ᑎᐱᑦ ᐅᓂᑭᒧᐅᓇ 119:118 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹¹⁸ ᔅᒋ ᑕᑯᔅᑲᑕᐅᒡ ᒥᓯᐛ ᑲ ᐛᓂᒥᑎᒪᒡ ᒋᑦ ᐃᓯᑥᐅᓇ ᐅᒡ; ᐛᔅ ᐅᑭᔭᓯᐅᓄᐛᐤ ᑭᑭᒋᔭᒪᑭᓂᔪᐤ᙮

ᑎᐱᑦ ᐅᓂᑭᒧᐅᓇ 119:118 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 119:10

ᒥᓯᐛ ᓂᑕᐃᒡ ᔅᒋ ᐅᒋ ᓇᓂᑐᐛᔨᒥᑎᓐ: ᐅ ᐊᑲᐎᔾ ᓇᐊᔨᒥ ᒐᒋ ᐅᓂᒥᑎᒪᔭᓐ ᒋᐎᓱᐛᐅᓇ ᐅᒡ᙮

ᑎᐱᑦ ᐅᓂᑭᒧᐅᓇ 119:21

ᔅᒋ ᒋᔅᑐᑕᐅᒡ ᐅᒋᔅᑕᔨᒧᐅᒡ ᑲ ᒥᒐᒋᒥᒡ, ᑲ ᐛᓂᒥᑎᒪᒡ ᒋᑦ ᐃᑎᓱᐛᐅᓇ ᐅᒡ᙮

ᑎᐱᑦ ᐅᓂᑭᒧᐅᓇ 119:29

ᐃᒐᓇᒧᐎ ᑭᑭᒋᔭᐎ ᐃᓯᑥᐅᓐ; ᑭᔭ ᒋᓴᐛᑎᓯᐅᓂᒡ ᐸᒋᑎᓇᒧᐎ ᒋᑦ ᐃᑎᓱᐛᐅᓐ᙮

ᑎᐱᑦ ᐅᓂᑭᒧᐅᓇ 78:57

ᒪᒃ ᐊ ᐊᑎᒥᑲᐳᐅᒡ, ᒋ ᒥᒋᑐᑕᒧᒡ ᒧᔭᒻ ᐅᑕᐎᐛᐛ: ᒋ ᐱᔅᒐᐱᔪᐅᒡ ᒧᔭᒻ ᑭᑭᒋᔭᓯᐤ ᐊᒐᐱᔾ᙮

ᑎᐱᑦ ᐅᓂᑭᒧᐅᓇ 95:10

ᓇᐎᔪᐛᐳᓇ ᓂᒋ ᒥᑯᔅᑲᑕᔨᑎᒥᐃᑯᒡ ᐅᒡ ᐊᓂᔅᒐ ᑲ ᐸᒋ ᐱᒪᑎᓯᒡ, ᓂᒋ ᐃᔨᓐ ᒪᒃ, “ᐅᒡ ᐃᔪᒡ ᐛᐛᓂᐱᔪᐅᒡ ᐅᑕᐃᐛᒡ, ᑭᔭ ᓇᒪ ᒋ ᒋᔅᒐᔨᑎᒧᒡ ᓂᑦ ᐃᓯᑥᐅᓂᔪᐤ᙮”

ᓗᒃ 21:24

ᐱᔅᒐ ᐊᐛᓐᒋ ᓂᑐᐱᔪᐅ-ᒧᐧᑯᒪᓂᔪᐤ ᒋᑭ ᐊᐱᑎᓂᔪᐤ ᐊ ᓂᐸᐊᑭᓄᐎᒡ᙮ ᐊᑯ ᑯᑎᑭᒡ ᒐ ᒪᑯᓇᑭᓄᐎᒡ, ᓂᓇᐧᑯᐤ ᐊᔅᒋᒡ ᒐ ᐃᑐᑕᐊᑭᓄᐎᒡ᙮ ᐊᑯ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᓇᔅᒡ ᒋᑭ ᐎ ᓂᓱᐅᓇᒋᑕᐅᒡ ᒋᕈᓯᓕᒥᔪᐤ, ᐸᑐᔅ ᒋᓴᒪᓂᑐᐛ ᒋᑕᐊᒪᑯᑥᐛ᙮”

ᐃᐱᓯᔭᓇ 4:22

ᔅᒋ ᐎᑎᒪᑯᓇᐛᐤ ᒐ ᓂᓱᐅᓇᒋᐃᑯᔭᒄ ᐊᓐ ᑲ ᐎᔭᓯᒥᑯᔭᒄ ᒋᒥᒋᓂᑐᐛᔨᑎᒧᐅᓄᐛᐛ, ᑭᔭ ᔅᒋ ᐃᑎᑯᓇᐛᐤ ᒐᒋ ᐛᐱᓂᒪᒄ ᐛᔅᑭᒡ ᑕᓐ ᑲᒋ ᐃᑕᑎᓯᔭᒄ ᐊ ᒥᒋᑐᑎᒪᒄ᙮

