ᒪᑎᔪᐤ 9:15 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹⁵ ᒋᓴᔅ ᒪᒃ ᒋ ᐃᑕᐤ, “ᒧᔭᒻ ᐊ ᓂᐳᐅᓇᓄᐅᒡ, ᓇᒪ ᒥᒐᔨᑎᒧᒡ ᐊᓐᒡ ᑲ ᐎᓴᒪᑭᓄᐎᒡ ᒪᒂᒡ ᐊᓐᑕ ᐊ ᑕᔨᒋ ᐊᓂᔭ ᑲ ᐅᔅᒋ ᓂᐳᔨᒋ᙮ ᐊᐅᑯᓐ ᒪᒃ ᐊᓯᓇᒂᒡ ᒪᒂᒡ ᐅᑕ ᐊ ᑕᔭᓐ ᐊᓐᒡ ᒋᔅᒋᓄᐊᒧᐛᑭᓐᒡ ᐊ ᑕᒡ ᒥᒄ ᒪᒃ ᐃᔅᐱ ᐅᑎᒋᐱᔨᒐ ᒐ ᐸᒋ ᐅᑎᓂᑯᔭᓐ ᐊᓐᑕ ᐊ ᑕᒡ ᐅᒋ, ᐊᑯ ᒪᒃ ᐃᔭᒄ ᒐ ᐃᑎᒡ ᐊᓯᑯᒻ ᐊ ᐊᑲ ᒥᒋᓱᒡ ᐊᓐᒡ ᒋᔅᒋᓄᐊᒧᐛᑭᓐᒡ᙮”

ᒪᑎᔪᐤ 9:15 ပူးပေါင်းရင်းမြစ်များ

ᒪᑎᔪᐤ 9:14

ᐊᑯ ᒠᓐ ᐅᓯᑲᐃᑕᒐᐤ ᐅᒋᔅᒋᓄᐊᒧᐛᑭᓇ ᑲ ᐸᒋ ᓂᑐᐛᐱᒪᒡ ᐊᓂᔭ ᒋᓴᓴ ᐊᑯ ᐊᑕᒡ, “ᐊᓯᑯᒻ ᐊᑯᓐ ᐊ ᑎᔭᒡ ᓂᔭᓐ ᑭᔭ ᐊᓐᒡ ᐸᕆᓯᔨᒡ ᐊᑲ ᒥᒋᓱᔭᒡ᙮ ᒐᒂᔪᐤ ᒪᒃ ᐛᒡ ᐊᑲ ᐃᑎᒡ ᐎᔨᐛᐤ ᒋᒋᔅᒋᓄᐊᒧᐛᑭᓐᒡ ᐊ ᐊᑲ ᒥᒋᓱᒡ ?”

ᒪᑎᔪᐤ 9:16

“ᓇᒪ ᐊᐛᓐ ᒥᓴᐃᑲᒐᐤ ᐊ ᐅᔅᑲᔨᒡ ᐱᒍᐎᔭᓂᔪᐤ ᐊᓐᑕ ᒐᔭᔅ ᐊᐱᒋᑕᐅᓂᒡ, ᐊ ᐅᔅᑲᔨᒡ ᐱᒍᐎᔭᓂᔪᐤ ᐊᐱᒋᑕᒐ, ᒋᑭ ᐅᑕᐸᐛᔪᐤ ᑭᔭ ᐊᔭᔅᒃ ᒋᑭ ᐱᑯᐱᔪᐤ ᐊᓐ ᐊᐱᒋᑕᐅᓐ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:19

