ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:20 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²⁰ ᐊᑯ ᒪᒃ ᒋᔅᒋᓄᐊᒧᐛᑭᓐᒡ ᒥᓯᐛ ᒋ ᐃᑐᑕᐅᒡ ᐊ ᑭᒐᔅᒋᒧᒡ᙮ ᐅᑎᐸᔨᒋᒐᐛ ᒋ ᐎᒋᐃᑯᐅᒡ ᑭᔭ ᒋ ᐛᐸᑎᔨᐛᔪᐛ ᐊ ᑕᑈᒥᑭᓂᔨᒡ ᑕᓐ ᐊ ᐃᓯ ᑭᒐᔅᒋᒧᒡ ᐊᓂᔭ ᐅᒋ ᓂᓇᐧᑯᐤ ᒪᒥᔅᑲᒡ ᐛᐸᑎᔨᐛᐅᓇ ᐊᒋ ᐃᑐᑕᒡ᙮ ᐊᒥᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:20 ပူးပေါင်းရင်းမြစ်များ

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:19

ᐸᑎᒪ ᒪᒃ ᒋᓴᔅ ᑲᒋ ᐃᓯ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ, ᒋᒋᒋᓯᑯᒡ ᒋ ᐃᓯ ᐅᐱᔪᐤ᙮ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᑯᑕ ᑲ ᐃᓯ ᐛᐛᔨᐱᑦ᙮

ᓗᒃ 1:1

ᒋᔾ ᑎᔪᐱᓚᔅ, ᒋᑭ ᐊᔨᒧᑎᒪᑎᓐ ᐊᓐ ᒥᔽᒋᒧᐅᓐ ᑕᓐ ᑲ ᐃᓯ ᐱᒪᑎᓯᑦ ᒋᓴᔅ ᐅᑕ ᐊᔅᒋᒡ ᒪᒂᒡ ᐊ ᑕᔭᒡ ᑲ ᑕᑦ᙮ ᒥᒐᑦ ᐊᐛᓐᒋ ᒋ ᑯᒋᑕᐅᒡ ᒐᒋ ᒥᓯᓇᐊᒡ ᐊᓂᔭ ᑕᓐ ᑲ ᐃᓯ ᐱᒪᑎᓯᔨᒋ ᒋᓴᓴ᙮

ᓗᒃ 1:2

ᐊᔪᐅᒄ ᐅᔭ ᑲ ᐃᓯ ᐎᑎᒧᐎᒥᒡ ᐊᓐᒡ ᐊᐛᓐᒋ ᓂᔅᑎᒻ ᑲ ᐛᐱᒪᒡ ᑭᔭ ᑲ ᐸᑐᐛᒡ ᒋᓴᓴ᙮ ᐊᐅᑯᓐᒡ ᐊᓐᒡ ᑲ ᐎᑕᒡ ᒥᔽᒋᒧᐅᓂᔪᐤ᙮

ᐊᑈᔅᑕᓇᒡ 14:3

ᓇᐅᔅ ᒪᒃ ᒋ ᑕᐅᒡ ᐊᓐᑕ ᐊᓐᒡ ᐊᑈᔅᑕᓇᒡ᙮ ᒋ ᐊᔨᒧᒪᐅᒡ ᒪᒃ ᐅᑎᐸᔨᒋᒐᐛ ᐊᑲ ᓇᔅᒡ ᑯᔅᑕᒋᒡ᙮ ᐊᑯ ᒪᒃ ᑲ ᒥᔨᑯᒡ ᓱᐧᑲᑎᓯᐅᓂᔪᐤ ᒪᒥᔅᑲᒡ ᐛᐸᑎᔨᐛᐅᓇ ᒐᒋ ᐛᐸᑎᔨᐛᒡ ᑭᔭ ᒐᒋ ᐃᑐᑕᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ, ᐊᓐᑕ ᐊ ᐅᒋ ᓄᑯᑕᑭᓄᐎᒡ ᐊ ᑕᑈᒡ ᐊᓂᔭ ᑲ ᐃᓯ ᐛᐎᑕᒡ ᐊ ᒋᓴᐛᑐᑕᑕᐧᒄ ᐅᑎᐸᔨᒋᒐᐤ᙮

