ᑎᐱᑦ ᐅᓂᑭᒧᐅᓇ 145:1 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹ ᒋᑭ ᒋᔅᑕᒋᒥᑎᓐ, ᓂᒋᓴᒪᓂᑐᒻ, ᐅ ᒋᓴᐅᒋᒪᐤ; ᑭᔭ ᓂᑭ ᒥᔽᒋᑕᓐ ᒋᑦ ᐃᓯᓂᐧᑲᓱᐅᓐ ᒧᔅ ᑲᒋᒡ᙮

ᑎᐱᑦ ᐅᓂᑭᒧᐅᓇ 145:1 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 100:1

ᐊ ᒧᒋᑕᑯᓯᔭᒄ ᐸᑕᑯᓯᔅᑕᐧᒄ ᑎᐸᔨᒋᒐᓱᐤ, ᒥᓯᐛ ᒋᔨᐛᐤ ᐊᔅᒋᒡ ᐊᑕᔭᒄ᙮

ᑎᐱᑦ ᐅᓂᑭᒧᐅᓇ 118:28

ᒋᔾ ᓂᒋᓴᒪᓂᑐᒻ, ᒋᑭ ᒪᒥᒋᒥᑎᓐ ᒪᒃ: ᒋᔾ ᓂᒋᓴᒪᓂᑐᒻ, ᒋᑭ ᐃᔅᐸᔨᑕᑯᐃᑎᓐ᙮

ᑎᐱᑦ ᐅᓂᑭᒧᐅᓇ 145:21

ᓂᑐᓂᒡ ᓂᑭ ᐅᒋ ᐊᔨᒧᑎᒺᓐ ᐅᒪᒥᒋᒥᑯᓯᐅᓐ ᑎᐸᔨᒋᒐᓱᐤ: ᐊᑯᔅ ᒪᒃ ᒥᓯᐛ ᑲ ᐎᔭᓯᒡ ᒋᑭ ᒥᔽᒋᑎᒺᐅᒡ ᐅᐸᔭᒋ-ᐃᓯᓂᐧᑲᓱᐅᓂᔪᐤ ᑲᒋᒡ ᑭᔭ ᑲᒋᒡ᙮

ᑎᐱᑦ ᐅᓂᑭᒧᐅᓇ 146:2

ᒥᒄ ᒐ ᐃᔅᐱᔅ ᐱᒪᑎᓯᔭᓐ ᓂᑭ ᒪᒥᒋᒪᐤ ᑎᐸᔨᒋᒐᓱᐤ, ᐊ ᓂᑭᒧᔭᓐ ᓂᑭ ᒪᒥᒋᒪᐤ ᓂᒋᓴᒪᓂᑐᒻ ᒥᒄ ᒐ ᐃᔅᐱᔅ ᐊᔭᔭᓐ ᓂᐱᒪᑎᓯᐅᓐ᙮

ᑎᐱᑦ ᐅᓂᑭᒧᐅᓇ 149:2

ᐊᑯᔅ ᐃᔅᕋᐃᓪ ᒋᑭ ᒧᒋᒐᔨᑎᒻ ᐊᓂᔭᔪᐛ ᑲ ᐅᓯᐃᑯᑦ ᐅᒋ: ᐊᑯᔅ ᓴᐃᔭᓐ ᐅᑦ ᐊᐛᓯᒥᓴ ᒋᑭ ᒧᒋᒐᔨᑎᒥᔨᐛ ᐅᒋᓴᐅᒋᒪᒧᐛᐛ ᐅᒋ᙮

ᑎᐱᑦ ᐅᓂᑭᒧᐅᓇ 30:1

ᒋᑭ ᒋᔅᑕᒋᒥᑎᓐ, ᐅ ᑎᐸᔨᒋᒐᓱᐤ, ᐛᔅ ᔅᒋ ᐅᐱᓐ, ᓇᒪ ᑭᔭ ᒋ ᐅᒋ ᐃᑐᑐᐛᐅᒡ ᑲ ᐛᐧᑲᓯᒡ ᒐᒋ ᒥᔽᔨᑕᒡ ᓂᔾ ᐅᒋ᙮

ᑎᐱᑦ ᐅᓂᑭᒧᐅᓇ 30:12

ᓂᒋᔅᑕᔨᑕᑯᓱᐅᓐ ᐊ ᓂᑭᒧᒥᑲᒡ ᒐᒋ ᒪᒥᒋᒥᑯᔨᓐ, ᒐ ᐊᑲ ᑭᔭ ᒋᐱᑐᐛᒥᑲᒡ᙮ ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᒋᑭ ᓂᓇᔅᑯᒥᑎᓐ ᑲᒋᒡ᙮

