ᒪᑎᔪᐤ 9:13 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

¹³ ᓇᓂᑐ ᒋᔅᒐᔨᑎᒧᒄ ᒪ ᑲ ᐃᑎᔅᑕᒡ ᒋᒋᒥᓯᓇᐃᒐᐅᓐ, ‘ᒋᓴᐛᑎᓯᐅᓐ ᐊᐅᒄ ᓇᑐᐛᔨᑎᒪᓐ, ᓇᒪᔭᐤ ᐊ ᒥᑐᔅᑕᐊᒪᓄᐅᒡ ᒐᒂᓐ᙮’ ᓇᒪᔭᐤ ᐅᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᐎᓴᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᒪᑎᔪᐤ 9:13 ပူးပေါင်းရင်းမြစ်များ

ᒪᑎᔪᐤ 12:3

ᐊᑯ ᒋᓴᔅ ᐊᑕᑦ ᐊᓂᔭ ᐸᕆᓯᐊ, “ᔅᒋ ᐃᔨᒥᑕᓇᐛᒐ ᒥᓯᓇᐃᑭᓂᒡ ᑲ ᑎᐸᒋᒪᑭᓄᐅᑦ ᐊᓂᔭ ᒋᓴᐅᒋᒪᐤ ᑎᐱᑦ, ᒥᓯᐛ ᒪᒃ ᐊᓂᔭ ᑲ ᐎᒐᐅᑯᑦ ᐃᔅᐱ ᑲ ᐎ ᒥᒋᓱᒡ ?

ᒪᑎᔪᐤ 12:5

ᑭᔭ ᔅᒋ ᐃᔨᒥᑕᓇᐛᒐ ᐊᓐᑕ ᐎᓱᐛᐅᒥᓯᓇᐃᑭᓂᒡ, ᐊᓐᒡ ᐊᔭᒥᐊᐅᒋᒪᐅᒡ ᐊ ᐊᑐᔅᒐᒡ ᐊᓐᑕ ᒋᓴᐊᔭᒥᐊᐅᒋᐛᐱᒡ ᐊ ᐊᔭᒥᐊᐅᒋᓯᑲᔨᒡ ᐱᑯᓂᒧᒡ ᐊᓂᔭ ᐎᓱᐛᐅᓂᔪᐤ ᑕᓐ ᒋᐸ ᐃᓯ ᓂᓇᑭᑐᐛᔨᑕᑭᓄᐅᔪᐤ ᐊ ᐊᔭᒥᐊᐅᒋᓯᑲᔨᒡ, ᓇᒪ ᒪᒃ ᒐᒂᔪᐤ ᒋᑭ ᒋ ᐃᓯ ᐊᑕᒪᔨᑕᑯᓱᐅᒡ ?

ᒪᑎᔪᐤ 12:7

ᐛᔅ ᐃᑎᔅᑕᐤ ᒥᓯᓇᐃᑭᓂᒡ ᒋᓴᒪᓂᑐᐤ ᐊᒋ ᐃᔅᒋᔄᑦ, ‘ᒋᓴᐛᑎᓯᐅᓐ ᐊᐅᒄ ᓇᑐᐛᔨᑎᒪᓐ, ᓇᒪ ᐎ ᐊ ᒥᑐᔅᑕᐊᒪᓄᐅᒡ ᒐᒂᓐ,’ ᓂᔅᑐᑎᒧᒄ ᒪᒃ ᐅ ᑕᓐ ᐊᓐ ᐊ ᐃᔅᒋᔄᒥᑲᒡ, ᓇᒪ ᒋᐸ ᐅᒋ ᑎᐸᔅᑯᓇᐛᐅᒡ ᐊᓐᒡ ᐊᑲ ᒥᒋᑐᑕᒡ᙮

ᒪᑎᔪᐤ 19:4

ᐊᑯ ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᒥᓯᓇᐃᑭᓂᒡ ᐊᓐᑕ ᑲ ᐃᑎᔅᑕᒡ, ᓂᔅᑎᒻ ᐃᔪᐛ ᑲ ᐅᓯᐊᑦ ᒋᓴᒪᓂᑐᐤ, ᓇᐸᐛ ᑭᔭ ᐃᔎᐛ ᒋ ᐅᓯᐊᐤ᙮

