ᑎᐱᑦ ᐅᓂᑭᒧᐅᓇ 34:11 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹ ᐊᔅᑎᒥᒄ, ᐊᐛᓯᑐᒄ, ᓂᑐᑐᐅᒄ: ᒋᑭ ᒋᔅᑯᑎᒪᑎᓇᐛᐤ ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 34:11 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 107:9

ᐛᔅ ᑕᐸᔨᑕᒥᐊᐤ ᑲ ᑲᔅᒐᔨᑎᒥᔨᒋ ᐊᒐᒂ, ᑭᔭ ᒋᔅᐳᐊᐤ ᑲ ᓄᑕᐧᑭᑕᔨᒋ ᐊᒐᒂ ᒥᔪᑐᑕᒐᐅᓂᔪᐤ ᐅᒡ᙮

ᑎᐱᑦ ᐅᓂᑭᒧᐅᓇ 111:10

ᐅᓇᓂᒋᔅᑕᑯᓯᐅᓐ ᑎᐸᔨᒋᒐᓱᐤ ᐊᑯᑕ ᐛᒋ ᒋᒋᐱᔨᒡ ᑭᒐᑕᐛᔨᑎᒧᐅᓐ: ᒥᔪ ᓂᔅᑐᑎᒧᐅᓂᔪᐤ ᐊᔭᐅᒡ ᒥᓯᐛ ᐊᓐᒡ ᑲ ᐃᑐᑎᒺᒡ ᐅᑦ ᐃᑎᓱᐛᐅᓂᔨᐛ: ᐅᒪᒥᒋᒥᑯᓯᐅᓐ ᑲᒋᒡ ᑎᑯᓂᔪᐤ᙮

ᑎᐱᑦ ᐅᓂᑭᒧᐅᓇ 112:3

ᐛᔪᑎᓯᐅᓂᔪᐤ ᑭᔭ ᒥᓯᒋᓯᐅᓂᔪᐤ ᒋᑭ ᑎᑯᓂᔪᐤ ᐎᒋᒡ, ᑭᔭ ᐅᑯᐃᔅᑯᑕᑎᓯᐅᓐ ᑲᒋᒡ ᒋᑭ ᑎᑯᓂᔪᐤ᙮

ᑎᐱᑦ ᐅᓂᑭᒧᐅᓇ 23:1

ᑎᐸᔨᒋᒐᓱᐤ ᐊᐅᒄ ᓂᒪᔭᑕᓂᓯᐅ-ᐃᔨᒻ; ᓇᒪ ᒐᒂᓐ ᓂᑭ ᐛᐛᓇᔨᑕᓐ᙮

ᑎᐱᑦ ᐅᓂᑭᒧᐅᓇ 32:8

ᒋᑭ ᐎᑎᒪᑎᓐ, ᑭᔭ ᒋᑭ ᒋᔅᑯᑎᒪᑎᓐ ᐊᓐᑕ ᒐ ᐃᑐᑕᔨᓐ: ᒋᑭ ᒋᔅᒋᓄᑕᔨᑎᓐ ᓂᔅᒋᓯᒄ ᐅᒡ᙮

ᑎᐱᑦ ᐅᓂᑭᒧᐅᓇ 66:16

ᐸᒋ ᓂᑐᒥᑎᐧᒄ, ᒥᓯᐛ ᒋᔨᐛᐤ ᑲ ᓇᓂᒋᔅᑐᐛᒄ ᒋᓴᒪᓂᑐᐤ, ᓂᑭ ᐎᑕᓐ ᒪᒃ ᑲ ᐃᑐᑐᐛᑦ ᓂᑦ ᐊᒐᒂ᙮

ᒠᓐ 13:33

“ᓂᑦ ᐊᐛᓯᒥᑎᒄ, ᓴᔅ ᓇᒪ ᓇᐅᔅ ᓂᑭ ᐅᒋ ᑕᓐ ᐅᑕ ᐊ ᑕᔭᒄ᙮ ᒋᑭ ᐸᒋ ᓇᓂᑐᐛᐱᒥᓇᐛᐤ, ᒥᒄ ᒪᒃ ᒋᑭ ᐎᑎᒪᑎᓇᐛᐤ ᑕᓐ ᑲ ᐃᓯ ᐎᑎᒧᐅᒂᐤ ᐊᓐᒡ ᒍᐤ ᐃᔪᐛ ᑲ ᓂᑲᓂᔅᑯᐛᒡ, ᓇᒪ ᒋᑭ ᒋ ᐃᑐᑕᓇᐛᐤ ᐊᓐᑕ ᒐ ᐃᑐᑕᔭᓐ᙮”

2 ᑎᒧᑎ 3:15

ᐛᔅ ᒋ ᒋᔅᒋᓯᓇᒐ ᒪᒂᒡ ᐊ ᐊᐛᓯᐎᔨᓐ ᓴᔅ ᔅᒋ ᒋᔅᑯᑎᒪᑯᐅᓐ ᑕᓐ ᑲ ᐃᓯ ᒥᓯᓇᐃᑭᓄᐎᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ᙮ ᐊᑯᑕ ᑲ ᐅᒋ ᐊᔭᔨᓐ ᑭᒐᑕᐛᔨᑎᒧᐅᓐ ᒐᒋ ᒋᔅᒐᔨᑎᒥᓐ ᐊ ᑕᑈᔭᔨᒪᑦ ᐊᐛᓐ ᙭ ᒋᓴᓴ ᐊᑯᑕ ᒐᒋ ᐅᒋ ᐱᒪᒋᐅᑦ᙮