ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:8 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

⁸ ᐸᐃᑯᓄᒡ ᑲ ᐃᑎᔅᑲᓇᓯᒡ ᐊᐛᓐᒋ ᒋᑭ ᒪᓯᐧᑲᑐᐅᒡ ᐊᓂᔭᔪᐛ ᑯᑎᑲ ᐊᐛᔪᐛ ᐃᔭᒡ ᑲ ᐃᑎᔅᑲᓇᓯᔨᒋ᙮ ᑭᔭ ᐊᓐᒡ ᑲ ᐅᒋᒪᐅᒡ ᒋᑭ ᓂᑐᐱᔨᑐᐛᐅᒡ ᐊᓂᔭ ᑯᑎᑲ ᑲ ᐅᒋᒪᐎᔨᒋ᙮ ᑭᔭ ᓂᓇᐧᑯᐤ ᐊᓐᑕ ᐃᔭᒡ ᐊᓐᑕ ᒋᑭ ᑭᐃᐧᑯᓐ᙮ ᑭᔭ ᒋᑭ ᑎᑯᓐ ᐊ ᑯᐧᑭᑕᓄᐅᒡ᙮ ᐅ ᒪᒃ ᓂᓇᐧᑯᐤ ᒐ ᐃᔅᐱᔨᒡ, ᐊᐅᒄ ᐱᒐᐃᒃ ᐊ ᒋᒋᐱᔨᒡ ᓂᓇᐧᑲᑕᔨᒧᐅᓐ, ᒧᔭᒻ ᐃᔎᐤ ᐊ ᒋᒋᐱᔨᒡ ᐊ ᒧᓯᐅᑦ ᒐ ᐊᐧᑯᓯᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:8 ပူးပေါင်းရင်းမြစ်များ

ᑎᐱᑦ ᐅᓂᑭᒧᐅᓇ 48:6

ᑯᔅᑕᒍᐅᓂᔪᐤ ᒋ ᐅᑎᑎᓂᑯᐅᒡ ᐊᓐᑕ, ᑭᔭ ᐎᓯᒐᔨᑎᒧᐅᓂᔪᐤ, ᒧᔭᒻ ᐃᔎᐤ ᐊ ᐎ ᐛᐱᒪᐅᓱᑦ᙮

ᒪᑎᔪᐤ 24:8

ᐃᔅᐱ ᒪᒃ ᒋᒋᐱᔨᒐ ᐊ ᐃᔅᐱᔨᒋ ᒥᓯᐛ ᐅᔭ ᒐᒂᔪᐛ ᐊᐅᒄ ᐱᒐᐃᒃ ᐊ ᒋᒋᐱᔨᒡ ᓂᓇᐧᑲᑕᔨᒧᐅᓐ, ᒧᔭᒻ ᐃᔎᐤ ᐊ ᒋᒋ ᒧᓯᐅᑦ ᒐ ᐊᐧᑯᓯᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:7

ᐊᑲᐎᔾ ᑭᔭ ᒋᑭ ᐅᒋ ᒥᑯᔅᑲᑕᔨᑎᒥᐃᑯᐅᓇᐛᐤ ᐸᑎᒪᒂ ᐊ ᓂᑐᐱᔨᓇᓄᐅᒡ ᒥᒋᒪ ᐊᓐᑕ ᐊ ᑕᔭᒄ ᑭᔭ ᐸᑎᒪᒂ ᐊ ᑎᐸᑕᑭᓄᐅᒡ ᐊ ᓇᓂᑐᐱᔨᓇᓄᐅᒡ ᐊᓐᑕ ᐛᔪᐤ᙮ ᐊᐅᒄ ᐛᔅ ᐅ ᓂᔅᑎᒻ ᓇᑐᐛᔨᑕᒂᒡ ᒐᒋ ᐃᔅᐱᔨᒡ, ᒥᒄ ᒪᒃ ᓇᒪ ᐊᔅᒄ ᒋᑭ ᐅᒋ ᐃᔎᐱᔪᐤ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 13:9

