ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:38 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁸ ᐊᓐᑕ ᒪᒃ ᑕᐧᑯᐃᑭᓂᒡ ᒋ ᑕᐤ ᒋᓴᔅ ᐊ ᓂᐸᑦ ᐊ ᐊᔎᓯᒧᑦ ᐊᔎᓯᒧᓂᔪᐤ᙮ ᒋᔅᒋᓄᐊᒧᐛᑭᓐᒡ ᒪᒃ ᒋ ᐸᑯᓄᐅᒡ ᐊ ᐃᑕᒡ, “ᒋᔅᑯᑎᒪᒐᓱᐤ, ᓇᒪᐎᔾ ᐊ ᒐᒂᓐ ᒋᑭ ᐅᒋ ᐃᑕᔨᑕᓐ ᓂᔅᑕᐸᐛᔭᒐ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:38 ပူးပေါင်းရင်းမြစ်များ

ᒪᑎᔪᐤ 22:16

ᒋ ᐃᑎᓴᐛᐅᒡ ᒪᒃ ᐅᒋᔅᒋᓄᐊᒧᐛᑭᓄᐛᐛ ᑭᔭ ᐊᕈᑕ ᐅᑦ ᐊᐱᒋᐊᑭᓂᔪᐛ ᐊᓐᑕ ᒋᓴᓴ ᐊ ᑕᔨᒋ᙮ ᐊᑯ ᐊ ᑕᒡ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᒋ ᒋᔅᒐᔨᒥᑎᓇᓐ ᑕᑈ ᐊ ᑕᑈᒥᑲᒡ ᑕᓐ ᐊ ᐃᓯ ᒋᔅᑯᑎᒪᒐᔨᓐ ᑭᔭ ᒥᓯᐛ ᐸᐃᑯᓄᒡ ᐊ ᐃᓯ ᒋᔅᑯᑎᒧᐅᑥᐤ ᐊᐛᓐᒋ ᑕᓐ ᐊ ᐃᓯ ᓂᑐᐛᔨᒥᑯᒡ ᒋᓴᒪᓂᑐᐛ ᒐᒋ ᐃᓯ ᐱᒪᑎᓯᒡ᙮ ᓇᒪ ᓇᔅᒡ ᒐᒂᓐ ᒋᑦ ᐃᑕᔨᑎᒥᐃᑯᓐ ᑕᓐ ᒐ ᐊᑎ ᐃᑕᔨᑎᒥᐃᑯᒡ ᐊᐛᓐᒋ ᑕᓐ ᐊ ᐃᓯ ᒋᔅᑯᑎᒪᒐᐅᑦ, ᑭᔭ ᒥᓯᐛ ᐸᐃᑯᓄᒡ ᒋᑦ ᐃᑕᔨᒪᐅᒡ ᐊᐛᓐᒋ᙮

ᒪᑎᔪᐤ 8:25

ᒐᒃ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ᐸᑯᓇᒡ ᒋᓴᓴ ᐊ ᐃᑕᒡ, “ᐅᑎᐸᔨᒋᒐᐤ, ᐸᒋ ᐎᒋᐃᓇᓐ, ᓴᔅ ᓂᑭ ᓂᓱᐅᓇᑎᓯᓇᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:37

ᒐᒃ ᒋ ᐅᒋ ᒥᔅᑎ ᔪᑎᓂᔪᐤ᙮ ᐊᓂᔭ ᒪᒃ ᐊ ᐳᓯᐸᔨᑐᔨᒋ ᑭᔅᑭᓇ ᐅᑦ ᐅᐤᑐᐛᒡ, ᒐᑲᑦ ᒋ ᓴᑭᔅᒋᓇᐸᔪᐤ ᐅᑦ ᐅᐤᑐᐛᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:39

ᒂ ᐅᓂᑦ ᒋᓴᔅ, ᐊᑯ ᒂ ᐃᑎᓱᐛᑕᐧᒃ ᐊᓂᔭ ᑲ ᔪᑎᓂᔨᒡ ᒐᒋ ᐳᓂᐱᔨᒡ, ᐊᑯ ᐊᓂᔭ ᑭᔅᑭᓇ ᒂ ᐃᑕᑦ, “ᒋᔭᒥᓯᒄ, ᐊᑯᓐ ᐊᑯ᙮” ᒋ ᒋᒥᔅᑎᓂᔪᐤ ᑭᔭ ᒂ ᐅᒋ ᐃᔽᔅᑎᓂᔨᒡ᙮

