ᑎᐱᑦ ᐅᓂᑭᒧᐅᓇ 106:19 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁹ ᒋ ᐅᓯᐊᐅᒡ ᒥᓂᑐᐧᑲᓇ ᒥᒋᑎᒂ ᐊ ᐃᓯᓇᑯᓯᔨᒋ ᐦᐅᕋᐱᒡ, ᑭᔭ ᒋ ᐊᔭᒥᐊᔅᑐᐛᐅᒡ ᑎᒋᓯᑭᓂ ᒥᓂᑐᐧᑲᓇ᙮

ᑎᐱᑦ ᐅᓂᑭᒧᐅᓇ 106:19 ပူးပေါင်းရင်းမြစ်များ

ᐊᒃᓱᑕᔅ 32:1

ᐃᔅᐱ ᐃᔪᒡ ᒐ ᒋᔅᒐᔨᒪᒡ ᒧᓱᓴ ᐊᔅᐱᔅ ᐊᑲ ᓇᐅᔅ ᓂᑎᒋᐛᔨᒋ ᐱᔅᑯᑎᓇᒡ ᐅᒡ, ᒋ ᓂᑐᐛᐱᒪᐅᒡ ᐊᕋᓇ ᑭᔭ ᒂ ᐃᑕᒡ, “ᐅᓯᑎᒧᐅᓇᓐ ᒥᓂᑐᐧᑲᓐ ᒐ ᓂᑲᓂᔅᑯᐎᒥᑦ᙮ ᐛᔅ ᐅᐛ ᒧᓱᔅ ᑲ ᐸᒋ ᐎᐎᑕᔨᒥᑦ ᐃᒋᑉᑎᒡ ᐅᒡ, ᓇᒪ ᓂ ᒋᔅᒐᔨᒪᓇᓐ ᑕᓐ ᐊᑎᑦ᙮”

ᐊᒃᓱᑕᔅ 32:35

ᐊᑯ ᓇᓇᒐ ᑎᐸᔨᒋᒐᓱᐤ ᒂ ᐊᓏᔨᒪᑦ ᐃᔅᕋᐃᓪ ᐃᔪᐛ ᐊ ᐃᑎᓴᐊᒧᐛᑦ ᒥᒋ ᐃᑕᔅᐱᓇᐅᓂᔪᐤ ᐛᔅ ᑲᒋ ᓯᒋᒪᒡ ᐊᕋᓇ ᒐᒋ ᐅᓯᑎᒪᑯᒡ ᑲ ᐎᔄᐅᓱᓇᔭᐅᔨᒋ ᒥᓂᑐᐧᑲᓇ ᒥᒋᑎᒂ ᐊ ᐃᓯᓇᑯᓯᔨᒋ᙮

ᐊᑈᔅᑕᓇᒡ 7:41

ᐊᑯᑕ ᒪᒃ ᑲ ᐊᑎ ᐅᓯᐊᒡ ᒥᓂᑐᐧᑲᓇ ᒧᔭᒻ ᒥᔅᑐᓯᓴ ᐊ ᐃᓯᓇᑯᓯᔨᒋ ᐊᑯ ᑲ ᒥᑐᔅᑕᐊᒧᐛᒡ ᐊᓂᔭ ᒥᓂᑐᐧᑲᓇ ᑭᔭ ᑲ ᒥᑯᓴᒡ ᐊᓂᔭ ᐅᒋ ᐊᒋ ᐅᓯᑕᒪᓱᒡ ᐊᓂᔭ ᒥᓂᑐᐧᑲᓇ᙮

1 ᑯᕆᓐᑎᔭᓇ 10:7

ᐊᑯ ᒪᒃ ᐊᑲᐎᔾ ᒋᑭ ᐅᒋ ᐊᔭᒥᐊᔅᑐᐛᓄᐅᒡ ᒥᓂᑐᐧᑲᓐᒡ ᒧᔭᒻ ᐎᔨᐛᐤ ᑲ ᐃᑎᒡ᙮ ᒪᐅ ᐊᑎᔅᑕᒡ ᒥᓯᓇᐃᑭᓂᒡ, ᐊᓐᒡ ᐃᔪᒡ ᒋ ᒥᒋᓱᐅᒡ, ᑭᔭ ᒋ ᒥᓄᐅᒡ, ᑭᔭ ᒋ ᓂᒧᐅᒡ᙮