ᑎᐱᑦ ᐅᓂᑭᒧᐅᓇ 111:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐱᒪᒋᐃᐛᐅᓂᔪᐤ ᒋ ᐃᑎᓴᐊᒧᐛᐤ ᐅᑦ ᐃᔨᒪ: ᐃᑎᓱᐛᐤ ᐅᓂᔅᑯᒥᑐᐅᓐ ᑲᒋᒡ ᒐᒋ ᑎᒂᓂᔨᒡ: ᐸᔭᐧᑭᓂᔪᐤ ᑭᔭ ᒋᔅᑕᔨᑕᑯᓂᔪᐤ ᐅᑦ ᐃᓯᓂᐧᑲᓱᐅᓐ᙮

ᑎᐱᑦ ᐅᓂᑭᒧᐅᓇ 111:9 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 111:5

ᒋ ᐊᓴᒪᐤ ᐊᓂᔭᔪᐛ ᑲ ᓇᓂᒋᔅᑕᑯᑦ: ᑲᒋᒡ ᒋᑭ ᒋᔅᒋᓯᐤ ᐅᓂᔅᑯᒥᑐᐅᓐ᙮

ᑎᐱᑦ ᐅᓂᑭᒧᐅᓇ 89:7

ᒋᓴᒪᓂᑐᐤ ᓇᔅᒡ ᒋᑭ ᓇᓂᒋᔅᑕᑯᐤ ᑲ ᒪᐅᒋᐃᑐᔨᒋ ᐅᐸᔭᒋᓱᐛ, ᑭᔭ ᒋᑭ ᒋᔅᑕᔨᒥᑯᐤ ᒥᓯᐛ ᑲ ᐛᔅᑲᔅᑲᑯᑦ᙮

ᑎᐱᑦ ᐅᓂᑭᒧᐅᓇ 99:3

ᐊᑯᔅ ᒋᑭ ᒪᒥᒋᑕᒧᒡ ᑲ ᒋᔅᑕᔨᑕᑯᓂᔨᒡ ᑭᔭ ᑲ ᑯᔅᑕᑎᑯᓂᔨᒡ ᒋᑦ ᐃᓯᓂᐧᑲᓱᐅᓂᔪᐤ; ᐛᔅ ᐸᔭᐧᑭᓂᔪᐤ᙮

ᑎᐱᑦ ᐅᓂᑭᒧᐅᓇ 99:5

ᒋᔅᑕᔨᑕᑯᐃᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᐊᔭᒥᐊᔅᑕᐧᒄ ᐅᑕᑯᔅᑲᒋᑭᓂᒡ; ᐛᔅ ᐸᔭᒋᓯᐤ᙮

ᑎᐱᑦ ᐅᓂᑭᒧᐅᓇ 99:9

ᒋᔅᑕᔨᑕᑯᐃᐧᒄ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ, ᑭᔭ ᐊᔭᒥᐊᐛᐧᒄ ᑕᐧᑯᒡ ᐅᐸᔭᒋ-ᐱᔅᑯᑎᓇᒥᒡ; ᐛᔅ ᑎᐸᔨᒋᒐᓱᐤ ᒋᒋᓴᒪᓂᑐᒥᓄᐤ ᐸᔭᒋᓯᐤ᙮

ᐊᒃᓱᑕᔅ 15:11

ᑎᐸᔨᒋᒐᓱᐤ, ᒐᒄ ᒥᓂᑐᐧᑲᓐ ᐊ ᑕᑦ ᒧᔭᒻ ᒋᔾ, ᒋᔅᑕᔨᑕᑯᓯᓐ, ᐊᐛᓐ ᐊ ᑕᑦ ᒐᒋ ᐃᑐᑕᐧᒃ ᒪᒥᔅᑲᒡ ᒐᒂᔪᐛ ᒧᔭᒻ ᒋᔾ !

