39 ᑭᔭ ᓂᑐᐛᔨᑎᒧᒡ ᐊᓐᑕ ᒪᐅᒡ ᐊ ᐸᐃᑕᐱᔨᒋ ᒐᒋ ᐊᔭᑭᓄᐎᒡ ᐊᔭᒥᐊᐅᒋᐛᐱᒡ, ᑭᔭ ᐊ ᒥᑯᓴᓄᐎᒡ ᒐᒋ ᐊᔭᑭᓄᐎᒡ ᐊᓐᑕ ᐊ ᐅᒋᒪᐅᐱᓇᓄᐎᒡ᙮
ᐊᑯ ᒋᓴᔅ ᒂ ᐃᔨᒪᐊᑦ ᐊᓂᔭ ᐃᔪᐛ ᑭᔭ ᐊᓂᔭ ᐅᒋᔅᒋᓄᐊᒧᐛᑭᓇ᙮
“ᓂᑐᐛᔨᑎᒧᒡ ᐊᓐᑕ ᒪᐅᒡ ᐊ ᒋᔅᑕᔨᑕᑯᓂᔨᒡ ᒐᒋ ᐊᔭᑭᓄᐎᒡ ᐊᔭᒥᐊᐅᒋᐛᐱᒡ, ᑭᔭ ᐊ ᒥᒋᓱᓇᓄᐎᒡ ᒐᒋ ᐊᔭᑭᓄᐎᒡ ᐊᓐᑕ ᐊ ᐅᒋᒪᐅᐱᓇᓄᐎᒡ᙮
ᒪᒂᒡ ᒪᒃ ᒥᓐ ᐊ ᒋᔅᑯᑎᒧᐛᑦ ᒋ ᐃᑕᐤ, “ᐃᔭᒂᒥᔅᑐᐛᐧᑯᒡ ᐊᓐᒡ ᐎᓱᐛᐅᓂᔪᐤ ᑲ ᒋᔅᑯᑎᒪᒐᒡ, ᐛᔅ ᓂᑐᐛᔨᑎᒧᒡ ᒐᒋ ᒋᔅᑕᔨᒪᑭᓄᐎᒡ᙮ ᒥᔽᔨᑎᒧᒡ ᐊ ᐳᔅᑎᔅᑲᒡ ᑲ ᒋᓏᑭᓂᔨᒋ ᐊᑯᐸ, ᑭᔭ ᒥᔽᔨᑎᒧᒡ ᐊ ᐊᑎᒥᔅᑯᐛᑭᓄᐎᒡ ᐊᓐᑕ ᐊ ᒥᒐᑎᓇᓄᐎᒡ᙮
ᐅᑎᓂᒺᐅᒡ ᑭᔭ ᒥᓯᐛ ᑕᓐ ᐊ ᐃᓯ ᑎᐱᔨᐛᐅᓯᔨᒋ ᑲ ᐸᐸᐃᑯᓯᔨᒋ ᐃᔎᐛ ᑭᔭ ᐊ ᐊᔭᒥᐊᒡ ᓇᐅᔅ ᐊᔭᒥᐊᐅᒡ, ᐊᔭᒥᐊᐧᑲᓱᐅᒡ ᒪᒃ ᒥᒄ ᐅᔭ ᐊ ᐃᑎᒡ᙮ ᐊᐅᑯᓐᒡ ᒪᒃ ᐅᒡ ᐅᔅᑕ ᒐ ᐊᒂᑕᔨᑕᑯᓂᔨᒡ ᑕᓐ ᒐ ᐃᓯ ᑎᐸᔅᑯᓂᑯᒡ ᒋᓴᒪᓂᑐᐛ᙮”