ᑎᐱᑦ ᐅᓂᑭᒧᐅᓇ 145:10 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁰ ᒥᓯᐛ ᒋᑦ ᐊᑐᔅᒐᐅᓇ ᒋᑭ ᒪᒥᒋᒥᑯᓐ, ᐅ ᑕᐸᔨᒋᒐᔨᓐ; ᑭᔭ ᒋᐸᔭᒋᓯᒥᒡ ᒋᑭ ᒥᔽᒋᒥᑯᒡ᙮

ᑎᐱᑦ ᐅᓂᑭᒧᐅᓇ 145:10 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 103:22

ᒪᒥᒋᒥᐧᒄ ᑎᐸᔨᒋᒐᓱᐤ, ᒥᓯᐛ ᐅᑦ ᐊᑐᔅᒐᐅᓇ, ᒥᓯᐛ ᐊᓐᑕ ᐅᑦ ᐅᒋᒪᐅᓂᒡ: ᒪᒥᒋᒻ ᑎᐸᔨᒋᒐᓱᐤ, ᐅ ᓂᑦ ᐊᒐᐧᒄ᙮

ᑎᐱᑦ ᐅᓂᑭᒧᐅᓇ 104:24

ᐅ ᑎᐸᔨᒋᒐᔨᓐ ᑕᑈ ᒥᒐᓇ ᒋᑦ ᐊᑐᔅᒐᐅᓇ ! ᑭᒐᑕᐛᔨᑎᒧᐅᓂᒡ ᒥᓯᐛ ᔅᒋ ᐅᓯᑕᓐ: ᐊᔅᒋᔾ ᓴᑭᔅᒋᓇᐤ ᒋᐛᔪᑎᓯᐅᓇ ᐅᒡ᙮

ᑎᐱᑦ ᐅᓂᑭᒧᐅᓇ 149:5

ᐊᑯᔅ ᐅᐸᔭᒋᓯᐅᒡ ᒋᑭ ᒧᒋᒐᔨᑎᒧᒡ ᒋᔅᑕᔨᑕᑯᓱᐅᓂᒡ: ᐊᑯᔅ ᒋᑭ ᒋᔄᐛᐅᒡ ᐊ ᓂᑭᒧᒡ ᐅᓂᐸᐅᓄᐛᒡ᙮

ᑎᐱᑦ ᐅᓂᑭᒧᐅᓇ 19:1

ᒋᓯᒂ ᐎᑎᒧᒥᑭᓇ ᐅᒋᔅᑕᔨᑕᑯᓱᐅᓐ ᒋᓴᒪᓂᑐᐤ, ᑭᔭ ᒧᓴ ᒋᓯᒄ ᐛᐸᑎᔨᐛᒥᑭᓐ ᐅᑭᔅᒋᐅ-ᐊᑐᔅᒐᐅᓐ᙮

ᑎᐱᑦ ᐅᓂᑭᒧᐅᓇ 22:23

ᒋᔨᐛᐤ ᑲ ᓇᓂᒋᔅᑐᐛᒄ ᑎᐸᔨᒋᒐᓱᐤ, ᒪᒥᒋᒥᐧᒄ; ᒥᓯᐛ ᒋᔨᐛᐤ ᒐᑭᑉ ᐅᑦ ᐊᐛᓯᒥᓴ, ᒋᔅᑕᒋᒥᐧᒄ; ᑭᔭ ᓇᓂᒋᔅᑕᐧᒄ ᒥᓯᐛ ᒋᔨᐛᐤ ᐃᔅᕋᐃᓪ ᐅᑦ ᐊᐛᓯᒥᓴ᙮

