ᑎᐱᑦ ᐅᓂᑭᒧᐅᓇ 140:12 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹² ᓂ ᒋᔅᒐᔨᑕᓐ ᑎᐸᔨᒋᒐᓱᐤ ᒐᒋ ᓇᑎᒧᐛᑦ ᑲ ᒪᒂᐃᑎᒥᔨᒋ, ᑭᔭ ᒐᒋ ᐛᐸᑕᐧᒃ ᑯᐃᔅᒄ ᒐᒋ ᑐᑐᐛᑭᓄᔨᒋ ᑲ ᒋᔅᑎᒪᑎᓯᔨᒋ᙮

ᑎᐱᑦ ᐅᓂᑭᒧᐅᓇ 140:12 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 102:17

ᒋᑭ ᓂᑐᑎᒺᐤ ᐅᑦ ᐊᔭᒥᐊᐅᓂᔪᐤ ᐅᒋᔅᑎᒪᑎᓯᐛ, ᓇᒪ ᑭᔭ ᒋᑭ ᐊᑐᐛᔨᑎᒺᐤ ᐅᑦ ᐊᔭᒥᐊᐅᓂᔪᐤ᙮

ᑎᐱᑦ ᐅᓂᑭᒧᐅᓇ 12:3

ᑎᐸᔨᒋᒐᓱᐤ ᒋᑭ ᒥᓂᓯᒻ ᒥᓯᐛ ᒪᒥᒋᒧ ᒥᑐᓇ, ᑭᔭ ᒥᑕᔨᔨᔪᐤ ᑲ ᐊᔭᔨᒧᒥᑭᓂᔨᒡ ᒋᔅᑕᔨᒧᐤ ᒐᒂᔪᐛ᙮

ᑎᐱᑦ ᐅᓂᑭᒧᐅᓇ 12:4

ᑲᒋ ᐃᔅᒋᔄᒡ, “ᓂᑕᔨᔨᓇᓇ ᓂᑭ ᐅᒋ ᓴᐧᑯᒋᐃᐛᓇᓐ; ᓂᑐᓂᓇᓇ ᓂ ᑎᐸᔨᑕᓇᓐ: ᐊᐛᓐ ᑕᐸᔨᒥᔨᒥᑦ ?”

ᑎᐱᑦ ᐅᓂᑭᒧᐅᓇ 22:24

ᐛᔅ ᓇᒪᐎᔾ ᒋ ᐊᑐᐛᔨᑎᒺᐤ ᑭᔭ ᒪᒐᔨᑎᒺᐤ ᐅᐎᓯᒐᔨᑎᒧᐅᓂᔪᐤ ᑲ ᐊᔨᒧᐊᑭᓄᐎᒋ; ᓇᒪ ᑭᔭ ᐅᒋ ᑲᓱᔅᑐᐛᐤ; ᐃᔅᐱ ᒪᒃ ᒥᔭᑕᑯᑦ ᒋ ᓂᑐᑐᐛᐤ᙮

ᑎᐱᑦ ᐅᓂᑭᒧᐅᓇ 35:10

ᒥᓯᐛ ᓂᔅᑭᓇ ᒋᑭ ᐃᔅᒋᔄᒪᑭᓇ, “ᑎᐸᔨᒋᒐᓱᐤ, ᐊᐛᓐ ᓇᔅᐱᑕᔅᒃ, ᑲ ᐎᒂᒋᐊᑦ ᐅᒋᔅᑎᒪᓱᐤ ᐊᓂᔭ ᐅᒋ ᐊᔪᐛᒃ ᑲ ᒥᔅᑯᐅᓯᔨᒋ, ᓂᐦᐃ, ᐅᒋᔅᑎᒪᓱᐤ ᑭᔭ ᐅᒥᓇᓯᐤ ᐊᓂᔭ ᐅᒋ ᑲᒋ ᒥᔅᑭᒥᑯᑦ ?”

ᑎᐱᑦ ᐅᓂᑭᒧᐅᓇ 72:4

ᒋᑭ ᑎᐸᔅᑯᓇᐤ ᑲ ᒋᔅᑎᒪᑎᓯᔨᒋ ᐃᔪᐛ, ᒋᑭ ᐱᒪᒋᐃᒪᐤ ᐅᑦ ᐊᐛᓯᒥᓯᔪᐛ ᑲᔅᑎᒪᑎᓯᔨᒋ, ᑭᔭ ᒋᑭ ᐱᓯᓯᒪᐤ ᐅᑦ ᐊᔨᒥᐃᐛᐛ᙮

ᑎᐱᑦ ᐅᓂᑭᒧᐅᓇ 9:4

ᐛᔅ ᔅᒋ ᒥᔪ ᐃᑕᔨᑕᑯᑕᓐ ᓂᑦ ᐃᑕᔨᑕᑯᓱᐅᓐ ᑭᔭ ᓂᑦ ᐃᑕᑎᓯᐅᓐ; ᔅᒋ ᐊᐱᓐ ᒋᓴᐅᒋᒪᐤ ᑕᑎᐳᐛᑭᓂᒡ ᑯᐃᔅᒄ ᐊ ᑎᐸᔅᑯᓂᒐᔨᓐ᙮

ᒪᑎᔪᐤ 11:5

ᐎᑎᒧᐛᐧᒄ ᒪᒃ ᐊ ᐛᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐛᐸᑎᒥᔨᒋ, ᐊ ᐱᒧᑕᔨᒋ ᐊᓂᔭᔪᐛ ᐊᑲ ᐅᒋ ᐱᒧᑕᔨᒋ, ᑭᔭ ᐊ ᐸᔭᒋᓯᔨᒋ ᐊᓂᔭᔪᐛ ᑲ ᐊᔭᔨᒋ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᒋ ᒥᓏᒋᐊᑭᓄᔨᒋ᙮ ᑭᔭ ᐊ ᐸᑎᒥᔨᒋ ᐊᓂᔭᔪᐛ ᐊᑲ ᐅᒋ ᐸᑎᒥᔨᒋ᙮ ᑭᔭ ᐊᒋ ᐅᓂᔅᑲᓇᑭᓄᔨᒋ ᐊᓂᔭᔪᐛ ᑲ ᓂᐱᔨᒋ᙮ ᑭᔭ ᒥᔽᒋᒧᐅᓂᔪᐤ ᐊ ᐛᐎᑎᒧᐛᑭᓄᔨᒋ ᑲ ᒋᔅᑎᒪᑎᓯᔨᒋ ᐊᐛᔪᐛ᙮