ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:62 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁶² ᒋᓴᔅ ᒪᒃ ᒋ ᐃᑕᐤ, “ᓂᐦᐃ, ᐊᐅᒄ ᓂᔾ᙮ ᒋᑭ ᐛᐱᒪᐛᐤ ᒪᒃ ᐃᔪᐤ ᐅᑯᓯᓴᓐ ᐊ ᐊᐱᑦ ᐅᒥᔪᓂᔨᒡ ᐃᑕᒐ ᑲ ᓱᐧᑲᑎᓯᔨᒋ ᑭᔭ ᒋᑭ ᐛᐱᒪᐛᐤ ᒋᒋᒋᓯᒄ ᑭᔅᑯᐅᓂᔅᑯᒡ ᐸᒋ ᑎᑯᓯᓐᒐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:62 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 110:1

ᑎᐸᔨᒋᒐᓱᐤ ᒋ ᐃᑕᐤ ᓂᑎᐸᔨᒋᒐᓯᒪ, “ᐊᐱ ᓂᒥᔪᐅᓂᒡ, ᐸᑎᒪ ᐃᓯᐃᒂᐛ ᑲ ᐛᐧᑲᑎᔅᒡ ᒐᒋ ᐅᑕᑯᔅᑲᒋᑭᓂᔨᓐ᙮”

ᒪᑎᔪᐤ 24:30

“ᐊᑯ ᒪᒃ ᒐ ᓄᑯᓂᔨᒡ ᐊᓐᑕ ᒋᓯᑯᒡ ᓴᔅ ᐊ ᐸᒋ ᑎᑯᓯᐧᒃ ᐃᔪᐤ ᐅᑯᓯᓴᓐ᙮ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᐅᑕ ᐊᔅᒋᒡ ᑲ ᑕᒡ ᒋᑭ ᒪᐅᒡ᙮ ᒋᑭ ᐛᐱᒪᐅᒡ ᒪᒃ ᐃᔪᐤ ᐅᑯᓯᓴᓇ ᐊ ᐸᒋ ᔭᓯᔨᒋ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒪᑎᔪᐤ 26:64

ᒋᓴᔅ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮ ᒥᒄ ᒪᒃ ᒋ ᐎᑎᒪᑎᓇᐛᐤ ᒋᑭ ᐛᐱᒪᐛᐤ ᐃᔪᐤ ᐅᑯᓯᓴᓐ ᐊ ᐊᐱᑦ ᐊᓐᑕ ᑲ ᓱᐧᑲᑎᓯᔨᒋ ᐅᒥᔪᓂᔨᒡ ᐃᑕᒐ ᐊ ᑕᔨᒋ᙮ ᑭᔭ ᒋᑭ ᐛᐱᒪᐛᐤ ᐸᒋ ᑎᑯᓯᓂᒐ ᒋᒋᒋᓯᒄ ᑭᔅᑯᐅᓂᔅᑯᒡ ᐊ ᐅᒋ ᓄᑯᓯᑦ᙮”

ᒪᑎᔪᐤ 27:11

ᒋᓴᔅ ᒪᒃ ᒋ ᐅᑎᔅᑯᑲᐳᔅᑐᐛᐤ ᑈᓚᑕ ᐊᓂᔭᔪᐛ ᕈᒻ ᒋᓴᐅᒋᒪᐤ ᐊᐱᒋᐊᑭᓇ᙮ ᐊᑯ ᒂ ᑯᒂᒋᒥᑯᑦ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒪᒃ ᒋ ᐃᑕᐤ, “ᐊᐅᑯᓐ ᐊ ᐃᔅᒋᔄᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:26

“ᐊᑯ ᒪᒃ ᒐ ᐛᐱᒪᑭᓄᐅᑦ ᐃᔪᐤ ᐅᑯᓯᓴᓐ ᐊ ᐸᒋ ᔭᓯᑦ ᑭᔅᑯᐅᓂᔅᑯᒡ, ᓇᔅᒡ ᐊ ᓄᑯᓂᔨᒡ ᐅᓱᐧᑲᑎᓯᐅᓐ ᑭᔭ ᐅᒋᔅᑕᔨᑕᑯᓱᐅᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 15:2

