ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᐊᑯ ᒥᓐ ᐅᔭ ᐛᑎᓇᑦ, ᐊᓐᑎᕈ, ᐱᓕᑉ, ᐸᕐᑥᓚᒥᔪ, ᒪᑎᔪᐤ, ᑥᒥᔅ, ᑭᔭ ᒋᒥᔅ᙮ ᐅ ᒪᒃ ᒋᒥᔅ, ᐊᓪᐱᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔭ᙮ ᑕᑎᔭᔅ ᒋ ᐃᓯᓂᐧᑲᓱᐤ ᒥᓐ ᑲ ᐅᑎᓇᑭᓄᐅᑦ, ᐊᑯ ᒥᓐ ᑯᑎᒃ ᓴᐃᒥᓐ ᑲ ᐊᔭᒥᐊᐛᑎᓯᑦ ᑲ ᐃᓯᓂᐧᑲᑕᑭᓄᐅᑦ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:18 ပူးပေါင်းရင်းမြစ်များ

ᒪᑎᔪᐤ 13:55

ᓇᒪᔭᔪᐛ ᐊ ᐅᔭ ᒥᔅᑎᑯᓇᐸᐤ ᐅᑯᓴ ? ᓇᒪᐎᔾ ᐊ ᒪᕆ ᐃᓯᓂᐧᑲᓱᔪᐛ ᐅᑲᐎᔭ, ᑭᔭ ᓇᒪᔭᔪᐛ ᐊ ᐅᔭ ᒋᒥᔅ, ᒍᓯᑉ, ᓴᐃᒥᓐ ᑭᔭ ᒍᑎᔅ ᐎᐧᑲᓂᓱᐛᐛ ?

ᒪᑎᔪᐤ 9:9

ᐊᑯ ᒋᓴᔅ ᒂ ᔅᑐᑕᑦ ᐊᓐᑕ ᐅᒋ, ᒪᒂᒡ ᒪᒃ ᐊ ᐊᑎ ᐱᒧᑕᑦ, ᒋ ᐛᐱᒪᐤ ᓇᐸᐛ ᐊᐱᔨᒋ ᒥᓯᓇᐃᒐᐅᒋᐛᐱᒡ ᒪᑎᔪᐤ ᐊ ᐃᓯᓂᐧᑲᓱᔨᒋ, ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊᒋ ᐃᑕᐱᑎᓯᔨᒋ᙮ ᐊᑯ ᒋᓴᔅ ᐊᑕᑦ, “ᐸᒋ ᓇᓴᐎ᙮” ᐊᑯ ᒪᑎᔪᐤ ᒂ ᐱᓯᑯᑦ, ᒂ ᐊᑎ ᐎᒐᐛᑦ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:14

ᐊᓂᔭ ᒪᒃ ᐊ ᐊᑎ ᐱᒧᑕᑦ ᒋ ᐅᑎᑕᐤ ᓇᐸᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊ ᐃᑕᐱᑎᓯᔨᒋ᙮ ᓕᐸᐃ ᒋ ᐃᓯᓂᐧᑲᓱᔪᐛ᙮ ᐊᓪᐱᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔪᐛ᙮ ᒪᒂᒡ ᐊᓐᑕ ᐅᒥᓯᓇᐃᑭᓂᒋᐛᐱᒡ ᒋ ᐊᐳᐤ ᐅ ᓕᐸᐃ᙮ ᐊᑯ ᒂ ᐃᑕᑦ ᒋᓴᔅ, “ᐸᒋ ᐱᐸᐎᒐᐎ᙮” ᒋ ᐱᓯᑯᐤ ᒪᒃ ᓕᐸᐃ ᒂ ᐊᑎ ᐎᒐᐛᑦ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:17

ᐊᑯ ᒥᓐ ᒋᒥᔅ, ᓴᐱᑎ ᐅᑯᓯᔪᐛ, ᑭᔭ ᒠᓇ, ᒋᒥᔅ ᐎᐧᑲᓂᓴ᙮ ᐅᔭ ᒋᒥᓴ ᑭᔭ ᒠᓇ ᑈᓇᕐᒋᔅ ᒋ ᐃᓯ ᓂᔅᐱᐎᐊᐤ ᒋᓴᔅ᙮ ᐅᔭ ᒪᒃ ᑲ ᐃᓯ ᓂᔅᐱᐎᐊᑦ ᓂᒥᔅᒍᐅᒡ ᐅᑯᓱᐛᐛ ᐃᓯ ᐱᔭᑭᔅᒋᑕᑯᑕᑭᓄᐅᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 3:19

