ᑎᐱᑦ ᐅᓂᑭᒧᐅᓇ 138:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᐊᑎ ᐊ ᒋᔅᑎᓯᑦ ᑎᐸᔨᒋᒐᓱᐤ, ᐃᔭᐱᒡ ᐱᔅᒐᔨᒪᐤ ᑲ ᑎᐱᑕᔨᒥᓱᔨᒋ: ᒪᒃ ᐅᒋᔅᑕᔨᒧᐛ ᐛᔪᐤ ᐅᒋ ᒋᔅᒐᔨᒪᐤ᙮

ᑎᐱᑦ ᐅᓂᑭᒧᐅᓇ 138:6 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 139:2

ᒋ ᒋᔅᒐᔨᑕᓐ ᐊ ᐊᐱᔭᓐ ᑭᔭ ᐊ ᐱᓯᑯᔭᓐ; ᒋ ᓂᔅᑐᑕᓐ ᑲ ᐃᑕᔨᑎᒪᓐ ᐛᔪᐤ ᐅᒡ᙮

ᑎᐱᑦ ᐅᓂᑭᒧᐅᓇ 51:17

ᐅᒥᑐᔅᑕᐊᒪᒐᐅᓇ ᑲ ᓇᐊᔨᑎᒥᐃᑯᑦ ᒋᓴᒪᓂᑐᐤ ᐊ ᐱᑯᐱᔨᒋ ᐊᒐᒂ: ᐊ ᐱᑯᐱᔨᒡ ᑭᔭ ᐊ ᒥᑕᒋᔨᐛᓯᒥᑲᒡ ᒥᑕᐃ, ᐅ ᒋᓴᒪᓂᑐᐤ, ᓇᒪᐎᔾ ᒋᑭ ᐊᑐᐛᔨᑕᓐ᙮

ᐊᒃᓱᑕᔅ 18:11

ᓴᔅ ᓂᒋ ᒋᔅᒐᔨᑕᓐ ᑎᐸᔨᒋᒐᓱᐤ ᐊᑐᐎᔅ ᐎᔾ ᐊᓱᐧᑲᑎᓯᑦ ᐃᔅᐱᔅ ᑯᑎᑭᒡ ᒥᓂᑐᐅᒡ᙮ ᒋ ᐃᑐᑎᒻ ᐅᔭ ᐃᔅᐱ ᐃᒋᑉᑦ ᐃᔪᒡ ᑲ ᐱᐛᔨᒪᒡ ᐃᔅᕋᐃᓪ ᐃᔪᐛ᙮”

ᒪᑎᔪᐤ 25:41

ᐊᑯ ᒐ ᐃᑕᑦ ᐊᓂᔭᔪᐛ ᐅᓂᔅᐸᒋᐅᓂᒡ ᑲ ᑕᔨᒋ ᐊᓂᔭ ᑲ ᒥᒐᑎᓯᔨᒋ, ‘ᐊᐅᓯᒄ ᓇᑕ ᒋᔨᐛᐤ ᒋᓴᒪᓂᑐᐤ ᒐ ᐛᐛᓯᐃᑕᒄ ᐊᓐᑕ ᐃᔅ ᑲᒋᒡ ᒥᒋ ᐃᔅᑯᑕᒡ ᐊᓂᔭᔪᐤ ᑲ ᐃᓯ ᐊᔭᔅᑯᔅᑎᒧᐛᑭᓄᔨᒋ ᒥᒋᒥᓂᑐᐛ ᑭᔭ ᐅᑦ ᐊᐱᒋᐊᑭᓂᔪᐛ᙮

ᓗᒃ 1:48

ᐛᔅ ᒋ ᓂᓇᑭᑐᐛᐸᑎᒧᐛᐤ ᐅᑦ ᐊᐱᒋᐊᑭᓂᔎᒪ ᐅᑎᐱᑕᔨᑕᑯᓱᐅᓂᔪᐤ᙮ ᑕᓐ ᒐ ᐃᔅᐱᔅ ᐊᓂᔅᒐ ᐱᒪᑎᓯᐛᒂ ᐃᔪᒡ ᐊᓐᑕ ᐃᔅ ᓂᔅᑕᒥᒡ ᒋᑭ ᐊᔨᒧᑎᒧᒡ ᑕᓐ ᑲ ᐃᔅᐱᔅ ᓱᐛᔨᒥᑯᐎᒡ᙮

