ᑎᐱᑦ ᐅᓂᑭᒧᐅᓇ 24:4 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴ ᐊᓐ ᑲ ᐸᔭᒋᔅᑕᒐᑦ, ᑭᔭ ᑲ ᐸᔭᒋᑕᐊᑦ; ᐊᑲ ᑲᒋ ᐃᓯ ᐅᐱᓇᑦ ᐅᑦ ᐊᒐᒂ ᒋᔎᐅᓂᒡ, ᐊᑲ ᑭᔭ ᑲᒋ ᐃᔅᒋᔄᑦ ᑭᑭᒋᔭᓯᐅᓂᒡ᙮

ᑎᐱᑦ ᐅᓂᑭᒧᐅᓇ 24:4 ပူးပေါင်းရင်းမြစ်များ

ᒐᓂᓯᔅ 6:5

ᐊᑯ ᑎᐸᔨᒋᒐᓱᐤ ᒂ ᐛᐱᒪᑦ ᐃᔪᐛ ᓇᔅᒡ ᐊ ᒥᒋᑥᔨᒋ ᐅᑕ ᐊᔅᒋᒡ, ᑭᔭ ᐊᓯᑯᒻ ᒥᒋ ᐃᑕᔨᑎᒧᐅᓂᔪᐤ ᒥᒄ ᒋ ᑎᑯᓂᔪᐤ ᐅᑕᐃᐛᒡ᙮

ᑎᐱᑦ ᐅᓂᑭᒧᐅᓇ 143:8

ᑐᑐᐎ ᒐᒋ ᐸᑎᒪᓐ ᒋᓴᒋᐃᐛᐤ ᒋᓴᐛᑎᓯᐅᓐ ᒋᔭᒋᓴᐸᔭᒋ; ᐛᔅ ᒋᔾ ᒋ ᒪᒥᓯᑐᑕᑎᓐ; ᒋᔅᒐᔨᑎᒥᐃ ᐊᓐᑕ ᒐ ᐱᒧᑕᔭᓐ; ᐛᔅ ᒋᑦ ᐅᐱᓇᒪᑎᓐ ᓂᑦ ᐊᒐᐧᒄ᙮

ᑎᐱᑦ ᐅᓂᑭᒧᐅᓇ 15:4

ᐊᓐ ᐅᔅᒋᓯᑯᒡ ᑲ ᒪᔭᓯᓄᐛᑦ ᒥᒋᐃᔪᐛ; ᒪᒃ ᑲ ᒋᔅᑕᔨᒪᑦ ᐊᓂᔭ ᑲ ᓇᓂᒋᔅᑐᐛᔨᒋ ᑎᐸᔨᒋᒐᓱᐛ᙮ ᐊᓐ ᐊ ᒋᒋᐃᔅᒋᔄᑦ, ᐊᑎ ᐊᐧᑯᐃᑯᑦ, ᓇᒪᐎᔾ ᒂᔅᒋᑐᑎᒻ᙮

ᑎᐱᑦ ᐅᓂᑭᒧᐅᓇ 18:20

ᑎᐸᔨᒋᒐᓱᐤ ᓂᒋ ᑎᐸᐊᒪᒃ ᐊ ᐃᓯ ᑯᐃᔅᑯᑕᑎᓯᔭᓐ; ᐊ ᐃᓯ ᐸᔭᒋᒋᒐᔭᓐ ᓂᒋ ᑕᐱ ᒥᔨᒃ᙮

ᑎᐱᑦ ᐅᓂᑭᒧᐅᓇ 25:1

ᒋᔾ, ᐅ ᑎᐸᔨᒋᒐᓱᐤ, ᒋᑦ ᐅᐱᓂᒪᑎᓐ ᓂᑦ ᐊᒐᐧᒄ᙮

ᑎᐱᑦ ᐅᓂᑭᒧᐅᓇ 26:6

ᓂᑭ ᒋᔅᑕᐸᐅᑕᓐ ᓂᑎᒋᔭ ᐸᔭᒋᓯᔪᐅᓂᒡ: ᐊᑯ ᒐ ᐛᔅᑲᔅᑲᒪᓐ ᒋᐱᔅᑎᓂᒐᐅᓇᐱᔅᒄ, ᐅ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 51:10