ᐊᑯ ᑈᓚᑦ ᒂ ᑯᒂᒋᒪᑦ ᒋᓴᓴ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒋ ᐃᑕᐤ, “ᐊᐅᑯᓐ ᐊᔅᒋᔄᔨᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 16:19

ᐸᑎᒪ ᒪᒃ ᒋᓴᔅ ᑲᒋ ᐃᓯ ᐃᔨᒪᐊᑦ ᐅᒋᔅᒋᓄᐊᒧᐛᑭᓇ, ᒋᒋᒋᓯᑯᒡ ᒋ ᐃᓯ ᐅᐱᔪᐤ᙮ ᐊᓐᑕ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ ᐊᑯᑕ ᑲ ᐃᓯ ᐛᐛᔨᐱᑦ᙮

ᓗᒃ 22:69

ᒥᒄ ᒪᒃ ᐊᑯ ᐛᑎᒋᐱᔨᒡ ᐃᔪᐤ ᐅᑯᓯᓴᓐ ᒐ ᐊᐱᑦ ᒋᓴᒪᓂᑐᐛ ᒪᐅᒡ ᑲ ᒋᔅᑕᔨᑕᑯᓯᔨᒋ ᐅᒥᔪᓂᔨᒡ ᐃᑕᒐ᙮”

ᓗᒃ 23:3

ᑈᓚᑦ ᒪᒃ ᒋ ᑯᒂᒋᒪᐤ ᐊ ᐃᑕᑦ, “ᒋᔾ ᐊ ᒍᐤ ᐃᔪᒡ ᐅᒋᓴᐅᒋᒪᒧᐛᐛ ?” ᒋᓴᔅ ᒪᒃ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᐊᐅᑯᓐ ᐊ ᐃᔅᒋᔄᔨᓐ᙮”

ᐃᑉᕈᐛ 1:3

ᐊᓐ ᐅᑯᓯᓯᒪᐤ ᐊ ᑕᑦ ᐊᑯᑕ ᐛᒋ ᒋᔅᒐᔨᑕᑯᓂᔨᒡ ᒋᓴᒪᓂᑐᐤ ᐅᒋᔅᑕᔨᑕᑯᓱᐅᓐ, ᑭᔭ ᐅᑯᓯᓯᒪᐤ ᓇᔅᒡ ᓂᔅᐱᑐᐛᐤ ᑕᓐ ᐊ ᐃᑕᔨᑕᑯᓯᔨᒋ᙮ ᐎᔾ ᐅᑯᓯᓯᒪᐤ ᐅᒋᒪᐧᑲᑎᒻ ᐊᔅᒋᔪᐤ ᑭᔭ ᒥᓯᐛ ᒐᒂᔪᐤ ᐃᔅᐱᒥᒡ ᐊ ᑎᑯᓂᔨᒡ᙮ ᐅᑦ ᐃᔨᒧᐅᓐ ᑲ ᓱᒐᔨᑕᑯᓂᔨᒡ ᐅᒋ ᐅᒋᒪᐧᑲᑎᒻ ᒥᓯᐛ ᐅᔭ᙮ ᒋ ᐱᔅᑕᔨᒥᑎᓱᐤ ᒐᒋ ᓂᐸᐊᑭᓄᐅᑦ ᒐᒋ ᐅᒋ ᐸᔭᒋᐊᑭᓄᔨᒋ ᐊᐛᔪᐛ ᐊ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮ ᐃᔅᐱ ᑲ ᒋᔅᑕᑦ ᐅᔭ ᑲ ᐃᓯ ᐱᔅᑕᔨᒥᑎᓱᑦ ᐊᑯ ᒂ ᐅᑎᓇᑭᓄᐅᑦ ᐊᓐᑕ ᐅᒥᔪᓂᔨᒡ ᒋᓴᒪᓂᑐᐛ ᐊ ᑕᔨᒋ ᐊᓂᔭ ᒪᐅᒡ ᐊ ᐃᔅᐸᔨᑕᑯᓯᔨᒋ ᒋᒋᒋᓯᑯᒡ᙮

