ᐱᓕᐱᔭᓇ 1:9 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁹ ᒋᑦ ᐊᔭᒥᐊᔅᑎᒪᑎᓇᐛᐤ ᐊᐛᓯᑕ ᒐᒋ ᐊᑎ ᓴᒋᐃᑐᔭᒄ, ᑭᔭ ᐊᐛᓯᑕ ᒐᒋ ᐊᑎ ᑭᒐᑕᐛᔨᑎᒪᒄ ᑭᔭ ᐊᐛᓯᑕ ᒐᒋ ᒥᔪ ᑭᒐᔅᒐᔨᑎᒪᒄ ᒐᒂᓐ᙮

ᐱᓕᐱᔭᓇ 1:9 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 119:66

ᒋᔅᑯᑎᒧᐎ ᒥᔪ ᑎᐸᔅᑯᓂᒐᐅᓐ ᑭᔭ ᒋᔅᒐᔨᑎᒧᐅᓐ: ᐛᔅ ᓂᒋ ᑕᑈᑕᓐ ᒋᑦ ᐃᑎᓱᐛᐅᓇ᙮

1 ᑯᕆᓐᑎᔭᓇ 14:20

ᓂᐧᑲᓂᓯᑐᒄ, ᐊᑲᐎᔾ ᐊᐛᓯᐤ ᒪᒥᑐᓇᔨᑎᒧᒄ᙮ ᒧᔭᒻ ᐅᔅᒋᐛᓴᒡ ᐊ ᐃᑕᔨᑕᑯᓯᒡ ᐊᑲ ᒋᔅᒐᔨᑕᒡ ᐊ ᐃᑕᔨᑕᑯᓂᔨᒡ ᒥᒋᑐᑎᒧᐅᓂᔪᐤ ᐊᐅᑯᓐ ᒧᔭᒻ ᑭᔭ ᒋᔨᐛᐤ ᒋᐸ ᐃᑕᔨᑕᑯᓯᓇᐛᐤ᙮ ᒧᔭᒻ ᐊᐛᓐ ᓴᔅ ᐊᒋ ᐃᓯ ᓂᑕᐅᒋᑦ ᐊᐅᑯᓐ ᒋᐸ ᐃᓯ ᒪᒥᑐᓇᔨᑕᓇᐛᐤ᙮

2 ᑯᕆᓐᑎᔭᓇ 8:7

ᒥᓯᐛ ᒐᒂᓐ ᓇᔅᒡ ᑕᑈ ᒋ ᑭᔅᒋᐅᓇᐛᐤ᙮ ᓱᒐᔨᑕᑯᓐ ᒋᑕᑈᑎᒧᐅᓄᐛᐤ᙮ ᒋ ᑭᔅᒋᐅᓇᐛᐤ ᐊ ᐊᔨᒧᑎᒪᒄ ᑕᓐ ᐊ ᐃᓯ ᑕᑈᑎᒪᒄ᙮ ᒥᔅᑎ ᒋ ᒋᔅᒐᔨᑎᒺᓇᐛᐤ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮ ᓇᔅᒡ ᑕᑈ ᓱᒃ ᒋᑦ ᐃᑕᔨᑕᓇᐛᐤ ᒐᒋ ᐎᒋᐊᑯᒡ ᑯᑎᑭᒡ ᐊᐛᓐᒋ ᑭᔭ ᓇᔅᒡ ᑕᑈ ᒋᓴᒋᐃᓇᓐ᙮ ᒋᐸ ᐎ ᒥᔪ ᒥᔨᐛᓇᐛᐤ ᒪᒃ᙮