ᑎᐱᑦ ᐅᓂᑭᒧᐅᓇ 30:2

ᐅ ᑎᐸᔨᒋᒐᓱᐤ ᓂᒋᓴᒪᓂᑐᒻ, ᔅᒋ ᒧᔅᑯᐛᑎᑎᓐ; ᔅᒋ ᒥᓏᒋᐃᓐ ᒪᒃ᙮

ᑎᐱᑦ ᐅᓂᑭᒧᐅᓇ 34:1

ᒧᔅ ᓂᑭ ᒪᒥᒋᒪᐤ ᑎᐸᔨᒋᒐᓱᐤ: ᐅᒪᒥᒋᒥᑲᓯᐅᓐ ᓇᓂᑎᒻ ᒋᑭ ᑎᒂᓂᔪᐤ ᓂᑐᓂᒡ᙮

ᑎᐱᑦ ᐅᓂᑭᒧᐅᓇ 44:4

ᒋᔾ ᓂᒋᓴᐅᒋᒪᒻ, ᐅ ᒋᓴᒪᓂᑐᐤ: ᐃᑎᓱᐛᐤ ᒐᒋ ᐎᐧᑯᒋᐊᑭᓄᐅᑦ ᒐᑭᑉ᙮

ᑎᐱᑦ ᐅᓂᑭᒧᐅᓇ 45:1

ᓂᑕᐃ ᒥᑐᓇᔨᑎᒧᒪᑭᓐ ᒥᔪ ᒐᒂᓐ: ᓂᑦ ᐊᔨᒧᑕᓐ ᐊᓂᔭ ᑲᒋ ᐅᓯᑕᔨᓐ ᒋᓴᐅᒋᒪᐤ ᐅᒡ: ᓂᑕᔨᔾ ᐃᓯᓇᑯᓐ ᒧᔭᒻ ᐅᒥᓯᓇᐃᑭᓇᔅᒄ ᐅᒥᓯᓇᐃᒐᐤ ᑲ ᐊᔭᔅᑯᐎᑦ᙮