ᒋᓴᔅ ᒋ ᐃᓯ ᐎᑎᒧᐛᐤ ᐊ ᐃᑕᑦ, “ᒧᔭᒻ ᐊᓐᑕ ᒪᒂᒡ ᐊ ᓂᐳᐅᓇᓄᐅᒡ ᒋᑭ ᒋ ᐃᑐᐅᒡ ᐊ ᒐ ᐊᑲ ᒋ ᒥᒋᓱᒡ ᐊᓐᒡ ᑲ ᐎᓴᒪᑭᓄᐅᒡ ᐊ ᒥᑯᓴᓄᐎᒡ ? ᓇᒪ ᒂᔄᓐ᙮ ᐛᔅ ᒧᔭᒻ ᐊ ᑕᔨᒋ ᐊᓐᑕ ᐊ ᑕᒡ ᐊᓂᔭ ᐅᔅᒋᓂᒋᓱᐛ ᓇᒪ ᐛᐛᒡ ᒋᑭ ᐅᒋ ᐃᑕᔨᑎᒧᒡ ᒐ ᐊᑲ ᒋ ᒥᒋᓱᒡ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:20

ᐸᑎᒪ ᒋᑭ ᐅᑎᒋᐱᔪᐤ ᐊᓐ ᐊ ᒋᓯᑲᒡ ᒐ ᐸᒋ ᐅᑎᓇᑭᓄᐅᑦ ᐊᓐ ᐅᔅᒋᓂᒋᓱᐤ ᐊᑯᑕ ᒪᒃ ᐃᔭᒄ ᐊᓐ ᐊ ᒋᓯᑲᒡ ᒐ ᐊᑲ ᐅᒋ ᒥᒋᓱᒡ᙮”

ᓗᒃ 17:22

ᐊᑯ ᒪᒃ ᒂ ᐃᑕᑦ ᐅᒋᔅᒋᓄᐊᒧᐛᑭᓇ, “ᐊᔅᒄ ᐊᓐᑕ ᓂᔅᑕᒥᒡ ᒋᑭ ᐅᑎᒋᐱᔪᐤ ᓇᔅᒡ ᒐ ᐃᑕᔨᑎᒥᐃᑯᔭᒄ ᒥᓐ ᑲᐤ ᒐᒋ ᐛᐱᒪᒄ ᐃᔪᐤ ᐅᑯᓯᓴᓐ, ᓇᒪ ᒪᒃ ᒋᑭ ᒋ ᐛᐱᒪᐛᐤ ᐊᓐᑕ ᐊᓐ ᒪᒂᒡ ᐎ ᐛᐱᒪᒂ᙮

ᓗᒃ 5:34

ᒋᓴᔅ ᒪᒃ ᒋ ᐃᔅᒋᔄᐤ, “ᒧᔭᒻ ᐊ ᓂᐳᐅᓇᓄᐅᒡ, ᒋᑭ ᒋ ᐃᑐᐅᒡ ᐊ ᒐ ᐊᑲ ᒋ ᒥᒋᓱᒡ ᐊᓐᒡ ᑲ ᐎᓴᒪᑭᓄᐎᒡ ᐊ ᒥᑯᓴᓄᐎᒡ ? ᓇᒪ ᒂᔄᓐ᙮ ᐛᔅ ᒧᔭᒻ ᐊ ᑕᔨᒋ ᐊᓐᑕ ᐊ ᑕᒡ ᐊᓂᔭ ᐅᔅᒋᓂᒋᓱᐛ ᓇᒪ ᐛᐛᒡ ᒋᑭ ᐅᒋ ᐃᑕᔨᑎᒧᒡ ᒐ ᐊᑲ ᒋ ᒥᒋᓱᒡ᙮

ᓗᒃ 5:35

ᐃᔅᐱ ᒪᒃ ᐅᑎᒋᐱᔨᒐ ᒐ ᐸᒋ ᒥᔅᑭᒪᑭᓄᐎᒡ ᐅᔅᒋᓂᒋᓱᐛ ᑭᔭ ᐃᔭᒄ ᓇᒪ ᒋᑭ ᐅᒋ ᒥᒋᓱᐅᒡ᙮”

