ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:25 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁵ ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᔅᒋ ᐃᔨᒥᑕᓇᐛᒐ ᒥᓯᓇᐃᑭᓂᒡ ᐊᓐᑕ ᑕᐸᒋᒪᑭᓄᐅᑦ ᐊᓂᔭᐧᑲ ᒋᓴᐅᒋᒪᐤ ᑎᐱᑦ, ᑭᔭ ᒥᓯᐛ ᐊᓂᔭᔪᐛ ᑲ ᐎᒐᐅᑯᑦ ᑕᓐ ᑲ ᐃᑎᒡ ᐃᔅᐱ ᑲ ᐎ ᒥᒋᓱᒡ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:25 ပူးပေါင်းရင်းမြစ်များ

ᒪᑎᔪᐤ 19:4

ᐊᑯ ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᒥᓯᓇᐃᑭᓂᒡ ᐊᓐᑕ ᑲ ᐃᑎᔅᑕᒡ, ᓂᔅᑎᒻ ᐃᔪᐛ ᑲ ᐅᓯᐊᑦ ᒋᓴᒪᓂᑐᐤ, ᓇᐸᐛ ᑭᔭ ᐃᔎᐛ ᒋ ᐅᓯᐊᐤ᙮

ᒪᑎᔪᐤ 21:16

ᐊᑯ ᒂ ᐃᑕᒡ ᐊᓂᔭ ᒋᓴᓴ, “ᒋ ᐸᑐᐛᐅᒡ ᐊ ᑕᓐ ᐊ ᐃᔅᒋᔄᒡ ?” ᒋᓴᔅ ᒂ ᐃᑕᑦ, “ᓂ ᐸᑐᐛᐅᒡ, ᓇᒪᐎᔾ ᐊ ᓂᑕ ᒋ ᐅᒋ ᐃᔨᒥᑕᓇᐛᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᓐᑕ ᑲ ᐃᑎᔅᑕᒡ, ᒋᓴᒪᓂᑐᐤ ᒋ ᐃᑐᑐᐛᐤ ᐊᐛᓴ ᑭᔭ ᐅᔅᒋᐛᓴ ᒐᒋ ᒥᔪ ᒪᒥᒋᒥᑯᑦ” ?

ᒪᑎᔪᐤ 21:42

ᐊᑯ ᒋᓴᔅ ᐊᑕᑦ, “ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᑲ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮ ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓇ, ᐊᔪᐛᒡ ᒥᔅᑲᓯᓇᑯᓂᔪᐛ ᐊ ᑭᓄᐛᐸᑕᑭᓄᔨᒋ ?”

ᒪᑎᔪᐤ 22:31

ᐊᑯ ᒪᒃ ᐊᓐ ᐎ ᒐ ᐅᓂᔅᑲᒡ ᐊᓐᒡ ᑲ ᓂᐱᒡ, ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᑲ ᐃᑎᑕᒄ ᒋᓴᒪᓂᑐᐤ, ᒥᓐ ᒐ ᐅᓂᔅᑲᔨᒋ ᒥᓯᐛ ᐊᓂᔭ ᑲ ᐳᓂᐱᒪᑎᓯᔨᒋ᙮

ᒪᑎᔪᐤ 4:2

ᐃᔅᐱ ᒪᒃ ᐊᑲ ᐅᒋ ᒥᒋᓱᑦ ᓇᐎᔪᐛ ᒋᓯᑲᐛ ᑭᔭ ᓇᐎᔪᐛ ᑎᐱᔅᑲᐛ ᐊᓐᑕ ᑲ ᑕᑦ, ᒋ ᓯᐛᔪᐤ ᒋᓴᔅ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:20

ᓂᔄᐅᑕᒡ ᒪᒃ ᒋ ᐃᑕᑎᓱᐅᒡ ᓇᐸᐅᒡ ᐊᒋ ᐎᐧᑲᓂᓯᑕᑐᒡ᙮ ᐊᓐ ᐅᔅᑕᓯᒪᐤ ᒋ ᓂᐳᐅᐤ᙮ ᐸᑎᒪ ᒪᒃ ᒋ ᐳᓂᐱᒪᑎᓯᐤ᙮ ᓇᒪ ᐅᒋ ᐊᔭᐛᐅᒡ ᐊᐛᓴ ᐊᓂᔭ ᐎᐛ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:26

ᐊᓐ ᒪᒃ ᓇᑐᐤ ᒋᔅᒐᔨᑎᒧᐛᒂ ᒐ ᐅᐱᐱᔪᐛᒂ ᑲ ᓂᐱᒡ, ᓇᒪᐎᔾ ᐊ ᒋ ᐅᒋ ᐃᔨᒥᑕᐛᓇᐛᐤ ᒧᓱᔅ ᑕᓐ ᑲ ᐃᑎᓯᓇᐊᐧᒃ ᐅᒥᓯᓇᐃᑭᓂᒡ, ᐊᓐᑕ ᑲ ᑎᐸᑕᐧᒃ ᐊ ᐱᔅᑯᑯᐸᔨᒡ ᑲ ᐅᒋ ᐃᔨᒥᐃᑯᑦ ᒋᓴᒪᓂᑐᐛ, ᐊᒋ ᐃᑎᑯᒂ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ’ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:24

ᐊᑯ ᐸᕆᓯᔨᒡ ᒂ ᐃᑕᒡ ᒋᓴᓴ, “ᒐᒂᓐ ᐛᒋ ᐃᑐᑎᒪᒄ ᐊᓐ ᒐᒂᓐ ᐊᑐᒡ ᒋᐸ ᐅᒋ ᐃᑐᑕᑭᓄᐤ ᐊ ᐊᔭᒥᐊᐅᒋᓯᑲᒡ ?”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:26

ᒋ ᐱᒐᐅᒡ ᒋᓴᒪᓂᑐᐛ ᐎᒋᔨᒡ ᐊᑯ ᑎᐱᑦ ᒂ ᒧᐛᑦ ᐊᓂᔭ ᑲ ᐸᔭᒋᓯᔨᒋ ᐸᒂᓯᑭᓇ, ᐊᑯ ᒂ ᐊᓯᒪᑦ ᐊᓂᔭᔪᐛ ᐎᒐᐛᑭᓇ᙮ ᒪᒂᒡ ᐊᐱᐊᑕᕐ ᒋ ᒋᓴᐊᔭᒥᐊᐅᒋᒪᐎᒐ ᐅᔭ᙮ ᒥᒄ ᒪᒃ ᐊᔭᒥᐊᐅᒋᒪᐅᒡ ᐃᑕᔨᑕᑯᓱᐅᒡ ᒐᒋ ᒧᐛᒡ ᐅᔭ ᐸᒂᓯᑭᓇ, ᐛᔅ ᐊᐅᑯᓐ ᐊᑎᔅᑕᒡ ᐊᔭᒥᐊᐅ ᐎᓱᐛᐅᒥᓯᓇᐃᑭᓂᒡ᙮”

ᓗᒃ 10:26

ᒋᓴᓴ ᒋ ᐃᑎᑯᐤ, “ᑕᓐ ᒪᒃ ᐊ ᐃᓯ ᓂᔅᑐᑎᒥᓐ ᐊᓐ ᐊᔭᒥᐊᐅ-ᐎᓱᐛᐅᒥᓯᓇᐃᑭᓐ ᐊ ᐃᔨᒥᑕᔨᓐ ? ᑕᓐ ᐊᑎᔅᑕᒡ ᒪᒃ ?”