ᐃᐱᓯᔭᓇ 5:17

ᐊᑲᐎᔾ ᒪᒃ ᒋᔎᐱᒪᑎᓯᒄ᙮ ᐃᔭᐱᒡ ᓱᒃ ᐎ ᓂᔅᑐᑎᒺᐧᒄ ᒋᓴᒪᓂᑐᐤ ᐅᑦ ᐃᑕᔨᑎᒧᐅᓐ᙮

ᑯᓚᓯᔭᓇ 1:9

ᐃᔅᐱ ᒪᒃ ᑲ ᐸᒋ ᐃᑕᒋᒧᔅᑕᑯᐅᔭᒡ ᐊᐸᑉᕋᔅ ᒥᓯᐛ ᐅᔭ ᑕᓐ ᑲ ᐃᓯ ᒋᔅᒐᔨᑎᒥᐃᑕᒄ ᒋᓴᒪᓂᑐᐤ ᒋᐱᒪᑎᓯᐅᓄᐛᒡ ᒧᔅ ᒋᑦ ᐊᔭᒥᐊᔅᑎᒪᑎᓇᓐ᙮ ᓇᒪ ᓂ ᐳᓂᓇᓐ ᐊ ᐊᔭᒥᐊᔅᑎᒪᑕᒡ᙮ ᒧᔅ ᓂ ᓂᑐᑎᒧᐛᓇᓐ ᒋᓴᒪᓂᑐᐤ ᓇᔅᒡ ᒐᒋ ᒋᔅᒐᔨᑎᒺᒄ ᐅᑦ ᐃᑕᔨᑎᒧᐅᓐ᙮ ᓇᔅᒡ ᒐᒋ ᐊᔭᔭᒄ ᑭᒐᑕᐛᔨᑎᒧᐅᓐ ᑭᔭ ᓂᔅᑐᑎᒧᐅᓐ ᑕᓐ ᐊᓂᔭᔪᐛ ᐊ ᐃᓯ ᒥᔨᐛᑦ ᐸᔭᒋ ᐊᒐᐧᒄ ᒐᒋ ᒋᔅᒐᔨᑎᒪᒄ ᐅ᙮

ᑯᓚᓯᔭᓇ 3:10

ᑭᔭ ᓇᔅᒡ ᐃᔭᒡ ᐊᑯ ᒋ ᐊᑎ ᐃᓯ ᐱᒪᑎᓯᓇᐛᐤ᙮ ᐊᔭᔅᒃ ᐊᑎ ᐅᔅᒋᓇᑯᓇ ᒋᒥᑐᓇᔨᒋᑭᓄᐛᐛ ᒐᒋ ᓂᔅᐱᑐᐛᒄ ᒋᓴᒪᓂᑐᐤ ᐊᓐ ᑲ ᐅᓯᐃᑕᒄ᙮

1 ᑕᓴᓗᓂᔭᓇ 3:12

ᓂ ᓂᑐᑎᒧᐛᓇᓐ ᐅᑎᐸᔨᒋᒐᐤ ᒐᒋ ᐃᑐᑕᑕᒄ ᐊᔭᔅᒃ ᒐᒋ ᓴᒋᐃᑐᐛᒄ ᑭᔭ ᑯᑎᑲ ᐊᐛᔪᐛ ᐊᔭᔅᒃ ᒐᒋ ᓴᒋᐃᒪᑯ, ᒐᒋ ᐊᑎ ᐃᔅᐱᔅ ᓴᒋᐃᑐᔭᒄ ᑭᔭ ᒐᒋ ᐊᑎ ᐃᔅᐱᔅ ᓴᒋᐊᑯᒡ ᑯᑎᑭᒡ ᐊᐛᓐᒋ ᒧᔭᒻ ᓂᔭᓐ ᐊ ᐃᔅᐱᔅ ᓴᒋᐃᑕᒡ᙮

1 ᑕᓴᓗᓂᔭᓇ 4:1

ᒪᔅᑕᔾ ᒪᒃ ᓂᐧᑲᓂᓯᑐᒄ, ᔅᒋ ᒋᔅᑯᑎᒪᑎᓇᓐ ᑕᓐ ᒋᐸ ᐃᓯ ᐱᒪᑎᓯᓇᐛᐤ ᒐᒋ ᓇᐊᔨᑎᒥᐊᒄ ᒋᓴᒪᓂᑐᐤ᙮ ᐊᐅᒄ ᒪᒃ ᑕᑈ ᐊ ᐃᓯ ᐱᒪᑎᓯᔭᒄ᙮ ᒋ ᐱᑯᓴᔨᒥᑎᓇᓐ ᒪᒃ ᑭᔭ ᒋ ᓯᒋᒥᑎᓇᓐ ᓱᒃ ᐊᑐᐎᔅ ᐅ ᒐᒋ ᐃᑎᔭᒄ ᐊ ᓇᓴᐛᒄ ᑭᔭ ᒋᔨᐛᐤ ᐅᑎᐸᔨᒋᒐᐤ ᒋᓴᔅ᙮

