ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:37 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁷ ᒥᓯᐛ ᒪᒃ ᐊᐛᔪᐛ ᑲ ᐸᑎᒥᔨᒋ ᐅᔭ ᓇᔅᒡ ᒋ ᒥᔅᑲᑕᔨᑎᒥᐃᑯᔪᐛ᙮ ᒋ ᐃᔅᒋᔄᔪᐛ ᒪᒃ, “ᒥᓯᐛ ᒐᒂᔪᐤ ᒋ ᒥᔪᑐᑎᒻ᙮ ᐛᐛᒡ ᒋ ᐃᑐᑎᒧᐛᐤ ᐊᑲ ᐸᑎᒥᔨᒋ ᒐᒋ ᐸᑎᒥᔨᒋ ᑭᔭ ᐊᓂᔭᔪᐛ ᐊᑲ ᓂᑕᐛᔨᒋ ᒐᒋ ᓂᑕᐛᔨᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:37 ပူးပေါင်းရင်းမြစ်များ

ᒐᓂᓯᔅ 1:31

ᒋᓴᒪᓂᑐᐤ ᒋ ᒋᑕᐸᑎᒻ ᐊᓂᔭ ᒐᒂᔪᐤ ᑲ ᐃᑐᑕᐧᒃ, ᒥᓯᐛ ᓇᔅᒡ ᒋ ᒥᔽᓯᔪᐤ᙮ ᒂ ᐅᑕᑯᓯᒡ ᑭᔭ ᒂ ᒐᒋᓴᐸᔭᒡ, ᐊᐅᑯᓐ ᐊᓱᑕᒡ ᑕᑥᐤ ᐊ ᒋᓯᑲᒡ᙮

ᑎᐱᑦ ᐅᓂᑭᒧᐅᓇ 139:14

ᒋᑭ ᒪᒥᒋᒥᑎᓐ; ᐛᔅ ᓂ ᑯᔅᑕᑎᑯᐤ ᑭᔭ ᒪᒥᔅᑲᒡ ᐅᓯᐃᑯᐅᓐ: ᒪᒥᔅᑲᑕᔨᑕᑯᓇ ᒋᑦ ᐊᑐᔅᒐᐅᓇ; ᐅᔭᔪᐤ ᒪᒃ ᓇᔅᒡ ᒋᔅᒐᔨᑎᒻ ᓂᑦ ᐊᒐᐧᒄ᙮

ᒪᑎᔪᐤ 9:32

ᐃᔅᐱ ᒪᒃ ᐊ ᐊᑎ ᔅᑐᑕᒡ ᐊᓐᒡ ᓇᐸᐅᒡ, ᐱᔅᒐ ᐊᐛᓐᒋ ᒋ ᐸᑐᐛᐅᒡ ᒋᓴᓴ ᓇᐸᐛ ᐊᑲ ᓂᑕᐛᔨᒋ ᐊ ᐱᒋᔅᑲᑯᔨᒋ ᒥᒋ ᐊᒐᒂ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:27

ᒥᓯᐛ ᒪᒃ ᐊᐛᓐ ᒋ ᒥᔅᑲᑕᔨᑎᒥᐃᑯᐤ ᐅᔭ ᑲ ᐃᔅᐱᔨᒡ ᐊᑯ ᒂ ᑯᒂᒋᒥᑐᒡ, “ᒐᒂᓐ ᒪᒃ ᐅ ? ᐅᔅᒋ ᒋᔅᑯᑎᒪᒐᐅᓐ ᐊ ? ᐊ ᐊᔭᑦ ᐅ ᓇᐸᐤ ᑎᐸᔨᒋᒐᐅᓂᔪᐤ ! ᐛᐛᒡ ᒥᒋ ᐊᒐᒂ ᑕᑈᑕᑯᐤ ᐊ ᐛᑎᓱᒪᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:12

ᑎᐛᒡ ᒪᒃ ᒋ ᐅᒋ ᐱᓯᑯᐤ ᐊᓐ ᓇᐸᐤ ᓇᔅᒡ ᐊᓐᑕ ᐊ ᒥᒐᑎᓇᓄᐎᒡ, ᒂ ᐊᑎ ᐅᑎᓇᐧᒃ ᐊᓂᔭᔪᐤ ᐅᑦ ᐊᔅᐱᓯᒧᓐ ᐊᑯ ᒂ ᐊᑎ ᔅᑐᑕᑦ᙮ ᒥᓯᐛ ᒪᒃ ᐊᓐᒡ ᐊᓐᑕ ᑲ ᑕᒡ ᒋ ᒥᔅᑲᑕᔨᑎᒥᐃᑯᐅᒡ ᐅᔭ ᑲ ᐃᔅᐱᔨᒡ ᑭᔭ ᒋ ᒪᒥᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, ᓇᒪ ᓂᑕ ᓂ ᐅᒋ ᐛᐸᑕᓇᓐ ᐅ ᐊ ᐃᔅᐱᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:41

