ᑎᐱᑦ ᐅᓂᑭᒧᐅᓇ 17:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᐃᔪᒡ ᐅᒋ ᑲ ᐅᑎᒋᔨᓐ, ᐅ ᑎᐸᔨᒋᒐᓱᐤ, ᐊᔅᒋᐤ ᐃᔪᒡ ᐅᒡ, ᑲ ᒪᑎᓂᒧᐛᑭᓄᔨᒋ ᒪᒂᒡ ᐊᓄᒡ ᐊ ᐱᒪᑎᓯᓇᓄᐎᒡ, ᑭᔭ ᐅᔅᑭᑎᔭ ᑲ ᓴᑭᔅᒋᓂᑕᐅᑦ ᒋ ᒋᒧᒡ ᐛᔪᑎᓯᐅᓇ; ᓴᑭᔅᒋᓇᔅᑲᑯᐅᒡ ᐊᐛᓴ, ᑭᔭ ᑲ ᐃᔅᑯᐱᔨᒋ ᐅᑦ ᐊᔭᓄᐛᐛ ᓂᑭᑎᒧᐛᐅᒡ ᐅᑦ ᐊᐛᓯᒥᓱᐛᐛ᙮

ᑎᐱᑦ ᐅᓂᑭᒧᐅᓇ 17:14 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 39:6

“ᒐᔅᑎᓇᔅ ᒥᓯᐛ ᑕᑐᐤ ᐃᔪᐤ ᐱᒧᑕᐤ ᓂᑐᐎ ᐃᓯᓇᑯᓯᐅᓂᒡ: ᑕᑈ ᓂᑐᐎ ᒥᑯᔅᑲᑕᔨᑎᒥᐃᑎᓱᐅᒡ: ᒪᐛᓴᑯᓂᒻ ᐛᔪᑎᓯᐅᓇ, ᓇᒪ ᒪᒃ ᒋᔅᒐᔨᑎᒻ ᐊᐛᔪᐛ ᒐ ᐅᑎᓂᒥᔨᒋ᙮

ᑎᐱᑦ ᐅᓂᑭᒧᐅᓇ 73:12

ᐛᐸᑎᒧᒄ, ᐅᒋ ᐊᐅᒄ ᐊᓐᒡ ᐊᑲ ᐊᔭᒥᐊᒡ, ᑲ ᒥᔽᐱᒪᐅᓱᒡ ᐊᔅᒋᒡ; ᐊᔭᔅᒃ ᐛᔪᑎᓯᔪᐅᒡ᙮

ᒪᑎᔪᐤ 13:44

“ᒪᐅ ᐊ ᐃᑕᔨᑕᒂᒡ ᒋᒋᒋᓯᒄ ᒋᓴᐅᒋᒪᐅᓐ, ᒧᔭᒻ ᐊ ᒥᔅᑎ ᓱᓇᔭᐎᔨᒋ ᒐᒂᔪᐛ ᐊᒋ ᐊᔭᐅᐧᑲᐃᑭᓄᐛᒂᓂ ᑭᔭ ᓇᐸᐤ ᐊ ᒥᔅᑲᐧᒃ ᐊᐅᑯᓐ ᐊ ᐃᓯᓇᒂᒡ᙮ ᒥᓐ ᐊ ᐊᑎ ᐊᔭᐅᐧᑯᐊᒃ᙮ ᐊᓂᔭ ᒪᒃ ᐊ ᐃᔅᐱᔅ ᒪᔽᔨᑕᐧᒃ ᐊᑯ ᓇᑐ ᐊᑕᐛᒐᑦ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᑦ, ᐊᑯ ᐛᑎᓇᐧᒃ ᐊᓂᔭ ᓂᑕᐅᒋᑕᑭᓐ ᐊᔅᒋᔪᐤ ᐊᓐᑕ ᑲ ᒥᔅᑲᐧᒃ ᐊᓂᔭᔪᐛ ᑲ ᓱᓇᔭᐎᔨᒋ ᒐᒂᔪᐛ᙮”

ᓗᒃ 16:25

“ᐊᑯ ᐊᑉᕋᐊᒻ ᒂ ᐃᑕᑦ, ‘ᒋ ᒋᔅᒋᓯᓐ ᐊ, ᓂᑯᓴ, ᒪᒂᒡ ᑲ ᐱᒪᑎᓯᔨᓐ ᐊᓐᑕ ᐊᔅᒋᒡ ᒥᔪ ᒐᒂᓐ ᔅᒋ ᐊᔭᓐ, ᓚᓴᕋᔅ ᒪᒃ ᓇᒪ ᐅᒋ ᒥᔪ ᐊᔭᐤ ᒐᒂᔪᐤ᙮ ᐊᑯ ᒪᒃ ᐊᓄᒡ ᒥᔽᔨᒧᐤ ᐎᔾ ᐅᑕ, ᒋᔾ ᒪᒃ ᒋ ᓂᓇᐧᑲᑕᔨᒧᓐ᙮