ᓗᒃ 14:11

ᐛᔅ ᐊᐛᓐ ᒥᔅᑎ ᑲ ᐎ ᐃᑕᔨᒥᑯᓯᑦ ᒋᓴᒪᓂᑐᐛ ᒋᑭ ᑎᐱᑕᔨᒧᐃᑯᐤ᙮ ᐊᓐ ᒪᒃ ᑲ ᑎᐱᑕᔨᒥᑎᓱᑦ ᐊᐅᒄ ᐊᓐ ᒐ ᒋᔅᑕᔨᑕᑯᐃᑯᑦ ᒋᓴᒪᓂᑐᐛ᙮”

ᓗᒃ 18:14

“ᒋ ᐎᑎᒪᑎᓇᐛᐤ ᒪᒃ, ᐅ ᓇᐸᐤ ᒋ ᒋᐛᐤ ᑕᑈ ᐊ ᑯᐃᔅᑯᓇᑯᓯᑦ ᒋᓴᒪᓂᑐᐛ ᐊ ᑭᓄᐛᐱᒥᑯᑦ᙮ ᓇᒪᐎᔾ ᐊᓐ ᐸᕆᓯ᙮ ᐊᓐ ᐊᐛᓐ ᒥᔅᑎ ᑲ ᐃᑕᔨᒥᓱᑦ ᒋᑭ ᑎᐱᑕᔨᑕᑯᐃᑯᐤ ᒋᓴᒪᓂᑐᐛ ᐊᑯ ᐊᓐ ᑲ ᑎᐱᑕᔨᒥᑎᓱᑦ ᐊᐛᓐ ᐊᐅᒄ ᒐ ᒋᔅᑕᔨᑕᑯᐊᑭᓄᐅᑦ᙮”

2 ᑕᓴᓗᓂᔭᓇ 1:9

ᒋᑭ ᐛᐛᓯᐊᑭᓄᐅᒡ ᑲᒋᒡ ᒐᒋ ᓂᓱᐅᓇᑎᓯᒡ᙮ ᒋᑭ ᐃᒐᓇᑭᓄᐎᒡ ᐅᑎᐸᔨᒋᒐᐛ ᐊ ᑕᔨᒋ ᐅᒋ ᑭᔭ ᓇᒪ ᓂᑕ ᒋᑭ ᐅᒋ ᐛᐸᑎᒧᒡ ᑕᓐ ᐊᔅᐱᔅ ᓱᒐᔨᑕᑯᓂᔨᒡ ᐅᒥᔅᑯᓯᐅᓂᔪᐤ᙮

ᒋᒥᔅ ᐅᒥᓯᓇᐊᒪᒐᐅᓐ 4:6

ᒥᒄ ᒪᒃ ᒋᓴᒪᓂᑐᐤ ᐊᑐᐎᔅ ᒥᔅᑎ ᒥᔭᐤ ᓱᐛᔨᒋᒐᐅᓂᔪᐤ ᐊᓂᔭ ᐊᐛᔪᐛ ᐎᔾ ᐊ ᑕᑦ ᑲ ᐃᓯ ᐱᒪᑎᓯᔨᒋ᙮ ᐛᔅ ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋᓴᒪᓂᑐᐤ ᓂᔅᑯᔅᑐᐛᐤ ᐊᓂᔭᔪᐛ ᑲ ᒋᔅᑕᔨᒥᓱᔨᒋ ᒥᒄ ᒪᒃ ᓱᐛᔨᒋᒐᐅᓂᔪᐤ ᒥᔭᐤ ᐊᓂᔭ ᑲ ᑎᐱᑕᔨᒥᓱᔨᒋ᙮