ᒪᑎᔪᐤ 7:22 - ᒋᓴᒪᓂᑐ ᐅᑦ ᐃᔨᒧᐅᓐ - ᒋᒋᒥᓯᓇᐃᑭᓐ

²² “ᐃᔅᐱ ᐅᑎᒋᐱᔨᒐ ᐊᓐ ᒐᒋᓯᑲᒡ ᒋᓴᒪᓂᑐᐤ ᒐ ᑎᐸᔅᑯᓇᑦ ᒥᓯᐛ ᐊᐛᔪᐛ, ᒥᒐᑦ ᐊᐛᓐᒋ ᓂᑭ ᐃᑎᑯᒡ ᐊᓂᔭ ᐊ ᒋᓯᑲᔨᒡ, ‘ᑕᐸᔨᒋᒐᔨᓐ, ᑕᐸᔨᒋᒐᔨᓐ, ᒋᑦ ᐃᓯᓂᐧᑲᓱᐅᓐ ᓂᒋ ᐊᐱᒋᑕᓇᓐ ᐊ ᒋᔅᒋᐛᐃᒐᔭᒡ, ᒋᑦ ᐃᓯᓂᐧᑲᓱᐅᓐ ᑭᔭ ᓂᒋ ᐊᐱᒋᑕᓇᓐ ᒥᒐᑦ ᒥᒋ ᐊᒐᐧᑯᒡ ᐊᒋ ᐱᒋᔅᑯᐛᒡ ᐊᐛᔪᐛ ᒐᒋ ᐎᐎᑎᓴᐅᒋᒡ, ᑭᔭ ᒋᑦ ᐃᓯᓂᐧᑲᓱᐅᓂᒡ ᐅᒡ ᒪᒥᔅᑲᒡ ᒐᒂᔪᐛ ᓂᒋ ᐃᑐᑕᓇᓐ᙮’

ᒪᑎᔪᐤ 7:22 ပူးပေါင်းရင်းမြစ်များ

ᒪᑎᔪᐤ 10:15

ᑕᑈ ᒋᑦ ᐃᑎᓇᐛᐤ, ᐃᔅᐱ ᑎᐸᔅᑯᓂᒐᐅ ᒋᓯᑲᒐ ᒋᓴᒪᓂᑐᐤ ᐅᔅᑕ ᒋᑭ ᒋᔅᑎᒪᒐᔨᒪᐤ ᐊᓂᔭ ᑲ ᒥᒐᑎᓯᔨᒋ ᐊᓐᑕ ᑲ ᑕᔨᒋ ᓱᑕᒻ ᑭᔭ ᑯᒧᕋ ᐃᔅᐱᔅ ᐊᓂᔭᔪᐛ ᐊᐛᔪᐛ ᐊᑲ ᓇᐊᔨᒥᑎᑕᑯ᙮”

ᒪᑎᔪᐤ 24:36

“ᐛᔅ ᓇᒪ ᐊᐛᓐ ᒋᔅᒐᔨᑎᒻ ᐊᓂᔭᔪᐤ ᐊ ᒋᓯᑲᔨᒡ ᒪᒃ ᐊᓂᔭᔪᐤ ᑎᐸᐃᑭᓂᔪᐤ ᒐ ᐃᔅᐱᔨᑯᒡ ᐅᔭ ᒐᒂᔪᐛ᙮ ᓇᒪ ᑭᔭ ᐊᓐᒋᓐᒡ ᒋᔅᒐᔨᑎᒧᒡ, ᑭᔭ ᐅᑯᓯᓯᒪᐤ, ᒥᒄ ᐅᑕᐎᒪᐤ ᒋᔅᒐᔨᑎᒻ᙮

ᒪᑎᔪᐤ 25:11

“ᐸᑎᒪ ᒪᒃ ᒂ ᐅᒋ ᑎᑯᓯᒡ ᐊᓐᒡ ᑯᑎᑭᒡ ᐅᔅᒋᓂᒋᔎᓯᒡ, ᐊᑯ ᒂ ᐃᔅᒋᔄᒡ, ‘ᐅᑎᐸᔨᒋᒐᐤ, ᐸᒋ ᐱᑎᑲᐃᓇᓐ᙮’