ᒪᑎᔪᐤ 21:42

ᐊᑯ ᒋᓴᔅ ᐊᑕᑦ, “ᓇᒪᐎᔾ ᐊ ᒋ ᐅᒋ ᐃᔨᒥᑕᓇᐛᐤ ᑲ ᐃᑎᔅᑕᒡ ᐊᓐᑕ ᒋᓴᒪᓂᑐᐤ ᐅᑦ ᐃᔨᒧᐅᓂᒡ, ᒋ ᐊᑐᐛᔨᒪᐅᒡ ᑲ ᒥᒋᐛᐱᒐᒡ ᐊᓂᔭ ᐊᓯᓂᔭ ᒋᒋᐛ ᐊ ᐊᐱᑎᓯᔨᒋ ᐊ ᒋᒐᔭᔨᒡ᙮ ᐊᔪᐅᒄ ᐅᔭ ᐅᑎᐸᔨᒋᒐᐤ ᐅᑦ ᐃᑐᐅᓇ, ᐊᔪᐛᒡ ᒥᔅᑲᓯᓇᑯᓂᔪᐛ ᐊ ᑭᓄᐛᐸᑕᑭᓄᔨᒋ ?”

ᒪᑎᔪᐤ 3:2

ᐊ ᐃᔅᒋᔄᑦ, “ᒂᔅᑲᑎᓯᒄ, ᐛᔅ ᓴᔅ ᐸᓱᓇᑯᓐ ᐊᓐ ᒋᒋᒋᓯᒄ ᒋᓴᐅᒋᒪᐅᓐ᙮”

ᒪᑎᔪᐤ 3:8

ᓄᑯᑕᒄ ᑕᑈ ᐊ ᒂᔅᑲᑎᓯᔭᒄ, ᐊ ᓂᑭᑎᒪᒄ ᒋᒥᒐᑎᓯᐅᓄᐛᐛ᙮

ᒪᑎᔪᐤ 4:17

ᐊᑯᑕ ᒪᒃ ᑲ ᒋᒋᐱᔨᑦ ᒋᓴᔅ ᐊ ᑭᒐᔅᒋᒪᑦ ᐃᔪᐛ ᐊ ᐃᑕᑦ, “ᒂᔅᑲᑎᓯᒄ, ᓂᑭᑎᒥᒄ ᒋᒥᒋᑥᐅᓄᐛᐛ ᐛᔅ ᓴᔅ ᐸᓱᓇᑯᓐ ᒋᒋᒋᓯᒄ ᒋᓴᐅᒋᒪᐅᓐ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:26

ᐊᓐ ᒪᒃ ᓇᑐᐤ ᒋᔅᒐᔨᑎᒧᐛᒂ ᒐ ᐅᐱᐱᔪᐛᒂ ᑲ ᓂᐱᒡ, ᓇᒪᐎᔾ ᐊ ᒋ ᐅᒋ ᐃᔨᒥᑕᐛᓇᐛᐤ ᒧᓱᔅ ᑕᓐ ᑲ ᐃᑎᓯᓇᐊᐧᒃ ᐅᒥᓯᓇᐃᑭᓂᒡ, ᐊᓐᑕ ᑲ ᑎᐸᑕᐧᒃ ᐊ ᐱᔅᑯᑯᐸᔨᒡ ᑲ ᐅᒋ ᐃᔨᒥᐃᑯᑦ ᒋᓴᒪᓂᑐᐛ, ᐊᒋ ᐃᑎᑯᒂ, ‘ᐊᐅᒄ ᓂᔾ ᐅᒋᓴᒪᓂᑐᒧᐛᐛ, ᐊᑉᕋᐊᒻ, ᐊᐃᓯᒃ ᑭᔭ ᒐᑭᑉ’ ?

