ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:16 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁶ ᐊᑯ ᐊᓂᔭ ᐊᓐᑕ ᐊ ᐊᓯᓂᐅᔨᒡ ᑲ ᐸᒋᑎᒋ ᐊᐅᑯᓐᒡ ᐅᒡ ᐊᐛᓐᒋ ᑎᐛᒡ ᒥᒄ ᑲ ᐃᓯ ᐅᑎᓇᒡ ᐅᔅᑭᒡ ᐱᔭᑕᒡ ᒥᔽᒋᒧᐅᓂᔪᐤ ᓇᔅᒡ ᐊ ᒧᒋᒐᔨᑎᒥᐃᑯᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:16 ပူးပေါင်းရင်းမြစ်များ

ᒪᑎᔪᐤ 13:5

ᑯᑎᑲ ᓂᑕᐅᒋᑕᑭᓇ ᐊᓐᑕ ᐊ ᐊᓯᓂᐅᔨᒡ ᒋ ᐸᐸᒋᑎᓂᔪᐛ, ᐊᓐᑕ ᐊᑲ ᒥᔅᑎ ᐊᔅᒋᐎᒡ, ᐎᐱᒡ ᒪᒃ ᒋ ᓴᒋᓂᑕᐅᒋᓂᔪᐛ ᐛᔅ ᑕᐸ ᐅᒋ ᒋᔅᐱᑲᐤ ᐊᓐᑕ ᐊᔅᒋᔾ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:15

ᐊᓂᔭ ᒪᒃ ᓂᑕᐅᒋᑕᑭᓇ ᐱᑎᑕᔅᑭᓄᐤ ᑲ ᐸᒋᑎᒋ, ᐊᐅᑯᓐᒡ ᐅᒡ ᐊᐛᓐᒋ ᐃᔅᐱ ᐱᔭᑕᒡ ᒥᔽᒋᒧᐅᓂᔪᐤ, ᑎᐛᒡ ᒥᒋᒥᓂᑐᐛ ᑎᑯᓯᓂᔪᐛ ᐊ ᐊᑎ ᐅᑎᓂᒥᔨᒋ ᐊᓂᔭ ᒋᐸ ᐃᓯ ᓂᑕᐅᒋᓂᔪᐤ ᐅᑕᐃᐛᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 4:17

ᒥᒄ ᒪᒃ ᓇᒪ ᑎᑯᓂᔪᐤ ᑕᓐᑕ ᒐᒋ ᐅᒋ ᔭᐃᒡ ᓂᑕᐅᒋᒡ ᑭᔭ ᓇᒪ ᓇᐅᔅ ᒋ ᐃᓯᑲᐳᐎᒡ᙮ ᐃᔅᐱ ᓇᒋᔅᑲᒡ ᐊ ᐊᔨᒥᓂᔨᒡ ᒪᒃ ᐊ ᒪᔭᔨᒪᑭᓄᐅᒡ ᐊᓂᔭ ᐃᔨᒧᐅᓂᔪᐤ ᐅᒋ ᐊᑯᑕ ᑎᐛᒡ ᒂ ᒋᐛᑲᐳᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:20

ᐛᔅ ᐊᕈᑦ ᒋ ᑯᔅᑕᐤ ᐊᓂᔭ ᒠᓇ, ᐊᒋ ᒋᔅᒐᔨᒪᑦ ᐊ ᑯᐃᔅᑯᑕᑎᓯᔨᒋ ᑭᔭ ᐊ ᐸᔭᒋᓯᔨᒋ᙮ ᐊᐅᒄ ᒪᒃ ᐅᔭ ᐛᒡ ᐊᑲ ᐅᒋ ᐎ ᐱᒪᔨᒪᑦ᙮ ᒋ ᒥᔽᔨᒪᐤ ᐊ ᓂᑐᑐᐛᑦ ᐊᑎ ᒧᔅ ᐊᒋ ᒥᑯᔅᑲᑕᔨᑎᒥᐃᑯᐛᑦ ᑕᓐ ᑲ ᐃᔅᒋᔄᔨᒋ ᑕᑥᐤ ᐊ ᓂᑐᑐᐛᑦ᙮

