19 ᓂ ᒪᓐᑕᐅᓐ ᐊᔅᒋᒡ: ᐊᑲᐎᔾ ᑲᑐᐎ ᒋᑦ ᐃᑐᓱᐛᐅᓇ᙮
ᒐᑭᑉ ᒋ ᐎᑎᒧᐛᐤ, “ᓂ ᐸᐃᑯ ᒥᑕᓯᒥᑎᓄᐛᐳᓇᓯᓐ ᐊᓱ ᓂᔅᑐᔪᐤ᙮ ᐊᔅᒄ ᓇᒪ ᓇᐅᔅ ᓂ ᐱᒪᑎᓯᓐ ᒥᒄ ᓂᑦ ᐊᔨᒥᔪᐅᓐ ᓂᐱᒪᑎᓯᐅᓂᒡ᙮ ᐊᑎᑐᐤ ᓇᐅᔅ ᒋ ᐱᒪᑎᓯᐅᒡ ᓂᑦ ᐊᓂᔅᑯᑕᐸᓐᒡ ᐃᔅᐱᔅ ᓂᔾ᙮”
ᒥᓯᐛ ᓂᑕᐃᒡ ᔅᒋ ᐅᒋ ᓇᓂᑐᐛᔨᒥᑎᓐ: ᐅ ᐊᑲᐎᔾ ᓇᐊᔨᒥ ᒐᒋ ᐅᓂᒥᑎᒪᔭᓐ ᒋᐎᓱᐛᐅᓇ ᐅᒡ᙮
“ᓂᑐᑕ ᓂᑦ ᐊᔭᒥᐊᐅᓐ, ᐅ ᑎᐸᔨᒋᒐᓱᐤ, ᐸᑕᐎᓐ ᒪᒃ ᐊ ᒧᔅᑯᐛᑎᑕᓐ; ᐊᑲᐎᔾ ᒋᐱᑐᐛ ᐊ ᐅᒋᐧᑯᐛᑎᔭᓐ: ᐛᔅ ᓂ ᒪᓐᑕᐅᓐ ᑭᔭ ᓂᐱᒥᐱᒋᓐ, ᒧᔭᒻ ᒥᓯᐛ ᓄᑕᐅᐱᓐᒡ᙮
ᐅ ᒥᓇᒋᐃ, ᒐᒋ ᒋᐛ ᐊᔭᔭᓐ ᒥᔅᑯᐅᓯᐅᓐ, ᐊᒺᔭ ᐅᑕ ᐅᒋ ᔅᑐᑕᔭᓐ, ᑭᔭ ᒐ ᐊᑲ ᑕᔭᓐ᙮”
ᐊᑯ ᐅᔭ ᒂ ᐃᓯ ᐎᑎᒧᐛᑦ ᒐᒋ ᐱᔭᑭᔅᒡ ᓂᔅᑐᑎᒥᔨᒋ ᑕᓐ ᐊ ᐃᓯ ᐎᑎᒪᒐᒥᑭᓂᔨᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔨᒡ᙮
ᐊᑯ ᐊᓐᒡ ᒋᔅᒋᓄᐊᒧᐛᑭᓐᒡ ᓇᒪ ᐅᒋ ᓂᔅᑐᑎᒧᒡ᙮ ᓇᒪ ᐅᒋ ᒋᔅᒐᔨᑎᒧᒡ ᑕᓐ ᑲ ᐎ ᐃᓯ ᐎᑎᒪᑯᒡ ᒋᓴᓴ, ᐛᔅ ᐊᔅᒄ ᓇᒪ ᐅᒋ ᒥᔭᑭᓄᐎᒡ ᒐᒋ ᓂᔅᑐᑕᒡ᙮ ᒋ ᓴᒋᓱᐅᒡ ᒪᒃ ᒐᒋ ᑯᒂᒋᒐᒧᒡ ᒐᒂᔪᐤ ᐅᔭ ᑲ ᐃᔅᒋᔄᔨᒋ᙮
ᐊᐅᒄ ᒪᒃ ᐛᒋ ᒧᔅ ᓱᒋᑕᐊᔭᐧᒄ᙮ ᒋ ᒋᔅᒐᔨᑕᓇᓄᐤ ᒐ ᐃᔅᐱᔅ ᐃᑕᐛᒂ ᐅᑕ ᒋᔪᓇᒡ ᓇᒪ ᒋ ᑕᓇᓄᐤ ᐊᓐᑕ ᐊ ᑕᑦ ᐅᑎᐸᔨᒋᒐᐤ᙮
ᓂᐎᒐᐛᑭᓂᑎᒄ ᑲ ᓴᒋᐃᑎᑯᒡ, ᒥᒄ ᐛᔅ ᐊᓐ ᒋ ᒪᓐᑕᐅᓇᐛᐤ ᑭᔭ ᒥᒄ ᒋ ᐱᐸ ᑕᓇᐛᐤ ᐅᑕ ᐊᔅᒋᒡ᙮ ᐊᐅᒄ ᒪᒃ ᐅ ᐛᒋ ᐎ ᓯᒋᒥᑎᑯᒡ ᓇᔅᒡ ᒐ ᐊᑲ ᒋ ᐱᐱᔅᑲᑕᔨᑎᒥᐃᑯᔭᒄ ᐊᓂᔭ ᒥᒋ ᓂᑐᐛᔨᑎᒧᐅᓇ ᐊᓂᔭ ᒧᔅ ᒥᔭᓯᒐᐱᔨᒋ ᒋᑦ ᐊᒐᐧᑯᐛᒡ᙮