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 12:33

ᑭᔭ ᒋ ᑕᑈᓐ ᐊ ᐃᔅᒋᔄᔨᓐ᙮ ᒐᒋ ᓴᒋᐊᑭᓄᐅᑦ ᒋᓴᒪᓂᑐᐤ ᒥᓯᐛ ᒥᑕᐃᒡ, ᑭᔭ ᒥᓯᐛ ᒥᑐᓇᔨᒋᑭᓂᒡ, ᑭᔭ ᒥᓯᐛ ᐊᒐᐧᑯᐅᓂᒡ ᑭᔭ ᒥᓯᐛ ᒥᔅᑯᓯᐅᓂᒡ᙮ ᑭᔭ ᒐᒋ ᓴᒋᐊᑦ ᒋᒡ ᐃᔪᐤ ᒧᔭᒻ ᐎᔾ ᐊ ᐃᔅᐱᔅ ᓴᒋᐃᓱᑦ᙮ ᐅᔭ ᒐᒋ ᐃᔅᐱᔅ ᓴᒋᐃᐛᑦ ᐊᐛᓐ ᐊᑐᐎᔅ ᐃᑕᔨᑕᑯᓂᔪᐤ ᐃᔅᐱᔅ ᐎ ᐊ ᒥᑐᔅᑕᐊᒧᐛᑭᓄᐅᑦ ᒋᓴᒪᓂᑐᐤ ᒥᔨᐛᐅᓇ ᒪᒃ ᐊᐛᓯᓴ ᐊᒋ ᓂᐸᐊᑭᓄᔨᒋ ᒐᒋ ᒥᑐᔅᑕᐊᒧᐛᑭᓄᐅᑦ᙮”

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:17

ᒋᓴᔅ ᒪᒃ ᒋ ᐸᑐᐛᐤ ᐅᔭ ᐊ ᐃᔅᒋᔄᔨᒋ ᐊᑯ ᒂ ᐃᑕᑦ, “ᓇᒪ ᓂᑐᐛᔨᒪᐅᒡ ᓂᑐᐧᑯᐃᔨᓴ ᐊᓐᒡ ᐊᐛᓐᒋ ᐊᑲ ᐊᐧᑯᓯᒡ, ᒥᒄ ᐊᓐᒡ ᑲ ᐊᐧᑯᓯᒡ ᐊᐅᑯᓐᒡ ᓇᑐᐛᔨᒪᒡ ᓂᑐᐧᑯᐃᔨᓴ᙮ ᓇᒪᔭᐤ ᐅᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᓗᒃ 10:26

ᒋᓴᓴ ᒋ ᐃᑎᑯᐤ, “ᑕᓐ ᒪᒃ ᐊ ᐃᓯ ᓂᔅᑐᑎᒥᓐ ᐊᓐ ᐊᔭᒥᐊᐅ-ᐎᓱᐛᐅᒥᓯᓇᐃᑭᓐ ᐊ ᐃᔨᒥᑕᔨᓐ ? ᑕᓐ ᐊᑎᔅᑕᒡ ᒪᒃ ?”

ᓗᒃ 19:10

ᐃᔪᐤ ᐅᑯᓯᓴᓐ ᒋ ᐸᒋ ᑎᑯᓯᓐ ᒐᒋ ᓇᓂᑐᐛᐱᒪᑦ ᑭᔭ ᒐᒋ ᐱᒪᒋᐊᑦ ᐊᓂᔭᔪᐛ ᐃᔪᐛ ᑲ ᐅᓂᓯᓂᔨᒋ᙮”

ᓗᒃ 24:47

ᐊᑯ ᒪᒃ ᒋᐸ ᐛᐎᑎᒧᐛᑭᓄᐎᒡ ᒥᓯᐛ ᐊ ᐃᑎᔅᑲᓇᓯᒡ ᐊᐛᓐᒋ ᒐᒋ ᒂᔅᑲᑎᓯᒡ ᑭᔭ ᒐᒋ ᐛᐸᔨᑎᒧᐛᑭᓄᐎᒡ ᐅᒥᒋᑥᐅᓄᐛᐛ ᓂᔾ ᐸᒋ ᓇᓯᑥᐛ᙮ ᒋᕈᓯᓕᒥᒡ ᒪᒃ ᓂᔅᑎᒻ ᒋᑭ ᐅᒋ ᒥᓯᑕᐱᔪᐤ ᐅ ᒐ ᐃᓯ ᐛᐎᑕᑭᓄᐅᒡ᙮

