ᑎᐱᑦ ᐅᓂᑭᒧᐅᓇ 25:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒥᓯᐛ ᐅᒪᔅᑭᓄᐛ ᑎᐸᔨᒋᒐᓱᐤ ᒋᔅᑎᒪᒐᔨᒐᐅᓄᐎᔪᐛ ᑭᔭ ᑕᑈᐅᓄᐎᔪᐛ, ᐊᓂᔭᔪᐛ ᐅᒡ ᑲ ᑭᓄᐛᔨᑎᒥᔨᒋ ᐅᓂᔅᑯᒥᑐᐅᓐ ᑭᔭ ᐅᑎᐸᒋᒧᐅᓇ᙮

ᑎᐱᑦ ᐅᓂᑭᒧᐅᓇ 25:10 ပူးပေါင်းရင်းမြစ်များ

ᒐᓂᓯᔅ 17:1

ᐸᐃᑯᔅᑕᐤ ᑕᑐᔪᐤ ᐊᓱ ᐸᐃᑯᔅᑕᐤ ᒋ ᐃᑕᑐᐳᓇᓱᐤ ᐊᑉᕋᒻ ᒥᓐ ᑲ ᓄᑯᓯᔅᑕᑯᑦ ᑎᐸᔨᒋᒐᓱᐛ ᑭᔭ ᒂ ᐃᑎᑯᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊ ᐃᓯ ᓱᐧᑲᑎᓯᑦ᙮ ᓂᑐᑐᐎᓇ ᑭᔭ ᓇᓂᑎᒻ ᑯᐃᔅᒄ ᐃᑐᑎᒥᓇ,

ᒐᓂᓯᔅ 24:27

ᐊ ᐃᔅᒋᔄᑦ, “ᒋ ᓂᔅᑯᒥᑎᓐ ᑎᐸᔨᒋᒐᓱᐤ, ᓄᒋᒪᒻ ᐊᑉᕋᐊᒻ ᐅᒋᓴᒪᓂᑐᒪ, ᔅᒋ ᑭᓄᐛᔨᑕᓐ ᒋᑦ ᐊᓱᑎᒪᒐᐅᓐ ᑭᔭ ᔅᒋ ᒥᔭᐤ ᑲ ᐃᓯ ᓂᑐᐛᔨᑕᐧᒄ ᓄᒋᒪᒻ ᐊᑉᕋᐊᒻ᙮ ᑯᐃᔅᒄ ᔅᒋ ᐃᑐᑕᔨᓐ ᐊ ᑕᔨᒋ ᓄᒋᒪᒻ ᐎᐧᑲᓂᓴ᙮”

ᒐᓂᓯᔅ 5:24

ᓇᓂᑎᒻ ᐊ ᒥᔪᐎᒐᐛᑦ ᒋᓴᒪᓂᑐᐛ ᐃᓄᒃ, ᐊᑯ ᓇᒪ ᐅᒋ ᓄᑯᓱᐤ, ᐛᔅ ᒋᓴᒪᓂᑐᐛ ᐊᒋ ᐅᑎᓂᑯᑦ᙮

ᑎᐱᑦ ᐅᓂᑭᒧᐅᓇ 138:7

ᐊᑎ ᑕᑕᐅᒡ ᐊᔨᒥᓯᐅᓂᒡ ᐱᒧᑕᔭᓐ, ᒋᑭ ᒋᓯᐎᓯᔨᓐ: ᒋᑭ ᓱᐅᓂᔅᒐᔨᔅᑕᒺᓐ ᐅᑦ ᐊᐧᑯᔪᐛᓱᐅᓄᐛᐤ ᑲ ᐛᐧᑲᓯᒡ, ᑭᔭ ᒋᒥᔪᐅᓐ ᓂᑭ ᐱᒪᒋᐃᑯᓐ᙮

ᑎᐱᑦ ᐅᓂᑭᒧᐅᓇ 33:4

ᐛᔅ ᐅᑦ ᐃᔨᒧᐅᓐ ᑎᐸᔨᒋᒐᓱᐤ ᑯᐃᔅᑯᓂᔪᐤ; ᒥᓯᐛ ᒪᒃ ᐅᑦ ᐊᑐᔅᒐᐅᓇ ᑕᑈᐅᓂᒡ ᐃᓯ ᐃᑐᑎᒻ᙮

ᑎᐱᑦ ᐅᓂᑭᒧᐅᓇ 40:11

ᐊᑲᐎᔾ ᒥᒋᒥᓂᒧᐎ ᒋ ᔪᔅᐱ ᒋᔅᑎᒪᒐᔨᒋᒐᐅᓐ, ᐅ ᑎᐸᔨᒋᒐᓱᐤ: ᐊᑯᔅ ᒋ ᓴᒋᐃᐛᐤ ᒋᓴᐛᑎᓯᐅᓐ ᑭᔭ ᒋᑕᑈᐅᓐ ᒧᔅ ᓂᑭ ᑭᓄᐛᔨᒥᑯᓐ᙮