ᐅᓯᑕᒧᐎ ᐱᒋᔪᐤ ᐸᔭᒋ ᒥᑕᐃ; ᑭᓄᐛᐃᑎᒧᐎ ᒪᒃ ᑯᐃᔅᒄ ᐊᒐᐧᒄ ᒐᒋ ᐱᒋᔅᑯᐎᑦ᙮

ᑎᐱᑦ ᐅᓂᑭᒧᐅᓇ 51:12

ᒋᐛ ᒥᔨ ᒥᔽᔨᑎᒧᐅᓐ ᑲ ᐅᒋᐱᔨᒡ ᒋᐱᒪᒋᐃᐛᐅᓂᒡ; ᓯᑐᓂ ᒪᒃ ᒋ ᒥᔪ ᐊᒐᐧᒄ ᐅᒡ᙮

ᑎᐱᑦ ᐅᓂᑭᒧᐅᓇ 73:1

ᑕᑈ ᒋᓴᒪᓂᑐᐤ ᒥᔪᑐᑐᐛᐤ ᐃᔅᕋᐃᓚ, ᐊᓂᔭ ᐅᑎ ᑲ ᐸᔭᒋᑕᐊᔨᒋ᙮

ᒪᑎᔪᐤ 5:8

ᓱᐛᔨᑕᑯᓱᐅᒡ ᐊᓐᒡ ᑲ ᐸᔭᒋᓯᒡ ᐅᑕᐃᐛᒡ, ᐛᔅ ᒋᑭ ᐛᐱᒪᐅᒡ ᒋᓴᒪᓂᑐᐛ᙮

ᐊᑈᔅᑕᓇᒡ 14:15

“ᓇᐸᑐᒄ ᐊᑲᐎᔾ ᐃᑐᑎᒧᒄ ᐅ, ᓇᐸᐅᒡ ᐛᔅ ᐊᓐ ᑭᔭ ᓂᔭᓐ ᒧᔭᒻ ᒋᔨᐛᐤ ᐊ ᐃᑕᔨᑕᑯᓯᔭᒄ ᐊᐅᑯᓐ ᐊ ᐃᑕᔨᑕᑯᓯᔭᒡ᙮ ᒋ ᐎ ᐎᑎᒪᑎᓇᓐ ᒥᔽᒋᒧᐅᓐ ᒐᒋ ᐅᒋ ᐳᓂᐊᑯᒡ ᐊ ᐊᔭᒥᐊᔅᑎᐛᑯᒡ ᐊᓐᒡ ᓂᑎᒥᒄ ᒥᓂᑐᐧᑲᓐᒡ᙮ ᒥᔅᑯᒡ ᐊᓐᑕ ᒋᓴᒪᓂᑐᐤ ᑲ ᐱᒪᑎᓯᑦ ᐊ ᑕᑦ ᒐᒋ ᐃᓯ ᐊᔭᒥᐊᔭᒄ, ᐊᓐ ᑲ ᐅᓯᑕᑦ ᒋᒋᒋᓯᑯᔪᐤ, ᐊᔅᒋᔪᐤ, ᐎᓂᐸᑯᔪᐤ ᑭᔭ ᒥᓯᐛ ᒐᒂᔪᐤ ᐊᓐᑕ ᑲ ᐃᓯ ᐱᒪᑎᓯᒥᑭᓂᔨᒡ᙮

ᐊᑈᔅᑕᓇᒡ 15:9

ᐊᐅᒄ ᐅᔭ ᑲ ᐃᓯ ᐛᐸᑎᔨᐛᑦ ᐊᑲ ᐃᔭᒡ ᐃᑕᔨᒪᑦ ᐊᐛᔪᐛ᙮ ᒋ ᐸᔭᒋᐊᐤ ᐊ ᐛᐸᔨᑎᒧᐛᑦ ᐅᒥᒋᑥᐅᓂᔨᐛ ᐃᔅᐱ ᑲ ᑕᑈᔭᔨᒥᑯᑦ᙮

2 ᑯᕆᓐᑎᔭᓇ 7:1

ᓂᐎᒐᐛᑭᓂᑎᒄ, ᒥᓯᐛ ᑕᓐ ᑲ ᐃᔅᒋᔄᑦ ᒋᓴᒪᓂᑐᐤ ᒐᔅᑎᓇᔅ ᒐ ᐃᑐᑎᒪᑕᐧᒄ ᑕᑈ ᒋᑭ ᐃᑐᑎᒻ᙮ ᐸᔭᒋᐃᓱᑕᐤ ᒪᒃ ᐊᑲ ᓇᔅᒡ ᒐᒋ ᑎᒂᒡ ᒥᒋᑥᐅᓐ ᒋᔪᓇᒡ ᑭᔭ ᒋᑦ ᐊᒐᐧᑯᓇᒡ᙮ ᐛᔅ ᐊᑯᑕ ᐊ ᓄᑯᑕᔭᐧᒄ ᐊ ᓇᓂᒋᔅᑐᐛᐧᒄ ᒋᓴᒪᓂᑐᐤ ᓇᔅᒡ ᐊ ᐱᔅᑕᔨᒥᓱᔭᐧᒄ ᒐᒋ ᐊᑐᔅᑯᐛᐧᒄ᙮