ᓗᒃ 5:31

ᒋᓴᔅ ᒪᒃ ᒋ ᐎᑎᒪᐛᐤ ᐊ ᐃᔅᒋᔄᑦ, “ᓇᒪ ᓂᑐᐛᔨᒪᐅᒡ ᓂᑐᐧᑯᐃᔨᓴ ᐊᓐᒡ ᐊᐛᓐᒋ ᐊᑲ ᐊᐧᑯᓯᒡ, ᒥᒄ ᐊᓐᒡ ᑲ ᐊᐧᑯᓯᒡ ᐊᐅᑯᓐᒡ ᓇᑐᐛᔨᒪᒡ ᓂᑐᐧᑯᐃᔨᓴ᙮

ᓗᒃ 5:32

ᓇᒪᔭᐤ ᐊᓐᒡ ᑲ ᑯᐃᔅᑯᑕᑎᓯᒡ ᐛᒋ ᑎᑯᓯᓂᔭᓐ᙮ ᓂᒋ ᑎᑯᓯᓐ ᒐᒋ ᓂᑐᒥᒂᐤ ᐅᒥᒋᑥᐅᒡ ᒐᒋ ᒂᔅᑲᑎᓯᒡ᙮”

ᒠᓐ 10:34

ᐊᑯ ᒋᓴᔅ ᒂ ᐎᑎᒧᐛᑦ ᐊ ᐃᑕᑦ, “ᐃᑎᔅᑕᐤ ᒋᓴᒪᓂᑐᐤ ᐅᑦ ᐃᔨᒧᐅᓂᒡ ᐊᒋ ᐃᑕᑯᐱᓇ ᒋᓴᒪᓂᑐᐤ ᐊᓂᔭ ᑲ ᒥᔭᑦ ᒐᒋ ᑎᐸᔅᑯᓂᒐᔨᒋ, ᓂᒋ ᐃᔅᒋᔄᓐ, ‘ᒥᓂᑐᐅᒡ ᒋᔨᐛᐤ᙮’

ᐊᑈᔅᑕᓇᒡ 11:18

ᐅᔭ ᒪᒃ ᐊ ᐸᑐᐛᒡ ᐊ ᐃᓯ ᐎᑎᒥᔨᒋ ᓇᒪ ᐅᒋ ᓂᔅᑯᔅᑐᐛᐅᒡ᙮ ᒋ ᒋᔅᑕᒋᒪᐅᒡ ᒋᓴᒪᓂᑐᐛ ᐊ ᐃᔅᒋᔄᒡ, “ᒋᓴᒪᓂᑐᐤ ᒋ ᓇᐃᐱᔨᑕᐤ ᐊᓂᔭ ᐃᔪᐛ ᐊᑲ ᒍᐤ ᐃᑎᔅᑲᓇᓯᔨᒋ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐱᒪᒋᐅᔨᒋ᙮”

ᐊᑈᔅᑕᓇᒡ 2:38

ᐊᑯ ᐱᑕᕐ ᒂ ᐃᑕᑦ, “ᒂᔅᑲᑎᓯᒄ ᒥᓯᐛ ᐸᐸᐃᒄ ᐊ ᑎᓯᔭᒄ᙮ ᓂᑭᑎᒥᒄ ᒋᒥᒋᑥᐅᓄᐛᐛ ᐊᑯ ᒪᒃ ᒐ ᓯᑲᐃᑕᑯᐅᔭᒄ ᒋᓴᔅ ᙭ ᐅᑦ ᐃᓯᓂᐧᑲᓱᐅᓂᒡ ᒐᒋ ᐅᒋ ᐛᐸᔨᑎᒪᑯᐅᔭᒄ ᒋᒥᒋᑥᐅᓄᐛᐛ᙮ ᒋᑭ ᒥᔨᑯᐛᐤ ᒪᒃ ᒋᓴᒪᓂᑐᐤ ᐅᒥᔨᐛᐅᓐ, ᐊᐅᒄ ᐅᔭ ᑲ ᐸᔭᒋᓯᔨᒋ ᐊᒐᒂ᙮