ᓗᒃ 16:8

“ᐃᔅᐱ ᐊᓐ ᐅᒋᒪᐤ ᐱᔭᑕᐧᒃ ᑕᓐ ᑲ ᐃᑎᔨᒋ ᐊᓂᔭ ᐅᒋᒪᓯᒪ ᒋ ᒪᒥᒋᐃᑯᐤ, ᐃᑈᐧᑲᐤ ᐊ ᐃᑕᔨᒪᑦ ᐊᑲ ᒪᒃ ᑯᐃᔅᒄ ᐅᒋ ᑎᔨᒋ᙮ ᐛᔅ ᐊᓐᒡ ᐊᑲ ᑯᐃᔅᑯᑕᑎᓯᒡ ᐅᑕ ᐊᔅᒋᒡ ᓇᔅᒡ ᑕᑈ ᑭᔅᒋᐅᐎᒡ ᐊ ᐎᐧᑯᒋᑎᒪᓱᒡ ᒐᒂᔪᐤ ᐃᔅᐱᔅ ᐎ ᐊᓐᒡ ᑲ ᑯᐃᔅᑯᑕᑎᓯᒡ᙮”

ᒠᓐ 15:19

ᐃᑕᔨᑕᑯᓯᔭᒄ ᒪᒃ ᑕᓐ ᐊ ᐃᑕᔨᑕᑯᓯᒡ ᒋᐸ ᓴᒋᐃᑯᐛᐅᒡ ᒧᔭᒻ ᐊ ᐃᓯ ᓯᓴᒋᐃᑐᒡ ᐎᔨᐛᐤ᙮ ᒥᒄ ᒪᒃ ᐊᒋ ᐅᑎᓂᑎᑯᒡ ᐊᐅᒄ ᐛᒋ ᐛᐧᑲᑎᑕᑯᒡ, ᐛᔅ ᑕᐸ ᐊᓐᑕ ᐊ ᑕᒡ ᐊᑯ ᒋ ᐊᑎ ᐃᓯ ᐎᒋᐃᐛᓇᐛᐤ᙮

ᒠᓐ 17:14

ᓂᒋ ᐎᑎᒧᐛᐅᒡ ᑕᓐ ᑲ ᐃᓯ ᒥᔨᓐ ᒐᒋ ᐎᑎᒧᐅᒂᐤ᙮ ᒋ ᐛᐧᑲᑎᑯᐅᒡ ᒪᒃ ᐊᐛᔪᐛ ᐅᑕ ᐊᔅᒋᒡ ᑲ ᑕᔨᒋ ᐛᔅ ᑕᐸ ᐅᑕ ᐊᔅᒋᒡ ᐃᓯ ᑎᐸᔨᑕᑯᓱᐅᒡ ᒧᔭᒻ ᓂᔾ ᐊ ᐃᓯ ᐊᑲ ᑎᐸᔨᑕᑯᓯᔭᓐ ᐅᑕ ᐊᔅᒋᒡ᙮

ᒠᓐ 8:23

ᒋᓴᔅ ᒪᒃ ᒋ ᐃᑕᐤ, “ᓂᑕᒡ ᒋ ᐅᒋᓇᐛᐤ ᒋᔨᐛᐤ ᓂᔾ ᒪᒃ ᐊᓐᑕ ᐃᔅᐱᒥᒡ ᓂ ᐅᒋᓐ᙮ ᐅᑕ ᐊᔅᒋᒡ ᒋ ᐅᒋᓇᐛᐤ ᒋᔨᐛᐤ, ᓂᔾ ᒪᒃ ᐎ ᓇᒪ ᐅᑕ ᐊᔅᒋᒡ ᓂ ᐅᒋᓐ᙮

ᒋᒥᔅ ᐅᒥᓯᓇᐊᒪᒐᐅᓐ 5:5

ᒋᔨᐛᐤ ᑲ ᐛᔪᑎᓯᔭᒄ, ᒥᓯᐛ ᒐᒂᓐ ᒐᒋ ᐊᔭᔭᒄ ᐊᐅᑯᓐ ᐱᓯᒄ ᐊ ᐃᓯ ᐱᒪᑎᓯᔭᒄ ᐅᑕ ᐊᔅᒋᒡ ᑭᔭ ᒥᒄ ᒋᔨᐛᐤ ᒋ ᐎ ᓂᓇᐊᔨᑎᒥᐃᓱᓇᐛᐤ᙮ ᐊᑯ ᒪᒃ ᒧᔭᒻ ᐊᐛᓯᓯᒡ ᐊ ᑕᒋᐳᒡ ᓴᔅ ᐊ ᐃᓯᓇᑯᓯᒡ ᒐᒋ ᓂᐸᐊᑭᓄᐎᒡ, ᐊᐅᑯᓐ ᐊ ᐃᓯᓇᑯᓯᔭᒄ᙮