ᑎᐱᑦ ᐅᓂᑭᒧᐅᓇ 14:2 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

² ᑎᐸᔨᒋᒐᓱᐤ ᒋᒋᒋᓯᑯᒡ ᒋ ᐅᒋ ᑭᓄᐛᐱᒥᒪᐤ ᐃᔪᐛ ᐅᑦ ᐊᐛᓯᒥᓱᐛᐛ, ᒐᒋ ᐛᐸᑕᐧᒃ ᒧᔭᒻ ᐊ ᑕᐃᒂᓂ ᐊᐛᔪᐛ ᐊ ᓂᔅᑐᑎᒥᔨᒋ, ᑭᔭ ᐊ ᓇᓂᑐᐛᔨᒪᔨᒋ ᒋᓴᒪᓂᑐᐛ᙮

ᑎᐱᑦ ᐅᓂᑭᒧᐅᓇ 14:2 ပူးပေါင်းရင်းမြစ်များ

ᒐᓂᓯᔅ 11:5

ᐊᑯ ᑎᐸᔨᒋᒐᓱᐤ ᒪᒃ ᒋ ᐸᒋ ᔭᓯᐤ ᒐᒋ ᒋᑕᐸᑕᐧᒃ ᐅᑕᓇᔪᐤ ᑭᔭ ᑲ ᐃᔅᐸᔨᒡ ᒥᒋᐛᐱᔪᐤ,

ᒐᓂᓯᔅ 18:21

ᓂᑭ ᐃᑐᑕᓐ ᒐᒋ ᐛᐸᑎᒧᒡ ᒐᒂᓂᔪᐤ ᑲ ᐃᓯ ᑐᑕᒡ᙮ ᐊᑯ ᒐᔅᒐᔨᑎᒧᒡ ᑎᔭᑈᓄᐎᒂ᙮”

ᒐᓂᓯᔅ 6:12

ᒋᓴᒪᓂᑐᐤ ᒋ ᒋᑕᐸᑎᒻ ᐊᔅᒋᔪᐤ ᑭᔭ ᒋ ᐛᐸᑎᒻ ᑲ ᐃᔅᐱᔅ ᒥᒋᑥᒥᑭᓂᔨᒡ, ᒥᓯᐛ ᐊᐛᓐ ᑲ ᑕᑦ ᐅᑕ ᐊᔅᒋᒡ ᒋ ᒥᒋᑥᐤ ᒥᒄ ᒐᒂᔪᐤ ᑲ ᐃᓯ ᐃᑐᑕᐧᒃ᙮

ᑎᐱᑦ ᐅᓂᑭᒧᐅᓇ 107:43

ᐊᓐᒋ ᐊᐛᓐᒋ ᑲ ᑭᒐᑕᐛᔨᑕᒡ, ᑭᔭ ᑲ ᓇᑭᑐᐛᔨᑕᒡ ᐅᔭᔪᐛ, ᐊᐅᑯᓐᒡ ᒐ ᓂᔅᑐᑎᒺᒡ ᐅᓴᒋᐃᐛᐤ ᒋᓴᐛᑎᓯᐅᓂᔪᐤ ᑎᐸᔨᒋᒐᓱᐛ᙮

ᑎᐱᑦ ᐅᓂᑭᒧᐅᓇ 11:4

ᑎᐸᔨᒋᒐᓱᐤ ᑕᐤ ᐅᐸᔭᒋ-ᐊᔭᒥᐊᐅᒋᐛᐱᒡ, ᑎᐸᔨᒋᒐᓱᐤ ᐅᒋᓴᐅᒋᒪᐤ ᑕᑎᐳᐛᑭᓐ ᒋᒋᒋᓯᑯᒡ ᑎᒂᓂᔪᐤ: ᐛᐱᒪᐤ, ᓂᓇᐧᑲᒋᐃᒪᐤ ᐃᔪᐛ ᐅᑦ ᐊᐛᓯᒥᓯᔨᐛ᙮

