ᑎᐱᑦ ᐅᓂᑭᒧᐅᓇ 140:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᓂᒋ ᐃᑕᐤ ᑎᐸᔨᒋᒐᓱᐤ, “ᒋᔾ ᓂᒋᓴᒪᓂᑐᒻ᙮” ᓂᑐᑕ ᓂᓂᑐᑎᒪᒐᐅᓇ, ᐅ ᑎᐸᔨᒋᒐᓱᐤ᙮

ᑎᐱᑦ ᐅᓂᑭᒧᐅᓇ 140:6 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 116:1

ᓂᑭ ᓴᒋᐊᐤ ᑎᐸᔨᒋᒐᓱᐤ, ᐊᒋ ᓂᑐᑕᐧᒃ ᓂᐸᑕᑯᓱᐅᓂᔪᐤ ᑭᔭ ᓂᓂᑐᑎᒪᒐᐅᓂᔪᐤ᙮

ᑎᐱᑦ ᐅᓂᑭᒧᐅᓇ 119:57

ᒋᔾ ᓂᑎᐱᔨᐛᐅᓯᐅᓐ ᐅ ᑎᐸᔨᒋᒐᓱᐤ: ᓂᒋ ᐃᔅᒋᔄᓐ ᒐᒋ ᑭᓄᐛᔨᑎᒪᓐ ᒋᑦ ᐃᔨᒧᐅᓇ᙮

ᑎᐱᑦ ᐅᓂᑭᒧᐅᓇ 130:2

ᑎᐸᔨᒋᒐᓱᐤ, ᓂᑐᑐᐎ: ᐊᑯᔅ ᐃᑎᔅᑕ ᒋᑐᑭᔭ ᒐᒋ ᐸᑎᒥᓐ ᐊ ᐃᑎᑕᑯᓯᒥᑲᒋ ᓂᓂᑐᑎᒪᒐᐅᓇ᙮

ᑎᐱᑦ ᐅᓂᑭᒧᐅᓇ 142:4

ᓂᒋ ᐃᑕᐱᓐ ᓂᒥᔪᐅᓂᒡ, ᐊᒋ ᐛᐸᑎᒪᓐ ᒪᒃ ᓇᒪ ᐅᒋ ᑕᐤ ᐃᔪᐤ ᒐ ᒋᔅᒐᔨᒥᑦ: ᓇᑎᒪᑯᓯᐅᓐ ᓂᒋ ᓄᑕᐱᔨᓐ: ᓇᒪᐎᔾ ᐊᐛᓐ ᐅᒋ ᐱᔅᒐᔨᒪᐤ ᓂᑦ ᐊᒐᒂ᙮

ᑎᐱᑦ ᐅᓂᑭᒧᐅᓇ 142:5

ᔅᒋ ᒪᑕᑎᓐ, ᐅ ᑎᐸᔨᒋᒐᓱᐤ: ᓂᒋ ᐃᔅᒋᔄᓐ, “ᒋᔾ ᐊᐅᒄ ᓂᓇᑎᒪᑯᓯᐅᓐ ᑭᔭ ᓂᑎᐱᔨᐛᐅᓯᐅᓐ ᐅᑦ ᐊᔅᒋᐛᒡ ᐅᐱᒪᑎᓯᐅᒡ᙮”

ᑎᐱᑦ ᐅᓂᑭᒧᐅᓇ 143:1

ᓂᑐᑕ ᓂᑦ ᐊᔭᒥᐊᐅᓐ, ᐅ ᑕᐸᔨᒋᒐᔨᓐ, ᐱᓯᒋᑕ ᓂᓂᑐᑎᒪᒐᐅᓇ: ᒋᑯᐃᔅᑯᑐᐅᓂᒡ ᓂᔅᑯᒥ, ᑭᔭ ᒋᑯᐃᔅᑯᑕᑎᓯᐅᓂᒡ᙮

ᑎᐱᑦ ᐅᓂᑭᒧᐅᓇ 16:2

ᐅ ᓂᑦ ᐊᒐᐧᒄ, ᔅᒋ ᐃᑕᐤ ᑎᐸᔨᒋᒐᓱᐤ, “ᒋᔾ ᓂᑎᐸᔨᒋᒐᓯᒻ: ᓂᒥᔽᑎᓯᐅᓐ ᓇᒪᐎᔾ ᒋᑦ ᐊᐸᒋᐃᑯᓐ᙮”

ᑎᐱᑦ ᐅᓂᑭᒧᐅᓇ 31:14

ᒪᒃ ᒋᔾ ᔅᒋ ᒪᒥᓯᑐᑕᑎᓐ, ᐅ ᑎᐸᔨᒋᒐᓱᐤ; ᓂᒋ ᐃᔨᓐ, “ᒋᔾ ᓂᒋᓴᒪᓂᑐᒻ᙮”

ᑎᐱᑦ ᐅᓂᑭᒧᐅᓇ 57:7

ᐊᔨᑎᔅᑕᐤ ᓂᑕᐃ, ᐅ ᒋᓴᒪᓂᑐᐤ, ᐊᔨᑎᔅᑕᐤ ᓂᑕᐃ: ᓂᑭ ᓂᑭᒧᓐ ᑭᔭ ᓂᑭ ᒪᒥᒋᒧᐛᓐ᙮

ᑎᐱᑦ ᐅᓂᑭᒧᐅᓇ 64:1

ᓂᑐᑐᐎ, ᐅ ᒋᓴᒪᓂᑐᐤ, ᓂᑦ ᐊᔭᒥᐊᐅᓂᒡ: ᑭᓄᐛᔨᑕ ᓂᐱᒪᑎᓯᐅᓐ ᐊ ᑯᔅᑎᒃ ᑲ ᐎ ᐎᔭᔅᑐᑐᐅᑦ᙮

ᑎᐱᑦ ᐅᓂᑭᒧᐅᓇ 91:2

ᓂᑭ ᐃᔅᒋᔄᓐ ᑎᐸᔨᒋᒐᓱᐤ ᐅᒡ, “ᐎᔾ ᓂ ᓇᑎᓯᒧᐅᓐ ᑭᔭ ᓂᓂᑐᐱᔪᐅᒋᐛᑉ; ᓂᒋᓴᒪᓂᑐᒻ, ᑲ ᒪᒥᓯᑐᑐᐅᒄ᙮”