ᑎᐱᑦ ᐅᓂᑭᒧᐅᓇ 35:27 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁷ ᐊᑯᔅ ᒪᒃ ᒋᓇᒋᔄᐛᑕᑈᐛᒡ ᐊ ᐃᔅᐱᔅ ᒥᔽᔨᑕᒡ ᑭᔭ ᐊᓯᒋᔭᓯᒡ, ᑲ ᒥᔽᔨᑕᒡ ᓂᑯᐃᔅᑯᑐᓂᔪᐤ, ᐊᑯᔅ ᒧᔅ ᒋᑭ ᐃᔅᒋᔄᐛᒡ, “ᐊᑯᔅ ᑎᐸᔨᒋᒐᓱᐤ ᒋᑭ ᒋᔅᑕᒋᒪᑭᓄᐤ, ᑲ ᒥᔽᔨᑎᒺᑦ ᐅᒥᔽᐱᒪᑎᓯᐅᓂᔪᐤ ᐅᑦ ᐊᑐᔅᒐᔭᑭᓇ᙮”

ᑎᐱᑦ ᐅᓂᑭᒧᐅᓇ 35:27 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 132:16

ᑭᔭ ᐱᒪᒋᐃᐛᐅᓂᔪᐤ ᓂᑭ ᒋᔅᑭᒧᑎᔨᒪᐛ ᐅᐱᔅᑎᓂᒐᐅ-ᐃᔨᒪ: ᑭᔭ ᐅᐸᔭᒋᓯᒪ ᒋᑭ ᒋᔄᐛᔪᐛ ᐊᑕᑈᔨᒋ ᐊ ᒧᒋᒐᔨᑎᒥᔨᒋ᙮

ᑎᐱᑦ ᐅᓂᑭᒧᐅᓇ 132:9

ᐊᑯᔅ ᒋᐱᔅᑎᓂᒐᐅ-ᐃᔨᒥᒡ ᒋᑭ ᐎᔭᑎᒧᒡ ᑯᐃᔅᑯᑕᑎᓯᐅᓂᔪᐤ; ᑭᔭ ᒋᐸᔭᒋᓯᒥᒡ ᒋᑭ ᒋᔄᐛᐅᒡ ᐊᑕᑈᒡ ᐊ ᒧᒋᒐᔨᑕᒡ᙮”

ᑎᐱᑦ ᐅᓂᑭᒧᐅᓇ 142:7

ᐎᐎᑕᐃ ᓂᑦ ᐊᒐᐧᒄ ᒋᐸᐅᑐᒋᐛᐱᒡ ᐅᒡ, ᒐᒋ ᒪᒥᒋᑕᒪᓐ ᒋᑦ ᐃᓯᓂᐧᑲᓱᐅᓐ᙮ ᐅᑯᐃᔅᑯᑕᑎᓯᐅᒡ ᓂᑭ ᐛᔅᑲᔅᑲᑯᒡ; ᐛᔅ ᒋᑭ ᒋᓴᐛᑐᑐᐅᓐ᙮

ᑎᐱᑦ ᐅᓂᑭᒧᐅᓇ 147:11

ᑎᐸᔨᒋᒐᓱᐤ ᒥᔽᔨᒪᐤ ᐊᓂᔭᔪᐛ ᑲ ᓇᓂᒋᔅᑕᑯᑦ, ᐊᓂᔭᔪᐛ ᑲ ᐊᔅᐸᔨᒧᔨᒋ ᐅᓱᐛᔨᒋᒐᐅᓂᒡ᙮

ᑎᐱᑦ ᐅᓂᑭᒧᐅᓇ 149:4

ᐛᔅ ᑎᐸᔨᒋᒐᓱᐤ ᒥᔽᔨᒪᐤ ᐅᑦ ᐃᔨᒪ: ᒋᑭ ᒥᔪᓇᑯᐊᐤ ᐅᔪᔅᑲᑎᓱᐛ ᐱᒪᒋᐃᐛᐅᓂᔪᐤ ᐅᒋ᙮

ᑎᐱᑦ ᐅᓂᑭᒧᐅᓇ 32:11

ᓯᒋᔭᓯᔅᑕᐧᒄ ᑎᐸᔨᒋᒐᓱᐤ, ᒥᔽᔨᑎᒧᒄ ᒪᒃ, ᒋᔨᐛᐤ ᑲ ᑯᐃᔅᑯᑕᑎᓯᔭᒄ: ᒋᔄᐛᒄ ᐊ ᑕᑈᔭᒄ ᒪᒃ ᐊᔅᐱᔅ ᒥᔽᔨᑎᒪᒄ, ᒥᓯᐛ ᒋᔨᐛᐤ ᑲ ᑯᐃᔅᑯᑕᐊᔭᒄ᙮

ᑎᐱᑦ ᐅᓂᑭᒧᐅᓇ 34:4

ᓂᒋ ᓇᓂᑐᐛᔨᒪᐤ ᑎᐸᔨᒋᒐᓱᐤ, ᓂᒋ ᓂᑐᑕᒄ ᒪᒃ, ᑭᔭ ᓂᒋ ᐎᒂᒋᐃᒄ ᒥᓯᐛ ᓂᑯᔅᑕᒋᐅᓇ ᐅᒡ᙮

ᑎᐱᑦ ᐅᓂᑭᒧᐅᓇ 40:16

ᐊᑯᔅ ᒥᓯᐛ ᑲ ᓇᓂᑐᐛᔨᒥᔅᒡ ᒋᑭ ᒥᔽᑎᑯᒡ ᑭᔭ ᓯᒋᔭᓯᔅᑕᑯᒡ: ᐊᑯᔅ ᐊᓐᒡ ᑲ ᓴᒋᑕᒡ ᒋ ᐱᒪᒋᐃᐛᐅᓂᔪᐤ ᒧᔅ ᒋᑭ ᐃᔅᒋᔄᐅᒡ, “ᑎᐸᔨᒋᒐᓱᐤ ᒋᑭ ᐎ ᒋᔅᑕᒋᒪᑭᓄᐤ᙮”