ᐃᐱᓯᔭᓇ 5:6

ᐃᔭᒂᒥᔅᑐᐛᐧᑯᒡ ᒪᒃ ᒐ ᐊᑲ ᒋ ᐎᔭᓯᒥᑕᑯᒡ ᐊᓐᒡ ᑲ ᒥᔽᔨᑕᒡ ᐅᔭᔪᐤ ᐃᑕᑎᓯᐅᓂᔪᐤ ᐛᔅ ᓂᑎᒥᒄ ᒋᑭ ᐃᓯ ᒋᔅᒋᓄᑕᐃᑯᐛᐅᒡ᙮ ᐅᔭ ᐊ ᐃᑕᑎᓯᒡ ᐊᓐᒡ ᐊᑲ ᓂᓇᐃᑐᐛᒡ ᒋᓴᒪᓂᑐᐛ ᐊᔪᐅᒄ ᐅᔭ ᐛᒋ ᐅᑎᑕᐅᑯᐛᒡ ᐅᑦ ᐊᐧᑯᔪᐛᓱᐅᓂᔪᐤ᙮

2 ᑎᒧᑎ 3:13

ᐊᑯ ᐊᓐᒡ ᑲ ᒥᒐᑎᓯᒡ ᑭᔭ ᐊᓐᒡ ᓂᑎᒥᒄ ᑲ ᐃᓯ ᒋᔅᑯᑎᒪᒐᒡ ᐊᔭᔅᒃ ᐊᑐᐎᔅ ᒋᑭ ᐃᑕᔨᑕᑯᓱᐅᒡ, ᐊ ᐎᔭᓯᒪᒡ ᐊᐛᔪᐛ ᑭᔭ ᐎᔨᐛᐤ ᐊ ᐎᔭᓯᒪᑭᓄᐎᒡ᙮

1 ᒠᓐ 2:21

ᓇᒪ ᐎ ᐊ ᐃᑕᔨᒥᑎᑯᒡ ᐊᑲ ᒋᔅᒐᔨᑎᒪᒄ ᑕᑈᐅᓐ ᐛᒋ ᒥᓯᓇᐊᒪᑎᑯᒡ᙮ ᐊ ᒋᔅᒐᔨᑎᒪᒄ ᑕᑈᐅᓐ ᑭᔭ ᐊ ᒋᔅᒐᔨᑎᒪᒄ ᐊᑲ ᑎᒂᒡ ᑭᑭᒋᔭᐅᓐ ᐊᓐᑕ ᑕᑈᐅᓂᒡ ᐊᐅᑯᓐ, ᐛᒋ ᒥᓯᓇᐊᒪᑎᑯᒡ᙮

ᒋᔅᒐᔨᑕᑯᑕᒐᐅᓐ 14:20

ᐎᐎᑎᒥᒡ ᐊᓐ ᐅᑕᓇᐤ ᐊᑯᑕ ᑲ ᑎᑯᐃᑭᓄᐅᒋ ᐊᓂᔭᔪᐛ ᒥᓂᓴ᙮ ᐃᔅᐱ ᒪᒃ ᑲ ᑎᑯᐃᑭᓄᔨᒋ ᒥᔅᑎ ᒋ ᐅᒋ ᑯᐃᒂᓯᑯᓐ ᒥᐧᒄ ᐊᓐᑕ ᐊᓐ ᓇᐊᐤ ᑲ ᑎᑯᐃᑭᓄᔨᒋ ᐊᓂᔭᔪᐛ ᒥᓂᓴ᙮ ᐊᓐ ᒪᒃ ᐊ ᐃᓯ ᑯᐃᒂᓯᑯᒡ ᒥᐧᒄ, ᓴᓯᑲᓐ ᐱᑕᑕᒡ ᑕᑐᔪᐤ ᒥᓯᑦ ᒋ ᐊᑎ ᐃᔅᐱᓯᐱᔪᐤ᙮ ᓴᓯᑲᓐ ᒪᒃ ᓂᓱ ᒥᑕᓯᒥᑎᓄᐤ ᐊᔅᐱᓴᒡ ᒋ ᐃᔎᒐ ᐱᓯᒄ ᒥᐧᒄ ᐊ ᐃᓯᓇᒂᒡ᙮

ᒋᔅᒐᔨᑕᑯᑕᒐᐅᓐ 18:23

ᓇᒪ ᓂᑕ ᒥᓐ ᒋᑭ ᐅᒋ ᓄᑯᓱᐅᒡ ᐛᔅᑕᓂᐱᒪᑭᓐᒡ ᐊ ᐛᔅᑐᐛᒡ ᐊᓐᑕ ᐊ ᑕᔨᓐ᙮ ᓇᒪ ᓂᑕ ᒥᓐ ᒋᑭ ᐅᒋ ᐸᑕᑯᓱᐅᒡ ᐊ ᒧᒋᒐᔨᑕᒡ ᐅᔅᒋᓂᒋᓱᐅᒡ ᑭᔭ ᐅᔅᒋᓂᔎᐅᒡ᙮ ᐊᓐᒡ ᓂᓇᐧᑯᐤ ᒐᒂᔪᐛ ᑲ ᐊᑕᐛᒡ ᐊᓐᑕ ᐊ ᑕᔨᓐ, ᐊᐅᑯᓐᒡ ᒪᐅᒡ ᑲ ᒋᔅᑕᔨᑕᑯᓯᒡ ᐊᐛᓐᒋ ᐅᑕ ᐊᔅᒋᒡ᙮ ᐊᓐᒡ ᐊᐛᓐᒋ ᐊᓐᑕ ᑲ ᐎᒋᒡ ᒥᓯᐛ ᐊᐛᔪᐛ ᐅᑕ ᐊᔅᒋᒡ ᒋ ᐎᔭᓯᐊᐅᒡ ᐅᒪᒥᑕᐛᑎᓯᐅᓄᐛᐤ ᐊ ᐊᐱᒋᑕᒡ᙮”