛᐤ ᒋᑭ ᓂᓱᐅᓇᑎᓯᓇᐛᐤ᙮”
ᐛᔅ ᒋᒋᓴᒪᓂᑐᒥᓄᐤ ᒧᔭᒻ ᐃᔅᑯᑕᐤ ᐃᑕᔨᑕᑯᓱᐤ᙮ ᐃᔅᑯᑕᐤ ᒥᓯᐛ ᒐᒂᓐ ᑲ ᓂᓱᐅᓇᒋᑕᒐᒥᑲᒡ ᐊ ᐃᔎᓱᐛᒡ ᐊᐅᑯᓐ ᐊ ᐃᑕᔨᑕᑯᓯᑦ᙮
ᒥᒄ ᐛ ᐃᑎᒡ ᐃᑐᐅᒡ ᐊᐛᓯᓯᒡ᙮ ᐅᒡ ᒪᒃ ᓂᑎᒥᒄ ᒋᔅᑯᑎᒪᒐᓱᐅᒡ ᐊᐅᑯᓐ ᒧᔭᒻ ᐊ ᐃᑕᔨᑕᑯᓯᒡ ᑭᔭ ᐎᔨᐛᐤ᙮ ᒪ ᒥᒋ ᐊᔨᒧᑎᒧᒡ ᐊᓂᔭᔪᐛ ᒐᒂᔪᐛ ᐊᑲ ᓂᔅᑐᑕᒡ᙮ ᒧᔭᒻ ᒪᒃ ᑲ ᐃᓯᐊᑭᓄᐅᑦ ᑯᑎᒃ ᐊᐛᓯᔅ ᒥᒄ ᒐᒋ ᑲᔅᑎᓇᑭᓄᐅᑦ ᑭᔭ ᒐᒋ ᓂᐸᐊᑭᓄᐅᑦ, ᐊᐅᑯᓐ ᒧᔭᒻ ᐊ ᐃᓯᓇᑯᓂᔨᒡ ᑕᓐ ᒐ ᐃᓯ ᐛᐛᓯᐊᑭᓄᐎᒡ ᐅᒡ ᓂᑎᒥᒄ ᒋᔅᑯᑎᒪᒐᓱᐅᒡ᙮