ᒠᓐ 16:6

ᐊᓄᒡ ᒪᒃ ᐊᒋ ᐎᑎᒪᑎᑯᒡ ᐊᑯ ᓇᔅᒡ ᐊ ᒥᓯᒪᔨᑎᒪᒄ᙮

ᒠᓐ 3:29

ᒧᔭᒻ ᐅᔅᒋᓂᐳᐛᓐ ᐎᔾ ᑎᐸᔨᒪᐤ ᐊᓂᔭ ᐅᔅᒋᐃᔎᐛ᙮ ᐊᓂᔭ ᒪᒃ ᐅᐎᒐᐛᑭᓇ ᐊᓐ ᐅᔅᒋᓂᐳᐛᓐ, ᐊᓂᔭ ᑲ ᐎᒋᐃᐛᔨᒋ ᐊᓱᐛᐱᒥᑯᐤ ᒐ ᐃᔅᐱᔅ ᑎᑯᓯᐧᒃ ᑭᔭ ᒥᔽᔨᑎᒥᔪᐛ ᐃᔅᐱ ᐱᔭᑕᑯᑦ᙮ ᐊᐅᑯᓐ ᒪᒃ ᒧᔭᒻ ᑭᔭ ᓂᔾ ᐊ ᐃᔅᐱᔅ ᒥᔽᔨᑎᒪᓐ ᓴᔅ ᐊ ᑕᑦ ᐊᓐ ᑲ ᐸᒋ ᐃᑎᓴᐅᑯᑦ ᒋᓴᒪᓂᑐᐛ᙮

ᐊᑈᔅᑕᓇᒡ 14:23

ᐊᑯ ᒪᒃ ᒥᓯᐛ ᐊᓐᑕ ᑲ ᐊᑎ ᑕᔨᒋ ᐅᒪᒧᐊᔭᒥᐊᐛ ᑈᓪ ᑭᔭ ᐸᕐᓇᐸᔅ ᒋ ᐎᔭᔨᒪᐅᒡ ᐊᐛᔪᐛ ᒐᒋ ᓂᑲᓂᔅᑯᐛᔨᒋ ᐊᓂᔭ ᐅᒪᒧᐊᔭᒥᐊᐛ ᐊᓐᑕ ᑲ ᑕᔨᒋ᙮ ᐃᔅᐱ ᒪᒃ ᑲ ᒋᔅᑕᒡ ᐊᓂᔭ ᐊ ᐊᑲ ᒥᒋᓱᒡ ᒥᒄ ᐊ ᐊᔭᒥᐊᒡ ᐊᑯ ᑲ ᐊᔭᒥᐊᔅᑎᒧᐛᒡ ᒐᒋ ᐊᐱᒋᐃᑯᒡ ᐅᑎᐸᔨᒋᒐᐛ, ᐊᓂᔭᔪᐛ ᑲ ᑕᑈᔭᔨᒪᒡ᙮

1 ᑯᕆᓐᑎᔭᓇ 7:5

ᓇᒪ ᒋᐸ ᐅᒋ ᐃᑎᓇᐛᐤ ᒐ ᐊᑲ ᒋ ᐱᒪᔨᒥᑐᔭᒄ᙮ ᒥᒄ ᑭᑈ ᓂᑲᓐ ᑕᐱᔅᑯᓐ ᐃᓯ ᐊᑕᔨᑎᒧᐛᒂ ᐛᐃᐱᔅᒋᔅ ᒐ ᐊᑲ ᒋ ᐱᒪᔨᒥᑐᔭᒄ ᒥᒄ ᒐᒋ ᐊᔭᒥᐊᔭᒄ᙮ ᐊᑯ ᒪᒃ ᐃᔅᐱ ᐅᑎᒋᐱᔨᒐ ᐊᓐᑕ ᑲ ᐃᔅᒋᔄᔭᒄ ᒐ ᐃᔅᐱᔅ ᐊᑲ ᐱᒪᔨᒥᑐᔭᒄ ᐊᑯ ᒥᓐ ᒋᐸ ᒋ ᐱᒪᔨᒥᑐᓇᐛᐤ᙮ ᐛᔅ ᓱᒐᔨᑕᑯᓯᔭᒂ ᓇᒪ ᒋᑭ ᐅᒋ ᓴᐧᑯᒋᐃᑯᐛᐤ ᒥᒋᒥᓂᑐᐤ ᓂᑎᒥᒄ ᒐᒋ ᐃᑐᐛᒄ᙮