ᓗᒃ 8:13

ᐊᑯ ᐊᓐ ᓂᑕᐅᒋᑕᑭᓐ ᐊᓐᑕ ᐊ ᐊᓯᓂᐅᔨᒡ ᑲ ᐸᒋᓯᐧᒃ ᒧᔭᒻ ᐊᐅᒄ ᐊ ᐃᓯᓇᑯᓯᒡ ᐊᐛᓐᒋ ᑲ ᐸᑕᒡ ᒋᓴᒪᓂᑐᐛ ᐅᑦ ᐃᔨᒧᐅᓂᔪᐤ ᐊ ᑕᑈᑕᒡ ᑭᔭ ᓇᔅᒡ ᐊ ᒥᔽᔨᑎᒥᐃᑯᒡ᙮ ᒧᔭᒻ ᒪᒃ ᐊᓐ ᓂᑕᐅᒋᑕᑭᓇ ᐊᑲ ᔭᐃᒡ ᓂᑕᐅᒋᓂᔨᒋ ᐅᑎᐱᔭ ᐊᐅᒄ ᐊ ᐃᓯᓇᑯᓯᒡ ᐊᓐᒡ ᐊᑎ ᐛᐃᐱᔅᒋᔅ ᑲ ᑕᑈᑕᒡ᙮ ᐃᔅᐱᔅ ᑯᒂᒋᐃᐛᐅᓂᔪᐤ ᓇᒋᔅᑲᒡ ᐊᑯᑕ ᓴᔅ ᐱᔭᒋᓯᒡ᙮

ᒠᓐ 5:35

ᒧᔭᒻ ᐛᔅᑕᓂᐱᒪᑭᓐ ᐊ ᒋᐧᑲᔭᔅᑐᐛᑦ ᐊᐅᒄ ᑲ ᐃᓯᓇᑯᓯᑦ ᒠᓐ ᑕᐸᒋᒥᑦ᙮ ᔅᒋ ᓇᐊᔨᑕᓇᐛᐤ ᒥᒄ ᐛᐃᐱᔅᒋᔅ ᒐᒋ ᒧᒋᒐᔨᑎᒪᒄ ᐊᓐᑕ ᐅᐛᔅᑐᐛᐅᓂᒡ᙮”

ᐊᑈᔅᑕᓇᒡ 26:28

ᐊᑯ ᐊᒃᕆᐸ ᒂ ᐃᑕᑦ ᐊᓂᔭ ᑈᓪ, “ᐅ ᐃᔅᐱᔅ ᐛᐃᐱᔅᒋᔅ ᒋᑦ ᐃᑕᔨᑕᓐ ᐊ ᓴᔅ ᒐᒋ ᓴᐧᑯᒋᒥᔨᓐ ᒐᒋ ᒂᔅᑲᑎᓯᔭᓐ ?”

ᐊᑈᔅᑕᓇᒡ 8:13

ᐊᓐ ᒪᒃ ᓴᐃᒥᓐ ᑲ ᒪᒥᑕᐛᑎᓯᑦ ᒋ ᑕᑈᑎᒻ ᑭᔭ ᐎᔾ ᑭᔭ ᒋ ᓯᑲᐃᑐᐛᑭᓄᐤ᙮ ᐊᑯ ᒪᒃ ᒧᔅ ᑲᒋ ᐱᐸᐎᒐᐛᑦ ᐊᓂᔭ ᐱᓕᐸ, ᒋ ᒥᔅᑲᑕᔨᑎᒻ ᑭᔭ ᑕᓐ ᑲ ᐃᓯ ᒪᒥᔅᑲᒡ ᐛᐸᑕᐧᒃ᙮