ᒪᑎᔪᐤ 9:18 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁸ ᒪᒂᒡ ᒪᒃ ᐅᔭ ᒋᓴᔅ ᑲ ᐃᑕᑦ, ᒋ ᐸᒋ ᓇᑎᑯᐤ ᐸᐃᒄ ᐅᒋᒪᐛ, ᒋ ᐸᒋ ᐅᒋᒋᐧᑯᓂᐱᔨᔅᑕᑯᐤ ᒪᒃ ᐊ ᐃᑎᑯᑦ, “ᒋ ᐳᓂᐱᒪᑎᓯᐤ ᓂᑕᓂᔅ ᐊᓄᒡ, ᐸᒋ ᓴᒥᓐ, ᐊᑯ ᒪᒃ ᒐ ᐱᒪᑎᓯᑦ᙮”

ᒪᑎᔪᐤ 9:18 ပူးပေါင်းရင်းမြစ်များ

ᒪᑎᔪᐤ 14:33

ᐊᓐᒡ ᒪᒃ ᒋᔅᒋᓄᐊᒧᐛᑭᓐᒡ ᐊᓐᑕ ᐅᐤᑎᒡ ᑲ ᑕᒡ ᒋ ᐊᔭᒥᐊᔅᑐᐛᐅᒡ ᒋᓴᓴ ᐊ ᐃᑕᒡ, “ᑕᑈ ᒋᔾ ᒋᓴᒪᓂᑐᐤ ᐅᑯᓴ᙮”

ᒪᑎᔪᐤ 15:25

ᐃᔅᐱ ᒪᒃ ᐊᓐ ᐃᔎᐤ ᐱᔭᑐᐛᑦ ᐅᔭ ᐊ ᐃᔅᒋᔄᔨᒋ ᒋᓴᓴ, ᒋ ᐸᒋ ᓂᐱᔅᑯᐱᔪᐤ ᐊᓐᑕ ᒋᓴᓴ ᐊ ᑕᔨᒋ ᐊ ᐃᑕᑦ, “ᐅᑎᐸᔨᒋᒐᐤ, ᐸᒋ ᐎᒋᐃ !”

ᒪᑎᔪᐤ 17:14

ᐃᔅᐱ ᒪᒃ ᑲᐤ ᐛᑎᑕᒡ ᐊᓂᔭ ᐃᔪᐛ, ᓇᐸᐤ ᒋ ᐸᒋ ᓂᑐᐛᐱᒪᐤ ᐊᓂᔭ ᒋᓴᓴ, ᐊ ᐅᒋᒋᐧᑯᓂᐱᔪᐅᒡ ᐊᓐᑕ ᐊ ᑕᔨᒋ ᐊ ᐃᑕᑦ,

ᒪᑎᔪᐤ 20:20

ᓴᐱᑎ ᒪᒃ ᐎᐛ ᒋ ᐸᒋ ᐎᒐᐛᐤ ᐅᑯᓴ, ᒂ ᐸᒋ ᓂᑐᐛᐱᒪᒡ ᒋᓴᓴ ᐊᑯ ᐊᓐ ᐃᔎᐤ ᒂ ᐊᑎ ᐅᒋᒋᐧᑯᓂᐱᔨᔅᑐᐛᑦ ᒋᓴᓴ ᐊ ᐎ ᓂᑐᐛᔨᑎᒧᐛᑦ ᒐᒂᔪᐤ᙮

ᒪᑎᔪᐤ 28:17

ᐃᔅᐱ ᒪᒃ ᐎᔭᐱᒪᒡ, ᒋ ᐊᔭᒥᐊᔅᑐᐛᐅᒡ ᐊᑎ ᐱᔅᒐ ᐊᓐᑕ ᐊ ᑎᓯᒡ ᐊᒋ ᐊᓏᑕᒡ᙮

ᒪᑎᔪᐤ 8:2

ᒋ ᐸᒋ ᓇᑎᑯᐤ ᓇᐸᐛ ᑲ ᒪᔭᑎᓂᔨᒡ ᐅᒥᒋᐛᔅᐱᓇᐅᓂᔪᐤ ᐊᔭᔨᒋ, ᒂ ᐅᒋᒋᐧᑯᓂᐱᔪᐅᔨᒋ ᐊᓐᑕ ᐅᑎᔅᑯᐤ ᐊ ᑕᑦ, ᐊᑯ ᐊᑎᑯᑦ, “ᐅᑎᐸᔨᒋᒐᐤ, ᐎ ᐸᒋ ᐎᒋᐃᔨᓇ, ᒋᑭ ᒋ ᐃᑐᑕᓐ ᒐᒋ ᐸᔭᒋᓯᔭᓐ᙮”

