ᑎᐱᑦ ᐅᓂᑭᒧᐅᓇ 105:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᐊᓂᔭᔪᐤ ᓂᔅᑯᒥᑐᐅᓂᔪᐤ ᑲ ᐎᒋᓂᔅᑯᒪᑦ ᐊᑉᕋᐊᒪ, ᑭᔭ ᐊᓂᔭᔪᐤ ᑲᒋ ᒋᒋᐃᑕᑦ ᐊᐃᓯᑲ;

ᑎᐱᑦ ᐅᓂᑭᒧᐅᓇ 105:9 ပူးပေါင်းရင်းမြစ်များ

ᒐᓂᓯᔅ 12:7

ᑎᐸᔨᒋᒐᓱᐤ ᒋ ᓄᑯᓯᔅᑐᐛᐤ ᐊᑉᕋᒪ ᑭᔭ ᒂ ᐃᑕᑦ, “ᓂᑭ ᒥᔭᐅᒡ ᒋᑦ ᐊᑐᔅᒐᔭᑭᓐᒡ ᐅᔭ ᑲᐃᓇᓐ ᐊᔅᒋᔪᐤ᙮” ᐊᑯ ᐊᑉᕋᒻ ᒂ ᐃᑐᑎᒧᐛᑦ ᑎᐸᔨᒋᒐᓱᐛ ᐱᔅᑎᓂᒐᐅᓇᐱᔅᑯᔪᐤ ᑲᒋ ᓄᑯᓯᔅᑕᑯᑦ᙮

ᒐᓂᓯᔅ 17:2

ᓂᑭ ᑐᑕᓐ ᓂᓇᔅᑯᒧᐅᓐ ᑭᔭ ᒋᑭ ᒥᔨᑎᓐ ᒥᒐᑦ ᐊᓂᔅᑯᑕᐸᓐᒡ ᒐ ᐊᑲ ᒋ ᒋᒪᑭᓄᐎᒡ᙮”

ᒐᓂᓯᔅ 26:3

ᒐ ᑕᔨᓐ ᐅᑕ ᐊᔅᒋᒡ ᑭᔭ ᓂᑭ ᑕᓐ ᐊ ᑕᔨᓐ ᑭᔭ ᒋᑭ ᒥᔪᑐᑕᑎᓐ᙮ ᐛᔅ ᒋᔾ ᑭᔭ ᒋᑦ ᐊᓂᔅᑯᑕᐸᓐᒡ ᓂᑭ ᒥᔭᐅᒡ ᐅᔭ ᒥᓯᐛ ᐊᔅᒋᔪᐤ᙮ ᓂᑭ ᑭᓄᐛᔨᑎᒺᓐ ᓂᔅᑯᒥᑐᐅᓂᔪᐤ ᑲ ᐃᑐᑎᒧᐅᒃ ᒍᑕᐎᔾ ᐊᑉᕋᐊᒻ᙮

ᒐᓂᓯᔅ 28:13

ᑎᐸᔨᒋᒐᓱᐤ ᐃᔅᐱᒥᒡ ᒋ ᓂᐳᐤ ᑭᔭ ᒋ ᐃᑕᐤ, “ᓂᔾ ᐊᐅᒄ ᑎᐸᔨᒋᒐᓱᐤ, ᒍᑕᐎᔾ ᐊᑉᕋᐊᒻ ᐅᒋᓴᒪᓂᑐᒪ ᑭᔭ ᐊᐃᓯᒃ ᐅᒋᓴᒪᓂᑐᒪ, ᒋᑭ ᒥᔨᑎᓐ ᐅ ᐊᔅᒋᔾ ᐊᓐᑕ ᐸᒥᓯᓂᔨᓐ, ᒋᔾ ᒋᑭ ᑎᐱᔨᐛᐅᓯᓐ ᑭᔭ ᒋᑦ ᐊᓂᔅᑯᑕᐸᓐᒡ᙮

ᒐᓂᓯᔅ 35:11

ᐊᑯ ᒋᓴᒪᓂᑐᐤ ᐊᑕᑦ, “ᓂᔾ ᐅ ᒋᓴᒪᓂᑐᐤ ᒥᓯᐛ ᐊᓯ ᓱᐧᑲᑎᓯᑦ, ᒐ ᐃᔭᐛᑯᒡ ᒥᒐᑦ ᐊᐛᓯᒡ᙮ ᒋᑭ ᒥᒐᑐᔅᑲᓇᓱᐅᒡ ᒋᑦ ᐊᐛᓯᒥᒡ ᑭᔭ ᐱᔅᒐ ᒋᑭ ᒋᓴᐅᒋᒪᐅᒡ ᒋᑦ ᐊᐛᓯᒥᒡ᙮

