13 ᓱᒋᔅᑕᐤ ᐱᔅᑯᑎᓇᐛ ᐅᑲᐱᔅᒋᒐᔭᒥᒡ ᐅᒡ᙮ ᐊᔅᒋᒡ ᓴᑭᔅᒋᓇᐤ ᐊ ᐃᓯ ᒥᓂᓱᐅᒡ ᒋᑦ ᐊᑐᔅᒐᐅᓇ᙮
ᓂᐱᒡ ᑲ ᐱᒪᔅᑯᐊᑦ ᐅᑕᑕᐃᑭᓇ ᒐ ᐎᒋᑦ: ᑲ ᐅᑎᑎᐱᑕᐸᓇᔅᑯᑦ ᑭᔅᑯᐅᓇ: ᑲ ᐱᒧᑕᑦ ᐊ ᐅᑎᑎᐧᑯᓄᐎᔨᒡ ᐊ ᔪᑎᓂᔨᒡ:
ᑲ ᐊᑯᓇᐊᐊᐧᒃ ᒋᓯᑯᔪᐤ ᑭᔅᑯᐅᓇ ᐅᒡ, ᑲ ᒋᒧᓄᑕᑦ ᐊᔅᒋᒡ, ᑲ ᓂᑕᐅᒋᑕᑦ ᒥᔅᑯᓯᔭ ᐱᔅᑯᑎᓇᒡ᙮
ᐊᑯ ᒪᒃ ᒐ ᐅᑯᓯᑕᑕᒄ ᐊᓐ ᒍᑕᐎᐛᐤ ᐊᓐᑕ ᒋᒋᒋᓯᑯᒡ ᐊ ᑕᑦ᙮ ᐛᔅ ᑕᐱᔅᑯᓐ ᒥᔭᐤ ᐊᓂᔭᔪᐛ ᑲ ᒥᒋᑐᑎᒥᔨᒋ ᑭᔭ ᑲ ᒥᔪᑐᑎᒥᔨᒋ ᒐᒋ ᐛᔅᑕᓂᒪᑯᔨᒋ ᐱᓯᒺ, ᑭᔭ ᑕᐱᔅᑯᓐ ᒥᔭᐤ ᐊ ᒋᒧᓂᔨᒡ ᐊᓂᔭ ᑲ ᒥᔪᑐᑎᒥᔨᒋ ᑭᔭ ᐊᓂᔭ ᑲ ᒥᒋᑐᑎᒥᔨᒋ᙮
ᐃᔭᐱᒡ ᒪᒃ ᒋᓴᒪᓂᑐᐤ ᒧᔅ ᒋ ᒋᔅᒐᔨᑎᒥᐊᐤ ᐃᔪᐛ ᑕᓐ ᐊ ᐃᑕᔨᑕᑯᓯᑦ ᐊᓂᔭ ᐅᒋ ᑕᓐ ᑲ ᐃᓯ ᒥᔪᑐᑕᐧᒃ, ᒧᔭᒻ ᑭᔭ ᒋᔨᐛᐤ ᔅᒋ ᐃᑐᑎᒪᑯᐛᐤ ᒐᒋ ᒋᒧᓂᔨᒡ ᒐᒋ ᐅᒋ ᓂᑕᐅᒋᓂᔨᒡ ᒥᒋᒥᔪᐤ᙮ ᔅᒋ ᒥᔨᑯᐛᐤ ᒥᒋᒥᔪᐤ ᑭᔭ ᒋ ᐃᑐᑕᑯᐛᐤ ᒐᒋ ᒥᔽᔨᑎᒪᒄ᙮” ᐊᐅᒄ ᐅᔭ ᑲ ᐃᑕᑦ ᑈᓪ ᐊᓂᔭ ᐃᔪᐛ ᐊ ᐎ ᓂᑲᐛᑦ ᐊᓂᔭ ᐊ ᐎ ᐊᔭᒥᐊᔅᑕᑯᒡ᙮