ᐊᑯ ᒪᒃ ᒍᑎᔅ ᐃᔅᑲᕆᔭᑦ ᐊᓐ ᒐ ᐎᔭᓯᐱᔅᑎᓇᑦ ᒋᓴᓴ, ᐊᐅᑯᔪᐤ ᐅᔭ ᒥᓐ ᑲ ᐅᑎᓇᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 6:3

ᓇᒪᐎᔾ ᐊ ᐅᔭ ᑲ ᒥᔅᑎᑯᓇᐸᐎᔨᒋ ᒪᕆ ᐅᑯᓴ ? ᓇᒪᐎᔾ ᐊ ᐅᔭ ᐎᐧᑲᓂᓱᐛᐛ ᒋᒥᔅ, ᒍᓯᔅ, ᒍᑎᔅ ᑭᔭ ᓴᐃᒥᓐ ? ᓇᒪᐎᔾ ᐊ ᐅᑕ ᐎᒡ ᐃᔪᐛ ᑭᔭ ᐅᓯᒪ ?” ᐊᔪᐅᒄ ᐅᔭ ᑲ ᐃᓯ ᑯᒂᒋᒥᑐᒡ ᐛᔅ ᑕᐸ ᐅᒋ ᓇᐃᔅᑲᑯᐅᒡ ᑕᓐ ᑲ ᐃᑎᔨᒋ ᒋᓴᓴ᙮

ᒠᓐ 1:40

ᓴᐃᒥᓐ ᐱᑕᕐ ᒪᒃ ᐎᐧᑲᓂᓴ, ᐊᓐᑎᕈ ᑲ ᐃᓯᓂᐧᑲᓱᔨᒋ ᐊᐅᒄ ᐊᓐ ᐸᐃᒄ ᑲ ᐸᑐᐛᑦ ᒠᓇ ᐊᓂᔭ ᐊ ᐃᔅᒋᔄᔨᒋ ᑭᔭ ᐎᔾ ᒪᒃ ᒋ ᐊᑎ ᐎᒐᐛᐤ ᒋᓴᓴ᙮

ᒠᓐ 11:16

ᑥᒥᔅ, ᐸᐃᒄ ᐊᓐ ᑲ ᓂᓯᒡ ᐎᐧᑲᓂᓴ ᑲ ᐃᓯᓂᐧᑲᑕᑭᓄᐅᑦ, ᒋ ᐃᑕᐤ ᐊᓂᔭᔪᐤ ᐎᒋ ᒋᔅᒋᓄᐊᒧᐛᑭᓇ, “ᒥᓯᐛ ᐊᑯᔅ ᐊ ᑎᓯᔭᐧᒄ ᐎᒐᐛᑕᐤ ᒋᓴᔅ ᑭᔭ ᒋᔭᓄᐤ ᒐᒋ ᓂᐸᐃᑯᐅᔭᐧᒄ ᓂᐸᐊᑭᓄᒐ᙮”

ᒠᓐ 14:22

ᒍᑎᔅ, ᓇᒪᔭᐤ ᐊᓐ ᐃᔅᑲᕆᔭᑦ ᑲ ᐃᓯᓂᐧᑲᓱᑦ, ᒋ ᐃᑕᐤ, “ᐅᑎᐸᔨᒋᒐᐤ, ᒐᒂᓐ ᐛᒋ ᐎ ᐃᑐᑐᐅᔭᒡ ᓂᔭᓐ ᒐᒋ ᒥᔪ ᒋᔅᒐᔨᒥᑕᒡ, ᐊᑲ ᒪᒃ ᐎ ᐃᑐᑐᐅᑥᐤ ᑯᑎᑭᒡ ᐊᐛᓐᒋ ᒐᒋ ᒥᔪ ᒋᔅᒐᔨᒥᔅᒡ ?”