2 ᑕᓴᓗᓂᔭᓇ 1:3

ᓂᐧᑲᓂᓯᑐᒄ, ᐃᑕᔨᑕᑯᓐ ᒧᔅ ᒐᒋ ᓂᓇᔅᑯᒥᒋᒡ ᒋᓴᒪᓂᑐᐤ ᒋᔨᐛᐤ ᐅᒋ ᐛᔅ ᐊᑐᐎᔅ ᒋᑦ ᐊᑎ ᑕᑈᐅᒐᔨᒪᐛᐤ ᙭ ᑭᔭ ᐊᔭᔅᒃ ᐊᑐᐎᔅ ᒋ ᓴᒋᐃᑐᓇᐛᐤ᙮

ᐸᐃᓕᒪᓐ 1:6

ᓂ ᓂᑐᑎᒪᓐ ᐊᓂᔭ ᐊ ᐊᑎ ᐊᔨᒧᑎᒧᒡ ᐊᐛᓐᒋ ᑕᓐ ᐊ ᐃᓯ ᑕᑈᑎᒥᓐ ᒐᒋ ᐎᒋᐃᐛᒥᑲᒡ ᐊᑐᐎᔅ ᒐᒋ ᐊᑎ ᒋᔅᒐᔨᑎᒥᓐ ᑕᓐ ᒐᒋ ᐃᓯ ᒥᔪᑐᑎᒪᑕᐧᒄ ᙭ ᒋᓴᔅ᙮

ᐃᑉᕈᐛ 5:14

ᐊᑯ ᐊᓐᒡ ᑲ ᒋᓴᐃᔪᐛᔨᑕᒡ ᓴᔅ ᐎᔭᓯᔪᐤ ᒥᒍᐅᒡ᙮ ᒋ ᒋᔅᑯᑎᒪᓱᐅᒡ ᑯᐃᔅᑯᑕᑎᓯᐅᓂᒡ ᒐᒋ ᐃᓯ ᐱᒪᑎᓯᒡ ᐊᓯᑯᒻ ᒋᓯᑲᐛ ᐊ ᑯᒋᑕᒡ ᑯᐃᔅᒄ ᒐᒋ ᐃᓯ ᐱᒪᑎᓯᒡ᙮ ᐊᐅᒄ ᒪᒃ ᐛᒋ ᓂᔅᑐᐅᓇᒡ ᑯᐃᔅᑯᑕᑎᓯᐅᓂᔪᐤ ᑭᔭ ᒥᒐᑎᓯᐅᓂᔪᐤ᙮

1 ᐱᑕᕐ 1:22

ᐊᒋ ᐸᔭᒋᐊᑭᓄᐎᒡ ᒋᑦ ᐊᒐᐧᑯᐛᐅᒡ ᐊᓐ ᐅᒋ ᐊ ᓂᓇᐃᑎᒪᒄ ᑕᑈᐅᓐ ᑭᔭ ᐊ ᐃᓯᓇᑯᓯᔭᒄ ᒋᒋᐛ ᐊᓴᒋᐊᑯᒡ ᒋᒡ ᐃᔪᐛᐅᒡ, ᓱᒃ ᓴᒋᐃᑐᒄ ᒥᓯᐛ ᒋᑕᐃᐛᒡ ᐅᒡ᙮

2 ᐱᑕᕐ 3:18

ᓱᒃ ᐊᑐᐎᔅ ᐎ ᐃᓯ ᓂᑕᐅᒋᒄ ᐅᓱᐛᔨᒋᒐᐅᓂᒡ ᒋᑎᐸᔨᒋᒐᓯᒥᓄᐤ ᑭᔭ ᒋᐱᒪᒋᐃᐛᓯᒥᓄᐤ ᒋᓴᔅ ᙭, ᑭᔭ ᓱᒃ ᐊᑐᐎᔅ ᐎ ᒋᔅᒐᔨᒪᐧᒄ ᒋᐱᒪᑎᓯᐅᓄᐛᒡ᙮ ᐎᔾ ᒪᒃ ᒋᑭ ᐎ ᒋᔅᑕᔨᑕᑯᐊᑭᓄᐤ ᐊᓄᒡ ᑭᔭ ᒧᔅ ᑲᒋᒡ᙮ ᐊᒥᓐ᙮