2 ᑯᕆᓐᑎᔭᓇ 11:27

ᓇᔅᒡ ᑕᑈ ᓂᒋ ᒥᔅᑎ ᐊᑐᔅᒐᓐ᙮ ᒥᒐᑥᐤ ᓂᒋ ᒥᔅᑎ ᐊᔭᔅᑯᓯᓐ, ᒥᒐᑥᐤ ᑭᔭ ᓇᒪ ᐛᐛᒡ ᓂ ᐅᒋ ᓂᐸᓐ᙮ ᒥᒐᑥᐤ ᓂᒋ ᓄᑕᐱᔨᓐ ᒥᒋᒻ ᑭᔭ ᑲ ᐊᑎ ᓯᐛᔨᔭᓐ, ᑭᔭ ᓂᒋ ᓄᑕᔭᐸᒂᓐ᙮ ᓇᓂᑯᑎᓂᔾ ᓇᒪ ᐛᐛᒡ ᐅᒋ ᑎᑯᓐ ᑕᓐᑕ ᒐ ᑕᔭᓐ ᑭᔭ ᓇᓂᑯᑎᓂᔾ ᓂᒋ ᓯᐧᑭᒋᓐ᙮

ᒋᔅᒐᔨᑕᑯᑕᒐᐅᓐ 19:9

ᐊᑯ ᒂ ᐸᒋ ᐃᓯᑦ ᐊᓐᒋᓐ, “ᒥᓯᓇᐊ ᐅ, ᓱᐛᔨᑕᑯᓱᐅᒡ ᐊᓐᒡ ᑲ ᐎᓴᒪᑭᓄᐎᒡ ᐊ ᒥᑯᓴᓄᐎᒡ ᐊᓂᔭ ᒪᔭᑕᓂᓴ ᐅᓂᐳᐤ ᒥᑯᓴᐅᓂᔪᐤ᙮” ᐊᑯ ᒥᓐ ᒂ ᐊᑎ ᐃᔅᒋᔄᑦ ᐊᓐ ᐊᓐᒋᓐ, “ᐊᐅᒄ ᐅᔭ ᑲ ᐃᔅᒋᔄᑦ ᒋᓴᒪᓂᑐᐤ, ᑕᑈᒥᑭᓂᔪᐤ ᒪᒃ᙮”

ᒋᔅᒐᔨᑕᑯᑕᒐᐅᓐ 21:2

ᓂᒋ ᐛᐸᑕᓐ ᒪᒃ ᐊᓐ ᑲ ᐸᔭᒋᓯᒥᑲᒡ ᐅᑕᓇᐤ ᒋᒋᒋᓯᑯᒡ ᐊ ᐅᒋ ᔭᓯᒥᑲᒡ᙮ ᒋᓴᒪᓂᑐᐤ ᐊ ᑕᑦ ᒋ ᐅᒋᐱᔪᐤ᙮ ᐊᐅᒄ ᐅ ᑲ ᐅᔅᑲᒡ ᒋᕈᓯᓕᒻ᙮ ᒧᔭᒻ ᐅᔅᒋᓂᒋᔎᐤ ᐊᒋ ᒥᔪᓇᑯᐃᓱᑦ ᒐ ᐅᓇᐸᒥᑦ ᐊᐅᑯᓐ ᑲ ᐃᓯᓇᒂᒡ᙮