ᒠᓐ 21:2

ᒪᒧᐤ ᒋ ᑕᐅᒡ ᐅᒡ ᒥᓯᐛ, ᓴᐃᒥᓐ ᐱᑕᕐ, ᑥᒥᔅ, ᐊᓐ ᑲ ᓂᓯᒡ ᑲ ᐃᓯᓂᐧᑲᑕᑭᓄᐅᑦ, ᓇᑕᓂᔭᓪ, ᐊᓐ ᑲᐃᓇᒡ ᑲ ᐅᒋᑦ ᐊᓐᑕ ᑲᓕᓕ ᐊᔅᒋᒡ ᑲ ᑎᑯᓂᔨᒡ, ᑭᔭ ᐊᓂᔭ ᓂᓱ ᓴᐱᑎ ᐅᑯᓴ ᑭᔭ ᓂᓱ ᑯᑎᑭᒡ ᒋᔅᒋᓄᐊᒧᐛᑭᓐᒡ᙮

ᐊᑈᔅᑕᓇᒡ 1:13

ᐃᔅᐱ ᒪᒃ ᑕᑯᓯᓂᒡ ᐊᓐᑕ ᒋᕈᓯᓕᒥᒡ ᒋ ᐱᒐᐅᒡ ᐊᓂᔭᔪᐤ ᒥᒋᐛᐱᔪᐤ ᒐ ᑕᒡ᙮ ᒋ ᑎᑯᓂᔪᐤ ᐊ ᐱᔅᒋᒐᔭᔨᒡ ᐃᔅᐱᒥᑎᑯᒡ ᐊᓂᔭᔪᐤ ᒥᒋᐛᐱᔪᐤ᙮ ᐊᑯᑕ ᑲ ᐃᓯ ᑯᔅᐸᑐᐛᒡ᙮ ᐊᐅᑯᓐᒡ ᐅᒡ ᑲ ᑕᒡ, ᐱᑕᕐ, ᒠᓐ, ᒋᒥᔅ, ᐊᓐᑎᕈ, ᐱᓕᑉ, ᑥᒥᔅ, ᐸᕐᑥᓚᒥᔪ, ᒪᑎᔪᐤ, ᒋᒥᔅ ᐊᓪᐱᔭᔅ ᐅᑯᓯᓴ, ᓴᐃᒥᓐ ᑲ ᐊᔭᒥᐊᐛᑎᓯᑦ ᑲ ᐃᓯᓂᐧᑲᑕᑭᓄᐅᑦ, ᑭᔭ ᒍᑎᔅ, ᒋᒥᔅ ᐅᑯᓯᓴ᙮

ᐊᑈᔅᑕᓇᒡ 15:13

ᐃᔅᐱ ᒪᒃ ᑲᒋ ᐃᓯ ᑎᐸᒋᒧᔨᒋ, ᐊᑯ ᒋᒥᔅ ᒂ ᐱᓯᑯᑦ ᐊ ᐃᔅᒋᔄᑦ, “ᓂᑐᑎᒧᒄ ᒪ, ᓂᐧᑲᓂᓯᑐᒄ,

ᐊᑈᔅᑕᓇᒡ 21:18

ᒥᓐ ᒪᒃ ᐎᔭᐸᒡ ᓂᒋ ᓂᑐᐛᐱᒪᓇᓐ ᒋᒥᔅ ᒥᓯᐛ ᐊᓐᑕ ᐊ ᑎᓯᔭᒡ᙮ ᑈᓪ ᑭᔭ ᓂᒋ ᐎᒐᐅᑯᓇᓐ᙮ ᒥᓯᐛ ᐊᓐᒡ ᑲ ᓂᑲᓂᔅᑯᐛᒡ ᐊᓂᔭ ᑲ ᑕᑈᑎᒥᔨᒋ ᐊᓐᑕ ᒋᕈᓯᓕᒥᒡ ᑲ ᑕᔨᒋ ᒋ ᑕᐅᒡ ᐊᓐᑕ ᒋᒥᓴ ᐊ ᑕᔨᒋ᙮

1 ᑯᕆᓐᑎᔭᓇ 15:7

ᒋᒥᓴ ᒥᓐ ᒋ ᓄᑯᓯᔅᑐᐛᐤ᙮ ᒥᓯᐛ ᑭᔭ ᐊᓂᔭ ᐊᑈᔅᑕᓇ ᑲ ᐃᑕᐱᑎᓯᔨᒋ ᒋ ᓄᑯᓯᔅᑐᐛᐤ᙮

1 ᑯᕆᓐᑎᔭᓇ 9:5

ᓇᒪᐎᔾ ᐊ ᒪᒃ ᓂᐸ ᒋ ᓂᐳᐅᓐ ᑭᔭ ᓂᔾ ᑭᔭ ᓂᐸ ᒋ ᐱᐸᐎᒐᐛᐤ ᓂᐅ ᐊ ᐛᐎᑎᒪᓐ ᒥᔽᒋᒧᐅᓐ᙮ ᐊᐅᑯᓐ ᐊ ᐃᑎᒡ ᐊᓐᒡ ᑯᑎᑭᒡ ᐊᑈᔅᑕᓇᒡ ᑭᔭ ᐅᑎᐸᔨᒋᒐᐤ ᐎᐧᑲᓂᓴ ᑭᔭ ᐱᑕᕐ ᐊᐅᑯᓐ ᐊ ᐃᑎᑦ᙮