ᑎᐱᑦ ᐅᓂᑭᒧᐅᓇ 50:23

ᐊᐛᓐ ᑲ ᒪᒥᒋᒧᐛᑦ ᓂ ᒋᔅᑕᒋᒥᒄ: ᐊᓐ ᑭᔭ ᑯᐃᔅᒄ ᑲ ᐅᔭᔅᑕᑦ ᐅᑦ ᐃᑕᑎᓯᐅᓐ, ᓂᑭ ᐛᐸᑎᔭᐤ ᒋᓴᒪᓂᑐᐛ ᐅᐱᒪᒋᐃᐛᐅᓂᔪᐤ᙮”

ᑎᐱᑦ ᐅᓂᑭᒧᐅᓇ 57:3

ᒋᒋᒋᓯᑯᒡ ᒋᑭ ᐅᒋ ᐸᒋᑎᓴᐅᐛᐤ, ᓂᑭ ᐱᒪᒋᐃᒄ ᒪᒃ ᐅᒋᑐᓱᐛᐅᓂᔪᐤ ᐅᒋ ᑲ ᐎ ᒥᓱᐛᐸᔨᐃᔨᒋ᙮ ᒋᓴᒪᓂᑐᐤ ᒋᑭ ᐸᑎᓴᐅᒻ ᐅᓱᐛᔨᒋᒐᐅᓐ ᑭᔭ ᐅᑕᑈᐅᓐ᙮

ᑎᐱᑦ ᐅᓂᑭᒧᐅᓇ 85:10

ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ ᒋ ᓂᒋᔅᑲᑐᒥᑭᓇ; ᑯᐃᔅᑯᑕᑎᓯᐅᓐ ᑭᔭ ᒋᔭᒪᔨᑎᒧᐅᓐ ᒋ ᐅᒐᒥᑐᒥᑭᓇ᙮

ᑎᐱᑦ ᐅᓂᑭᒧᐅᓇ 89:14

ᑲ ᐎᓱᐛᐛᔨᑕᒂᒡ ᐃᔅ ᑭᔭ ᐃᑎᔅᑕᐤ ᒋᒋᓴᐅᒋᒪᐅ-ᑕᑎᐳᐛᓂᒡ: ᒋᔅᑎᒪᒐᔨᒋᒐᐅᓐ ᑭᔭ ᑕᑈᐅᓐ ᒋᑭ ᓂᑲᓂᐸᔨᔅᑕᑯᓐ᙮

ᑎᐱᑦ ᐅᓂᑭᒧᐅᓇ 91:14

“ᐊᒋ ᓴᒋᐃᑦ, ᓂᑭ ᐱᒪᒋᐊᐤ: ᓂᑭ ᓇᐃᐱᐊᐤ ᐃᔅᐱᒥᒡ, ᐊᒋ ᒋᔅᒐᔨᑕᐧᒃ ᓂᑦ ᐃᓯᓂᐧᑲᓱᐅᓂᔪᐤ᙮

ᑎᐱᑦ ᐅᓂᑭᒧᐅᓇ 98:3

ᓇᒪ ᐅᒋ ᐅᓂᒋᔅᒍᐤ ᒐ ᒋᓴᐛᑐᑐᐛᑦ ᑭᔭ ᒐ ᑕᑈᐅᓯᔅᑐᐛᑦ ᐃᔅᕋᐃᓚ ᒥᓯᐛ ᐊᑎᓯᔨᒋ; ᒥᓯᐛ ᐊ ᐊᑎ ᐃᔎᔭᔨᒡ ᐊᔅᒋᔪᐤ ᒋ ᐛᐸᑕᑭᓄᐎᔪᐤ ᐅᐱᒪᒋᐃᐛᐅᓐ ᒋᒋᓴᒪᓂᑐᒥᓄᐤ᙮

ᒠᓐ 1:14

ᐊᓐ ᒪᒃ ᐃᔨᒧᐅᓐ ᐃᔪᐤ ᒋ ᐃᓯᓇᑯᐊᑭᓄᐤ᙮ ᐊᓐ ᑲ ᓴᑭᔅᒋᓇᔅᑲᑯᑦ ᒋᓴᐛᑎᓯᐅᓂᔪᐤ ᑭᔭ ᑕᑈᐅᓂᔪᐤ, ᔅᒋ ᐎᒋᒥᑯᓄᐤ ᐅᑕ ᐊᔅᒋᒡ᙮ ᔅᒋ ᐛᐱᒪᓄᐤ ᒪᒃ ᐊ ᒋᔅᑕᔨᑕᑯᓯᑦ ᒧᔭᒻ ᐊ ᐃᔅᐱᔅ ᒋᔅᑕᔨᑕᑯᓯᔨᒋ ᒋᓴᒪᓂᑐᐛ ᐊᓂᔭᔪᐛ ᐅᑕᐎᔭ ᐛᔅ ᐎᔾ ᒥᒄ ᐸᐃᑯᓱᐤ ᐊ ᐅᑯᓯᑐᑕᑯᑦ ᒋᓴᒪᓂᑐᐛ᙮