ᐊᑈᔅᑕᓇᒡ 4:30

ᐎᒋᐃᓇᓐ ᒪᒃ ᒐᒋ ᒥᓏᒋᐃᒋᒡ ᑲ ᐊᐧᑯᓯᒡ, ᑭᔭ ᑯᑎᑲ ᒪᒥᔅᑲᒡ ᐃᑐᐅᓇ ᒐᒋ ᐃᑐᑎᒪᒡ, ᒋᓴᔅ ᐊᓐ ᑲ ᐸᔭᒋᓯᑦ ᒋᑦ ᐊᐱᒋᐊᑭᓐ ᐅᑦ ᐃᓯᓂᐧᑲᓱᐅᓐ ᐊ ᐊᐱᒋᑕᐎᒋᑦ᙮”

ᐊᑈᔅᑕᓇᒡ 5:12

ᒥᒐᑦ ᒪᒥᔅᑲᒡ ᐛᐸᑎᔨᐛᐅᓇ ᒋ ᐛᐸᑎᔨᐛᐅᒡ ᑭᔭ ᒋ ᐃᑐᑎᒧᒡ ᐊ ᒪᒥᔅᑲᑕᔨᑕᑯᓂᔨᒋ ᒐᒂᔪᐛ ᐊᓐᒡ ᐊᑈᔅᑕᓇᒡ ᐊᓐᑕ ᐊᓂᔭᔪᐤ ᐃᔪᐛ ᐊ ᑕᔨᒋ᙮ ᒥᓯᐛ ᒪᒃ ᐊᓐᒡ ᒧᔅ ᑲ ᒪᒧᐊᔭᒥᐊᒡ ᒋ ᒪᒧᐎᐅᒡ ᒪᓐ ᐊᓐᑕ ᓴᓚᒥᓐ ᐅᒋᐱᔎᒻ ᑲ ᐃᓯᓂᐧᑲᑕᔨᒡ᙮

ᕈᒪᓇ ᑈᓪ ᑲ~ᒥᓯᓇᐊᒧᐛᑦ ᐅᒪᒧᐊᔭᒥᐊᐛ ᕈᒥᒡ ᑲ~ᑕᔨᒋ 15:19

ᑕᓐ ᑲ ᐃᓯ ᐛᐸᑎᔭᑭᓄᐎᒡ ᐛᐸᑎᔨᐛᐅᓇ ᑭᔭ ᐊ ᒥᔅᑲᑕᔨᑕᑯᓂᔨᒋ ᒐᒂᔪᐛ ᐊ ᓱᒐᔨᑕᑯᓂᔨᒋ, ᑭᔭ ᐊᓂᔭ ᑕᓐ ᑲ ᐃᓯ ᒥᔨᑦ ᓱᐧᑲᑎᓯᐅᓂᔪᐤ ᑲ ᐸᔭᒋᓯᑦ ᐊᒐᐧᒄ ᐊᑯᑕ ᑲ ᐅᒋ ᐎᐧᑯᒋᐊᑭᓄᐎᒡ᙮ ᒥᓯᐛ ᐊᓐᑕ ᑲ ᐃᑐᑕᔭᓐ ᒋᕈᓯᓕᒥᒡ ᐊᓐᑕ ᒪᒃ ᐃᔅ ᐃᓕᕆᑲᒻ ᐊᔅᒋᒡ ᓂᒋ ᐛᐎᑎᒺᓐ ᒋᓴᔅ ᙭ ᐅᒥᔽᒋᒧᐅᓐ᙮