“ᐃᔭᒂᒥᒄ ᐛᔅ ᒋᑭ ᑕᐅᒡ ᐊᓐᒡ ᒐ ᒪᑯᓂᑕᑯᒡ ᐊᑯ ᐊᓐᑕ ᑲ ᓂᑲᓂᔅᑲᒐᔨᒋ ᐊ ᑕᔨᒋ ᒐ ᐃᑐᑕᐃᑕᑯᒡ ᒐᒋ ᑎᐸᔅᑯᓂᑯᔭᒄ᙮ ᑭᔭ ᐊᓐᑕ ᐊᔭᒥᐊᐅᒋᐛᐱᒡ ᐊᑯᑕ ᒐ ᐸᐱᓯᔅᑕᐅᑯᔭᒄ᙮ ᒋᑭ ᐃᑐᑕᐃᑯᓇᐛᐤ ᒥᒋᒪ ᑭᔭ ᒋᓴᐅᒋᒪᐅᒡ ᐊ ᑕᒡ ᒐᒋ ᑎᐸᔅᑯᓂᑕᑯᒡ ᐊᓐ ᐅᒋ ᐊ ᓇᓴᐅᔭᒄ᙮ ᒋᑭ ᓂᑐᐛᔨᑕᑯᓯᓇᐛᐤ ᑯᐃᔅᒄ ᒐᒋ ᐃᓯ ᐊᔨᒧᒥᔭᒄ᙮

ᐊᑈᔅᑕᓇᒡ 11:28

ᐸᐃᒄ ᒪᒃ ᐊᓐ ᐊᑲᐸᔅ ᐊ ᐃᓯᓂᐧᑲᓱᑦ, ᒋ ᐱᓯᑯᐤ ᐊ ᒥᔨᑯᑦ ᑲ ᐸᔭᒋᓯᔨᒋ ᐊᒐᒂ ᒐᒋ ᐃᓯ ᓂᑲᓐ ᐎᑕᐧᒃ ᒐ ᐱᒥᐱᔨᒡ ᐊ ᑯᐅᐧᑭᑕᓄᐎᒡ ᒥᓯᐛ ᐊ ᐃᔅᐱᑎᔅᑭᒥᑲᔨᒡ ᐊᔅᒋᔪᐤ᙮ ᐊᐅᑯᓐ ᒪᒃ ᑕᑈ ᑲ ᐃᔅᐱᔨᒡ ᒪᒂᒡ ᑲᓗᑎᔭᓴ ᑲ ᒋᓴᐅᒋᒪᐎᔨᒋ᙮

1 ᑕᓴᓗᓂᔭᓇ 5:3

ᒪᒂᒡ ᐃᔅᒋᔄᑥᐛ ᐊᐛᓐᒋ, “ᒥᓯᐛ ᒐᒂᓐ ᒥᔪᐱᔪᐤ, ᓇᒪ ᑎᑯᓐ ᒐᒋ ᓴᒋᓯᔭᐧᒄ,” ᓯᔅᒋᑯᒡ ᒋᑭ ᒥᔅᑎ ᓂᓇᐧᑲᑕᔨᒧᐅᒡ᙮ ᒧᔭᒻ ᐊ ᐃᔅᐱᔅ ᓯᔅᒋᑯᒡ ᐊ ᒧᓯᐅᑦ ᐃᔎᐤ ᐃᔅᐱ ᒐ ᐛᐱᒪᐅᓱᑦ ᐊᐅᑯᓐ ᒐ ᐃᔅᐱᔅ ᓯᔅᒋᑯᒡ ᒥᔅᑎ ᓂᓇᐧᑲᑕᔨᒧᒡ ᐊᐛᓐᒋ᙮ ᓇᒪ ᒪᒃ ᒋᑭ ᐃᑐᐅᒡ ᒐ ᐊᑲ ᓂᓇᐧᑲᑕᔨᒧᒡ᙮

ᒋᔅᒐᔨᑕᑯᑕᒐᐅᓐ 6:4

ᐊᑯ ᒥᓐ ᑯᑎᒃ ᑲᐸᐃᑭᔎᐤ ᑲ ᐅᒋ ᐎᐎᑦ᙮ ᒋ ᒥᐧᑯᓯᐤ ᐊᓐ ᑲᐸᐃᑭᔎᐤ᙮ ᐊᓐ ᒪᒃ ᑲ ᑕᑎᐱᑦ ᐊᓂᔭᔪᐛ ᑲᐸᐃᑭᔎᐛ ᒋ ᒥᔭᑭᓄᐤ ᒐᒋ ᐃᑐᑕᐧᒃ ᒐᒋ ᓂᑐᐱᔨᓇᓄᐎᒡ ᑭᔭ ᒐᒋ ᓂᐸᐃᑐᔨᒋ ᐊᐛᔪᐛ ᐊᓂᔭ ᐊ ᓂᑐᐱᔨᒋ᙮ ᒋ ᒥᔭᑭᓄᐤ ᐊ ᒥᒐᐱᔅᑲᔨᒡ ᓂᑐᐱᔪᐅ-ᒧᐧᑯᒪᓂᔪᐤ᙮