ᒪᑎᔪᐤ 7:21

“ᓇᒪ ᒥᓯᐛ ᐊᐛᓐ ᑲ ᐸᒋ ᐃᓯᓂᐧᑲᓯᑦ, ‘ᑕᐸᔨᒋᒐᔨᓐ, ᑕᐸᔨᒋᒐᔨᓐ,’ ᒋᑭ ᐅᒋ ᐱᒐᐤ ᒋᒋᒋᓯᒄ ᒋᓴᐅᒋᒪᐅᓂᒡ, ᐊᓐᒡ ᑲ ᑐᑕᒡ ᑕᓐ ᐊ ᐃᓯ ᓂᑐᐛᔨᒥᑯᒡ ᓄᑕᐎᔭ ᒋᒋᒋᓯᑯᒡ ᐊ ᑕᔨᒋ ᐊᐅᑯᓐᒡ ᐊᓐᒡ ᒐ ᐱᒐᒡ᙮”

ᓗᒃ 10:12

ᐊᑯ ᒋᓴᔅ ᒥᓐ ᒂ ᐃᑕᑦ ᐊᓂᔭ ᐅᒋᔅᒋᓄᐊᒧᐛᑭᓇ, “ᒋ ᐎᑎᒪᑎᓇᐛᐤ ᐃᔅᐱ ᐅᑎᒋᐱᔨᒐ ᑎᐸᔅᑯᓂᒐᐅ ᒋᓯᑲᒐ ᐅᒡ ᐃᔪᒡ ᐊᑲ ᐊᔭᐱᓯᑕᑕᑯᒡ ᐊᑐᐎᔅ ᒋᑭ ᐃᑕᔨᑕᑯᓂᔪᐤ ᐛᔅᑭᒡ ᑕᓐ ᑲ ᐃᓯ ᐛᐛᓯᐊᑭᓄᐎᒡ ᐎᔨᐛᐤ ᐊᓂᔭᐧᑲ ᓇᔅᒡ ᐊᒋ ᒥᒐᑎᓯᒡ ᐃᔪᒡ ᓱᑕᒻ ᑲ ᐃᓯᓂᐧᑲᑕᔨᒡ ᐅᑕᓇᔪᐤ ᑲ ᑕᒡ᙮ ᒋ ᓂᓱᐅᓇᒋᑕᐤ ᒋᓴᒪᓂᑐᐤ ᐊᓂᔭᔪᐤ ᐅᑕᓇᔪᐤ᙮”

ᒠᓐ 11:51

ᐎᔾ ᒪᒂᒡ ᑲᔭᐸᔅ ᐊᒋ ᒋᓴᐊᔭᒥᐊᐅᒋᒪᐅᑦ ᐊᓂᔭ ᑲ ᐱᐳᓂᔨᒡ ᐊᐅᒄ ᐅᔭ ᐛᒋ ᒥᔨᑯᑦ ᒋᓴᒪᓂᑐᐛ ᐅᔭ ᒐᒋ ᐃᔅᒋᔄᑦ ᐊ ᒋᔅᒋᐛᐃᒐᑦ, ᒋ ᐃᑕᐤ ᒋᓴᓴ ᒐ ᓂᐱᔅᑎᒧᐛᔨᒋ ᒍᐤ ᑲ ᐃᑎᔅᑲᓇᓯᔨᒋ ᐃᔪᐛ᙮