ᐊᒃᓱᑕᔅ 15:13

ᑲ ᑕᑈᒥᑲᒡ ᒋᓴᒋᐃᐛᐅᓂᒡ ᐅᒡ, ᔅᒋ ᒋᔅᒋᓄᑕᐅᒡ ᐊᓐᒡ ᐃᔪᒡ ᑲ ᐱᒪᒋᐃᑥᐤ; ᒋᓱᐧᑲᑎᓯᐅᓂᔪᐤ ᐅᒡ ᔅᒋ ᒋᔅᒋᓄᑕᐅᒡ ᐊᓐᑕ ᐊᔅᒋᔪᐤ ᑲ ᐃᓯ ᑎᐸᓂᔅᑎᒧᐅᑥᐤ᙮

ᒪᑎᔪᐤ 1:21

ᒋᑭ ᓇᐸᓯᐎᔪᐛ ᐊᓂᔭ ᐅᑦ ᐊᐛᓯᒪ, ᒋᓴᔅ ᒋᑭ ᐃᓯᓂᐧᑲᑕᐛᐤ, ᐛᔅ ᐊᐅᒄ ᐅ ᒐ ᐱᒪᒋᐊᑦ ᐅᑦ ᐃᔨᒪ ᐅᒥᒐᑎᓯᐅᓂᔨᒡ ᐅᒡ᙮” ᐊᐅᑯᐤ ᐅᔭ ᑲ ᐃᑎᑯᑦ ᒍᓯᑉ ᐊᓂᔭ ᐊᓐᒋᓇ᙮

ᓗᒃ 1:49

ᐛᔅ ᒋᓴᒪᓂᑐᐤ ᑲ ᓱᐧᑲᑎᓯᑦ ᒪᒥᔅᑲᒡ ᓂᒋ ᐃᓯ ᒥᔪᑐᑎᒪᒄ ᑭᔭ ᒋᔅᑕᔨᑕᑯᓂᔪᐤ ᐅᑦ ᐃᓯᓂᐧᑲᓱᐅᓐ᙮

ᓗᒃ 1:68

“ᒋᑭ ᒥᔽᒋᒪᑭᓄᐤ ᑎᐸᔨᒋᒐᓱᐤ, ᐃᔅᕋᐃᓪ ᐅᒋᓴᒪᓂᑐᒪ, ᐛᔅ ᒋ ᐸᒋ ᓂᑐᐛᐱᒪᐤ ᐅᑦ ᐃᔨᒪ ᑭᔭ ᒋ ᐃᑐᑎᒻ ᒐᒋ ᐱᐧᑯᐅᔨᒋ᙮

ᐃᐱᓯᔭᓇ 1:14

ᐅ ᒪᒃ ᑲ ᐸᔭᒋᓯᑦ ᐊᒐᐧᒄ ᐊᒋ ᒥᔨᑯᐅᔭᐧᒄ ᐊᑯᑕ ᐛᒋ ᒐᔅᑎᓇᐅᔭᐧᒄ ᒋᓴᒪᓂᑐᐤ ᑕᑈ ᒐ ᒥᔭᑦ ᐅᑦ ᐃᔨᒪ ᐊᓂᔭ ᑕᓐ ᑲ ᐃᑕᑦ ᒐ ᒥᔭᑦ᙮ ᒋ ᒐᔅᑎᓇᐅᓇᓄᐤ ᓇᔅᒡ ᒐ ᐊᐱᐧᑯᓇᑦ ᒋᓴᒪᓂᑐᐤ ᒥᓯᐛ ᐊᓂᔭ ᑲ ᐅᑦ ᐃᔨᒥᑦ᙮ ᐊᔪᐅᒄ ᐅᔭ ᒐ ᐃᓯ ᐃᑐᑎᒧᐛᑦ ᒐᒋ ᐅᒋ ᒪᒥᒋᒪᑭᓄᐅᑦ ᐊ ᒋᔅᑕᔨᑕᑯᓯᑦ᙮

ᐃᐱᓯᔭᓇ 1:7

ᐛᔅ ᙭ ᑲ ᓂᐱᔅᑎᒪᑕᐧᒄ ᒋᐱᔭᑎᑯᒡ, ᐊᑯᑕ ᑲ ᐅᒋ ᐊᐱᐧᑯᓂᑯᐅᔭᐧᒄ, ᒋᒥᒋᑥᐅᓄᐛ ᔅᒋ ᐛᐸᔨᑎᒪᑯᓇᓄᐤ᙮ ᑕᑈ ᒥᓴᔪᐤ ᒋᓴᒪᓂᑐᐤ ᐅᓱᐛᔨᒋᒐᐅᓐ᙮

