22 ᐛᔅ ᓂ ᒋᔅᑎᒪᑎᓯᓐ ᑭᔭ ᓂ ᐅᐛᓂᓯᓐ, ᑭᔭ ᓂᑕᐃ ᐱᒡ ᓂᔭᒡ ᒥᔄᑭᓂᐎᐅᐤ᙮
ᓂᑕᐃ ᐅᑕᒪᔨᑭᓄᐤ, ᑭᔭ ᐸᔅᑕᐤ ᒧᔭᒻ ᒥᔅᑯᓯᔭ; ᑲ ᐅᒋ ᐅᓂᒋᔅᒋᔭᓐ ᒐᒋ ᒧᐅᒃ ᓂᐸᒂᓯᑭᓂᒻ᙮
ᐊ ᐊᑲ ᐅᒡ ᒋᔅᒋᑦ ᒐᒋ ᐛᐸᑎᔨᐛᑦ ᒋᓴᐛᑎᓯᐅᓂᔪᐤ, ᒪᒃ ᐊᒋ ᓇᓇᐧᑲᒋᐊᑦ ᑲ ᒋᔅᑎᒪᒋᓯᔨᒋ ᑭᔭ ᑲ ᐅᓂᓯᓂᔨᒋ ᐃᔪᐛ, ᒐᒋ ᒋ ᓂᐸᐊᑦ ᐊᓂᔭᔪᐛ ᑲ ᐱᑯᑕᐊᔨᒋ᙮
ᒪᒃ ᓂᔾ ᓂ ᒥᓐᑐᓱᐅᓐ; ᐊ ᒥᒪᔭᔨᒥᒡ ᐃᔪᒡ, ᑭᔭ ᐊ ᐊᑐᐛᔨᒥᒡ ᐃᔪᒡ᙮
ᒂᔅᒋᑲᐳᔅᑐᐎ, ᒋᔅᑎᒪᒐᔨᒥ ᒪᒃ: ᐛᔅ ᓂ ᒋᐛᔭᔨᑕᓐ ᑭᔭ ᓂ ᒪᒂᐃᑕᓐ᙮
ᒪᒃ ᓂᔾ ᓂ ᒋᔅᑎᒪᑎᓯᓐ ᑭᔭ ᓂ ᐛᐛᓇᔨᑕᓐ; ᐃᔭᐱᒡ ᒪᒃ ᑎᐸᔨᒋᒐᓱᐤ ᓂᒪᒥᑐᓇᔨᒥᒄ: ᒋᔾ ᒋ ᐎᒋᐃᓐ ᑭᔭ ᒋ ᐱᒪᒋᐃᔨᓐ; ᐊᑲᐎᔾ ᒋᐱᒋ, ᐅ ᓂᒋᓴᒪᓂᑐᒻ᙮
ᓇᐃᑎᔅᑕ ᒋᑐᑭᔾ, ᐅ ᑎᐸᔨᒋᒐᓱᐤ, ᓂᑐᑐᐎ; ᐛᔅ ᓂ ᒋᔅᑎᒪᑎᓯᓐ ᑭᔭ ᓂ ᐛᐛᓇᔨᑕᓐ᙮
ᐊᑯ ᒋᓴᔅ ᐊᑕᑦ, “ᒪᒐᓱᐅᒡ ᑎᑯᓂᔪᐛ ᐅᐛᑎᑯᐛᐛ, ᐱᔭᓯᓯᒡ ᑭᔭ ᑎᑯᓂᔪᐛ ᐅᔅᑎᓄᐛᐛ, ᒥᒄ ᒪᒃ ᐃᔪᐤ ᐅᑯᓯᓴᓐ ᓇᒪ ᐊᔭᐤ ᐊᓐᑕ ᒐᒋ ᐛᐛᔨᓯᓐᑦ ᒐᒋ ᐊᔅᑕᔭᔅᑯᓯᑦ᙮”
ᓇᔅᒡ ᑕᑈ ᒋ ᑯᓯᑯᑕᐊᔅᑲᑯᐤ ᒐ ᐃᓯ ᓂᒋᔅᑲᐧᒃ᙮ ᐊᑯ ᒪᒃ ᐊᑐᐎᔅ ᓱᒃ ᑲ ᐊᔭᒥᐊᑦ᙮ ᐊᓂᔭ ᒪᒃ ᐊ ᐃᔅᐱᔅ ᓱᒃ ᐊᔭᒥᐊᑦ ᒐᒃ ᒋ ᑈᓱᐤ᙮ ᒐᒃ ᒧᔭᒻ ᒥᐧᑯᔪᐤ ᐊ ᐸ ᐱᒋᑯᐎᔨᒡ ᐊᓐᑕ ᐃᔅ ᐊᔅᒋᒡ ᐊᑯᓐ ᑲ ᐃᓯᓇᑯᓂᔨᒡ ᐊᓂᔭ ᐊ ᑈᓯᑦ᙮
“ᓇᔅᒡ ᒥᓯᒪᔨᑎᒻ ᓂᑦ ᐊᒐᐧᒄ, ᑕᓐ ᒪᒃ ᒐᒋ ᐃᑎᒃ ᓄᑕᐎᔾ᙮ ᓂᑭ ᐃᑕᐤ ᐊ, ᓄᑕ, ᐊᑲᐎᔾ ᐸᒋ ᐱᔅᑎᓂᒧᐎ ᒐᒋ ᓂᓇᐧᑲᑕᔨᒧᔭᓐ ? ᓇᒪ, ᓇᒪ ᓂᑭ ᐅᒋ ᐃᑕᐤ ᐅᔭ ᐛᔅ ᐊᐅᑯᓐ ᐛᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᓂᓇᐧᑲᑕᔨᒧᔭᓐ᙮”
ᒋ ᒋᔅᒐᔨᒪᐛᐤ ᑕᓐ ᑲ ᐃᓯ ᒥᔪᑐᑎᒪᒐᑦ ᒋᑎᐸᔨᒋᒐᓯᒥᓄᐤ ᒋᓴᔅ ᙭᙮ ᒋ ᐛᔪᑎᓯᐤ ᐃᔭᐱᒡ ᒪᒃ ᒋ ᐃᑐᑕᓱᐤ ᒐᒋ ᒋᔅᑎᒪᑎᓯᑦ ᒋᔭᓄᐤ ᐅᒡ᙮ ᒋ ᓂᑭᑎᒻ ᐎᔾ ᒥᓯᐛ ᐅᐛᔪᑎᓯᐅᓐ᙮