ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:49 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁴⁹ ᑕᑥᐤ ᑲ ᒋᓯᑲᒋ ᓂᒋ ᑕᓐ ᐊᓐᑕ ᐊ ᑕᔭᒄ ᐊ ᒋᔅᑯᑎᒪᒐᔭᓐ ᒋᓴᐊᔭᒥᐊᐅᒋᐛᐱᒡ, ᓇᒪ ᒪᒃ ᒋ ᐅᒋ ᐅᑎᓇᐛᐤ᙮ ᒥᒄ ᒪᒃ ᒋᒋᒥᓯᓇᐃᒐᐅᓇ ᒋᑭ ᑎᐱᐱᔪᐛ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:49 ပူးပေါင်းရင်းမြစ်များ

ᒪᑎᔪᐤ 1:22

ᐊᐅᑯᓐ ᐊᓐ ᑲ ᐃᔅᐱᔨᒡ ᑕᓐ ᑲ ᐸᒋ ᐃᔅᒋᔄᔨᒋ ᐅᑎᐸᔨᒋᒐᐤ ᐅᒋᔅᒋᐛᐃᒐᓯᒪ ᑲ ᐃᔅᒋᔄᔨᒋ,

ᒪᑎᔪᐤ 26:54

ᒥᒄ ᒪᒃ ᐊᓐ ᐃᑎᔭᓇ, ᑕᓐᑕ ᒐᒋ ᐅᒋ ᐃᔅᐱᔨᒡ ᐊᓐ ᑲ ᐃᑎᔅᑕᒡ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᓐ ᒋᐸ ᐃᔅᐱᔪᐤ ?”

ᒪᑎᔪᐤ 26:55

ᐊᑯ ᒋᓴᔅ ᒂ ᐃᑕᑦ ᐊᓂᔭ ᐃᔪᐛ, “ᒧᔭᒻ ᑕᑈ ᑲ ᐊᒂᑎᓯᑦ ᑲᒋᒧᑎᑦ ᐊ ᐃᑐᑐᔭᒄ ᐊ ᐸᒋ ᓂᑐᐛᐱᒥᔭᒄ ᐊ ᑕᐧᑯᓂᒪᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᑎᒂ᙮ ᐛᔅ ᓴᔅ ᒋ ᐸᒋ ᒪᑯᓇᐛᐤ ᐊᓐᑕ ᒋᓴᐊᔭᒥᐊᐅᒋᐛᐱᒡ ᑲᒋ ᑕᔭᐧᒄ ᐊᓯᑯᒻ ᒋᓯᑲᐛ ᐊ ᒋᔅᑯᑎᒪᒐᔭᓐ, ᓇᒪ ᒪᒃ ᓂᑕ ᒋ ᐅᒋ ᑯᒂᑕᔨᑕᓇᐛᐤ ᒐᒋ ᒪᑯᓂᔭᒄ᙮”

ᒪᑎᔪᐤ 26:56

ᒥᒄ ᒪᒃ ᐛᔅ ᒥᓯᐛ ᑎᐱᐱᔪᐤ ᑕᓐ ᑲ ᐃᓯ ᒥᓯᓇᐊᒡ ᐊᓐᑕ ᒋᓴᒪᓂᑐᐛ ᐅᑦ ᐃᔨᒧᐅᓂᒡ ᐊᓂᔭᐧᑲ ᐅᒋᔅᒋᐛᐃᒐᓱᒡ᙮ ᐃᔅᐱ ᒪᒃ ᐅᔭ ᑲ ᐃᑕᑦ ᐊᑯ ᒥᓯᐛ ᐅᒋᔅᒋᓄᐊᒧᐛᑭᓇ ᒂ ᒋᑎᓯᒧᔨᒋ ᐊ ᓂᑭᑎᑯᑦ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:1

ᒋᓴᔅ ᒪᒃ ᒋ ᔅᑐᑕᐤ ᐊᓐᑕ ᐊᓂᔭ ᑲ ᑕᑦ, ᐊᑯ ᐊᓐᑕ ᒍᑎᔭ ᐊᔅᒋᒡ ᒂ ᐊᑎ ᐃᑐᑕᑦ ᒂᔅᑕᒐᑲᒻ ᒠᕐᑕᓐ ᓯᐱᒡ᙮ ᐊᑯᓐ ᑲ ᐃᑐᑕᑯᑦ ᑭᔭ ᐊᓐᑕ ᐊᐛᔪᐛ, ᒋ ᒥᒐᑎᔪᐛ ᐊ ᐸᒋ ᓂᑐᐛᐱᒥᑯᑦ᙮ ᐊᑯ ᒂ ᐃᑐᑐᐛᑦ ᑕᓐ ᑲᒋ ᐃᑐᑐᐛᑦ ᒪᓐ ᐊᐛᔪᐛ ᐊ ᓂᑐᐛᐱᒥᑯᑦ, ᒋ ᒋᔅᑯᑎᒧᐛᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 11:27

