ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:6 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶ ᒋ ᒪᒥᔅᑲᑕᔨᒪᐤ ᒪᒃ ᐊᓂᔭ ᐊ ᐃᔅᐱᔅ ᐊᑲ ᑕᑈᔭᔨᒥᑯᑦ᙮ ᒋ ᐊᒋᓇᔅᑭᒻ ᒪᒃ ᐊᓂᔭᔪᐛ ᐃᑕᐅᓂᓴ ᐊ ᐱᐸ ᒋᔅᑯᑎᒪᒐᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:6 ပူးပေါင်းရင်းမြစ်များ

ᒪᑎᔪᐤ 4:23

ᒋᓴᔅ ᒪᒃ ᒋ ᐃᑐᑕᐤ ᐊᓐᑕ ᒥᓯᐛ ᑲᓕᓕᒡ ᐊ ᐃᔅᐱᓴᔨᒡ ᐊ ᒋᔅᑯᑎᒪᒐᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ, ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ ᐊ ᐊᔨᒧᑕᐧᒃ, ᑭᔭ ᐊ ᒥᓏᒋᐊᑦ ᐊᐛᔪᐛ ᒥᓯᐛ ᓂᓇᐧᑯᐤ ᑲ ᐃᑕᔅᐱᓇᔨᒋ᙮

ᒪᑎᔪᐤ 8:10

ᐃᔅᐱ ᒪᒃ ᒋᓴᔅ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᓇᔅᒡ ᑕᑈ ᒋ ᒥᔅᑲᑕᔨᑎᒥᐃᑯᐤ ᐅᑕᑈᑎᒧᐅᓂᔪᐤ᙮ ᐊᑯ ᐊᑕᑦ ᐊᓂᔭ ᐊᐛᔪᐛ ᑲ ᐎᒐᐅᑯᑦ, “ᑕᑈ ᒋᑦ ᐃᑎᓇᐛᐤ, ᓇᒪᐎᔾ ᐛᐛᒡ ᐅᑕ ᐃᔅᕋᐃᓕᒡ ᓂ ᐅᒋ ᐛᐱᒪᐤ ᐊᐛᓐ ᐊᔅᐱᔅ ᓱᒋᑕᑈᑕᐧᒃ᙮

ᒪᑎᔪᐤ 9:35

ᒋᓴᔅ ᒪᒃ ᒥᓯᐛ ᐊᓐᑕ ᐅᑕᓇᒡ ᑭᔭ ᐃᑕᐅᓂᓯᒡ ᒋ ᐃᑐᑕᐤ, ᐊᔅᑯᑎᒪᒐᑦ ᒍᐤ ᐊᔭᒥᐊᐅᒋᐛᐱᒡ, ᑭᔭ ᐊ ᑭᒐᔅᒋᒧᑦ ᐊ ᐛᐎᑕᐧᒃ ᒥᔽᒋᒧᐅᓂᔪᐤ ᐊ ᐊᔨᒧᑕᐧᒃ ᒋᓴᒪᓂᑐᐛ ᐅᒋᓴᐅᒋᒪᐅᓂᔪᐤ, ᑭᔭ ᐊ ᒥᓏᒋᑕᑦ ᒥᓯᐛ ᐃᓯ ᐊᐧᑯᓱᐅᓇ ᑭᔭ ᓂᓇᐧᑯᐤ ᐊ ᐃᑕᔅᐱᓇᔨᒋ ᐃᔪᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 1:39

ᐊᑯ ᒪᒃ ᒥᓯᐛ ᒂ ᐃᑐᑕᑦ ᐊᓂᔭ ᑲᓕᓕ ᐊᔅᒋᔪᐤ ᐊ ᑭᒐᔅᒋᒧᑦ ᐊᓐᑕ ᒍᐤ ᐊᔭᒥᐊᐅᒋᐛᐱᒡ᙮ ᑭᔭ ᒋ ᐎᐎᑎᓴᐛᐤ ᓂᓇᐧᑯᐤ ᒥᒋ ᐊᒐᒂ ᒥᒐᑦ ᐊᐛᔪᐛ ᑲ ᐱᒋᔅᑯᐛᔨᒋ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:1