ᐊᒃᓱᑕᔅ 2:24

ᒂ ᐊᑎ ᒋᔅᒋᑐᐛᑦ ᐊᓂᔭ ᐊᑉᕋᐊᒪ, ᐊᐃᓯᑲ ᑭᔭ ᒐᑭᐸ ᑲ ᐃᑕᑦ ᒐ ᒋᐛᑕᐊᑦ ᐊᓂᔭ ᐅᑦ ᐊᓂᔅᑯᑕᐸᓂᔪᐛ ᓇᑕ ᑲᐃᓇᓐ ᐊᔅᒋᒡ᙮

ᐊᑈᔅᑕᓇᒡ 7:8

ᐊᑯ ᔅᑎᐱᓐ ᒥᓐ ᒂ ᐊᑎ ᐃᔅᒋᔄᑦ, “ᐊᑯ ᒪᒃ ᒋᓴᒪᓂᑐᐤ ᑲ ᐅᓯᑐᐛᑦ ᐊᓂᔭᐧᑲ ᐊᑉᕋᐊᒪ ᓂᔅᑯᒧᐅᓂᔪᐤ, ᐅ ᒪᒃ ᓂᔅᑯᒧᐅᓐ ᒐᒋ ᐅᒋ ᓄᑯᑕᑭᓄᐅᒡ, ᒐᒋ ᒋᔅᒋᓄᐛᒋᔄᑭᓄᐅᒡ ᓇᐸᓯᒡ᙮ ᐊᑯ ᒪᒃ ᐊᓂᔭᐧᑲ ᐊᑉᕋᐊᒻ ᑲᒋ ᒋᔅᒋᓄᐛᒋᔄᑦ ᐅᑯᓴ ᐊᐃᓯᑲ ᐃᔅᐱᔅ ᔭᓇᐤ ᒋᓯᑲᐛ ᑲ ᐃᔅᐱᔅ ᐱᒪᑎᓯᔨᒋ᙮ ᐊᐃᓯᒃ ᒪᒃ ᐊᐅᒄ ᐅᔭ ᒐᑭᐸ ᑲ ᐅᑕᐎᑦ᙮ ᒐᑭᑉ ᒪᒃ ᒋ ᓂᓱᓴᐳᔨᐛ ᐅᑯᓴ᙮ ᐊᐅᑯᓐᒡ ᐅᒡ ᓂᓱᓴᑉ ᑲ ᒋᔅᑕᔨᑕᑯᓯᒡ ᒋᑦ ᐊᓂᔅᒐ ᒍᑕᐎᓄᒡ᙮”

ᑲᓚᓯᔭᓇ 3:17

ᒪᐅ ᐛ ᐃᔅᒋᔄᔭᓐ᙮ ᒋᓴᒪᓂᑐᐤ ᒋ ᐎᑎᒧᐛᐤ ᐊᑉᕋᐊᒪ ᑕᓐ ᐊᔅᒄ ᒐ ᐃᓯ ᐊᓱᑎᒧᐛᑦ, ᓇᐤ ᒥᑕᓯᒥᑎᓄᐤ ᐊᓱ ᓂᔅᑐᔪᐤ ᐱᐳᓇ ᒪᒃ ᐸᑎᒪ ᐊᑯ ᑲ ᑎᒂᒡ ᒍᐤ ᐊᔭᒥᐊᐅ ᐎᓱᐛᐅᓐ᙮ ᐅ ᒪᒃ ᐎᓱᐛᐅᓐ ᓇᒪ ᒋᑭ ᒋ ᒥᔅᑯᑎᔅᑲᒐᒥᑭᓐ ᐊᓂᔭ ᑕᓐ ᑲ ᐃᓯ ᓂᔅᑯᒪᑭᓄᐅᑦ ᐊᑉᕋᐊᒻ, ᓇᒪ ᒋᑭ ᒋ ᐃᓯᓇᑯᓂᔪᐤ ᒐ ᐊᑲ ᒋ ᐊᐱᑎᓂᔨᒡ ᐊᓂᔭ ᑕᓐ ᑲ ᐃᓯ ᐊᓱᑎᒧᐛᑭᓄᐅᑦ᙮

ᐃᑉᕈᐛ 6:17

ᒋᓴᒪᓂᑐᐤ ᒋ ᐃᑕᐤ ᒐᔅᑎᓇᔅ ᒐ ᓱᐛᔨᒪᑦ ᐅᑦ ᐃᔨᒪ᙮ ᐊᐅᒄ ᐅᔭ ᑲ ᐃᑕᑦ ᒐᒋ ᒋᔅᒐᔨᑎᒥᔨᒋ ᒐ ᐊᑲ ᓂᑕ ᐅᒋ ᐊᒋᑕᑦ ᑕᓐ ᑲ ᐎ ᐃᑐᑎᒧᐛᑦ᙮ ᐊᑯ ᒪᒃ ᐊᔪᐤ ᑲ ᓇᔅᐱᒡ ᑕᑈᑦ ᐊ ᐃᑕᑦ ᒐᔅᑎᓇᔅ ᒧᔅ ᒐ ᓱᐛᔨᒪᑦ᙮