ᒥᓐ ᑲᐤ ᒋ ᐃᑐᑕᐅᒡ ᒋᕈᓯᓕᒥᒡ᙮ ᐊ ᐱᒧᑕᑦ ᒪᒃ ᒋᓴᔅ ᐊᓐᑕ ᐊ ᑎᑯᓂᔨᒡ ᐊᓂᔭ ᒋᓴᐊᔭᒥᐊᐅᒋᐛᐱᔪᐤ ᒋ ᓂᑐᐛᐱᒥᑯᐤ ᐊᓂᔭᔪᐛ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ ᑭᔭ ᐊᓂᔭᔪᐛ ᒍᐤ ᐃᔪᐛ ᑲ ᓂᑲᓂᔅᑯᐛᔨᒋ,

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:35

ᒪᒂᒡ ᒋᓴᔅ ᐊ ᒋᔅᑯᑎᒪᒐᑦ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒋ ᑯᒂᒋᒪᐤ ᐊᓂᔭᔪᐛ ᐊᓐᑕ ᑲ ᑕᔨᒋ, “ᑕᓐᑕ ᒐᒋ ᐅᒋ ᐃᔅᒋᔄᒡ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ ᑎᐱᑕ ᐊ ᑕᔨᒋ ᒐ ᐅᒋ ᐊᓂᔅᒐ ᐱᒪᑎᓯᔨᒋ ᙭ᑕ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:48

ᒋᓴᔅ ᒪᒃ ᒋ ᐃᔨᒧᐤ, ᒋ ᐃᑕᐤ ᐊᓂᔭᔪᐛ ᑲ ᐸᒋ ᓂᑐᐛᐱᒥᑯᑦ, “ᒋ ᐸᒋ ᐃᑐᑕᓇᐛᐤ ᐊ ᑕᐱᔅᑯᓐ ᐊ ᓇᑎᒄ ᑲᓂᑕᐅᒋᒧᑎᑦ ᐊ ᑕᐧᑯᓂᒪᒄ ᓂᑐᐱᔪᐅ-ᒧᐧᑯᒪᓇ ᑭᔭ ᐅᑕᒪᐃᑭᓇᑎᒂ ᐊ ᐎ ᐅᑎᓂᔭᒄ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:50

ᐊᑯ ᒥᓯᐛ ᒋᔅᒋᓄᐊᒧᐛᑭᓐᒡ ᓇᑭᑕᒡ ᑭᔭ ᒐᑎᓯᒧᒡ᙮

ᓗᒃ 19:47

ᐊᓯᑯᒻ ᒋᓯᑲᐛ ᒪᒃ ᒋ ᒋᔅᑯᑎᒪᒐᐤ ᒋᓴᔅ ᐊᓐᑕ ᒋᓴᐊᔭᒥᐊᐅᒋᐛᐱᒡ᙮ ᐊᓂᔭᔪᐛ ᒪᒃ ᑲ ᓂᑲᓂᐱᔨᒋ ᐊᔭᒥᐊᐅᒋᒪᐛ ᑭᔭ ᐊᓂᔭᔪᐛ ᑲ ᒋᔅᑯᑎᒪᒐᔨᒋ ᐎᓱᐛᐅᓂᔪᐤ ᑭᔭ ᐊᓂᔭᔪᐛ ᑲ ᓂᑲᓂᔅᑯᐛᔨᒋ ᐃᔪᐛ ᒋ ᐎ ᓂᐸᐃᑯᐤ᙮

ᓗᒃ 22:37

ᐛᔅ ᐅ ᐛᒋ ᐃᑎᑎᑯᒡ ᒋᑭ ᑎᐱᐱᔪᐤ ᑕᓐ ᑲ ᐃᓯ ᓂᑲᓐ ᐊᔨᒧᒥᑯᔭᓐ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᑲ ᐃᑎᔅᑕᒡ, ᒋ ᐊᔅᑎᒋᒪᑭᓄᐤ ᐊᓐᑕ ᐊ ᓂᑕᐅᒋᒧᑎᓇᓄᐎᒡ᙮ ᐅ ᒪᒃ ᑲ ᐃᓯ ᑎᐸᒋᒥᑯᔭᓐ ᑕᑈ ᒋᑭ ᐃᔅᐱᔪᐤ᙮”

ᒠᓐ 10:23

ᒋᓴᔅ ᒪᒃ ᒪᒂᒡ ᒋ ᐱᐸᒧᑕᐤ ᐊᓐᑕ ᐱᑐᔎᒡ, ᓴᓚᒥᓐ ᐅᐱᑐᔎᒡ ᑲ ᐃᓯᓂᐧᑲᑕᔨᒡ᙮

ᒠᓐ 18:20

ᐊᑯ ᒋᓴᔅ ᒂ ᐃᑕᑦ, “ᒥᓯᐛ ᑕᓐ ᑲ ᐃᔅᒋᔄᔭᓐ ᒋ ᐸᑎᒧᒡ ᐊᐛᓐᒋ᙮ ᐊᓐ ᒪᒃ ᑕᓐ ᑲ ᐃᓯ ᒋᔅᑯᑎᒪᒐᔭᓐ ᐊᓐᑕ ᐊᔭᒥᐊᐅᒋᐛᐱᒡ ᑭᔭ ᒋᓴᐊᔭᒥᐊᐅᒋᐛᐱᒡ ᐊᓐᑕ ᒥᓯᐛ ᒍᐤ ᐃᔪᒡ ᑲᒋ ᐸᒋ ᒪᒧᐎᒡ, ᓇᒪ ᓂᑕ ᓂ ᐅᒋ ᑲᑕᓐ ᒐᒂᓐ ᐊ ᐃᔅᒋᔄᔭᓐ᙮

ᒠᓐ 7:37

ᐊᓐ ᒪᔅᑕᔾ ᐊ ᒋᓯᑲᒡ ᐊᓐ ᑲ ᒥᒋᓱᓇᓄᐅᒡ ᐊᐅᒄ ᓂᑲᓐ ᑲ ᒋᔅᑕᔨᑕᒂᒡ᙮ ᐊᐅᒄ ᒪᒃ ᐊᓂᔭ ᐊ ᒋᓯᑲᔨᒡ ᒋᓴᔅ ᑲ ᐱᓯᑯᑦ ᐊ ᒋᔄᐛᑦ ᐊ ᐃᔅᒋᔄᑦ, “ᐊᐛᓐ ᐊ ᓄᑕᔭᐸᒂᒂ ᓂᑭ ᐸᒋ ᓂᑐᐛᐱᒧᒄ ᑭᔭ ᒐ ᒥᓇᐃᒃ᙮

ᒠᓐ 8:12

ᐃᔅᐱᔅ ᒋᓴᔅ ᒥᓐ ᐊ ᐃᔨᒪᐊᑦ ᐊᓂᔭ ᐃᔪᐛ ᒋ ᐃᑕᐤ, “ᓂᔾ ᐊᐅᒄ ᑲ ᒥᔨᒂᐤ ᐃᔪᒡ ᐛᔅᑕᐅᓂᔪᐤ ᐅᑕ ᐊᔅᒋᒡ᙮ ᐊᓐ ᐊᐛᓐ ᑲ ᓇᓴᐅᑦ ᒋᑭ ᐊᔭᐤ ᐱᒪᑎᓯᐅᓂᔪᐤ ᐛᔅᑕᐅᓂᒡ ᐅᒡ ᑭᔭ ᓇᒪ ᒋᑭ ᐅᒋ ᐱᒧᑕᐤ ᐅᓂᑎᐱᔅᒋᓯᐅᓂᒡ᙮”

ᒠᓐ 8:2

ᐎᐱᒡ ᒥᓐ ᐎᔭᐱᓂᔨᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᒥᓐ ᒋ ᐃᑐᑕᐤ᙮ ᒥᓯᐛ ᒪᒃ ᐊᓂᔭᔪᐛ ᐃᔪᐛ ᒋ ᐸᒋ ᓂᑐᐛᐱᒥᑯᐤ᙮ ᑲ ᐛᐛᔨᐱᑦ ᐊᑯ ᒂ ᒋᔅᑯᑎᒧᐛᑦ᙮