32 ᑭᓄᐛᐸᑎᒻ ᐊᔅᒋᔪᐤ, ᐊᑯ ᓂᔭᓇᒥᐱᔨᒡ, ᑕᒋᓂᒻ ᐱᔅᑯᑎᓇᐛ, ᐊᑯ ᐸᐳᑕᐱᔨᒋ᙮
ᓂᓇᒥᐸᔨ, ᒋᔾ ᐊᔅᒋᔾ, ᐊ ᑭᓄᐛᐱᒥᔅᒃ ᑎᐸᔨᒋᒐᓱᐤ, ᐊ ᑭᓄᐛᐱᒥᔅᒋᔨᔅᒋ ᐅᒋᓴᒪᓂᑐᒪ ᒐᑭᑉ;
ᑕᐸᑎᓇ ᒋᒋᒋᓯᑯᒪ, ᐅ ᑎᐸᔨᒋᒐᓱᐤ, ᐸᒋ ᔭᓯ ᒪᒃ ᑕᒋᓇ ᐱᔅᑯᑎᓇᐛ, ᐊᑯ ᒐ ᐱᐳᑕᒋ᙮
ᒋᒋᓴᒪᓂᑐᒥᓄᐤ ᒋᑭ ᐸᒋ ᐃᑐᑕᐤ, ᓇᒪ ᑭᔭ ᒋᑭ ᒋᐱᑐᐛᐤ ᐃᔅᑯᑕᔪᐤ ᐊ ᓂᓱᐅᓇᒋᐃᐛᒪᑭᓂᔨᒡ ᒋᑭ ᓂᑲᓂᐱᔅᑕᑯᐤ, ᓇᔅᒡ ᑭᔭ ᒋᑭ ᒋᑎᔅᑎᓂᔪᐤ ᐛᔅᑲ ᐊ ᐃᔅᐱᔨᑦ᙮
ᓂᐱᔭ ᔅᒋ ᐛᐱᒥᑯᓐ, ᐅ ᒋᓴᒪᓂᑐᐤ, ᓂᐱᔭ ᔅᒋ ᐛᐱᒥᑯᓐ; ᒋ ᓴᒋᓯᒥᑭᓇ: ᒋ ᒥᑯᔅᑲᒋᐛᐱᔨᐛ ᑭᔭ ᐊᓐᑕ ᐊ ᒋᔅᑲᔨᐛᒡ᙮
ᒋ ᒪᔅᑭᓇᐤ ᐎᓂᐸᑯᒡ ᐱᒥᒧ, ᑭᔭ ᒋ ᐱᒧᑕᔅᑭᓄᐤ ᒋᒋ ᓂᐱᒡ, ᑭᔭ ᒋᑕᐧᑯᔅᒐᐅᓇ ᓇᒪᐎᔾ ᒋᔅᒐᔨᑕᑯᓇ᙮
ᒥᓯᐛ ᓴᐃᓇᐃ ᐱᔅᑯᑎᓇᐤ ᒋ ᐱᐳᑕᐤ ᐅᓴᒻ ᑎᐸᔨᒋᒐᓱᐤ ᒋ ᓂᑎᒋᐛᐤ ᐱᔅᑯᑎᓇᔪᐤ ᐊᐛᔅᑲᔅᑲᑯᑦ ᐃᔅᑯᑕᔪᐤ᙮ ᒋ ᐅᐸᐱᑕᐤ ᒧᔭᒻ ᐊ ᐱᐳᑥᑦ ᒋᓴᐱᔅᒐᐛᓐ, ᑭᔭ ᒥᓯᐛ ᐱᔅᑯᑎᓇᐤ ᒋ ᒥᔅᑎ ᓇᓇᒥᐱᔪᐤ᙮
ᐊᑯ ᒥᓐ ᒂ ᐃᔅᒋᔄᒡ ᐊ ᒋᔄᐛᒡ, “ᒪᒥᒋᒪᐧᒄ ᒋᓴᒪᓂᑐᐤ᙮ ᐊ ᐊᒂᐸᑕᒡ ᐊᓐ ᑲ ᒋᔅᑕᔨᑕᒂᒡ ᐅᑕᓇᐤ ᑲ ᐃᔎᑕᒡ, ᑲᒋᒡ ᒋᑭ ᐃᑕᐸᑕᐱᔪᐤ ᐃᔅᐱᒥᒡ᙮”
ᐊᑯ ᒂ ᐛᐸᑎᒪᓐ ᐊ ᒥᓴᒡ ᒋᓴᐅᒋᒪᐤ ᑕᑎᐳᐛᑭᓐ᙮ ᒋ ᐛᐸᐤ ᐊᓐ ᑕᑎᐳᐛᑭᓐ᙮ ᓂᒋ ᐛᐱᒪᐤ ᒪᒃ ᐊᓐ ᐊᐛᓐ ᑲ ᐊᐱᑦ ᐊᓐᑕ᙮ ᒥᓯᐛ ᒋᓯᑯᔪᐤ ᑭᔭ ᐊᔅᒋᔪᐤ ᒋ ᐊᑎ ᐸᓯᑯᓇᑯᓂᔪᐛ ᐅᑎᔅᑯᐤ ᐊ ᑕᑦ᙮ ᓇᒪ ᒪᒃ ᒥᓐ ᐅᒋ ᑎᑯᓂᔪᐛ᙮