ᑕᐃᑕᔅ 2:14

ᒋ ᐱᔅᑕᔨᒥᑎᓱᐤ ᙭ ᒋᔭᓄᐤ ᐅᒋ, ᒐᒋ ᐛᐸᔨᑎᒪᑯᐅᔭᐧᒄ ᒥᓯᐛ ᒋᒥᒋᑥᐅᓄᐛ ᑭᔭ ᒐᒋ ᐸᔭᒋᐃᑕᐧᒄ ᒥᒄ ᐎᔾ ᒐᒋ ᐊᔭᐅᑕᐧᒄ᙮ ᒋ ᓂᑐᐛᔨᒥᑯᓄᐤ ᓱᒃ ᒐᒋ ᐃᑕᔨᑎᒥᐃᑯᐅᔭᐧᒄ ᑯᐃᔅᒄ ᒐᒋ ᐃᑎᔭᐧᒄ᙮

ᐃᑉᕈᐛ 13:20

ᐊᑯ ᒪᒃ ᓂᑦ ᐊᔭᒥᐊᐤ ᒋᓴᒪᓂᑐᐤ, ᐊᓐ ᑲ ᐃᑐᑕᑕᒄ ᒐᒋ ᐊᔭᐛᒄ ᒋᔭᒪᔨᑎᒧᐅᓂᔪᐤ᙮ ᐎᔾ ᒋ ᐅᓂᔅᑲᓇᐤ ᐊᓂᔭᔪᐛ ᒪᔭᑕᓂᓯᐅ-ᐃᔪᐛ ᑲ ᒋᔅᑕᔨᑕᑯᓯᔨᒋ ᓂᐳᐅᓂᒡ ᐅᒡ, ᐊᐅᒄ ᐅᔭ ᒋᓴᓴ᙮ ᒋ ᐃᑐᑐᐛᐤ ᒐᒋ ᒥᔪ ᑭᓄᐛᔨᒪᔨᒋ ᐅᑦ ᐃᔨᒥᔪᐛ ᒧᔭᒻ ᐊ ᐃᑎᔨᒋ ᒪᔭᑕᓂᓯᐅ-ᐃᔪᐛ ᐊ ᒥᔪ ᑭᓄᐛᔨᒪᔨᒋ ᒪᔭᑕᓂᓴ᙮ ᒋᓴᒪᓂᑐᐤ ᒋ ᐃᑐᑎᒻ ᒐᒋ ᐊᐱᑎᓂᔨᒡ ᐊᓂᔭ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᑲᒋᒡ ᒐ ᑎᑯᓂᔨᒡ ᒋᓴᔅ ᐅᒥᐧᑯᒡ ᐅᒡ᙮

ᐃᑉᕈᐛ 9:12

ᒋᓴᔅ ᙭ ᒥᒄ ᐸᐃᒂᐤ ᒋ ᐱᒐᐤ ᐊᓂᔭ ᒪᐅᒡ ᑲ ᐸᔭᒋᓯᒥᑭᓂᔨᒡ ᒥᒋᐛᐱᔪᐤ ᐊᓐᑕ ᒋᒋᒋᓯᑯᒡ ᐊ ᑎᑯᓂᔨᒡ᙮ ᐎᔾ ᑎᐱᔨᐛ ᐅᒥᐧᒄ ᐊᒋ ᐱᔅᑎᓇᐧᒃ ᐊᑯᑕ ᑲ ᐅᒋ ᒥᔪᐱᔨᒡ ᒐᒋ ᐱᒐᑦ ᐊᓐᑕ, ᓇᒪ ᐎ ᐊᐛᓯᓴ ᐅᒥᐧᑯᔪᐤ ᐅᒋ ᐊᐱᒋᑕᐛᐤ᙮ ᐊᒋ ᐱᔅᑎᓂᓱᑦ ᒐᒋ ᓂᐸᐊᑭᓄᐅᑦ, ᐎᔾ ᐅᒥᐧᒄ ᐊᒋ ᓯᒋᓂᑭᓄᐎᒡ, ᐊᑯᑕ ᓇᔅᒡ ᑲ ᐅᒋ ᑎᐸᐊᐧᒃ ᒥᓯᐛ ᒋᒥᒋᑥᐅᓄᐛ ᑲᒋᒡ ᒐᒋ ᐛᐸᔨᑎᒪᑯᐅᔭᐧᒄ᙮