ᑎᐱᑦ ᐅᓂᑭᒧᐅᓇ 40:17

ᒪᒃ ᓂᔾ ᓂ ᒋᔅᑎᒪᑎᓯᓐ ᑭᔭ ᓂ ᐛᐛᓇᔨᑕᓐ; ᐃᔭᐱᒡ ᒪᒃ ᑎᐸᔨᒋᒐᓱᐤ ᓂᒪᒥᑐᓇᔨᒥᒄ: ᒋᔾ ᒋ ᐎᒋᐃᓐ ᑭᔭ ᒋ ᐱᒪᒋᐃᔨᓐ; ᐊᑲᐎᔾ ᒋᐱᒋ, ᐅ ᓂᒋᓴᒪᓂᑐᒻ᙮

ᑎᐱᑦ ᐅᓂᑭᒧᐅᓇ 68:3

ᒪᒃ ᐊᑯᔅ ᐅᑯᐃᔅᑯᑕᑎᓯᐅᒡ ᒋᑭ ᒥᔽᔨᑎᒧᒡ; ᐊᑯᔅ ᒋᑭ ᒧᒋᒐᔨᑎᒧᔅᑐᐛᐅᒡ ᒋᓴᒪᓂᑐᐛ; ᓂᐦᐃ, ᐊᑯᔅ ᓇᔅᒡ ᒋᑭ ᒧᒋᒐᔨᑎᒧᒡ᙮

ᑎᐱᑦ ᐅᓂᑭᒧᐅᓇ 70:4

ᐊᑯᔅ ᐊᓐᒡ ᑲ ᓇᓂᑐᐛᔨᒥᔅᒡ ᒋᑭ ᒥᔽᔨᑎᒧᒡ ᑭᔭ ᒋᑭ ᓯᒋᔭᓱᐅᒡ: ᐊᑯᔅ ᑭᔭ ᐊᓐᒡ ᑲ ᓴᒋᑕᒡ ᒋ ᐱᒪᒋᐃᐛᐅᓂᔪᐤ ᓇᓂᑎᒻ ᒋᑭ ᐃᔅᒋᔄᐅᒡ, “ᐊᑯᔅ ᒋᓴᒪᓂᑐᐤ ᒋᑭ ᒋᔅᑕᒋᒪᑭᓄᐤ !”

ᑎᐱᑦ ᐅᓂᑭᒧᐅᓇ 9:4

ᐛᔅ ᔅᒋ ᒥᔪ ᐃᑕᔨᑕᑯᑕᓐ ᓂᑦ ᐃᑕᔨᑕᑯᓱᐅᓐ ᑭᔭ ᓂᑦ ᐃᑕᑎᓯᐅᓐ; ᔅᒋ ᐊᐱᓐ ᒋᓴᐅᒋᒪᐤ ᑕᑎᐳᐛᑭᓂᒡ ᑯᐃᔅᒄ ᐊ ᑎᐸᔅᑯᓂᒐᔨᓐ᙮

ᒠᓐ 16:22

ᐊᐅᑯᓐ ᒪᒃ ᒧᔭᒻ ᑭᔭ ᒋᔨᐛᐤ, ᐊᓄᒡ ᒋ ᒥᓯᒪᔨᑕᓇᐛᐤ᙮ ᒥᒄ ᒪᒃ ᐃᔅᐱᔅ ᒥᓐ ᐛᐱᒥᑎᑯᒐ ᓇᔅᒡ ᑕᑈ ᒋᑭ ᒥᔽᔨᑕᓇᐛᐤ᙮ ᓇᒪ ᒪᒃ ᐊᐛᓐ ᒋᑭ ᐅᒋ ᐃᑐᑕᑯᐛᐤ ᒐᒋ ᒥᔅᑭᒥᑕᒄ ᒋᒧᒋᒐᔨᑎᒧᐅᓄᐛᔪᐤ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 12:15

ᐎᒋ ᒥᔽᔨᑎᒧᒪᐧᑯᒡ ᐊᓐᒡ ᑲ ᒥᔽᔨᑕᒡ᙮ ᐎᒋ ᒥᓯᒪᔨᑎᒧᒪᐧᑯᒡ ᐊᓐᒡ ᑲ ᒥᓯᒪᔨᑕᒡ᙮

1 ᑯᕆᓐᑎᔭᓇ 12:26

ᑎᒂᒐ ᐊ ᐃᓯ ᐊᐧᑯᓯᒥᑲᒡ ᐊᓐ ᒥᔪᐤ, ᒥᓯᐛ ᐊ ᐃᔅᐱᓴᒡ ᒥᔪᐤ ᒋᑭ ᒧᓯᑕᒐᒥᑭᓐ᙮ ᑭᔭ ᐸᐃᒄ ᐱᔅᒐᓯᐅᓐ ᐊᓐᑕ ᒥᔭᒡ ᒥᔪᐧᑲᑭᓄᐅᒐ, ᒥᓯᐛ ᐊ ᐃᔅᐱᓴᒡ ᐊᓐ ᒥᔪᐤ ᒋᑭ ᒥᔽᔨᒧᒥᑭᓐ᙮