ᒪᑎᔪᐤ 8:25

ᒐᒃ ᐊᓐᒡ ᒋᔅᒋᓄᐊᒧᐛᑭᓐᒡ ᑲ ᐸᑯᓇᒡ ᒋᓴᓴ ᐊ ᐃᑕᒡ, “ᐅᑎᐸᔨᒋᒐᐤ, ᐸᒋ ᐎᒋᐃᓇᓐ, ᓴᔅ ᓂᑭ ᓂᓱᐅᓇᑎᓯᓇᓐ᙮”

ᒪᑎᔪᐤ 9:17

ᑭᔭ ᓇᒪ ᐊᐛᓐ ᐱᑕᐸᐅᑕᐤ ᐅᔅᒋ ᓱᒥᓇᐳᔪᐤ ᐊᓐᑕ ᒐᔭᔅ ᐎᒂᒡ ᐃᔅ᙮ ᐛᔅ ᐊᓐᑕ ᐃᓯ ᐱᑕᐸᐅᑕᒐ ᐊᓂᔭ ᐅᔅᒋ ᓱᒥᓇᐳᔪᐤ ᐃᔅᐱ ᒪᒃ ᐊᐛᔅᑲᔭᒍᐅᓂᔨᒐ, ᒋᑭ ᐸᐧᑲᐱᔪᐤ ᐊᓂᔭ ᐎᒂᔪᐤ᙮ ᐊᑯ ᒪᒃ ᓇᒪ ᒋᑭ ᐅᒋ ᐊᔭᐤ ᓱᒥᓇᐳᔪᐤ ᑭᔭ ᓇᒪ ᒋᑭ ᐅᒋ ᐃᓯᓇᑯᓂᔪᐤ ᒥᓐ ᒐᒋ ᐊᐱᒋᑕᑦ ᐊᓂᔭ ᐎᒂᔪᐤ᙮ ᐅᔅᒋ ᐎᒂᒡ ᐊᓐᑕ ᐱᑕᐸᐅᑕᑭᓄᐤ ᐅᔅᒋ ᓱᒥᓇᐳᔾ ᐊᑯ ᒪᒃ ᑕᐱᔅᑯᓐ ᑲᓄᐛᔨᑕᑭᓄᐅᒡ᙮”

ᒪᑎᔪᐤ 9:19

ᐊᑯ ᒋᓴᔅ ᒂ ᐱᓯᑯᑦ, ᒂ ᐎᒐᐛᑦ ᐊᓂᔭ ᐅᒋᒪᐛ, ᐅᒋᔅᒋᓄᐊᒧᐛᑭᓇ ᑭᔭ ᒋ ᐎᒐᐅᑯᐤ᙮

ᒪᑎᔪᐤ 9:24

ᒋ ᐃᑕᐤ, “ᒥᓯᐛ ᔅᑐᑕᒄ, ᑕᐸ ᓂᐳᐤ ᐅ ᐃᔎᔅ ᒥᒄ ᐛᔅ ᐊᓐ ᓂᐸᐤ᙮” ᐊᑯ ᐛᓯᓄᐛᒡ ᐊᓂᔭ ᐊ ᐃᔅᒋᔄᔨᒋ ᐊ ᒪᔭᔨᒪᒡ᙮

ᓗᒃ 13:14

ᐊᑯ ᒪᒃ ᐊᓐ ᑲᓂᑲᓂᔅᑲᐧᒃ ᐊᓂᔭ ᐊᔭᒥᐊᐅᒋᐛᐱᔪᐤ ᓇᔅᒡ ᑕᑈ ᒋ ᒋᔄᓱᐤ ᒋᓴᓴ ᐊᒋ ᒥᓏᒋᐊᔨᒋ ᐊᐛᔪᐛ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᔨᒡ᙮ ᐊᑯ ᒂ ᐃᑕᑦ ᐊᓂᔭ ᑯᑎᑲ ᐃᔪᐛ ᐊᓐᑕ ᑲ ᑕᔨᒋ, “ᐊᓱᑕᒡ ᑕᑐᐤ ᒋᓯᑲᐛ ᑎᑯᓇ ᒐᒋ ᐊᑐᔅᒐᓇᓄᐅᒡ, ᐊᑯᑕ ᒋᐸ ᐸᒋ ᑎᑯᓯᓇᐛᐤ ᒪᒂᒡ ᐊᓂᔭ ᐊ ᒋᓯᑲᔨᒋ ᒐᒋ ᒥᓏᒋᐃᑯᐅᔭᒄ ᓇᒪ ᐎ ᒪᒂᒡ ᐊ ᒍᐤ ᐊᔭᒥᐊᐅᒋᓯᑲᒡ᙮”

ᓗᒃ 18:18

ᐊᑯ ᐸᐃᒂᐤ ᒍᐤ ᐃᔪᒡ ᐅᒋᒪᒧᐛᐛ ᒋ ᐃᓯ ᑯᒂᒋᒪᐤ ᐊᓂᔭ ᒋᓴᓴ, “ᒋᔅᑯᑎᒪᒐᓱᐤ, ᑲ ᒥᔪᑥᔨᓐ ᑕᓐ ᒐ ᐃᑎᔭᓐ ᒐᒋ ᐅᒋ ᐊᔭᔭᓐ ᑲᒋᒡ ᐱᒪᑎᓯᐅᓐ ?”