ᒋᔅᒐᔨᑕᑯᑕᒐᐅᓐ 4:8

ᒥᓯᐛ ᒪᒃ ᐊ ᓇᐅᒡ ᐊᓱᑕᒡ ᐃᑕᑎᓂᔪᐛ ᐅᑎᑎᑭᓄᐛᐛ᙮ ᒥᓯᐛ ᐊ ᐃᔅᐱᑎᒡ ᑎᑯᓂᔪᐛ ᐅᔅᒋᓯᑯᐛᐛ, ᐛᐛᒡ ᓯᐸ ᐅᑎᑎᑯᓂᐛᒡ ᑎᑯᓂᔪᐛ᙮ ᓇᒪ ᒪᒃ ᒋᐱᑐᐛᐅᒡ ᐊ ᓂᑭᒧᒡ ᐊ ᑎᐱᔅᑲᔨᒡ ᑭᔭ ᐊ ᒋᓯᑲᔨᒡ, ᐊ ᐃᔅᒋᔄᒡ, “ᐸᔭᒋᓯᐤ, ᐸᔭᒋᓯᐤ, ᐸᔭᒋᓯᐤ ᐅᑎᐸᔨᒋᒐᐤ ᒋᓴᒪᓂᑐᐤ ᒪᐅᒡ ᑲ ᓱᐧᑲᑎᓯᑦ, ᐊᓐ ᒧᔅ ᑲ ᐸᒋ ᑕᑦ, ᐊᓐ ᐊᓄᒡ ᐊ ᑕᑦ, ᑭᔭ ᐊᓐ ᒐ ᑎᑯᓯᐧᒃ᙮”

ᒋᔅᒐᔨᑕᑯᑕᒐᐅᓐ 5:9

ᐊᓐᒡ ᒪᒃ ᓇᐤ ᑲ ᐱᒪᑎᓯᒡ ᐊᐛᓐᒋ ᑭᔭ ᐊᓐᒡ ᓂᓱᔪᐤ ᐊᓱ ᓇᐤ ᑲ ᒋᔅᑕᔨᑕᑯᓯᒡ ᒋᓴᐃᔪᒡ, ᒋ ᓂᑭᒧᐅᒡ ᓂᑭᒧᐅᓂᔪᐤ ᐊᑲ ᓂᑕ ᐊᔅᒄ ᐅᒋ ᓂᑭᒧᓇᓄᐎᒡ᙮ ᒪᐅ ᑲ ᐃᑕᐊᒪᓱᒡ, “ᒋᔾ, ᒪᔭᑕᓂᔅ, ᒋ ᒋᔅᑕᔨᑕᑯᓯᓐ ᒐᒋ ᐅᑎᓂᒥᓐ ᐊᓐ ᒥᓯᓇᐃᑭᓐ᙮ ᒋ ᒋᔅᑕᔨᑕᑯᓯᓐ ᒐᒋ ᒥᓂᒥᓐ ᐊ ᐃᓯ ᒋᔅᑕᐸᓱᐤ ᐱᓯᒂᐃᑭᓄᐅᒡ᙮ ᐛᔅ ᒋᔾ ᔅᒋ ᓂᐸᐃᑯᐅᓐ᙮ ᒋᒥᐧᑯᒡ ᒪᒃ ᐊᑯᑕ ᑲ ᐅᒋ ᐎᐧᑯᒋᐃᑥᐤ ᐊᐛᓐᒋ ᒥᓯᐛ ᐊ ᐃᑎᔅᑲᓇᓯᒡ ᑭᔭ ᒥᓯᐛ ᐊ ᐃᓯ ᒪᒧᑕᐅᓯᒡ ᑭᔭ ᓂᓇᐧᑯᐤ ᐊ ᐃᓯ ᐃᔨᒥᒡ, ᒋᓴᒪᓂᑐᐛ ᒐᒋ ᐅᑦ ᐃᔨᒥᑐᑕᑯᒡ᙮