ᑎᐱᑦ ᐅᓂᑭᒧᐅᓇ 36:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐛᐛᓇᔨᑎᒥᑯᐤ ᒪᔭᔨᒐᐅᓂᔪᐤ ᐅᓂᐸᐅᓂᒡ; ᐊᔨᑎᓱᐤ ᐊᑎ ᐊᑲ ᒥᔽᓯᔨᒡ: ᓇᒪᐎᔾ ᐛᐧᑲᑎᒻ ᑲ ᒪᔭᑎᓂᔨᒡ᙮

ᑎᐱᑦ ᐅᓂᑭᒧᐅᓇ 36:4 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 38:12

ᐊᓐᒡ ᑭᔭ ᑲ ᓇᓂᑐᐛᔨᑕᒡ ᓂᐱᒪᑎᓯᐅᓂᔪᐤ ᓂ ᑕᐱᒂᑯᒡ; ᐊᓐᒡ ᑭᔭ ᑲ ᐎᑯᒂᒡ ᐊᐧᑯᐃᒡ ᓂᑕᔨᒧᑎᒪᑯᒡ ᒪᔭᔨᒐᐤ ᒐᒂᓇ, ᑭᔭ ᐃᑕᔨᑎᒧᒡ ᑭᑭᒋᔭᐅᓇ ᒥᓯᐛ ᐃᔅᑭᓐ ᒋᓯᑲᐛ᙮

ᑎᐱᑦ ᐅᓂᑭᒧᐅᓇ 52:3

ᐊᑐᐎᔅ ᒋ ᓴᒋᑕᓐ ᑲ ᒪᔭᑎᒡ ᐃᔅᐱᔅ ᑲ ᒥᔽᓯᒡ, ᑭᔭ ᑭᑭᒋᔭᐅᓐ ᐃᔅᐱᔅ ᒐᒋ ᐃᔭᔨᒧᑎᒥᓐ ᑯᐃᔅᑯᑕᑎᓯᐅᓐ᙮

ᑎᐱᑦ ᐅᓂᑭᒧᐅᓇ 97:10

ᒋᔨᐛᐤ ᑲ ᓴᒋᐊᒃ ᑎᐸᔨᒋᒐᓱᐤ, ᐛᐧᑲᑎᒧᒄ ᑲ ᒪᔭᑎᒡ: ᑭᓄᐛᔨᒥᒪᐤ ᐅᑦ ᐊᒐᐧᑯᔪᐛ ᐅᐸᔭᒋᓯᒪ; ᐎᒂᒋᐊᐤ ᐅᑎᒋᔨᒡ ᐅᒋ ᐅᒥᒋᑥᐛ᙮

ᒪᑎᔪᐤ 27:1

ᐎᐱᒡ ᒪᒃ ᒋᔭᒋᓴᐸᔭᔨᒡ ᒥᓯᐛ ᐊᓐᒡ ᑲ ᓂᑲᓂᔅᑯᐛᒡ ᐊᔭᒥᐊᐅᒋᒪᐛ ᑭᔭ ᐊᓐᒡ ᑲ ᓂᑲᓂᔅᑯᐛᒡ ᒍᐤ ᐃᔪᐛ ᒋ ᒪᒧᐎᔪᐅᒡ ᒐᒋ ᐎᔭᔨᑕᒡ ᑕᓐᑕ ᒐᒋ ᐅᒋ ᓂᐸᐊᑭᓄᔨᒋ ᒋᓴᓴ᙮

ᐊᑈᔅᑕᓇᒡ 23:12

ᐊᓐ ᒪᒃ ᒥᓐ ᐎᔭᐸᒡ ᒋ ᑕᐅᒡ ᒍᐤ ᐃᔪᒡ ᐊ ᒪᒧᐤ ᓂᔅᑯᒧᒡ ᑭᔭ ᐊ ᒪᒧᐤ ᑕᑈᒡ ᐊ ᐃᔅᒋᔄᒡ ᒐᔅᑎᓇᔅ ᒐ ᐊᑲ ᐅᒋ ᒥᒋᓱᒡ ᑭᔭ ᒐ ᐊᑲ ᐛᐛᒡ ᒥᓂᒡ ᒐᒂᔪᐤ ᐸᑐᔅ ᒋ ᓂᐸᐊᑥᐛ ᑈᓚ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 1:32