ᑎᐱᑦ ᐅᓂᑭᒧᐅᓇ 30:4

ᓂᑭᒧᔅᑐᐛᐧᒄ ᑎᐸᔨᒋᒐᓱᐤ, ᐅ ᒋᔨᐛᐤ ᐅ ᐸᔭᒋᓯᒪ, ᓂᓇᔅᑯᒥᐧᒄ ᑭᔭ ᐊ ᒋᔅᒋᑎᒺᒄ ᐅᐸᔭᒋᓯᐅᓐ᙮

ᑎᐱᑦ ᐅᓂᑭᒧᐅᓇ 30:5

ᐛᔅ ᐛᐃᐱᔅᒋᔅ ᒥᒄ ᐱᒥᐱᔪᐤ ᐅᒋᔄᓱᐅᓐ; ᐅᒥᔪᑐᑕᒐᐅᓐ ᑲᒋᒡ ᐱᒪᑎᓯᐅᓂᔪᐤ: ᒪᐅᓐ ᐃᔅᑭᓐ ᑎᐱᔅᑲᐛ ᐱᒥᐱᔪᐤ, ᒪᒃ ᒥᔽᔨᑎᒧᐅᓐ ᐅᑎᒋᐱᔪᐤ ᒋᔭᒋᓴᐸᔭᒋ᙮

ᑎᐱᑦ ᐅᓂᑭᒧᐅᓇ 32:11

ᓯᒋᔭᓯᔅᑕᐧᒄ ᑎᐸᔨᒋᒐᓱᐤ, ᒥᔽᔨᑎᒧᒄ ᒪᒃ, ᒋᔨᐛᐤ ᑲ ᑯᐃᔅᑯᑕᑎᓯᔭᒄ: ᒋᔄᐛᒄ ᐊ ᑕᑈᔭᒄ ᒪᒃ ᐊᔅᐱᔅ ᒥᔽᔨᑎᒪᒄ, ᒥᓯᐛ ᒋᔨᐛᐤ ᑲ ᑯᐃᔅᑯᑕᐊᔭᒄ᙮

ᑎᐱᑦ ᐅᓂᑭᒧᐅᓇ 57:9

ᒋᑭ ᒪᒥᒋᒥᑎᓐ, ᐅ ᑎᐸᔨᒋᒐᓱᐤ, ᐅᑕ ᐊ ᐃᑕᒡ ᐃᔪᒡ: ᒋᑭ ᓂᑭᒧᔅᑕᑎᓐ ᐅᑕ ᐊ ᐃᑕᒡ ᐸᐱᑐᔅ ᐊ ᐃᑎᔅᑲᓇᓯᒡ ᐃᔪᒡ᙮

ᑎᐱᑦ ᐅᓂᑭᒧᐅᓇ 68:26

“ᒪᒥᒋᒥᐧᒄ ᒋᓴᒪᓂᑐᐤ ᒪᐛᒋᐃᑐᐅᓂᒡ, ᑎᐸᔨᒋᒐᓱᐤ ᐅᑦ, ᒋᔨᐛᐤ ᐅᒧᔅᒋᐅᓂᒡ ᐃᔅᕋᐃᓪ ᑲ ᐅᒋᔭᒄ᙮”

