1 ᒋᔾ ᒋ ᑕᔅᑎᓴᐱᒥᑎᓐ, ᐅ ᒋᔾ ᑲ ᑕᔨᓐ ᒋᒋᒋᓯᑯᒡ᙮
ᑎᐸᔨᒋᒐᓱᐤ ᑕᐤ ᐅᐸᔭᒋ-ᐊᔭᒥᐊᐅᒋᐛᐱᒡ, ᑎᐸᔨᒋᒐᓱᐤ ᐅᒋᓴᐅᒋᒪᐤ ᑕᑎᐳᐛᑭᓐ ᒋᒋᒋᓯᑯᒡ ᑎᒂᓂᔪᐤ: ᐛᐱᒪᐤ, ᓂᓇᐧᑲᒋᐃᒪᐤ ᐃᔪᐛ ᐅᑦ ᐊᐛᓯᒥᓯᔨᐛ᙮
ᒪᒃ ᒋ ᒋᓴᒪᓂᑐᒥᓇᐤ ᒋᒋᒋᓯᑯᒡ ᑕᐤ: ᒋ ᐃᑐᑎᒻ ᒥᒄ ᒐᒂᔪᐤ ᐊᓯ ᒥᔽᔨᑕᐧᒃ᙮
ᓂᑦ ᐊᔨᒥᓯᐅᓂᒡ ᓂᒋ ᑕᑈᑕᐤ ᑎᐸᔨᒋᒐᓱᐤ, ᓂᒋ ᓂᑐᑕᒄ ᒪᒃ᙮
ᓂᑭ ᑕᔅᑎᓴᐱᔅᑕᓐ ᐱᔅᑯᑎᓇᐛ, ᑕᓐᑕ ᐛᒋᐱᔨᒡ ᓂᐎᒋᐃᑯᓯᐅᓐ ?
ᓂᒋ ᓯᒋᔭᓯᓐ ᐃᔅᐱ ᐊᓯᒡ, “ᐊᑯᔅ ᐃᑐᑕᑕᐤ ᐎᒋᒡ ᑎᐸᔨᒋᒐᓱᐤ᙮”
ᒥᓱᐧᒄ ᐊᑲ ᐅᒋ ᐎᒋᐃᑕᐧᒄ ᑎᐸᔨᒋᒐᓱᐤ, ᐊᑯ ᒋᐸ ᐃᔪᐤ ᐃᔅᕋᐃᓪ;
ᐊᓐᒡ ᑲ ᒪᒥᓯᑐᑐᐛᒡ ᑎᐸᔨᒋᒐᓱᐛ ᒋᑭ ᓂᔅᐱᑎᒧᒡ ᓴᐃᔭᓐ ᐱᔅᑯᑎᓇᔪᐤ, ᒐ ᐊᑲ ᒋ ᐊᒋᐸᔨᑕᑭᓄᐅᒡ, ᒪᒃ ᑲᒋᒡ ᑲ ᑎᑯᓂᔨᒡ᙮
ᐃᔅᐱ ᑎᐸᔨᒋᒐᓱᐤ ᑲ ᒋᐛᑕᐊᑦ ᑲ ᒪᑯᓇᑭᓄᐎᔨᒋ ᓴᐃᔭᓂᒡ, ᔅᒋ ᓂᔅᐱᑐᐛᓄᐅᒡ ᐊᐛᓐᒋ ᐊ ᐳᐛᒧᒡ᙮
ᒥᓱᐧᒄ ᐊᑲ ᐎᔾ ᐅᓯᑕᑦ ᒥᒋᐛᔪᐤ ᑎᐸᔨᒋᒐᓱᐤ, ᓂᑐᐎ ᐃᓯ ᐊᑐᔅᒐᐅᒡ ᐊᓐᒡ ᑲ ᐅᓯᑕᒡ: ᒥᓱᐧᒄ ᑎᐸᔨᒋᒐᓱᐤ ᐊᑲ ᐎᔾ ᑲᓄᐛᔨᑕᒐ ᐅᑕᓇᔪᐤ, ᓂᑐᐎ ᐃᓯ ᐊᓱᐛᐳᐤ ᑲ ᐊᓱᐛᐱᑦ᙮
ᓱᐛᔨᑕᑯᓱᐤ ᒥᓯᐛ ᑕᑐᐤ ᐊᐛᓐ ᑲ ᓇᓂᒋᔅᑐᐛᑦ ᑎᐸᔨᒋᒐᓱᐛ; ᑲ ᐱᒧᑕᑎᒺᑦ ᐅᑦ ᐃᑎᓱᐛᐅᓂᔪᐛ᙮
ᒥᒐᑥᐤ ᓂᒋ ᐊᔨᒥᐃᑯᒡ ᑲ ᐸᒋ ᐅᔅᒋᓂᒋᐅᔭᓐ, ᐊᓄᒡ ᒋᑭ ᒋ ᐃᔅᒋᔄᐱᓐ ᐃᔅᕋᐃᓪ;
ᐊᓐᑕ ᐊ ᒋᔅᑲᔨᐛᒡ ᔅᒋ ᐅᒋ ᒪᑕᑎᓐ, ᐅ ᑎᐸᔨᒋᒐᓱᐤ᙮