ᓗᒃ 8:24

ᒐᒃ ᐊᓐᒡ ᒋᔅᒋᓄᐊᒧᐛᑭᓐᒡ ᒂ ᐸᑯᓇᒡ ᒋᓴᓴ ᐊ ᐃᑕᒡ, “ᒋᔅᑯᑎᒪᒐᓱᐤ, ᒋᔅᑯᑎᒪᒐᓱᐤ, ᒋᑭ ᓂᔅᑕᐸᐛᓇᓄᐤ᙮” ᒋᓴᔅ ᒪᒃ ᒋ ᐅᓂᐤ, ᒂ ᐃᔅᒋᔄᑦ ᐊᓂᔭ ᐊ ᔪᑎᓂᔨᒡ ᒐᒋ ᐳᓂᐱᔨᒡ ᑭᔭ ᐊᓂᔭ ᑭᔅᑭᓇ ᒂ ᐃᑕᑦ, “ᒋᔭᒥᓯᒄ᙮” ᑎᐛᒡ ᒪᒃ ᒋ ᐃᔽᔅᑎᓂᔪᐤ᙮

ᒠᓐ 4:6

ᒋ ᑎᑯᓐ ᐊᓐᑕ ᐅᑕᐃᐸᓐ, ᒐᑭᑉ ᐅᑕᐃᐸᓐ ᒋ ᐃᓯᓂᐧᑲᑕᐤ᙮ ᓇᔅᒡ ᒪᒃ ᒋ ᐊᔭᔅᑯᑕᐤ ᒋᓴᔅ, ᒂ ᐊᑎ ᐛᐛᔨᐱᑦ ᒥᒋᒪ ᐊᓐᑕ ᐅᑕᐃᐸᓂᒡ᙮ ᓴᓯᑲᓐ ᒋ ᐊᐱᑕᒋᓯᑲᔨᒐ᙮

ᐃᑉᕈᐛ 2:17

ᐊᐅᒄ ᐊᓂᔭ ᐛᒋ ᓇᔅᒡ ᐃᔨᒡ ᒋ ᐃᓯᐊᑭᓄᐅᑦ᙮ ᒋ ᓂᑐᐛᔨᑕᑯᓱᐤ ᐎᐧᑲᓂᓴ ᒐᒋ ᓂᔅᐱᑐᐛᑦ ᐊᓐᑕ ᒐᒋ ᐅᒋ ᒋᓴᐊᔭᒥᐊᐅᒋᒪᐅᑦ ᒋᓴᒪᓂᑐᐛ ᐊ ᐊᑐᔅᑯᐛᑦ, ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐊᐛᔪᐛ ᐅᒥᒋᑥᐅᓂᔪᐛ᙮

ᐃᑉᕈᐛ 4:15

ᐛᔅ ᐊᓐ ᒋᒋᓴᐊᔭᒥᐊᐅᒋᒪᒥᓄᐤ ᒋᔅᑎᒪᒐᔨᒥᑯᓄᐤ᙮ ᓇᔅᒡ ᒋ ᒋᔅᒐᔨᒥᑯᓄᐤ ᐊᑲ ᓇᔅᒡ ᓱᒋᑲᐳᐅᔭᐧᒄ ᐃᔅᐱ ᐊ ᑯᒂᒋᐃᑯᔭᐧᑯ ᒐᒋ ᒥᒋᑐᑎᒪᐧᒄ᙮ ᐛᔅ ᑭᔭ ᐎᔾ ᒋ ᑯᒂᒋᐊᑭᓄᐤ ᒐᒋ ᒥᒋᑐᑕᐧᒄ ᒧᔭᒻ ᒋᔭᓄᐤ ᐊ ᐃᑐᑕᑯᐅᔭᐧᒄ, ᒥᒄ ᒪᒃ ᐎᔾ ᓇᒪ ᐅᒋ ᒥᒋᑐᑎᒻ᙮

1 ᐱᑕᕐ 5:7

ᐎᔾ ᐱᔅᑎᓂᒧᐤ ᒥᓯᐛ ᑕᓐ ᐊ ᐃᓯ ᒥᑯᔅᑲᑎᔅᑲᑯᔨᓐ ᒐᒂᓐ, ᐛᔅ ᐎᔾ ᒧᔅ ᒋ ᓂᓇᑭᑐᐛᔨᒧᒄ ᒥᓯᐛ ᑕᓐ ᐊ ᐃᔅᐱᔨᐃᑯᐅᑦ ᒐᒂᔪᐤ ᒋᐱᒪᑎᓯᐅᓂᒡ᙮