ᑎᐱᑦ ᐅᓂᑭᒧᐅᓇ 69:35

ᐛᔅ ᒋᓴᒪᓂᑐᐤ ᒋᑭ ᐱᒪᒋᑕᐤ ᓴᐃᔭᓂᔪᐤ, ᑭᔭ ᒋᑭ ᐅᓯᑕᐤ ᒍᑕ ᐅᑕᓇᐛ: ᐊᑯᑕ ᒐᒋ ᐎᒋᔨᒋ ᑭᔭ ᒐᒋ ᑎᐱᔨᐛᐅᓯᔨᒋ᙮

ᑎᐱᑦ ᐅᓂᑭᒧᐅᓇ 97:12

ᒥᔽᔨᑎᒧᒄ ᑎᐸᔨᒋᒐᓱᐤ ᐅᒋ, ᒋᔨᐛᐤ ᑲ ᑯᐃᔅᑯᑕᑎᓯᔭᒄ; ᑭᔭ ᓂᓇᔅᑯᒥᐧᒄ ᐊ ᒋᔅᒋᑎᒺᒄ ᐅᐸᔭᒋᓯᐅᓐ᙮

ᐃᑉᕈᐛ 13:15

ᒧᔅ ᐱᔅᑕᔨᒥᓱᑕᐤ ᒐᒋ ᒪᒥᒋᒪᐧᒄ ᒋᓴᒪᓂᑐᐤ ᐊᓂᔭ ᐅᒋ ᑕᓐ ᑲ ᐃᓯ ᐃᑐᑎᒪᑕᐧᒄ ᒋᓴᔅ, ᒋᑐᓇᒡ ᐊ ᐅᒋ ᐛᐎᑎᒺᐧᑯᒡ ᐊᐛᓐᒋ ᐊ ᑕᑈᔭᔨᒪᐧᒄ ᒋᓴᔅ᙮

1 ᐱᑕᕐ 2:5

ᒧᔭᒻ ᐊ ᐱᒪᑎᓯᒡ ᐊᓯᓂᔨᒡ ᒋᑦ ᐃᓯᓇᑯᓯᓇᐛᐤ ᐊᓐᑕ ᐛᒋ ᐎᔨᑲᐳᐅᑕᑦ ᒋᓴᒪᓂᑐᐤ ᐎᒡ, ᐊᓐᑕ ᐊ ᑕᑦ ᑲ ᐸᔭᒋᓯᑦ ᐊᒐᐧᒄ᙮ ᐊᑯᑕ ᒪᒃ ᐊᓐᑕ ᒧᔭᒻ ᐊᔭᒥᐊᐅᒋᒪᐅᒡ ᐊ ᐸᔭᒋ ᐱᒪᑎᓯᒡ ᐊ ᐃᑕᐱᒋᔨᑕᒄ᙮ ᒥᓯᐛ ᑕᓐ ᒐ ᐃᓯ ᐱᔅᑎᓂᒧᐛᒂ ᒐᒂᓐ ᒋᓴᔅ ᙭ ᐊ ᑕᑦ, ᒋᑭ ᓇᐊᔨᑎᒥᐃᑯᐤ ᒋᓴᒪᓂᑐᐤ᙮

1 ᐱᑕᕐ 2:9

ᒋᔨᐛᐤ ᐊᓐ ᑲ ᐃᑎᔅᑲᓇᓯᔭᒄ ᔅᒋ ᐅᑎᓂᑯᐛᐤ ᒋᓴᒪᓂᑐᐤ ᑭᔭ ᐊᐅᒄ ᒋᔨᐛᐤ ᒪᐅᒡ ᑲ ᓂᑲᓇᔨᑕᑯᓯᑦ ᒋᓴᐅᒋᒪᐤ ᐅᑦ ᐊᔭᒥᐊᐅᒋᒪᒪ᙮ ᐊᐅᒄ ᒋᔨᐛᐤ ᑲ ᐸᔭᒋᓯᒡ ᑲ ᐃᑎᔅᑲᓇᓯᒡ ᐃᔪᒡ, ᐊᐅᒄ ᒋᔨᐛᐤ ᒋᓴᒪᓂᑐᐤ ᑎᐱᔨᐛ ᐅᑦ ᐃᔨᒪ᙮ ᒋᔨᐛᐤ ᔅᒋ ᐅᑎᓂᑯᓇᐛᐤ ᒐᒋ ᐛᐎᑎᒺᒄ ᑕᓐ ᐊ ᐃᓯ ᒋᔅᑕᔨᑕᑯᓂᔨᒋ ᐅᑦ ᐃᑐᐅᓇ ᐊᓐ ᑲ ᐎᓴᒥᑕᒄ ᐅᓂᑎᐱᔅᒋᓯᐅᓂᒡ ᐅᒡ ᐊᓐᑕ ᐃᔅ ᐅᒪᒥᔅᑲᒡ-ᐛᔅᑕᐅᓂᒡ᙮