ᓗᒃ 7:2

ᒋ ᑕᐤ ᒪᒃ ᐊᓐᑕ ᐸᐃᒄ ᓂᑐᐱᔪᐅ-ᐅᒋᒪᐤ ᓇᔅᒡ ᐊᒋ ᓴᒋᐊᑦ ᐅᑦ ᐊᐱᒋᐊᑭᓇ᙮ ᒪᒂᒡ ᒪᒃ ᓇᔅᒡ ᒋ ᐊᐧᑯᓯᔪᐛ ᐊᓂᔭ ᐅᑦ ᐊᐱᒋᐊᑭᓇ ᒐᑲᑦ ᐊ ᐳᓂᐱᒪᑎᓯᔨᒋ᙮

ᒠᓐ 11:25

ᒋᓴᔅ ᒂ ᐃᑕᑦ, “ᐊᐅᒄ ᓂᔾ ᑲ ᐅᓂᔅᑲᓇᑦ ᐊᐛᔪᐛ ᐊᒋ ᓂᐱᔨᒋ ᑭᔭ ᑲ ᒥᔨᐛᑦ ᐱᒪᑎᓯᐅᓂᔪᐤ᙮ ᐊᐛᓐ ᒐ ᐸᒋ ᑕᑈᔭᔨᒧᒂ ᒋᑭ ᐱᒪᑎᓯᐤ ᐊᑎ ᐊᒋ ᓂᐱᑦ᙮

ᒠᓐ 11:32

ᐃᔅᐱ ᒪᒃ ᒪᕆ ᑕᑯᓯᐧᒃ ᐊᓐᑕ ᒋᓴᓴ ᑲ ᑕᔨᒋ ᐎᔭᐱᒪᑦ ᒪᒃ ᒋ ᐅᒋᒋᐧᑯᓂᐱᔪᐤ ᐊᓐᑕ ᐅᓯᑎᔨᒡ, ᐊ ᐃᑕᑦ, “ᐅᑎᐸᔨᒋᒐᐤ, ᓴᔅ ᒋ ᑕᔨᓇᒂ ᓇᒪ ᒋᐸ ᐅᒋ ᐳᓂᐱᒪᑎᓯᐱᓐ ᓂᐧᑲᓂᔅ᙮”

ᐊᑈᔅᑕᓇᒡ 13:15

ᒋ ᑕᐤ ᐊᓐᑕ ᐊᐛᓐ ᐊᔭᒥᐊᐅᒋᐛᐱᒡ ᐊ ᐃᔨᒥᑐᐛᑦ ᐊᓂᔭ ᐃᔪᐛ ᐊᔭᒥᐊᐅᐎᓱᐛᐅᓇ, ᑭᔭ ᐊᓂᔭᐧᑲ ᐅᒋᔅᒋᐛᐃᒐᓱᐛ ᑲ ᐃᓯ ᒥᓯᓇᐊᒥᔨᒂᓂ᙮ ᐊᑯ ᒪᒃ ᐊᓐᒡ ᑲ ᓂᑲᓂᔅᑲᒡ ᐊᓂᔭ ᐊᔭᒥᐊᐅᒋᐛᐱᔪᐤ ᒂ ᑯᒂᒋᒪᒡ ᑈᓇ ᑭᔭ ᐊᓂᔭ ᐎᐧᑲᓂᓯᒪᐛ ᒐᒋ ᐃᔨᒪᐊᔨᒋ ᐊᓂᔭᔪᐛ ᐃᔪᐛ ᒐᒋ ᓱᒋᑲᐳᔨᒋ᙮

ᐊᑈᔅᑕᓇᒡ 28:8

ᐅ ᒪᒃ ᐳᐱᓕᔭᔅ ᐅᑕᐎᔭ ᒋ ᐊᐧᑯᓯᔪᐛ, ᐊ ᒋᓯᑕᐅᐱᔨᒋ ᑭᔭ ᐊ ᓱᐎᒂᔨᒡ ᐊ ᒥᓯᔨᒋ᙮ ᐊᑯ ᑈᓪ ᒂ ᐱᒐᐛᑦ ᐊᓐᑕ ᑲᐃᐱᓇᓄᐅᒡ, ᒂ ᑕᒋᓇᑦ ᐊ ᐊᔭᒥᐊᔅᑎᒧᐛᑦ, ᒂ ᒥᓏᒋᐊᑦ᙮