ᐊᑎ ᐊ ᒋᔅᒐᔨᑕᒡ ᒋᓴᒪᓂᑐᐛ ᐊᒋ ᐃᑕᔨᑎᒥᔨᒋ ᑕᑈ ᐊ ᐃᑕᔨᑕᑯᓂᔨᒡ ᒐᒋ ᓂᐱᔨᒋ ᐊᓂᔭᔪᐛ ᐊᐛᔪᐛ ᐅᔭ ᑲ ᐃᓯ ᒥᒋ ᐱᒪᑎᓯᔨᒋ ᐃᔭᐱᒡ ᐊᑐᐎᔅ ᐃᑐᐅᒡ ᐎᔨᐛᐤ ᑕᓐ ᐛ ᐃᑎᒡ᙮ ᓇᒪ ᒪᒃ ᒥᒄ ᐅᔭ ᐃᑐᐅᒡ, ᓂᓇᐊᔨᑎᒥᐃᑯᐅᒡ ᐊᔪᐤ ᐊᓂᔭᔪᐛ ᐊᐛᔪᐛ ᐅᔭ ᐊ ᐃᓯ ᒥᒋ ᐱᒪᑎᓯᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:9

ᒋᒋᐛ ᓴᒋᐊᐧᑯᒡ ᐊᐛᓐᒋ᙮ ᐛᐧᑲᑎᒧᒄ ᐊᓐ ᒐᒂᓐ ᑲ ᒪᔭᑎᒡ᙮ ᒥᒪᒋᑯᓂᒧᒄ ᐊᓐ ᒐᒂᓐ ᒪᔽᓯᒡ᙮

ᒋᔅᒐᔨᑕᑯᑕᒐᐅᓐ 2:2

ᒋ ᒋᔅᒐᔨᒥᑎᓇᐛᐤ ᒥᓯᐛ ᑕᓐ ᑲ ᐸᒋ ᐃᑎᔭᒄ᙮ ᒋ ᒋᔅᒐᔨᒥᑎᓇᐛᐤ ᑕᓐ ᑲ ᐃᔅᐱᔅ ᒥᔅᑎ ᐊᑐᔅᒐᔭᒄ᙮ ᒋ ᒋᔅᒐᔨᒥᑎᓇᐛᐤ ᑭᔭ ᒧᔅ ᐊᒋ ᓯᐱᔪᐛᓯᔭᒄ ᐊ ᓂᒋᔅᑭᒪᒄ ᒐᒂᓐ᙮ ᓂ ᒋᔅᒐᔨᑕᓐ ᐊᑲ ᓂᑐᐛᔨᒪᒄ ᐊᐛᓐ ᐊ ᒥᒐᑎᓯᑦ ᒐᒋ ᑕᑦ ᐊᓐᑕ ᐊ ᑕᐛᒄ᙮ ᑭᔭ ᔅᒋ ᓂᑐ ᒋᔅᒐᔨᒪᐛᐅᒡ ᐊᓐᒡ ᑲ ᐃᔅᒋᔄᒡ ᐊᑈᔅᑕᓇᒡ ᐊ ᐃᑕᐱᑎᓯᒡ᙮ ᐊᓐᒡ ᒪᒃ ᑲ ᒥᔅᑯᐛᑯᒡ ᐊ ᑭᑭᒋᔭᒡ, ᓇᒪ ᒋ ᐅᒋ ᐱᔅᑎᓇᐛᐅᒡ ᒐᒋ ᑕᒡ ᐊᓐᑕ ᒥᓯᑕ ᐊ ᑕᔭᒄ᙮