ᑲᓚᓯᔭᓇ 1:19

ᓇᒪ ᒥᒄ ᓂ ᐅᒋ ᐛᐱᒪᔪᐛ ᐊᓂᔭᔪᐛ ᑯᑎᑲ ᐅᑦ ᐊᑈᔅᑕᓂᒪ ᒋᓴᔅ᙮ ᒥᒄ ᒋᒥᔅ ᒋᑎᐸᔨᒋᒐᓯᒥᓄᐤ ᐎᐧᑲᓂᓴ ᐊᐅᑯᓐ ᐊᓐ ᑲ ᐛᐱᒥᒃ᙮

ᑲᓚᓯᔭᓇ 2:9

ᒋᒥᔅ, ᐱᑕᕐ ᑭᔭ ᒠᓐ, ᐊᓐᒡ ᑲ ᓂᑲᓂᐊᑭᓄᐎᒡ ᑭᔭ ᒪᐅᒡ ᑲ ᒋᔅᑕᔨᒪᑭᓄᐎᒡ ᒋ ᒋᔅᒐᔨᑎᒧᒡ ᒋᓴᒪᓂᑐᐛ ᐊᒋ ᒥᔨᒋ ᐅᔭ ᒐᒋ ᐃᑕᐱᑎᓯᐅᒡ᙮ ᐊᑯ ᒪᒃ ᐸᕐᓇᐸᔅ ᐊ ᓂᓯᔭᒡ ᑲ ᐊᑎᒥᔅᑯᐎᔨᒥᒡ ᐅᒡ ᐊ ᓂᔅᑎᒡ᙮ ᐊ ᓄᑯᑕᔭᒡ ᐸᐃᑯᓄᒡ ᐊ ᐃᓯᑲᐳᐅᔭᒡ᙮ ᒪᐅ ᒪᒃ ᑲ ᐃᓯ ᓂᔅᑯᒧᔭᒡ᙮ ᐸᕐᓇᐸᔅ ᐊ ᓂᓯᔭᒡ ᐊᓐᒡ ᐊᑲ ᒍᐤ ᐃᑎᔅᑲᓇᓯᒡ ᒐ ᐛᐎᑎᒧᐅᒋᒡ ᒥᔽᒋᒧᐅᓂᔪᐤ ᑭᔭ ᐎᔨᐛᐤ ᐊᓂᔭᔪᐛ ᒍᐤ ᑲ ᐃᑎᔅᑲᓇᓯᔨᒋ ᒐ ᐛᐎᑎᒧᐛᒡ᙮

ᒋᒥᔅ ᐅᒥᓯᓇᐊᒪᒐᐅᓐ 1:1

ᒋᒥᔅ ᓂᔾ, ᒋᓴᒪᓂᑐᐤ ᑭᔭ ᐅᑎᐸᔨᒋᒐᐤ ᒋᓴᔅ ᙭ ᐅᑦ ᐊᐱᒋᐊᑭᓄᐛᐛ᙮ ᒥᓯᐛ ᓂ ᐛᒋᔭᒪᔪᐛ ᒋᓴᒪᓂᑐᐤ ᐅᑦ ᐃᔨᒪ ᐸᐱᐛ ᐊ ᑕᔨᒋ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐅᔭ ᐊᔅᒋᔪᐤ᙮

ᒍᑦ 1:1

ᓂᔾ ᒍᑦ, ᒋᒥᔅ ᐎᐧᑲᓂᓴ, ᒋᓴᔅ ᙭ ᓂᑦ ᐊᑐᔅᑯᐛᐤ᙮ ᓂ ᒥᓯᓇᐊᒧᐛᐅᒡ ᐊᓐᒡ ᑲ ᑕᑈᑎᑯᒡ ᑭᔭ ᓇᔅᒡ ᑲ ᓴᒋᐃᑯᒡ ᒋᓴᒪᓂᑐᐛ ᐅᑕᐎᒪᐛ᙮ ᒥᔪ ᑭᓄᐛᔨᒪᑯᐅᒡ ᒋᓴᔅ ᙭ᑕ᙮