ᑎᐱᑦ ᐅᓂᑭᒧᐅᓇ 118:24 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁴ ᐊᓄᒡ ᐅᔭᔪᐤ ᑲ ᒋᓯᑲᔨᒡ ᐊᔪᐅᒄ ᑲ ᐅᓯᑕᑦ ᑎᐸᔨᒋᒐᓱᐤ; ᒋᑭ ᒥᔽᔨᑕᓇᓄᐤ ᑭᔭ ᒋᑭ ᓯᒋᔭᓯᓇᓄᐤ ᐊᓄᒡ ᒪᒂᒡ᙮

ᑎᐱᑦ ᐅᓂᑭᒧᐅᓇ 118:24 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 84:10

ᐛᔅ ᐸᐃᑯ ᒋᓯᑲᐛ ᒋ ᒪᐛᒋᐃᑐᐅᒋᐛᐱᒡ ᐃᐛᒃ ᒥᔽᓱᐤ ᐃᔅᐱᔅ ᒐᓯᐱᔪᐤ᙮ ᐊᐛᔅᑕ ᓂᑭ ᐎ ᑭᓄᐎᔎᑐᐛᐤ ᐎᒋᒡ ᓂᒋᓴᒪᓂᑐᒻ, ᐃᔅᐱᔅ ᒐᒋ ᐎᒋᔭᓐ ᒥᒐᑎᓯᐤ ᒥᒋᐛᐱᒡ᙮

ᐊᑈᔅᑕᓇᒡ 20:7

ᐊᓐ ᒪᒃ ᒥᔭᔅᑕᐃᑐᔅᑲᓄᒡ ᐊ ᐊᑎ ᐅᑕᑯᓯᔨᒡ ᓂᒋ ᒪᒧᐎᓇᓐ ᒐᒋ ᒪᒧᐤ ᒥᒋᓱᔭᒡ᙮ ᑈᓪ ᒪᒃ ᒋ ᐃᔨᒪᐊᐤ ᐊᓂᔭᔪᐛ ᐊᐛᔪᐛ ᑲ ᐸᒋ ᒪᒧᐎᔨᒋ᙮ ᐎᐱᒡ ᒋ ᐎ ᔅᑐᑕᐤ ᐊᓂᔭ ᒐ ᐛᐸᓂᔨᒡ, ᑭᔭ ᓇᐅᔅ ᒂ ᐊᑎ ᐃᔨᒥᑦ᙮ ᐱᐃᒻ ᒋ ᐊᐱᑕᑎᐱᔅᑲᔪᐤ ᐊᔅᒄ ᐊ ᐃᔨᒥᑦ᙮

ᒋᔅᒐᔨᑕᑯᑕᒐᐅᓐ 1:10

ᐸᐃᒂᐤ ᒪᒃ ᐊ ᐊᔭᒥᐊᐅᒋᓯᑲᒡ, ᑲ ᐸᔭᒋᓯᑦ ᐊᒐᐧᒄ ᓂᒋ ᓴᑭᔅᒋᓇᔅᑲᒄ᙮ ᐊᓐᑕ ᒪᒃ ᓂᔅᐱᔅᑯᓂᒡ ᓂᒋ ᐅᒋ ᐸᑕᓐ ᐸᑕᑯᓱᐅᓐ ᐊ ᒋᔄᐛᑦ ᐊᐛᓐ ᐊ ᐃᔨᒥᑦ᙮ ᒧᔭᒻ ᐳᑕᒋᑭᓐ ᐊ ᐃᔅᐱᔅ ᒋᔄᐛᒥᑲᒡ, ᐊᑯᓐ ᑲ ᐃᔅᐱᔅ ᒋᔄᐛᑦ ᐊ ᐃᔨᒥᑦ᙮