ᒪᑎᔪᐤ 8:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² ᐊᑯ ᒋᓴᔅ ᐊᑕᑦ, “ᐸᒋ ᓇᓴᐎ᙮ ᐊᑯᔅ ᐊᓐᒡ ᒧᔭᒻ ᐊ ᓂᐱᒡ ᑲ ᐃᑕᔨᑕᑯᓯᒡ ᐊᐛᓐᒋ ᒋᑭ ᓇᐃᐧᑯᐛᐅᒡ ᐊᓂᔭ ᑲ ᓂᐱᔨᒋ ᐅᑦ ᐃᔨᒧᐛᐛ᙮”

ᒪᑎᔪᐤ 8:22 ပူးပေါင်းရင်းမြစ်များ

ᒪᑎᔪᐤ 8:21

ᑯᑎᒃ ᒪᒃ ᓇᐸᐤ ᐊ ᓇᓴᐛᑦ ᒋᓴᓴ ᒋ ᐃᑕᐤ, “ᐅᑎᐸᔨᒋᒐᐤ, ᓇᐊᔨᒥ ᓂᔅᑎᒻ ᒐᒋ ᓇᐃᐧᑯᐅᒃ ᓄᑕᐎᔾ ᑲ ᐳᓂᐱᒪᑎᓯᑦ ᐊᑯ ᒪᒃ ᐃᔭᒄ ᒐ ᐎᒐᐅᑕᓐ᙮”

ᒪᑎᔪᐤ 9:9

ᐊᑯ ᒋᓴᔅ ᒂ ᔅᑐᑕᑦ ᐊᓐᑕ ᐅᒋ, ᒪᒂᒡ ᒪᒃ ᐊ ᐊᑎ ᐱᒧᑕᑦ, ᒋ ᐛᐱᒪᐤ ᓇᐸᐛ ᐊᐱᔨᒋ ᒥᓯᓇᐃᒐᐅᒋᐛᐱᒡ ᒪᑎᔪᐤ ᐊ ᐃᓯᓂᐧᑲᓱᔨᒋ, ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊᒋ ᐃᑕᐱᑎᓯᔨᒋ᙮ ᐊᑯ ᒋᓴᔅ ᐊᑕᑦ, “ᐸᒋ ᓇᓴᐎ᙮” ᐊᑯ ᒪᑎᔪᐤ ᒂ ᐱᓯᑯᑦ, ᒂ ᐊᑎ ᐎᒐᐛᑦ ᒋᓴᓴ᙮

ᒥᔽᒋᒧᐅᓂᔪᐤ ᑲ~ᒥᓯᓇᐊᐧᒃ ᒪᕐᒃ 2:14

ᐊᓂᔭ ᒪᒃ ᐊ ᐊᑎ ᐱᒧᑕᑦ ᒋ ᐅᑎᑕᐤ ᓇᐸᐛ ᒋᓴᐅᒋᒪᐤ ᓱᓇᔭᔪᐤ ᑲ ᒪᒧᓴᒋᓂᒥᔨᒋ ᐊ ᐃᑕᐱᑎᓯᔨᒋ᙮ ᓕᐸᐃ ᒋ ᐃᓯᓂᐧᑲᓱᔪᐛ᙮ ᐊᓪᐱᔭᔅ ᒋ ᐃᓯᓂᐧᑲᓱᔪᐛ ᐅᑕᐎᔪᐛ᙮ ᒪᒂᒡ ᐊᓐᑕ ᐅᒥᓯᓇᐃᑭᓂᒋᐛᐱᒡ ᒋ ᐊᐳᐤ ᐅ ᓕᐸᐃ᙮ ᐊᑯ ᒂ ᐃᑕᑦ ᒋᓴᔅ, “ᐸᒋ ᐱᐸᐎᒐᐎ᙮” ᒋ ᐱᓯᑯᐤ ᒪᒃ ᓕᐸᐃ ᒂ ᐊᑎ ᐎᒐᐛᑦ ᒋᓴᓴ᙮

ᓗᒃ 15:24

ᐛᔅ ᐅ ᓂᑯᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᐊᑯ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᒄ ᐊ ᐃᓯᓇᑯᓯᑦ, ᒧᔭᒻ ᐊᒋ ᐅᓂᓯᓂᑦ ᑭᔭ ᒥᓐ ᐊ ᒥᔅᑯᐛᑭᓄᐅᑦ᙮’ ᑭᔭ ᒂ ᒧᒋᒐᔨᑕᒡ᙮

