ᑎᐱᑦ ᐅᓂᑭᒧᐅᓇ 144:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᒥᔽᔨᒧᐅᒡ ᐊᓐᒡ ᐃᔪᒡ, ᐊᑯ ᐃᓯᓇᑯᓯᒡ; ᓂᐦᐃ, ᒥᔽᔨᒧᐅᒡ ᐊᓐᒡ ᐃᔪᒡ, ᑲ ᐅᒋᓴᒪᓂᑐᒥᒡ ᑎᐸᔨᒋᒐᓱᐛ᙮

ᑎᐱᑦ ᐅᓂᑭᒧᐅᓇ 144:15 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 146:5

ᒥᔽᔨᒧᐤ ᐊᓐ ᑲ ᐎᒋᐃᑯᑦ ᒐᑭᐸ ᐅᒋᓴᒪᓂᑐᒥᔪᐛ, ᑲ ᐊᔅᐸᔨᒧᑐᑐᐛᑦ ᑲ ᑎᐸᔨᒋᒐᔨᒋ ᐅᒋᓴᒪᓂᑐᒪ;

ᑎᐱᑦ ᐅᓂᑭᒧᐅᓇ 33:12

ᓱᐛᔨᑕᑯᓱᐅᒡ ᑲ ᐃᑎᔅᑲᓇᓯᒡ ᐃᔪᒡ ᑲ ᐅᒋᓴᒪᓂᑐᒥᒡ ᑎᐸᔨᒋᒐᓱᐛ; ᐊᓐᒡ ᐃᔪᒡ ᑭᔭ ᑲᒋ ᐎᔭᐱᒥᑯᒡ ᒐᒋ ᑎᐱᔨᐛᐅᓯᔨᒋ᙮

ᑎᐱᑦ ᐅᓂᑭᒧᐅᓇ 65:4

ᓱᐛᔨᑕᑯᓱᐤ ᐊᓐ ᐃᔪᐤ ᑲ ᐅᐛᑕᐱᒥᑦ, ᑭᔭ ᑲ ᐃᑕᔨᒥᑦ ᒐᒋ ᐸᒋ ᓇᑎᔅᒃ, ᒐᒋ ᑕᑦ ᒋ ᒪᐛᒋᐃᑐᐅᒋᐛᐱᒡ: ᓂᑭ ᑕᐱᒐᔨᑕᓇᓐ ᐊᔅᐱᔅ ᒥᔽᓯᒡ ᒋᒡ, ᒋ ᐸᔭᒋ ᒋᓴᐊᔭᒥᐊᐅᒋᐛᐱᒡ ᐅᑦ᙮

ᑎᐱᑦ ᐅᓂᑭᒧᐅᓇ 89:15

ᓱᐛᔨᑕᑯᓱᐅᒡ ᐊᓐᒡ ᐃᔪᒡ ᑲ ᒋᔅᒐᔨᑕᒡ ᒥᔽᑎᒧᐤ ᐸᑕᑯᓱᐅᓂᔪᐤ: ᒋᑭ ᐱᒧᑕᐅᒡ, ᐅ ᑎᐸᔨᒋᒐᓱᐤ ᒋ ᐛᓯᓱᐧᑲᓱᐅᓂᒡ᙮

ᐃᐱᓯᔭᓇ 1:3

ᓂᓇᔅᑯᒪᑕᐤ ᒋᓴᒪᓂᑐᐤ, ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᑕᐎᔭ᙮ ᐊᓂᔭ ᐊ ᐎᒐᐅᒪᐧᑯ ᙭ᑕ, ᒋᓴᒪᓂᑐᐤ ᔅᒋ ᓱᐛᔨᒥᑯᓄᐤ ᐊᒋ ᒥᔨᑕᐧᒄ ᒥᓯᐛ ᐊᒐᐧᒄ ᓱᐛᔨᒋᒐᐅᓇ ᑕᓐ ᐊ ᐃᓯ ᑎᒂᒋ ᒋᒋᒋᓯᑯᒡ᙮