ᑎᐱᑦ ᐅᓂᑭᒧᐅᓇ 45:6

ᒋᒋᓴᐅᒋᒪᐤ ᑕᑎᐳᐛᑭᓐ, ᐅ ᒋᓴᒪᓂᑐᐤ, ᑲᒋᒡ ᑭᔭ ᑲᒋᒡ ᑎᒂᓐ: ᒋᒋᓴᐅᒋᒪᐛᑎᑯᒻ ᑯᐃᔅᒄ ᒋᓴᐅᒋᒪᐛᑎᒄ᙮

ᑎᐱᑦ ᐅᓂᑭᒧᐅᓇ 5:2

ᓂᑐᑕ ᐊ ᐃᔅᒋᔄᒥᑲᒡ ᓂᑕᑈᐅᓐ, ᓂᒋᓴᐅᒋᒪᒻ, ᑭᔭ ᓂᒋᓴᒪᓂᑐᒻ: ᐛᔅ ᒋᔾ ᒋᑭ ᐊᔭᒥᐊᔅᑕᑎᓐ᙮

ᑎᐱᑦ ᐅᓂᑭᒧᐅᓇ 5:3

ᓂᐸᑕᑯᓯᐅᓐ ᒋᑭ ᐸᑕᓐ ᒋᔭᒋᓴᐸᔭᒋ, ᐅ ᑎᐸᔨᒋᒐᓱᐤ; ᒋᔭᒋᓴᐸᔭᒋ ᒋᑭ ᐊᔭᒥᐊᔅᑕᑎᓐ, ᑭᔭ ᓂᑭ ᑎᔅᑎᓴᐱᓐ᙮

ᑎᐱᑦ ᐅᓂᑭᒧᐅᓇ 52:9

ᒋᑭ ᒪᒥᒋᒥᑎᓐ ᑲᒋᒡ, ᐛᔅ ᒋᔾ ᔅᒋ ᑐᑕᓐ: ᓂᑭ ᐊᓯᓂᐛᑕᓐ ᑭᔭ ᒋᑦ ᐃᓯᓂᐧᑲᓱᐅᓐ; ᐛᔅ ᒥᔽᓯᔪᐤ ᐅᑎᔅᑯᐤ ᒋᐸᔭᒋᓯᒥᒡ᙮

ᑎᐱᑦ ᐅᓂᑭᒧᐅᓇ 68:4

ᓂᑭᒧᔅᑕᐧᒄ ᒋᓴᒪᓂᑐᐤ, ᐊ ᓂᑭᒧᔭᒄ ᒪᒥᒋᑕᒺᐧᒄ ᐅᑦ ᐃᓯᓂᐧᑲᓱᐅᓐ: ᒋᔅᑕᒋᒥᐧᒄ ᐊᓐ ᑲ ᑕᑎᐱᑦ ᒋᓯᑯᒡ ᑎᐸᔨᒋᒐᓱᐤ ᑲ ᐃᓯᓂᐧᑲᓱᑦ, ᒧᒋᒐᔨᑎᒥᐃᑯᒃ ᒪᒃ᙮

ᑎᐱᑦ ᐅᓂᑭᒧᐅᓇ 75:9

ᒪᒃ ᓂᑭ ᐎᑕᓐ ᑲᒋᒡ; ᐊ ᓂᑭᒧᔭᓐ ᓂᑭ ᒪᒥᒋᒥᒪᐛ ᐅᒋᓴᒪᓂᑐᒪ ᒐᑭᑉ᙮

ᑎᐱᑦ ᐅᓂᑭᒧᐅᓇ 95:3

ᐛᔅ ᑎᐸᔨᒋᒐᓱᐤ ᒋᒋ ᒋᓴᒪᓂᑐᐅ, ᑭᔭ ᒥᓯᐛ ᐊᑎᓯᒡ ᒥᓂᑐᐅᒡ, ᐎᔾ ᒪᐅᒡ ᒋᓴᐅᒋᒪᐅᐤ᙮

ᑎᐱᑦ ᐅᓂᑭᒧᐅᓇ 96:2

ᓂᑭᒧᔅᑕᐧᒄ ᑎᐸᔨᒋᒐᓱᐤ, ᒪᒥᒋᑕᒺᐧᒄ ᐅᑦ ᐃᓯᓂᐧᑲᓱᐅᓐ; ᐛᐸᑎᔨᐛᐛᐧᒄ ᐅᐱᒪᒋᐃᐛᐅᓐ ᑕᑥᐤ ᑲᓯᑲᔨᒡ᙮

ᒪᑎᔪᐤ 25:34

ᐊᑯ ᒐ ᐃᑕᑦ ᐊᓐ ᒋᓴᐅᒋᒪᐤ ᐊᓂᔭ ᐃᔪᐛ ᐊᓐᑕ ᐅᒥᔪᐅᓂᒡ ᐊ ᑕᔨᒋ, ‘ᐊᔅᑎᒧᒄ ᒋᔨᐛᐤ ᑲ ᓱᐛᔨᒥᑕᒄ ᓄᑕᐎᔾ᙮ ᐊᔅᑎᒧᒄ, ᐅᑎᓂᒧᒄ ᐊᓐ ᒋᓴᐅᒋᒪᐅᓐ ᐊᓐ ᑲ ᐊᓱᑎᒪᑯᐅᔭᒄ ᐃᔅᐱ ᒪᐅᒡ ᓂᔅᑎᒻ ᑲ ᐅᓯᑕᑭᓄᐅᒡ ᐅ ᐊᔅᒋᔾ᙮

ᒋᔅᒐᔨᑕᑯᑕᒐᐅᓐ 19:16

ᐅᑦ ᐊᑯᐱᒡ ᑭᔭ ᐅᑈᒥᒡ ᒥᓯᓇᑕᔪᐤ ᐃᓯᓂᐧᑲᓱᐅᓂᔪᐤ᙮ ᐃᑎᔅᑕᔪᐤ, “ᒋᒋᐛ ᐊ ᒋᔅᑕᔨᑕᑯᓯᑦ ᐊ ᑕᑎᓯᔨᒋ ᒥᓯᐛ ᐅᑎᐸᔨᒋᒐᐛ ᑭᔭ ᐎᔾ ᓇᔅᒡ ᓱᒐᔨᑕᑯᓱᐤ ᐊ ᑕᑎᓯᔨᒋ ᒥᓯᐛ ᒋᓴᐅᒋᒪᐛ᙮”