ᒠᓐ 1:17

ᒋᓴᒪᓂᑐᐤ ᒋ ᐊᐱᒋᐊᐤ ᐊᓂᔭᐧᑲ ᒧᓱᓴ ᒐᒋ ᐎᑎᒧᐛᔨᒋ ᐃᔪᐛ ᐅᐎᓱᐛᐅᓇ᙮ ᑭᔭ ᒋᓴᔅ ᙭ᑕ ᒋ ᐊᐱᒋᐊᐤ ᒐᒋ ᓄᑯᑕᔨᒋ ᐅᑕᑈᐅᓐ ᑭᔭ ᐅᒋᓴᐛᑎᓯᐅᓐ᙮

ᐊᑈᔅᑕᓇᒡ 10:35

ᒪᒃ ᒥᓯᐛ ᐊ ᐃᑎᔅᑲᓇᓯᔨᒋ ᐃᔪᐛ ᐅᒡ ᐊᓂᔭ ᑲ ᓇᓂᒋᔅᑕᑯᑦ ᑭᔭ ᑲ ᐃᑐᑎᒥᔨᒋ ᑯᐃᔅᑯᑕᑎᓯᐅᓂᔪᐤ ᐊᐅᑯᓂ ᐛᑎᓇᑦ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 2:13

ᐛᔅ ᑕᐸ ᐊᓐᑕ ᐊ ᐸᑕᐧᒃ ᐊᐛᓐ ᒧᓱᓴ ᐅᐎᓱᐛᐅᓂᔪᐤ ᒋᑭ ᐅᒋ ᑯᐃᔅᑯᓇᑯᓱᐤ ᒋᓴᒪᓂᑐᐛ ᐃᔅ ᐊ ᑕᔨᒋ᙮ ᐃᑐᑕᒐ ᑕᓐ ᐊ ᐃᑎᔅᑕᔨᒡ ᐊᓐᑕ ᐊᑯᑕ ᒐ ᐅᒋ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐃᔅ ᐊ ᑕᔨᒋ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 8:28

ᒋ ᒋᔅᒐᔨᑕᓇᓄᐤ ᒪᒃ ᒥᓯᐛ ᒐᒂᔪᐛ ᐊ ᐃᔅᐱᔨᒋ ᐅᐱᒪᑎᓯᐅᓂᔨᒡ ᐊᓂᔭᔪᐛ ᑲ ᓴᒋᐃᑯᑦ ᒋᓴᒪᓂᑐᐤ, ᐃᑐᑎᒧᐛᐤ ᒥᓯᐛ ᒐᒋ ᒥᔪᑐᑕᑯᔨᒋ᙮ ᐊᐅᑯᓐ ᐊ ᐃᑐᑎᒧᐛᑦ ᐊᓂᔭᔪᐛ ᐎᔾ ᑲ ᐃᑕᔨᑕᐧᒃ ᒐᒋ ᐅᑎᓇᑦ ᒐᒋ ᐅᑦ ᐃᔨᒥᑦ᙮

ᐃᑉᕈᐛ 12:14

ᓱᒃ ᑯᒋᑕᒄ ᒐᒋ ᐃᓯ ᐱᒪᑎᓯᔭᒄ ᒐᒋ ᒥᔪ ᐎᒐᐛᑯᒡ ᑯᑎᑭᒡ ᐊᐛᓐᒋ᙮ ᓱᒃ ᑯᒋᑕᒄ ᑯᐃᔅᒄ ᒐᒋ ᐃᓯ ᐱᒪᑎᓯᔭᒄ᙮ ᐛᔅ ᑕᐸ ᒋᑭ ᒋ ᓇᑕᐤ ᐊᐛᓐ ᒋᓴᒪᓂᑐᐛ ᐊᑲ ᑯᐃᔅᑯᑕᑎᓯᒐ᙮

ᒋᒥᔅ ᐅᒥᓯᓇᐊᒪᒐᐅᓐ 5:11

ᐛᔅ ᑕᑈ ᓱᐛᔨᑕᑯᓱᐅᒡ ᒋᑦ ᐃᑕᔨᒪᓄᐅᒡ ᐊᓐᒡ ᐊᑲ ᐅᒋ ᐳᓂᒡ᙮ ᔅᒋ ᐸᑕᓇᐛᐤ ᑕᓐ ᑲ ᐃᔅᐱᔅ ᓯᐱᔪᐛᓯᑦ ᒠᑉ ᒪᒂᒡ ᑲ ᐊᔨᒥᐅᑦ᙮ ᒋ ᒋᔅᒐᔨᒪᓄᐤ ᒪᒃ ᑕᓐ ᑲ ᐃᓯ ᒥᔪᐱᔨᑎᒪᑯᑦ ᐅᑎᐸᔨᒋᒐᐛ ᐃᔅᐱ ᑲᒋ ᐃᓯ ᐊᔨᒥᐅᑦ᙮ ᓴᑭᔅᒋᓇᔅᑲᑯᐤ ᒋᓴᐛᑎᓯᐅᓂᔪᐤ ᐅᑎᐸᔨᒋᒐᐤ ᑭᔭ ᓴᑭᔅᒋᓇᔅᑲᑯᐤ ᐊ ᒋᔅᑎᒪᒐᔨᒪᑦ ᐊᐛᔪᐛ᙮