ᐊᑈᔅᑕᓇᒡ 20:21

ᐊ ᐎᑎᒧᐅᒂᐤ ᑕᐱᔅᑯᓐ ᒍᐤ ᑭᔭ ᑯᕆᒃ ᑲ ᐃᑎᔅᑲᓇᓯᒡ ᐊ ᓂᑐᐛᔨᑕᑯᓯᒡ ᒐᒋ ᒂᔅᑲᑎᓯᒡ ᒋᓴᒪᓂᑐᐛ ᐊ ᓇᑕᒡ ᑭᔭ ᒐᒋ ᑕᑈᔭᔨᒪᒡ ᒋᑎᐸᔨᒋᒐᓯᒥᓄᐛ ᒋᓴᔅ ᙭ᑕ᙮”

ᐊᑈᔅᑕᓇᒡ 3:19

ᒂᔅᑲᑎᓯᒄ, ᒥᑕᒋᔨᐛᔨᑎᒧᒄ ᑕᓐ ᑲ ᐃᓯ ᒥᒋᑐᑎᒪᒄ᙮ ᓇᑎᐧᒄ ᒋᓴᒪᓂᑐᐤ ᒐᒋ ᐛᐸᔨᑎᒪᑕᒄ ᒋᒥᒋᑥᐅᓄᐛᐛ᙮ ᐊᑯ ᒪᒃ ᐅᑎᐸᔨᒋᒐᐤ ᒐ ᐃᑐᑕᑕᒄ ᒥᓐ ᒐᒋ ᓯᑭᒪᒋᐅᔭᒄ ᒋᑦ ᐊᒐᐧᑯᐛᒡ᙮

ᐊᑈᔅᑕᓇᒡ 5:31

ᒋᓴᒪᓂᑐᐤ ᒪᒃ ᒋ ᒋᔅᑕᔨᑕᑯᐊᐤ ᒋᓴᓴ ᐅᒥᔪᐅᓂᒡ ᐃᑕᒐ ᐊᒋ ᐊᔭᑦ, ᒐᒋ ᐅᒋᒪᐎᔨᒋ ᑭᔭ ᒐᒋ ᐱᒪᒋᐃᐛᔨᒋ, ᑭᔭ ᒐᒋ ᐃᑐᑐᐛᑦ ᐃᔅᕋᐃᓪ ᐃᔪᐛ ᒐᒋ ᒂᔅᑲᑎᓯᔨᒋ ᑭᔭ ᒐᒋ ᐛᐸᔨᑎᒧᐛᑭᓄᔨᒋ ᐅᒥᒋᑥᐅᓂᔪᐛ᙮

2 ᐱᑕᕐ 3:9

ᑕᐸ ᑕᔅᑎᑲᒋᔪᐤ ᐅᑎᐸᔨᒋᒐᐤ ᒐᒋ ᐃᑐᑕᐧᒃ ᑕᓐ ᐊᓂᔭᔪᐛ ᑲ ᐃᔅᒋᔄᑦ ᒐ ᐃᑐᑕᐧᒃ᙮ ᑕᔅᑎᑲᒋᐤ ᐃᑕᔨᒪᐅᒡ ᒪᒃ ᑯᑎᑭᒡ ᐊᐛᓐᒋ᙮ ᒋ ᓯᐱᔪᐛᓯᔅᑕᑯᐛᐤ ᐛᔅ ᐊᓐ, ᐊᑲ ᐛᒋ ᐸᐃᒄ ᐊᐛᔪᐛ ᓂᑐᐛᔨᒪᑦ ᒐᒋ ᓂᓱᐅᓇᑎᓯᔨᒋ, ᐛᔅ ᒥᓯᐛ ᐊᐛᔪᐛ ᓂᑐᐛᔨᒪᐤ ᒐᒋ ᓂᑭᑎᒥᔨᒋ ᐅᒥᒐᑎᓯᐅᓂᔪᐤ᙮