1 ᑎᒧᑎ 1:10

ᑭᔭ ᐊᓐᒡ ᓂᓇᐧᑯᐤ ᑲ ᐃᓯ ᐎᓂᓱᑐᑐᐛᒡ ᐊᐛᔪᐛ ᑭᔭ ᐊᓐᒡ ᓇᐸᐅᒡ ᑲ ᐎᒐᐛᒡ ᐎᑕᐸᐛᐛ ᑭᔭ ᐃᔎᐅᒡ ᑲ ᐎᒐᐛᒡ ᐎᑎᔎᐛᐛ ᑭᔭ ᐊᓐᒡ ᑲ ᒋᒧᑎᒡ ᐊᐛᔪᐛ, ᑭᔭ ᐊᓐᒡ ᑲ ᐎᒋ ᑭᑭᒋᔭᒡ ᑭᔭ ᐊᓐᒡ ᓂᑎᒥᒄ ᑲ ᐃᑕᒋᒧᒡ ᐊᑎ ᐊᒋ ᓇᔅᐱᒡ ᐎ ᑕᑈᒡ ᑭᔭ ᒥᓯᐛ ᐊᓐᒡ ᐊᐛᓐᒋ ᐊᑲ ᐃᑐᑕᒡ ᑕᓐ ᐊ ᐃᑎᓱᐛᒥᑭᓂᔨᒡ ᐅᔭ ᒥᔪ ᒋᔅᑯᑎᒪᒐᐅᓂᔪᐤ᙮

1 ᑎᒧᑎ 2:8

ᓂ ᐱᑯᓴᔨᒪᐅᒡ ᒥᓯᐛ ᓇᐸᐅᒡ ᑕᓐᑕ ᐊ ᐊᑎ ᐃᑕᐛᒂ ᐃᔅᐱ ᐊ ᐊᔭᒥᐊᔅᑕᐛ ᒐᒋ ᐅᐱᔨᑕᒡ ᐅᑎᒋᐛᐛ ᓇᔅᒡ ᐊ ᐱᔅᑕᔨᒥᓱᒡ ᒋᓴᒪᓂᑐᐛ ᐊ ᑕᔨᒋ᙮ ᒪᒂᒡ ᒪᒃ ᐊ ᐊᔭᒥᐊᒡ ᓇᒪ ᒋᐸ ᐅᒋ ᒋᒋᔅᑲᑯᐅᒡ ᒋᔄᓱᐅᓂᔪᐤ ᑭᔭ ᓇᒪ ᒋᐸ ᐅᒋ ᐃᓯᓇᑯᓂᔪᐤ ᓇᔅᒡ ᐎᐱᒡ ᒐᒋ ᒋᔄᓯᔅᑐᐛᒡ ᐊᐛᔪᐛ᙮

ᒋᒥᔅ ᐅᒥᓯᓇᐊᒪᒐᐅᓐ 4:8

ᐸᓱᐛᐱᒪᐧᒄ ᒋᓴᒪᓂᑐᐤ ᑭᔭ ᒐ ᐸᓱᐛᐱᒥᑕᒄ ᑭᔭ ᒋᔨᐛᐤ᙮ ᑲᓯᑎᒐᒄ ᒋᔨᐛᐤ ᐅᒥᒋᑥᐅᒡ, ᐊᑯ ᒋᔨᐛᐤ ᑲ ᐊᔭᒥᐊᐧᑲᓱᔭᒄ ᐸᔭᒋᑕᒄ ᒋᑕᐃᐛᐛ᙮

ᒋᔅᒐᔨᑕᑯᑕᒐᐅᓐ 21:27

ᓇᒪ ᒋᑭ ᐅᒋ ᐱᔅᑎᓂᑭᓄᐤ ᒐᒂᓐ ᐊ ᒪᔭᑎᒡ ᒐᒋ ᑎᒂᒡ ᐊᓐᑕ ᐊᓐ ᐅᑕᓇᐤ᙮ ᓇᒪ ᑭᔭ ᒋᑭ ᒋ ᐱᒐᐤ ᐊᓐ ᐊᐛᓐ ᓂᑐᐎᔾ ᑲ ᐃᑎᑦ ᒪᒃ ᑲ ᐎᒋ ᑭᑭᒋᔭᑦ᙮ ᒥᒄ ᐊᓐᒡ ᑲ ᒥᓯᓇᑕᔨᒡ ᐅᑦ ᐃᓯᓂᐧᑲᓱᐅᓄᐛᐛ ᐊᓐᑕ ᐊᓂᔭᔪᐛ ᒪᔭᑕᓂᓴ ᐅᐱᒪᑎᓯᐤ ᒥᓯᓇᐃᑭᓂᔨᒡ ᒋᑭ ᒋ ᐱᒐᐅᒡ ᐊᓂᔭ ᐅᑕᓇᔪᐤ᙮