ᒋ ᒥᔅᑎ ᒥᔅᑲᑕᔨᑎᒧᒡ ᒪᒃ ᐊᓐᒡ ᒋᔅᒋᓄᐊᒧᐛᑭᓐᒡ ᑕᓐ ᑲ ᐃᓯ ᐛᐸᑕᒡ ᐊ ᐃᔅᐱᔨᒡ ᐊᑯ ᑲ ᐃᔅᒋᔄᒡ, “ᐊᐛᓐ ᐅ ᐛᐛᒡ ᐊ ᔪᑎᓂᔨᒡ ᑭᔭ ᑭᔅᑭᓇ ᐊ ᐱᓯᒋᐃᑯᑦ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 5:42

ᑎᐛᒡ ᒪᒃ ᒋ ᐅᓂᐤ ᐊᓐ ᐃᔎᔅ ᑲ ᐊᑎ ᐱᐸᒧᑕᑦ᙮ ᓴᓯᑲᓐ ᒋ ᓂᓱᓴᐳᓇᓯᒐ ᐅ ᐃᔎᔅ᙮ ᒥᓯᐛ ᒪᒃ ᐊᓐᒡ ᐊᓐᑕ ᑲ ᑕᒡ ᓇᔅᒡ ᒋ ᒥᔅᑲᑕᔨᑎᒥᐃᑯᐅᒡ ᑲ ᐛᐸᑕᒡ ᑕᓐ ᑲ ᐃᔅᐱᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:51

ᒂ ᐳᓯᑐᐛᑦ᙮ ᐊᓂᔭ ᒪᒃ ᐊ ᐊᑎ ᐳᓯᑐᐛᑦ ᐊᑯ ᑎᐛᒡ ᒂ ᐊᑎ ᒋᒥᔅᑎᓂᔨᒡ᙮ ᐊᔪᐛᒡ ᒪᒃ ᒋ ᒥᔅᑲᑕᔨᑎᒧᒡ ᐊᓐᒡ ᒋᔅᒋᓄᐊᒧᐛᑭᓐᒡ ᐅᔭ ᐊ ᐃᔅᐱᔨᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 7:36

ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐃᔪᐛ ᒐ ᐊᑲ ᐎᑎᒧᐛᔨᒋ ᑯᑎᑲ ᐊᐛᔪᐛ ᐅᔭ ᐊᒋ ᐃᔅᐱᔨᒡ᙮ ᒥᒄ ᒪᒃ ᐊᑎᓱᐧᒄ ᐊᒋ ᒋᑕᐊᒧᐛᑦ, ᐊᑐᐎᔅ ᒋ ᐱᐸᒪᒋᒧᔪᐛ ᐊ ᐛᐎᑎᒧᐛᔨᒋ ᐊᐛᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 8:1

ᓇᒪ ᓇᐅᔅ ᐊᓐᑕ ᐃᔅ ᐊᑯ ᒥᓐ ᒥᒐᑦ ᐊᐛᓐᒋ ᒂ ᐸᒋ ᒪᒧᐎᒡ᙮ ᐃᔅᐱ ᒪᒃ ᐊᑲ ᑎᑯᓂᔨᒡ ᒐᒂᔪᐤ ᒐ ᒥᒋᒡ ᒋᓴᔅ ᒋ ᐎᓴᒪᐤ ᐅᒋᔅᒋᓄᐊᒧᐛᑭᓇ ᐊᑯ ᒂ ᐃᑕᑦ,

ᓗᒃ 23:41

ᒋᔭᓄᐤ ᒪᒃ ᐃᓯᓇᑯᓐ ᒐᒋ ᒋᔅᑕᔎᑎᑯᐅᔭᐧᒄ ᑕᓐ ᑲ ᐃᓯ ᒥᒋᑐᑎᒪᐧᒄ᙮ ᐅ ᒪᒃ ᓇᐸᐤ ᓇᒪ ᐅᒋ ᒥᒋᑐᑎᒻ᙮”

ᐊᑈᔅᑕᓇᒡ 14:11

ᐃᔅᐱ ᑲ ᐛᐸᑕᒡ ᐊᓐᒡ ᐃᔪᒡ ᑕᓐ ᑲ ᐃᑐᑎᒥᔨᒋ ᑈᓚ, ᒋ ᑕᑈᐅᒡ ᓚᐃᑯᓂᔭ ᐃᔨᒧᐅᓂᔪᐤ ᐊ ᐃᓯ ᐃᔨᒥᒡ, “ᒥᓂᑐᐅᒡ ᒋ ᐅᑎᑎᑯᓄᐅᒡ ᒧᔭᒻ ᓇᐸᐅᒡ ᐊ ᐃᓯᓇᑯᓯᒡ᙮”