ᑎᐱᑦ ᐅᓂᑭᒧᐅᓇ 69:32

ᑲ ᑎᐱᑕᔨᒧᒡ ᒋᑭ ᐛᐸᑎᒧᒡ, ᑭᔭ ᒋᑭ ᓯᒋᔭᓱᐅᒡ: ᒋᑕᐃᐛᐤ ᒋᑭ ᐱᒪᑎᓯᒪᑭᓐ ᒋᔨᐛᐤ ᑲ ᓇᓂᑐᐛᔨᒪᒄ ᒋᓴᒪᓂᑐᐤ᙮

ᑎᐱᑦ ᐅᓂᑭᒧᐅᓇ 82:5

ᓇᒪ ᒋᔅᒐᔨᑎᒧᒡ, ᓇᒪ ᑭᔭ ᒋᑭ ᓂᔅᑐᑎᒧᒡ; ᐱᒧᑕᐅᒡ ᐅᓂᑎᐱᔅᒋᓯᐅᓂᒡ: ᒥᓯᐛ ᐊ ᐃᓯ ᐊᔨᑎᔅᑕᒡ ᐊᔅᒋᔾ ᐊᔭᒋᐱᔪᐤ᙮

ᑎᐱᑦ ᐅᓂᑭᒧᐅᓇ 92:6

ᑲ ᐊᒂᑎᓯᑦ ᐃᔪᐤ ᓇᒪᐎᔾ ᒋᔅᒐᔨᑎᒻ; ᓇᒪ ᑭᔭ ᒋᔎᐧᑲᓐ ᓂᔅᑐᑎᒻ ᐅᔭᔪᐤ᙮

ᒪᑎᔪᐤ 13:15

ᐛᔅ ᓇᒪ ᐎ ᒪᒥᑐᓇᔨᑎᒥᐃᑯᐅᒡ ᑭᔭ ᓇᒪ ᐎ ᓂᑐᑎᒧᒡ ᑭᔭ ᓇᒪ ᐎ ᓂᔅᑐᑎᒧᒡ ᑭᔭ ᓇᒪ ᐎ ᐛᐸᑎᒧᒡ᙮ ᐊᑲ ᒪᒃ ᐅᒋ ᐃᑎᒡ ᐅᔭ ᒋᐸ ᐛᐸᑎᒧᒡ, ᒋᐸ ᐸᑎᒧᒡ ᑭᔭ ᒋᐸ ᓂᔅᑐᑎᒧᒡ, ᑭᔭ ᓂᐸ ᐸᒋ ᓂᑐᐛᐱᒥᑯᒡ, ᒋ ᐃᑕᐤ ᒋᓴᒪᓂᑐᐤ ᑭᔭ ᓂᐸ ᒥᓏᒋᐊᐅᒡ᙮”

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 3:11

ᓇᒪ ᐛᐛᒡ ᐸᐃᒄ ᐊᐛᓐ ᓂᔅᑐᑎᒻ ᑕᑈᐅᓂᔪᐤ᙮ ᓇᒪ ᐛᐛᒡ ᐸᐃᒄ ᐊᐛᓐ ᐎ ᒋᔅᒐᔨᒪᐤ ᒋᓴᒪᓂᑐᐛ, ᓇᒪ ᐛᐛᒡ ᐸᐃᒄ ᐊᐛᓐ ᐊᐱᑕᔨᑎᒺᐤ ᐅᑦ ᐃᑕᔨᑎᒧᐅᓂᔪᐤ᙮

ᐃᑉᕈᐛ 11:6

ᓇᒪ ᐊᐛᓐ ᒋᑭ ᒋ ᓇᐊᔨᑎᒥᐊᐤ ᒋᓴᒪᓂᑐᐛ ᐸᑐᔅ ᑕᑈᔭᔨᒪᒐ᙮ ᐛᔅ ᐊᓐ ᐊᐛᓐ ᑲ ᐎ ᐸᒋ ᓇᑕᑦ ᒋᓴᒪᓂᑐᐛ ᒋᐸ ᑕᑈᑎᒻ ᐊ ᑕᔨᒋ ᒋᓴᒪᓂᑐᐛ ᑭᔭ ᐊ ᒥᔪᑐᑐᐛᔨᒋ ᐊᓂᔭ ᓱᒃ ᑲ ᐎ ᒋᔅᒐᔨᒥᑯᑦ᙮