ᓗᒃ 15:32

ᐃᓯᓇᑯᓐ ᑕᑈ ᒐᒋ ᒧᒋᒐᔨᑎᒪᐧᒄ ᐛᔅ ᒋᐧᑲᓂᔅ ᒧᔭᒻ ᐊᒋ ᓂᐱᑦ ᒋ ᐃᓯᓇᑯᓱᐤ ᑭᔭ ᐊᓄᒡ ᒧᔭᒻ ᒥᓐ ᐊ ᐱᒪᑎᓯᑦ ᐊᐅᑯᓐ ᐊ ᐃᓯᓇᑯᓯᑦ᙮ ᒧᔭᒻ ᐊᒋ ᐅᓂᓯᓂᑦ ᒋ ᐃᓯᓇᑯᓱᐤ ᑭᔭ ᒥᓐ ᐊ ᒥᔅᑯᐛᑭᓄᐅᑦ ᐊᐅᑯᓐ ᐊ ᐃᓯᓇᑯᓯᑦ᙮’ ”

ᓗᒃ 9:59

ᐊᑯ ᒋᓴᔅ ᒂ ᐃᑕᑦ ᑯᑎᑲ ᓇᐸᐛ, “ᐸᒋ ᐎᒐᐎ᙮” ᐊᑯ ᐊᓐ ᓇᐸᐤ ᒂ ᐃᑕᑦ ᒋᓴᓴ, “ᐅᑎᐸᔨᒋᒐᐤ, ᐱᔅᑎᓂ ᐸᑎᒪ ᒐᒋ ᓇᐃᐧᑯᐅᒃ ᓄᑕᐎᔾ ᑲ ᐳᓂᐱᒪᑎᓯᑦ ᑭᔭ ᐃᔭᒄ ᒐ ᐎᒐᐅᑕᓐ᙮”

ᓗᒃ 9:60

ᐊᑯ ᒋᓴᓴ ᒂ ᐃᑎᑯᑦ, “ᐊᓐᒡ ᒧᔭᒻ ᑲ ᓂᐱᒡ ᑲ ᐃᑕᔨᑕᑯᓯᒡ ᐃᔪᒡ ᐊᑯᔅ ᒋᑭ ᓇᐃᐧᑯᐛᐅᒡ ᐊᓂᔭ ᐅᑦ ᐃᔨᒧᐛᐛ ᑲ ᓂᐱᔨᒋ᙮ ᒋᔾ ᒪᒃ, ᒪᒋ ᒐ ᐛᐎᑎᒧᑦ ᒋᓴᒪᓂᑐᐤ ᐅᒋᓴᐅᒋᒪᐅᓐ᙮”

ᒠᓐ 1:43

ᒥᓐ ᐊᓂᔭ ᐊ ᐊᑎ ᒋᓯᑲᔨᒡ ᒋᓴᔅ ᒋ ᐃᑕᔨᑎᒻ ᑲᓕᓕ ᐊᔅᒋᒡ ᒐᒋ ᐃᑐᑕᑦ᙮ ᐊᑯᑕ ᐊᓐᑕ ᑲ ᒥᔅᑯᐛᑦ ᐱᓕᐸ ᐊᑯ ᐊᑕᑦ, “ᐸᒋ ᐎᒐᐎ᙮”

ᒠᓐ 21:19

ᐅᔭ ᒪᒃ ᒋᓴᔅ ᑲ ᐃᔅᒋᔄᑦ ᒋ ᓂᑐᐛᔨᒪᐤ ᒐᒋ ᒋᔅᒐᔨᑎᒥᔨᒋ ᑕᓐᑕ ᒐ ᐃᓯ ᓂᐱᔨᒋ ᒐᒋ ᐅᒋ ᒋᔅᑕᔨᒪᑭᓄᔨᒋ ᒋᓴᒪᓂᑐᐛ᙮ ᐊᑯ ᒋᓴᔅ ᐊᑕᑦ, “ᐸᒋ ᐱᐸᐎᒐᐎ᙮”

ᒠᓐ 21:22

ᒋᓴᓴ ᒋ ᐃᑎᑯᐤ, “ᓂᑐᐛᔨᒥᑲ ᒐᒋ ᐱᒪᑎᓯᑦ ᐸᑐᔅ ᒥᓐ ᑎᑯᓯᓄᒐ, ᑕᓐ ᒪᒃ ᒐ ᐃᑎᔨᓐ ᒋᔾ ? ᐸᒋ ᓇᓴᐎ ᒋᔾ᙮”

