ᑎᐱᑦ ᐅᓂᑭᒧᐅᓇ 115:14 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁴ ᑎᐸᔨᒋᒐᓱᐤ ᐊᔭᔅᒃ ᒥᒄ ᒋᑭ ᒥᒐᑐᐃᑯᐛᐤ, ᒋᔨᐛᐤ ᑭᔭ ᒋᑦ ᐊᐛᓯᒥᓱᐛᐅᒡ᙮

ᑎᐱᑦ ᐅᓂᑭᒧᐅᓇ 115:14 ပူးပေါင်းရင်းမြစ်များ

ᒐᓂᓯᔅ 13:16

ᓂᑭ ᐃᑐᑐᐛᐅᒡ ᒋᓂᑕᐅᒋᐊᑭᓐᒡ ᒐᒋ ᒥᒐᑎᒡ ᒐ ᐊᑲ ᒋ ᐊᒋᒪᑦ ᐊᐛᓐ᙮ ᐅᔅᑕ ᒋᑭ ᒥᒐᑐᐅᒡ ᐃᔅᐱᔅ ᐊ ᑕᑎᓂᔨᒋ ᐃᔭᑲᐛ ᐅᑕ ᐊᔅᒋᒡ᙮

ᒐᓂᓯᔅ 17:7

ᒧᔅ ᑲᒋᒡ ᓂᑭ ᑭᓄᐛᔨᑕᓐ ᑲ ᐊᓱᑎᒪᑕᓐ ᑭᔭ ᒋᑦ ᐊᓂᔅᑯᑕᐸᓐᒡ ᓂᑲᓐ ᒐ ᐊᑎ ᐊᓂᔅᒐ ᐱᒪᑎᓯᒡ ᒧᔭᒻ ᑲᒋᒡ ᓂᓇᔅᑯᒧᐅᓐ, ᓂᔾ ᒋᑭ ᐅᒋᓴᒪᓂᑐᒥᑐᐅᓐ ᑭᔭ ᒋᑦ ᐊᓂᔅᑯᑕᐸᓐᒡ ᒐ ᐅᒋᓴᒪᓂᑐᒥᒡ᙮

ᐊᑈᔅᑕᓇᒡ 2:39

ᐛᔅ ᐅᔭ ᒋᓴᒪᓂᑐᐤ ᑲ ᐃᔅᒋᔄᑦ ᒐᔅᑎᓇᔅ ᒐ ᒥᔨᐛᑦ ᒋᔨᐛᐤ ᔅᒋ ᐃᑕᔨᒥᑯᐛᐤ ᒐᒋ ᐊᔭᐅᒪᑯ ᑭᔭ ᒋᑦ ᐊᐛᓯᒧᐛᐛ ᒐᒋ ᐊᔭᐛᔨᒋ ᑭᔭ ᒥᓯᐛ ᐊᓂᔭ ᐊᐛᔪᐛ ᐛᔪᐤ ᑲ ᑕᔨᒋ᙮ ᒥᓯᐛ ᐊᓐᒡ ᒐ ᑕᑈᑎᑯᒡ ᐅᑎᐸᔨᒋᒐᐛ ᒋᓴᒪᓂᑐᐛ ᒋᑭ ᒥᔭᑭᓄᐅᒡ ᐅᔭ ᒥᔨᐛᐅᓂᔪᐤ᙮”