2 ᑯᕆᓐᑎᔭᓇ 6:1

ᐊᓐ ᒪᒃ ᐊ ᒪᒧᐤ ᐊᑐᔅᑯᐅᒋᒡ ᒋᓴᒪᓂᑐᐤ ᒋ ᓂᑐᑎᒪᑎᓇᓐ ᒐ ᐊᑲ ᒋ ᐃᓯᓇᑯᓯᔭᒄ ᐊᑲ ᐊ ᐊᐱᑕᔨᑎᒪᒄ ᑕᓐ ᐊ ᐃᓯ ᒋᓴᐛᑐᑕᑕᒄ ᒋᓴᒪᓂᑐᐤ᙮

ᐃᑉᕈᐛ 2:3

ᒋᔭᓄᐤ ᒪᒃ ᒧᔭᒻ ᐊᑲ ᐊᐱᑕᔨᑎᒪᒂ ᐊᓐ ᐱᒪᒋᐃᐛᐅᓐ ᐛ ᐃᓯ ᒥᔨᐛᑦ ᒋᓴᒪᓂᑐᐤ ᒋᔭᓄᐤ ᑭᔭ ᒋᑭ ᐛᐛᓯᐃᑯᓇᓄᐤ᙮ ᑕᐸ ᒋᑭ ᒋ ᒋᑎᓯᒧᓇᓄᐤ ᐃᔅᐱ ᐎ ᐛᐛᓯᐃᑯᐅᔭᒂ᙮ ᐎᔾ ᓂᔅᑎᒻ ᐅᑎᐸᔨᒋᒐᐤ ᒋᓴᔅ ᔅᒋ ᐎᑎᒪᑭᓄᐤ ᑕᓐᑕ ᒐᒋ ᐅᒋ ᐱᒪᒋᐅᔭᐧᒄ, ᓇᒪ ᒥᒄ ᐊᓐᒋᓐᒡ ᒋ ᐅᒋ ᐎᑎᒪᑭᓄᐅᒡ᙮ ᓇᓇᒐ ᒪᒃ ᑯᑎᑭᒡ ᐊᐛᓐᒋ ᔅᒋ ᐛᐸᑎᔨᑯᓄᐅᒡ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ, ᐛᔅ ᐎᔨᐛᐤ ᐛᒋᒡ ᒋ ᐸᑐᐛᐅᒡ ᑕᓐ ᑲ ᐃᔅᒋᔄᔨᒋ ᒋᓴᓴ᙮

ᐃᑉᕈᐛ 2:4

ᒋᓴᒪᓂᑐᐤ ᒪᒃ ᑭᔭ ᐎᔾ ᔅᒋ ᐛᐸᑎᔨᑯᓄᐤ ᐊ ᑕᑈᒥᑭᓂᔨᒡ ᐊᓂᔭ ᒥᔽᒋᒧᐅᓂᔪᐤ ᐊ ᒪᒥᔅᑲᒡ ᐃᑎᑦ ᑭᔭ ᒪᒥᔅᑲᒡ ᐛᐸᑎᔨᐛᐅᓇ ᐊ ᐛᐸᑎᔨᐛᑦ ᑭᔭ ᓂᓇᐧᑯᐤ ᐊ ᐃᓯ ᒪᒥᔅᑲᒡ ᐃᑐᑎᒪᒐᑦ᙮ ᑭᔭ ᒋ ᐃᑐᑐᐛᐤ ᑲ ᐸᔭᒋᓯᔨᒋ ᐊᒐᒂ ᒐᒋ ᒥᔭᔨᒋ ᐊᐛᔪᐛ ᓂᓇᐧᑯᐤ ᑭᔅᒋᐅᓇ, ᑕᓐ ᐊᓂᔭᔪᐛ ᐎᔾ ᒋᓴᒪᓂᑐᐤ ᐊ ᐃᑕᔨᑎᒥᐃᑯᑦ ᒐ ᐃᓯ ᒥᔨᐛᑦ᙮