ᐃᐱᓯᔭᓇ 2:1

ᒋᔨᐛᐤ ᒪᒃ ᐊ ᓂᐱᔭᒄ ᔅᒋ ᐃᓯᓇᑯᓯᓇᐛᐤ ᐊᔅᒄ ᐊᑲ ᐅᒋ ᐱᒪᒋᐃᑕᒄ ᒋᓴᒪᓂᑐᐤ᙮ ᔅᒋ ᒥᒐᑎᓯᓇᐛᐤ ᑭᔭ ᓇᒪ ᒋ ᐅᒋ ᓂᓇᐃᑐᐛᐛᐤ ᒋᓴᒪᓂᑐᐤ᙮

ᐃᐱᓯᔭᓇ 2:5

ᐊᑎ ᐊᔅᒄ ᒪᒂᒡ ᐊ ᓂᐱᔭᐧᒄ ᐊᒋ ᐃᓯᓇᑯᓯᔭᐧᒄ ᐊᑲ ᐅᒋ ᓂᓇᐃᑐᐛᐧᒄ, ᔅᒋ ᑐᑕᑯᓄᐤ ᒐᒋ ᐎᒋ ᐱᒪᑎᓯᒪᐧᑯ ᙭ᑕ᙮ ᒋᓴᒪᓂᑐᐤ ᔅᒋ ᐱᒪᒋᐃᑯᐛᐤ ᐊᒋ ᐎ ᓱᐛᔨᒥᑕᒄ ᐊᑎ ᐊᑲ ᐅᒋ ᒋᔅᑕᔨᑕᑯᓯᔭᒄ᙮

ᐃᐱᓯᔭᓇ 5:14

ᐊᐅᒄ ᒪᒃ ᐛᒋ ᐃᓇᓄᐅᒡ ᒪᓐ, “ᐅᓂᔾ ᒋᔾ ᑲ ᓂᐸᔨᓐ, ᐅᓂᔾ ᐊᓐᑕ ᓂᐳᐅᓂᒡ ᐅᒡ᙮ ᐊᑯ ᒪᒃ ᙭ ᒐ ᒥᔨᔅᒃ ᐛᔅᑕᐅᓂᔪᐤ᙮”

ᑯᓚᓯᔭᓇ 2:13

ᒋᒥᒋᑥᐅᓄᐛᐛ ᔅᒋ ᐃᑐᑕᑯᓇᐛᐤ ᒧᔭᒻ ᐊ ᓂᐱᔭᒄ ᒐᒋ ᐃᓯᓇᑯᓯᔭᒄ ᒋᓴᒪᓂᑐᐤ ᐃᔅ ᐊ ᑕᑦ, ᑭᔭ ᐊᔅᒄ ᓇᒪ ᒋ ᐅᒋ ᐃᑐᑕᑯᐛᐤ ᒋᓴᒪᓂᑐᐤ ᒐᒋ ᐅᑦ ᐊᐛᓯᒥᑐᑕᑕᒄ ᑕᓐ ᑲ ᐃᑐᑎᒪᑕᒄ ᙭ ᐅᒡ᙮ ᐊᓄᒡ ᒪᒃ ᔅᒋ ᒥᔨᑯᐛᐤ ᒋᓴᒪᓂᑐᐤ ᐊ ᐅᔅᑲᔨᒡ ᐱᒪᑎᓯᐅᓂᔪᐤ ᒧᔭᒻ ᑲ ᐃᓯ ᐅᓂᔅᑲᓇᑦ ᙭ᑕ ᓂᐳᐅᓂᒡ ᐅᒡ᙮ ᓇᔅᒡ ᔅᒋ ᐛᐸᔨᑎᒪᑭᓄᐤ ᒋᓴᒪᓂᑐᐤ ᒋᒥᒋᑥᐅᓄᐛ᙮

1 ᑎᒧᑎ 5:6

ᐊᑯ ᐊᓐ ᐃᔎᐤ ᑲ ᐸᐃᑯᓯᑦ ᐱᓯᒄ ᒪᒃ ᒥᒄ ᐎᔾ ᑲ ᐎ ᓂᓇᐊᔨᑎᒥᐃᓱᑦ ᒧᔭᒻ ᐊ ᓂᐱᑦ ᐃᓯᓇᑯᓱᐤ ᐊᑎ ᐊᓂᔭ ᐊᔅᒄ ᐊ ᐱᒪᑎᓯᑦ᙮