ᐃᑉᕈᐛ 12:2

ᑭᔭ ᑭᓄᐛᐱᒪᑕᐤ ᒋᓴᔅ, ᐊᓐ ᑲ ᐃᑐᑕᑕᐧᒄ ᒐᒋ ᑕᑈᑎᒪᐧᒄ᙮ ᐎᔾ ᒋ ᐎᒋᐃᑯᓄᐤ ᐊᔭᔅᒃ ᒐᒋ ᓱᒋᑲᐳᐅᔭᐧᒄ ᒋᑕᑈᑎᒧᐅᓇᒡ ᐸᑐᔅ ᓇᔅᒡ ᒋ ᓂᓇᐃᑎᒪᐊᒂ ᒋᓴᒪᓂᑐᐤ᙮ ᒋ ᓴᐳᔅᑭᒻ ᓂᐳᐅᓂᔪᐤ ᒋᐱᔭᑎᑯᒡ ᑭᔭ ᓇᒪ ᐛᐛᒡ ᐅᒋ ᐊᐱᑕᔨᑎᒥᐃᑯᐤ ᐊᑎ ᐊᒋ ᒪᔭᔨᒪᑭᓄᐅᑦ ᑭᔭ ᐊᒋ ᓂᓇᐧᑲᑕᔨᒧᐊᑭᓄᐅᑦ ᐛᔅ ᒥᒄ ᐊᓂᔭ ᑕᓐ ᒐ ᐃᔅᐱᔅ ᒧᒋᒐᔨᑕᐧᒃ ᐃᔅᐱ ᐎᒪᐱᔨᒐ ᐊᓐᑕ ᐊ ᓂᓇᐧᑲᑕᔨᒧᑦ, ᐊᐅᑯᓐ ᐊᓂᔭ ᑲ ᒪᒥᑐᓇᔨᑎᒥᐃᑯᑦ᙮ ᐊᑯ ᒪᒃ ᐊᓄᒡ, ᐎᔾ ᒋ ᐅᒋᓴᐅᒋᒪᒥᓇᓄᐤ ᐊᓐᑕ ᒪᒃ ᐊᐳᐤ ᒋᓴᒪᓂᑐᐛ ᐅᒥᔪᓂᔨᒡ ᐃᑕᒐ᙮

ᐃᑉᕈᐛ 8:1

ᒪᐅ ᐛ ᐃᑎᑎᑯᒡ᙮ ᒋ ᑭᓄᐛᔨᒪᓄᐤ ᒋᓴᐊᔭᒥᐊᐅᒋᒪᐤ᙮ ᒧᔭᒻ ᒪᒃ ᐅ ᑲ ᐃᓯ ᐸᒋ ᐊᔨᒧᑎᒪᑎᑯᒡ ᑕᓐ ᑲ ᐃᓯ ᓂᑐᐛᔨᑕᑯᓯᑯᐱᓇ ᒐᒋ ᐃᑕᔨᑕᑯᓯᑦ ᐊᔭᒥᐊᐅᒋᒪᐤ ᓇᔅᒡ ᒐᒋ ᐛᐸᔨᑎᒧᐛᑭᓄᐎᒡ ᐊᐛᓐᒋ ᐅᒥᒋᑥᐅᓄᐛᐛ, ᐊᐅᑯᓐ ᐊᓐ ᐊ ᐃᑕᔨᑕᑯᓯᑦ ᐅ ᒋᒋᓴᐊᔭᒥᐊᐅᒋᒪᒥᓄᐤ᙮ ᐊᓐᑕ ᒋᓴᒪᓂᑐᐛ ᒪᐅᒡ ᑲ ᓱᒐᔨᑕᑯᓯᔨᒋ ᐅᒥᔪᓂᔨᒡ ᐊᑯᑕ ᐛᑎᐱᑦ, ᐊᓐᑕ ᒋᒋᒋᓯᑯᒡ᙮