ᐊᑈᔅᑕᓇᒡ 3:25

ᒋᑦ ᐊᓂᔅᒐ ᐎᐧᑲᓂᓯᓇᐛᐤ ᐊᓂᔭᐧᑲ ᐅᒋᔅᒋᐛᐃᒐᓱᒡ, ᐊᓂᔭᔪᐤ ᒪᒃ ᓂᔅᑯᒧᐅᓂᔪᐤ ᑕᓐ ᑲ ᐃᓯ ᒥᔨᑯᒡ ᒋᓴᒪᓂᑐᐛ ᑭᔭ ᒋᔨᐛᐤ ᐊᓐᑕ ᒋᑦ ᐊᔅᑎᓯᓇᓱᓇᐛᐤ᙮ ᐛᔅ ᒋᓴᒪᓂᑐᐤ ᒋ ᐃᑕᐤ ᐊᓂᔭ ᐊᑉᕋᐊᒪ, ᐊᓐᑕ ᓂᔅᑕᒥᒡ ᒋᑦ ᐊᐛᓯᒥᒡ ᓂᑭ ᐅᒋ ᐅᑎᓇᐤ ᐸᐃᒄ ᐊᐛᓐ ᐊᓐᑕ ᐅᒋ ᒐᒋ ᐅᒋ ᓱᐛᔨᒥᒂᐤ ᒥᓯᐛ ᐊᐛᓐᒋ ᐅᑕ ᐊᔅᒋᒡ᙮

ᒋᔅᒐᔨᑕᑯᑕᒐᐅᓐ 7:4

ᐊᑯ ᒂ ᐸᑎᒪᓐ ᑕᓐ ᑲ ᐃᑕᑎᓯᒡ ᐊᓐᒡ ᑲ ᒋᔅᒋᓄᐛᒋᐊᑭᓄᐎᒡ ᒋᓴᒪᓂᑐᐛ ᐅᒋᔅᒋᓄᐛᒋᒋᑭᓂᔪᐤ ᐅᔅᑲᑎᑯᐛᒡ᙮ ᐸᐃᑯ ᒥᑕᓯᒥᑎᓄᐤ ᐊᓱ ᓇᐎᔪᐤ ᐊᓱ ᓇᐛᐤ ᒐᓯᐱᔪᐤ ᒋ ᑕᑎᓱᐅᒡ᙮ ᒥᓯᐛ ᐊᓐᑕ ᐊ ᓂᓱᓴᑉ ᐱᑐᐤ ᑲ ᐃᑎᔅᑲᓇᓯᔨᒋ ᐃᔅᕋᐃᓪ ᐃᔪᐛ ᒋ ᐅᒋᐅᒡ ᐊᓐᒡ ᑲ ᒋᔅᒋᓄᐛᒋᐊᑭᓄᐎᒡ᙮

ᒋᔅᒐᔨᑕᑯᑕᒐᐅᓐ 7:9

ᐃᔅᐱ ᑲ ᐃᔅᐱᔨᒡ ᐅ ᒪᔅᑕᔾ ᑲ ᐃᓯ ᐛᐸᑎᔨᑯᐅᔭᓐ, ᐊᑯ ᒂ ᐛᐱᒥᒂᐤ ᐊ ᒥᔅᑎ ᒥᒐᑎᒡ ᐊᐛᓐᒋ, ᐊᑲ ᐛᐛᒡ ᒋ ᐊᒋᒪᑭᓄᐎᒡ ᑲ ᐃᔅᐱᔅ ᒋ ᒥᒐᑎᒡ᙮ ᒥᓯᐛ ᐊ ᐃᑎᔅᑲᓇᓯᓇᓄᐎᒡ ᐊ ᐅᒋᒡ, ᒥᓯᐛ ᐊ ᐃᓯ ᒪᒧᑕᐅᓯᓇᓄᐎᒡ, ᑭᔭ ᒥᓯᐛ ᐊ ᐃᓯ ᐃᔨᒥᓇᓄᐎᒡ, ᒥᓯᐛ ᒋ ᐅᑎᔅᑯᑲᐳᔅᑎᒺᐅᒡ ᒋᓴᒪᓂᑐᐛ ᐅᒋᓴᐅᒋᒪᐤ ᑕᑎᐳᐛᑭᓂᔪᐤ ᑭᔭ ᐊᓂᔭᔪᐛ ᒪᔭᑕᓂᓴ᙮ ᒥᓯᐛ ᐊ ᑎᓯᒡ ᒋ ᐛᐸᔅᐱᓱᐅᒡ ᑭᔭ ᒋ ᑕᐧᑯᓂᒧᒡ ᓂᐱᓯᔭᑎᒂ ᐅᑎᒋᐛᒡ ᐊ ᒧᒋᒐᔨᑕᒡ᙮