ᑎᐸᔨᒋᒐᓱᐤ, ᓂᑕᐃ ᓇᒪᐎᔾ ᒋᔅᑕᔨᒧᒪᑭᓐ, ᓇᒪ ᑭᔭ ᓄᑯᓐ ᓂᔅᒋᓯᑯᒡ ᐊ ᒥᒥᑕᑯᓯᔭᓐ; ᓇᒪ ᑭᔭ ᓂ ᓄᒋᑕᓐ ᒋᒋ ᒐᒂᓇ, ᑭᔭ ᒥᒄ ᒐᒂᓐ ᐅᓴᒻ ᑲ ᒪᒥᔅᑲᓯᓂᒪᓐ᙮
ᑎᐸᔨᒋᒐᓱᐤ, ᒋᔅᒋᑐᐤ ᑎᐱᑦ, ᑭᔭ ᒥᓯᐛ ᐅᒪᒂᔨᑎᒧᐅᓇ᙮
ᐛᐸᑎᒥᒄ, ᐊᔅᐱᔅ ᒥᔽᓯᔨᒡ ᑭᔭ ᒥᔪᓇᑯᓂᔨᒡ ᑲᐎᐧᑲᓂᓯᑕᑐᒡ ᒐᒋ ᐎᒋᒥᑐᒡ ᐊ ᐸᐃᑯ ᒥᑐᓇᔨᒋᑭᓂᒡ᙮
ᐛᐸᑎᒥᒄ, ᒪᒥᒋᒥᐧᒄ ᑎᐸᔨᒋᒐᓱᐤ, ᒥᓯᐛ ᒋᔨᐛᐤ ᐅᑦ ᐊᑐᔅᒐᔭᑭᓇ ᑎᐸᔨᒋᒐᓱᐤ; ᑕᐱᔅᑲᒋ ᑲ ᓂᐳᐅᔭᒄ ᐎᒋᒡ ᑎᐸᔨᒋᒐᓱᐤ᙮
ᒪᒃ ᒋ ᑭᓄᐛᐱᒥᑎᓐ, ᐅ ᒋᓴᒪᓂᑐᐤ ᑎᐸᔨᒋᒐᓱᐤ᙮ ᒋᔾ ᒋ ᒪᒥᓯᑐᑕᑎᓐ; ᐊᑲ ᐎ ᒋᐛᑎᓯᐅᓂᒡ ᓂᑭᔅ ᓂᑦ ᐊᒐᐧᒄ᙮
ᐊᓐ ᑲ ᐊᐱᑦ ᒋᒋᒋᓯᑯᒡ ᒋᑭ ᐸᐳᐤ: ᑎᐸᔨᒋᒐᓱᐤ ᒋᑭ ᐅᓯᓄᐛᐤ᙮
ᓂᔅᒋᓯᒂ ᐅᒋ ᒧᔅ ᓂ ᑭᓄᐛᐱᒪᐤ ᑎᐸᔨᒋᒐᓱᐤ; ᐛᔅ ᒋᑭ ᒐᑎᔭᐸᒐᓇᒻ ᓂᓯᑕ᙮
ᐊᐅᒄ ᐅ ᒐ ᐃᓯ ᐊᔭᒥᐊᔭᒄ᙮ ᓄᑕᐎᓇᓐ ᒋᒋᒋᓯᑯᒡ ᐊ ᑕᔨᓐ, ᓂᑦ ᐊᔭᒥᐊᓇᓐ ᒋᑦ ᐃᓯᓂᐧᑲᓱᐅᓐ ᐊ ᐸᔭᒋᓯᒥᑲᒡ ᒐᒋ ᒋᔅᑕᔨᑕᑯᑕᑭᓄᐅᒡ᙮
“ᐊᑯ ᒪᒃ ᐊᓐ ᓇᐸᐤ ᑲ ᒪᒧᓴᒋᓇᐧᒃ ᒋᓴᐅᒋᒪᐤ ᓱᓇᔭᔪᐤ ᑲ ᐃᑕᐱᑎᓯᑦ, ᐃᔅᐱ ᐊ ᐊᔭᒥᐊᑦ ᐛᔪᐎᔅ ᐊᓐᑕ ᒋ ᐅᒋᑲᐳᐤ ᐊᓐᑕ ᑲ ᓂᐳᔨᒋ ᐊᓂᔭ ᐸᕆᓯᐊ ᓇᒪ ᑭᔭ ᐛᐛᒡ ᐅᒋ ᑎᔅᑎᓴᐳᐤ ᒋᒋᒋᓯᑯᒡ ᐛᔅ ᒋ ᑯᓯᑯᑕᐊᐤ᙮ ᒋ ᐃᔅᒋᔄᐤ, ‘ᒋᓴᒪᓂᑐᐤ ᐸᒋ ᒋᔅᑎᒪᒐᔨᒥ ᐊ ᒥᒋᑐᑎᒪᓐ᙮’ ” ᐊᑯ ᒋᓴᔅ ᒥᓐ ᒂ ᐊᑎ ᐃᔅᒋᔄᑦ ᐃᔅᐱ ᑲᒋ ᐃᓯ ᑎᐸᒋᒧᑦ᙮