1 ᑕᓴᓗᓂᔭᓇ 5:4

ᒋᔨᐛᐤ ᒪᒃ ᐎ ᓂᐧᑲᓂᓯᑐᒄ, ᓇᒪ ᒋ ᐊᑎ ᐃᓯ ᐱᒪᑎᓯᓇᐛᐤ ᐊ ᐃᓯ ᐱᒪᑎᓯᒡ ᐊᓐᒡ ᐊᑲ ᒋᔅᒐᔨᒪᒡ ᒋᓴᒪᓂᑐᐛ ᑭᔭ ᑲ ᒥᒋᑐᑕᒡ ᑭᔭ ᓇᒪ ᒋᐸ ᐅᒋ ᐎᔭᓯᐃᑯᓇᐛᐤ ᐅᑎᒋᐱᔨᒐ ᐊᓐ ᐊ ᒋᓯᑲᒡ ᒧᔭᒻ ᐊ ᐃᓯ ᓯᔅᒋᑯᒋᔨᑯᑦ ᐊᐛᓐ ᐊ ᐅᑎᑎᑯᑦ ᑲᓂᑕᐅᒋᒧᑎᔨᒋ᙮

2 ᑕᓴᓗᓂᔭᓇ 1:10

ᒋᑭ ᐛᐛᓯᐊᐤ ᐅᑎᐸᔨᒋᒐᐤ ᐅᔭ ᐊᓂᔭ ᐊ ᒋᓯᑲᔨᒡ ᑎᑯᓯᒐ ᒐᒋ ᒋᔅᑕᔨᑕᑯᐃᑯᑦ ᑲ ᑕᑈᑎᒥᔨᒋ ᑭᔭ ᒐᒋ ᒋᔅᑕᔨᒥᑯᑦ ᒥᓯᐛ ᐊᓂᔭ ᐊᐛᔪᐛ ᑲ ᑕᑈᔭᔨᒥᑯᑦ᙮ ᐊᑯᑕ ᒪᒃ ᒐ ᐎᒋᐃᐛᔭᒄ ᑭᔭ ᒋᔨᐛᐤ ᒋᔅᑕᔨᑕᑯᐊᑭᓄᒐ ᐅᑎᐸᔨᒋᒐᐤ ᐛᔅ ᔅᒋ ᑕᑈᑕᓇᐛᐤ ᐊᓐ ᒥᔽᒋᒧᐅᓐ ᑲ ᐎᑎᒪᑕᒡ᙮

2 ᑎᒧᑎ 1:12

ᐊᐅᒄ ᒪᒃ ᐅ ᓇᓂᑯᑎᓂᔾ ᐛᒋ ᓂᓇᐧᑲᑕᔨᒧᔭᓐ, ᒥᒄ ᒪᒃ ᓇᒪ ᑎᑯᓐ ᑕᓐ ᒐᒋ ᐃᓯ ᐳᓂᒪᒥᓯᑐᑎᒪᓐ ᐅ ᒥᔽᒋᒧᐅᓐ, ᐛᔅ ᓂ ᒋᔅᒐᔨᒪᐤ ᐊᓐ ᐊᐛᓐ ᑲ ᑕᑈᔭᔨᒥᒃ ᑭᔭ ᓇᔅᒡ ᓂ ᒐᔅᑎᓇᑕᔨᑕᓐ ᒐ ᒥᔪ ᑭᓄᐛᔨᑕᐧᒃ ᐊᓂᔭ ᑕᓐ ᑲ ᐃᓯ ᐱᔅᑎᓂᓱᐅᒡ ᐸᑐᔅ ᐅᑎᒋᐱᔨᒐ ᐊᓂᔭ ᐊ ᒋᓯᑲᔨᒡ ᒥᓐ ᒐ ᑎᑯᓯᐧᒃ᙮

2 ᑎᒧᑎ 1:18

ᑭᒪ ᒋ ᓄᑯᑥᑯᑦ ᐅᑎᐸᔨᒋᒐᐛ ᐊ ᒋᔅᑎᒪᒐᔨᒥᑯᑦ ᐊᓐᑕ ᐊᓂᔭ ᐊ ᒋᓯᑲᔨᒡ ᙭ᑕ ᒥᓐ ᑎᑯᓯᓂᔨᒐᓂ᙮ ᑭᔭ ᒋ ᒋᔅᒐᔨᑎᒺᓐ ᑕᓐ ᑲ ᐃᔅᐱᔅ ᒋ ᒥᔪᑐᑎᒧᐅᑦ ᐊᓐᑕ ᒪᒂᒡ ