ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:36 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³⁶ ᒋ ᐃᔅᒋᔄᐤ ᒪᒃ, “ᓄᑕ, ᓄᑕᐎᔾ, ᒥᓯᐛ ᒐᒂᓐ ᒋ ᑭᔅᒋᑕᓐ, ᐃᒐᓂᒧᐎ ᐅᒪ ᒥᓂᒂᑭᓐ, ᐊᔪᐛᒃ ᒪᒃ, ᓇᒪᐎᔾ ᓂᔾ ᐊ ᐃᑕᔨᑎᒪᓐ, ᒥᒄ ᒋᔾ ᐊ ᐃᑕᔨᑎᒥᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:36 ပူးပေါင်းရင်းမြစ်များ

ᒐᓂᓯᔅ 18:14

ᓇᒪ ᑎᑯᓂᔪᐤ ᒐᒂᓂᔪᐤ ᒐ ᐊᑲ ᒋ ᐃᑐᑕᐧᒃ ᑎᐸᔨᒋᒐᓱᐤ᙮ ᒧᔭᒻ ᑲ ᐃᔅᒋᔄᔭᓐ, ᒋ ᐸᐃᑯᔅᑕᐤ ᑕᑐᐤ ᐱᓯᒺᔭᒐ ᑲᐤ ᐅᑕ ᓂᑭ ᑎᑯᓯᓐ ᑭᔭ ᓴᕋ ᒋᑭ ᐅᑯᓱᐤ᙮”

ᑎᐱᑦ ᐅᓂᑭᒧᐅᓇ 40:8

ᓂ ᒥᔽᔨᑕᓐ ᒐᒋ ᐃᑐᑎᒪᓐ ᒋᑦ ᐃᑕᔨᑎᒧᐅᓐ, ᐅ ᓂᒋᓴᒪᓂᑐᒻ: ᓂᐦᐃ, ᒋᑦ ᐃᑎᓱᐛᐅᓐ ᓂ ᐱᒋᑕᐊᔅᑲᑯᓐ᙮”

ᒪᑎᔪᐤ 26:39

ᐊᑯ ᐊᓐᑕ ᐛᔪᐎᔅ ᐎᔾ ᒂ ᐃᑐᑕᑦ, ᒋ ᐅᒋᒋᐧᑯᓂᐳᐤ ᒪᒃ, ᒂ ᐊᔭᒥᐊᑦ ᐊ ᐃᔅᒋᔄᑦ, “ᓄᑕ, ᒐᒋ ᐃᓯᓇᑯᓂᒂ ᐸᒋ ᐃᒐᓂᒧᐎ ᐅ ᑕᓐ ᒐ ᐃᓯ ᐛᐎᓯᒐᔨᑎᒪᓐ, ᒥᒄ ᒪᒃ ᒋᔾ ᒋᑦ ᐃᑕᔨᑎᒧᐅᓐ ᒋᑭ ᐃᑐᑕᑭᓄᐤ, ᓇᒪᐎᔾ ᓂᔾ ᓂᑦ ᐃᑕᔨᑎᒧᐅᓐ᙮”

ᒪᑎᔪᐤ 26:42

ᐊᑯ ᒥᓐ ᒂ ᐊᔭᒥᐊᑦ ᒋᓴᔅ ᒂ ᐃᔅᒋᔄᑦ, “ᓄᑕ ᒐ ᐊᑲ ᒋ ᐃᒐᓂᑭᓄᐅᒂ ᐅ ᒐ ᐃᓯ ᐎᓯᒐᔨᑎᒪᓐ ᐊᐅᑯᓐ ᑭᑈ ᒐ ᐃᓯ ᐃᑐᑎᒪᓐ, ᒋᔾ ᒋᑦ ᐃᑕᔨᑎᒧᐅᓐ ᒐᒋ ᐃᑐᑕᑭᓄᐅᒡ᙮”

ᒪᑎᔪᐤ 6:9

ᐊᐅᒄ ᐅ ᒐ ᐃᓯ ᐊᔭᒥᐊᔭᒄ᙮ ᓄᑕᐎᓇᓐ ᒋᒋᒋᓯᑯᒡ ᐊ ᑕᔨᓐ, ᓂᑦ ᐊᔭᒥᐊᓇᓐ ᒋᑦ ᐃᓯᓂᐧᑲᓱᐅᓐ ᐊ ᐸᔭᒋᓯᒥᑲᒡ ᒐᒋ ᒋᔅᑕᔨᑕᑯᑕᑭᓄᐅᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:27

ᒋᓴᔅ ᒪᒃ ᑯᐃᔅᒄ ᒋ ᑭᓄᐛᐱᒪᐤ ᐊ ᐃᑕᑦ, “ᐊᔨᒥᓂᔪᐤ ᓇᐸᐤ ᐅᔭ ᒐᒋ ᐃᑎᑦ ᒥᒄ ᒪᒃ ᓇᒪ ᐊᔨᒥᐃᑯᐤ ᐎᔾ ᒋᓴᒪᓂᑐᐤ᙮ ᓇᒪ ᑎᑯᓂᔪᐤ ᒐᒂᔪᐤ ᒋᓴᒪᓂᑐᐤ ᒐ ᐊᑲ ᒋ ᐃᑐᑕᐧᒃ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 10:39

ᒋ ᐃᑕᐅᒡ ᒪᒃ, “ᓂᑭ ᒋ ᐃᑎᓇᓐ᙮” ᐊᑯ ᒋᓴᓴ ᒂ ᐃᑎᑯᒡ, “ᐊᓐ ᒐ ᐃᓯ ᒥᓂᔭᓐ ᐊᐅᑯᓐ ᑭᔭ ᒋᔨᐛᐤ ᒐ ᐃᓯ ᒥᓂᔭᒄ, ᒋᑭ ᐸᐃᑯᑕᓇᓄᐤ ᐊᓐ ᒥᓂᒂᑭᓐ᙮ ᑭᔭ ᐊᓐ ᓯᑲᐃᑕᒐᐅᓐ ᒐ ᓯᑲᐃᑕᑯᐅᔭᓐ ᐊᐅᑯᓐ ᐊᓐ ᑭᔭ ᒋᔨᐛᐤ ᒐ ᓯᑲᐃᑕᑯᐅᔭᒄ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 14:37

ᑲᐤ ᒪᒃ ᒋ ᓂᑐᐛᐱᒪᐤ ᐅᒋᔅᒋᓄᐊᒧᐛᑭᓇ, ᒋ ᒥᔅᑯᐛᐤ ᒪᒃ ᐊ ᓂᐸᔨᒋ᙮ ᒋ ᐃᑕᐤ ᐊᓂᔭ ᐱᑕᕋ, “ᓴᐃᒥᓐ, ᒋ ᓂᐸᓐ ᐊ ? ᓇᒪ ᒋ ᑭᔅᒋᑕᓐ ᐊ ᐸᐃᒄ ᑎᐸᐃᑭᓇ ᐃᔅᐱᔅ ᐱᓯᒧᐧᑲᓂᒡ ᒐᒋ ᐊᓱᐛᐱᔨᓐ ?

ᒠᓐ 12:27

“ᓇᔅᒡ ᒥᓯᒪᔨᑎᒻ ᓂᑦ ᐊᒐᐧᒄ, ᑕᓐ ᒪᒃ ᒐᒋ ᐃᑎᒃ ᓄᑕᐎᔾ᙮ ᓂᑭ ᐃᑕᐤ ᐊ, ᓄᑕ, ᐊᑲᐎᔾ ᐸᒋ ᐱᔅᑎᓂᒧᐎ ᒐᒋ ᓂᓇᐧᑲᑕᔨᒧᔭᓐ ? ᓇᒪ, ᓇᒪ ᓂᑭ ᐅᒋ ᐃᑕᐤ ᐅᔭ ᐛᔅ ᐊᐅᑯᓐ ᐛᒋ ᑎᑯᓯᓂᔭᓐ ᐅᑕ ᐊᔅᒋᒡ ᒐᒋ ᓂᓇᐧᑲᑕᔨᒧᔭᓐ᙮”

ᒠᓐ 18:11

ᐊᑯ ᒋᓴᔅ ᒂ ᐃᑕᑦ ᐊᓂᔭᔪᐛ ᐱᑕᕋ, “ᓇᐅᔅᑕ ᐊᓐ ᒋᓂᑐᐱᔪᐅ-ᒧᐧᑯᒪᓐ ! ᒋᑦ ᐃᑕᔨᑕᓐ ᐊ ᒐ ᐊᑲ ᐅᒋ ᓴᐳᔅᑭᒪᓐ ᐅ ᐎᓯᒐᔨᑕᒧᐅᓐ ᓄᑕᐎᔾ ᑲ ᐸᒋ ᒥᔨᑦ ?”

ᒠᓐ 4:34

ᒋᓴᔅ ᒂ ᐃᑕᑦ, “ᒐᒋ ᐃᑐᑎᒧᒡ ᐅᑦ ᐃᑕᔨᑎᒧᐅᓐ ᐊᓐ ᑲ ᐸᒋ ᐃᑎᓴᐅᑦ ᑭᔭ ᒐᒋ ᒋᔅᑕᐅᒡ ᐊᓂᔭ ᑲ ᐃᓯ ᓂᑐᐛᔨᒥᑦ ᒐᒋ ᐃᑐᑎᒧᒡ ᐊᐅᑯᓐ ᐊᓐ ᒧᔭᒻ ᓂᒥᒋᒻ ᐊ ᐃᑕᔨᑎᒪᓐ᙮

ᒠᓐ 5:30

“ᓂᔾ ᒪᒃ, ᓇᒪ ᓂ ᐅᒋ ᒥᔨᑯᐅᓐ ᓂᔾ ᐛ ᐃᑎᔭᓐ ᒐᒋ ᐃᑎᔭᓐ, ᐃᔅᐱ ᐊ ᑎᐸᔅᑯᓂᒐᔭᓐ ᑕᓐ ᐊ ᐃᑎᓱᒥᑦ ᒋᓴᒪᓂᑐᐤ ᐊᐅᑯᓐ ᐊ ᐃᑎᔭᓐ᙮ ᑯᐃᔅᑯᓇᑯᓐ ᒪᒃ ᐊᓐ ᐊ ᑎᐸᔅᑯᓂᒐᔭᓐ ᐛᔅ ᑕᓐ ᐊ ᐃᑎᓱᒥᑦ ᐊᓐ ᑲ ᐸᒋ ᐃᑎᓴᐅᑦ ᐊᐅᑯᓐ ᐊᓐ ᐛ ᐃᑎᔭᓐ᙮”

ᑲᓚᓯᔭᓇ 4:6

ᐊ ᐅᑦ ᐊᐛᓯᒥᑐᑕᑕᐧᒄ ᒪᒃ ᒋᓴᒪᓂᑐᐤ, ᒋ ᐸᒋ ᐃᑎᓴᐛᐤ ᐅᑯᓴ ᐅᑦ ᐊᒐᐧᑯᔪᐛ ᒋᑕᐃᓇᒡ᙮ ᐊᓐ ᒪᒃ ᐊᒐᐧᒄ ᐊᐅᒄ ᐊ ᐃᑐᑕᑕᐧᒄ, “ᓄᑕ, ᓄᑕᐎᔾ,” ᒐᒋ ᐃᓯ ᑕᑈᑕᐧᒄ ᒋᓴᒪᓂᑐᐤ᙮

ᐱᓕᐱᔭᓇ 2:8

ᒋ ᑎᐱᑕᔨᑕᑯᐃᓱᐤ ᐊ ᓂᓇᐃᑐᐛᑦ ᒋᓴᒪᓂᑐᐛ, ᐊᑎ ᐃᔅᐱ ᑲ ᐅᑎᒋᐱᔨᒡ ᒐ ᓂᐱᑦ ᒋᐱᔭᑎᑯᒡ ᑲ ᒋᔅᑕᔎᑕᑭᓄᐅᑦ᙮

2 ᑎᒧᑎ 2:13

ᐊᑲ ᒪᒃ ᑯᐃᔅᒄ ᐃᑎᔭᒂ, ᐃᔭᐱᒡ ᑯᐃᔅᒄ ᒋᑭ ᐃᑐᐤ ᐎᔾ ᙭, ᐛᔅ ᓇᒪ ᐃᔭᒡ ᒋᑭ ᒋ ᐃᑕᔨᑕᑯᓱᐤ ᑕᓐ ᐊ ᐃᑕᔨᑕᑯᓯᑦ᙮”

ᑕᐃᑕᔅ 1:2

ᐊᓂᔭ ᒪᒃ ᑕᓐ ᐊ ᐃᓯ ᒋᔅᑯᑎᒧᐅᒂᐤ ᐊᑯᑕ ᒐ ᐅᒋ ᒐᔅᑎᓇᑕᔨᑕᒡ ᒐ ᐊᔭᒡ ᑲᒋᒡ ᐱᒪᑎᓯᐅᓂᔪᐤ, ᐊᓂᔭ ᑲ ᐃᔅᒋᔄᔨᒋ ᒋᓴᒪᓂᑐᐛ ᐊᓐᑕ ᐸᒋ ᐛᔅᑭᒡ ᒐᔅᑎᓇᔅ ᒐ ᐊᔭᐛᑯᐱᓇ᙮ ᓇᒪ ᒪᒃ ᓂᑕ ᑭᑭᒋᔭᐤ ᒋᓴᒪᓂᑐᐤ᙮

ᐃᑉᕈᐛ 6:18

ᐛᔅ ᓇᒪ ᒋᑭ ᒋ ᑭᑭᒋᔭᐤ ᒋᓴᒪᓂᑐᐤ᙮ ᐛᔅ ᑕᓐ ᐊ ᐃᓯ ᒐᔅᑎᓄᒡ ᐃᔅᒋᔄᑦ ᒐᒂᔪᐤ ᐊᐅᑯᓐ ᒐ ᐃᔅᐱᔨᒡ᙮ ᒋ ᐃᔅᒋᔄᐤ ᒪᒃ ᐅᔭ ᒐᒋ ᒐᔅᑎᓇᑕᔨᑎᒪᐧᒄ ᐊᑲ ᓂᑕ ᐃᔭᒡ ᒐ ᐅᒋ ᐃᑕᔨᑕᐧᒃ᙮ ᐊᑯ ᒪᒃ ᐃᔅᐱ ᓇᑕᓯᒧᑐᑐᐛᒂ ᒐᒋ ᐱᒪᒋᐃᑕᐧᒄ, ᒐ ᔭᐃᑎᔅᑕᒡ ᒋᑦ ᐊᔅᐸᔨᒧᐅᓄᐤ ᐊ ᒐᔅᑎᓇᑕᔨᑎᒪᐧᒄ ᑕᓐ ᑲ ᐃᓯ ᓇᔅᐱᒡ ᑕᑈᑦ᙮