ᒋᓴᔅ ᒪᒃ ᒋ ᔅᑐᑕᐤ ᐊᓐᑕ ᐊᓂᔭ ᑲ ᑕᑦ, ᐊᑯ ᐊᓐᑕ ᒍᑎᔭ ᐊᔅᒋᒡ ᒂ ᐊᑎ ᐃᑐᑕᑦ ᒂᔅᑕᒐᑲᒻ ᒠᕐᑕᓐ ᓯᐱᒡ᙮ ᐊᑯᓐ ᑲ ᐃᑐᑕᑯᑦ ᑭᔭ ᐊᓐᑕ ᐊᐛᔪᐛ, ᒋ ᒥᒐᑎᔪᐛ ᐊ ᐸᒋ ᓂᑐᐛᐱᒥᑯᑦ᙮ ᐊᑯ ᒂ ᐃᑐᑐᐛᑦ ᑕᓐ ᑲᒋ ᐃᑐᑐᐛᑦ ᒪᓐ ᐊᐛᔪᐛ ᐊ ᓂᑐᐛᐱᒥᑯᑦ, ᒋ ᒋᔅᑯᑎᒧᐛᐤ᙮

ᓗᒃ 13:22

ᒋᓴᔅ ᒋ ᐊᑎ ᒋᔅᑯᑎᒪᒐᐤ ᐊᓐᑕ ᑲ ᐊᑎ ᐛᐅᑎᑕᐧᒃ ᐊ ᐅᑕᓇᐅᓂᔨᒡ ᑭᔭ ᐊ ᐊᑎ ᑎᑯᓂᔨᒋ ᐅᑕᓇᓴ ᐊᔅᒄ ᐊᑲ ᐅᒋ ᐅᑎᑕᐧᒃ ᒋᕈᓯᓕᒥᔪᐤ ᐊᓐᑕ ᑲ ᐎ ᐃᑐᑕᑦ᙮

ᓗᒃ 4:31

ᐊᑯ ᒋᓴᔅ ᒂ ᐃᑐᑕᑦ ᐊᓐᑕ ᑲᐳᕐᓇᐊᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᐊᓐᑕ ᑲᓕᓕ ᐊᔅᒋᒡ ᑲ ᑎᑯᓂᔨᒡ, ᒂ ᒋᔅᑯᑎᒧᐛᑦ ᐊᐛᔪᐛ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮

ᓗᒃ 4:44

ᒋ ᑭᒐᔅᒋᒧᐤ ᒪᒃ ᓂᓇᐧᑯᐤ ᐊᔭᒥᐊᐅᒋᐛᐱᒡ ᒥᓯᐛ ᐊᓐᑕ ᒍᑎᔭ ᐊᔅᒋᒡ ᑲ ᑎᑯᓂᔨᒋ᙮

ᒠᓐ 9:30

ᐊᑯ ᐊᓐ ᓇᐸᐤ ᒂ ᐎᑎᒧᐛᑦ ᐊ ᐃᑕᑦ, “ᑕᑈ ᑭᑈ ᒥᔅᑲᑕᔨᑕᑯᓐ, ᐊᑲ ᐛᐛᒡ ᒋᔅᒐᔨᒪᒄ ᑕᓐᑕ ᐛᒋᑦ, ᒥᒄ ᒪᒃ ᑕᑈ ᐛᔅ ᐊᓐ ᓂᒋ ᐃᑐᑕᒄ ᒐᒋ ᐛᐸᑎᒧᒡ᙮

ᐊᑈᔅᑕᓇᒡ 10:38

ᔅᒋ ᐸᑕᓇᐛᐤ ᒋᓴᔅ ᓇᓴᕆᑎᒡ ᑲ ᐅᒋᑦ ᐊᒋ ᑐᒥᓂᑯᑦ ᒋᓴᒪᓂᑐᐛ ᑭᔭ ᐊᒋ ᒥᔨᑯᑦ ᓱᐧᑲᑎᓯᐅᓂᔪᐤ ᑭᔭ ᑲ ᐸᔭᒋᓯᔨᒋ ᐊᒐᒂ᙮ ᒥᒄ ᒪᒃ ᑕᓐᑕ ᑲ ᐊᑎ ᐃᑕᑦ ᒋ ᒥᔪᑐᑎᒪᒐᐤ ᑭᔭ ᒋ ᒥᓏᒋᐊᐤ ᐊᓂᔭ ᐃᔪᐛ ᒥᒋᒥᓂᑐᐛ ᑲ ᓂᓇᐧᑲᒋᐃᑯᔨᒋ ᐛᔅ ᒧᔅ ᒋ ᐎᒐᐅᑯᐤ ᒋᓴᒪᓂᑐᐛ᙮”