ᐃᑉᕈᐛ 8:10

ᒥᒄ ᒪᒃ ᒪᐅᔭᔪᐤ ᑲ ᐅᔅᑲᔨᒡ ᓂᔅᑯᒧᐅᓂᔪᐤ ᒐ ᒥᔨᒂᐤ ᐃᔅᕋᐃᓪ ᐃᔪᒡ ᐃᔅᐱ ᐅᑎᒋᐱᔨᒂᐛ ᐊᓂᔭᔪᐛ ᐊ ᒋᓯᑲᒋ᙮ ᓂᑭ ᐃᑐᑐᐛᐅᒡ ᒐᒋ ᒪᒥᑐᓇᔨᑎᒥᐃᑯᒡ ᓂᐎᓱᐛᐅᓇ ᑭᔭ ᓇᔅᒡ ᒐᒋ ᒧᓯᐅᒡ ᐊ ᐎ ᓂᓇᐃᑕᒡ᙮ ᓂᔾ ᓂᑭ ᐅᒋᓴᒪᓂᑐᒥᑐᑕᑯᒡ ᑭᔭ ᐎᔨᐛᐤ ᓂᑭ ᐅᑦ ᐃᔨᒥᓐ᙮

2 ᐱᑕᕐ 1:16

ᑕᐸ ᓇᒪᐎᔾ ᐎ ᐊᒋ ᐅᓯᑕᑭᓄᐅᒋ ᑎᐸᒋᒧᐅᓇ ᑲ ᐊᐱᒋᑕᔭᒡ ᐃᔅᐱ ᑲ ᐎ ᒋᔅᒐᔨᑎᒥᐃᑕᒡ ᑕᑈ ᒐ ᑎᑯᓯᐧᒃ ᒋᑎᐸᔨᒋᒐᓯᒥᓄᐤ ᒋᓴᔅ ᙭ ᐅᓱᐧᑲᑎᓯᐅᓂᒡ᙮ ᓂᔭᓐ ᐛᔅ ᑎᐱᔨᐛ ᓂᔅᒋᓯᑯᓇᒡ ᓂᒋ ᐛᐱᒪᓇᓐ ᐊ ᒋᔅᑕᔨᑕᑯᐊᑭᓄᐅᑦ᙮

ᒋᔅᒐᔨᑕᑯᑕᒐᐅᓐ 1:7

ᐃᑕᐱᒄ ᒪ᙮ ᐸᒋ ᑎᑯᓯᓄᐤ ᑭᔅᑯᐅᓂᔅᑯᒡ ᐊ ᐸᒋ ᔭᓯᑦ᙮ ᒥᓯᐛ ᐊᐛᔪᐛ ᒋᑭ ᐛᐱᒥᑯᐤ, ᐛᐛᒡ ᐊᓂᔭᔪᐛ ᑲ ᑕᐧᑭᒥᑯᑦ᙮ ᒥᓯᐛ ᐊ ᐃᑎᔅᑲᓇᓯᔨᒋ ᐊᐛᔪᐛ ᒋᑭ ᒥᔅᑎ ᒪᔪᐛ ᐛᐱᒥᑯᒐ᙮ ᒐᔅᑎᓇᔅ ᒋᑭ ᐃᔅᐱᔪᐤ ᐅ᙮ ᐊᒥᓐ᙮

ᒋᔅᒐᔨᑕᑯᑕᒐᐅᓐ 20:11

ᐊᑯ ᒂ ᐛᐸᑎᒪᓐ ᐊ ᒥᓴᒡ ᒋᓴᐅᒋᒪᐤ ᑕᑎᐳᐛᑭᓐ᙮ ᒋ ᐛᐸᐤ ᐊᓐ ᑕᑎᐳᐛᑭᓐ᙮ ᓂᒋ ᐛᐱᒪᐤ ᒪᒃ ᐊᓐ ᐊᐛᓐ ᑲ ᐊᐱᑦ ᐊᓐᑕ᙮ ᒥᓯᐛ ᒋᓯᑯᔪᐤ ᑭᔭ ᐊᔅᒋᔪᐤ ᒋ ᐊᑎ ᐸᓯᑯᓇᑯᓂᔪᐛ ᐅᑎᔅᑯᐤ ᐊ ᑕᑦ᙮ ᓇᒪ ᒪᒃ ᒥᓐ ᐅᒋ ᑎᑯᓂᔪᐛ᙮