ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:31 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

³¹ ᒋ ᐃᑕᐤ ᒥᓐ ᒋᓴᔅ, “ᐊᓐ ᒥᓐ ᑯᑎᒡ ᐃᑎᓱᐛᐅᓐ ᒋᒋᐛ ᐊ ᐃᑕᔨᑕᒂᒡ ᐊᐅᒄ ᐊᑎᔅᑕᒡ, ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮ ᐊ ᑕᑎᒋ ᐃᑎᔄᐅᓇ ᐊᔪᐅᒄ ᐅᔭ ᓂᓱ ᐃᑎᔄᐅᓇ ᒪᐅᒡ ᐊ ᐃᑕᔨᑕᒂᒋ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:31 ပူးပေါင်းရင်းမြစ်များ

ᒪᑎᔪᐤ 22:39

ᐊᓐ ᒪᒃ ᐃᑎᓱᐛᐅᓐ ᒥᓐ ᒪᐅᒡ ᒐᔅᑕᔨᑕᒂᒡ ᐊᐅᒄ ᐅ ᑲ ᐃᔅᒋᔄᒥᑲᒡ, ‘ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮’

ᒪᑎᔪᐤ 7:12

ᑕᓐ ᐊ ᐃᓯ ᓂᑐᐛᔨᒪᑯᒡ ᐊᐛᓐᒋ ᒐᒋ ᐃᑐᑕᑕᑯᒡ, ᐊᐅᑯᓐ ᑭᔭ ᒋᔨᐛᐤ ᐃᑐᑐᐛᐧᑯᒡ, ᐛᔅ ᐊᐅᒄ ᐅ ᐊ ᐃᓯ ᒋᔅᑯᑎᒪᒐᒥᑲᒡ ᐎᓱᐛᐅᓐ ᑭᔭ ᐊᐅᑯᓐ ᑲ ᐃᓯ ᐛᐎᑕᒡ ᐅᒋᔅᒋᐛᐃᒐᓱᒡ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:32

ᒋ ᐃᑎᑯᐤ ᐊᓂᔭ ᐎᓱᐛᐅᓂᔪᐤ ᑲ ᒋᔅᑯᑎᒪᒐᔨᒋ, “ᒋᔅᑯᑎᒪᒐᓱᐤ, ᒋ ᑕᑈᓐ᙮ ᒋ ᑕᑈᓐ ᐊ ᐃᔅᒋᔄᔨᓐ ᒥᒄ ᐊ ᐸᐃᑯᓯᑦ ᒋᓴᒪᓂᑐᐤ, ᓇᒪ ᑕᐤ ᑯᑎᒃ᙮

ᓗᒃ 10:27

ᐊᑯ ᐊᓐ ᓇᐸᐤ ᒋ ᐃᑕᐤ, “ ‘ᓴᒋᐃ ᐅᑎᐸᔨᒋᒐᐤ ᒋᒋᓴᒪᓂᑐᒻ, ᒥᓯᐛ ᒋᑕᐃᒡ, ᑭᔭ ᒥᓯᐛ ᒋᑦ ᐊᒐᐧᑯᒡ ᑭᔭ ᒥᓯᐛ ᒋᒥᔅᑯᓯᐅᓂᒡ ᑭᔭ ᒥᓯᐛ ᒋᒥᑐᓇᔨᒋᑭᓂᒡ,’ ᑭᔭ ‘ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮’ ”

ᑲᓚᓯᔭᓇ 5:14

ᑎᐸᑐᑎᒻ ᐊᐛᓐ ᐎᓱᐛᐅᓇ, ᐅᔭ ᐸᐃᒄ ᐎᓱᐛᐅᓂᔪᐤ ᐊ ᓂᓇᐃᑕᐧᒃ ᐊᐅᒄ, “ᓴᒋᐃ ᒋᒡ ᐃᔪᐤ ᒧᔭᒻ ᒋᔾ ᐊ ᐃᔅᐱᔅ ᓴᒋᐃᓱᔨᓐ᙮”

1 ᒠᓐ 4:21

ᐊᐅᒄ ᐅᔭ ᑲ ᐃᑎᓱᒥᑕᐧᒄ ᒋᓴᒪᓂᑐᐤ, “ᐊᓐ ᑲ ᓴᒋᐊᑦ ᒋᓴᒪᓂᑐᐛ, ᐎᐧᑲᓂᓴ ᐊᓯᒡ ᒋᑭ ᓴᒋᐊᐤ᙮”