30 ᓂᒋ ᐛᐛᔭᐸᑕᓐ ᑲ ᑕᑈᒥᑲᒡ ᐃᓯᑥᐅᓐ: ᒋᑎᐸᔅᑯᓂᒐᐅᓇ ᓂᒋ ᐎᔨᔅᑎᒪᓱᓐ᙮
ᒋᑎᐸᒋᒧᐅᓇ ᓂᒋ ᐅᑎᓇᓐ ᑲᒋᒡ ᒐᒋ ᑎᐱᔨᐛᐅᓯᔭᓐ; ᐛᔅ ᓂ ᒧᒋᒐᔨᑎᒧᔅᑲᑯᓐ᙮
ᐊᑯᔅ ᒋᑎᒋᔾ ᓂᑭ ᐎᒋᐃᑯᓐ; ᐛᔅ ᓂᒋ ᐛᐛᔭᐸᑕᓐ ᒋᑦ ᐃᑎᓱᐛᐅᓇ᙮
ᒋᑎᐸᒋᒧᐅᓇ ᐊᓯᒡ ᓂ ᒥᔽᔨᑎᒥᐃᑯᓐ; ᑭᔭ ᓂ ᑭᒐᔅᒋᒥᑯᓐ᙮
ᐃᒐᓇᒧᐎ ᑭᑭᒋᔭᐎ ᐃᓯᑥᐅᓐ; ᑭᔭ ᒋᓴᐛᑎᓯᐅᓂᒡ ᐸᒋᑎᓇᒧᐎ ᒋᑦ ᐃᑎᓱᐛᐅᓐ᙮
ᓂᒋ ᒋᔅᒋᓐ ᐛᔅᑭᒡ ᒋᑎᐸᔅᑯᓂᒐᐅᓇ, ᐅ ᑎᐸᔨᒋᒐᓱᐤ; ᓂᒋ ᒥᔽᔨᒧᐃᓱᓐ ᒪᒃ᙮
ᐛᔅ ᒥᓯᐛ ᐅᑎᐸᔅᑯᓂᒐᐅᓇ ᓂᒋ ᐅᑎᔅᑲᐎᔅᑲᑯᐛᓐ, ᓇᒪ ᑭᔭ ᓂᒋ ᐃᑲᑕᔅᑎᒪᓱᐛᓐ ᐅᑦ ᐃᑎᓱᐛᐅᓇ᙮
ᓂᒋ ᑯᐃᔅᑯᑕᑎᓯᔅᑐᐛᐤ ᑭᔭ, ᐊᓯᒡ ᑭᔭ ᓂᒋ ᓇᑲᓂᑎᓱᓐ ᓂᒥᒐᑎᓯᐅᓂᒡ ᐅᒡ᙮
ᐸᐃᒄ ᐛᔅ ᐊᓐ ᒐᒂᓐ ᓇᔅᒡ ᓂᑐᐛᔨᑕᑯᓐ, ᒪᕆ ᒪᒃ ᓴᔅ ᒋ ᐎᔭᐸᑎᒪᓱᐤ ᐊᓂᔭ ᒐᒂᔪᐤ ᓇᔅᒡ ᐊ ᒥᔽᓯᔨᒡ ᐊ ᓂᑐᐛᔨᑕᑯᓂᔨᒡ᙮ ᓇᒪ ᒪᒃ ᐊᐛᔪᐛ ᒋᑭ ᒋ ᒥᔅᑭᒥᑯᐤ ᐊᓂᔭᔪᐤ᙮”
ᓂᔾ ᒪᒃ ᒧᔅ ᑯᐃᔅᒄ ᓂᑦ ᐃᔅᒋᔄᓐ ᐊᐅᒄ ᒪᒃ ᐊᓐ ᐛᒋ ᐊᑲ ᑕᑈᑐᐅᔭᒄ᙮
ᒧᔅ ᐊᑐᐎᔅ ᒋᐸ ᓂᑐᐛᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓐ᙮ ᐛᔅ ᓇᔅᒡ ᑕᑈ ᐱᔭᒐᔨᑕᑯᓂᔪᐤ᙮ ᑭᔭ ᐊᑯᑕ ᒐ ᐅᒋ ᒥᔪ ᓂᑕᐅᒋᔭᒄ ᑭᔭ ᐊᐅᑯᓐ ᒐ ᑭᓄᐛᔨᒥᑯᔭᒄ ᐊ ᐱᒪᒋᐅᔭᒄ᙮ ᒧᔭᒻ ᐊᐛᔅ ᐊ ᐅᔅᒋᓂᑕᐅᒋᑦ ᒧᔅ ᐊ ᓂᑐᐛᔨᒪᑦ ᒋᒋᓇᐳᔭ ᒐᒋ ᐅᒋ ᓂᑕᐅᒋᑦ, ᐊᐅᑯᓐ ᒋᐸ ᐃᓯᓇᑯᓯᓇᐛᐤ ᐊ ᓂᑐᐛᔨᑎᒺᒄ ᒋᓴᒪᓂᑐᐤ ᐅᑦ ᐃᔨᒧᐅᓐ ᒐᒋ ᐅᒋ ᓂᑕᐅᒋᔭᒄ ᐊᓐᑕ ᒋᑦ ᐊᒐᐧᑯᐛᒡ᙮
ᓇᔅᒡ ᑕᑈ ᓂᒋ ᒧᒋᒐᔨᑕᓐ ᐃᔅᐱ ᒐᔅᒐᔨᑎᒪᓐ ᐱᔅᒐ ᒋᑦ ᐊᐛᓯᒥᒡ ᑕᑈᐅᓂᒡ ᐊ ᐃᓯ ᐱᒪᑎᓯᒡ ᒧᔭᒻ ᐊᓂᔭ ᑲ ᐃᑎᓱᒥᑕᐧᒄ ᐅᑕᐎᒪᐤ ᒐᒋ ᐃᓯ ᐱᒪᑎᓯᐛᐧᒄ᙮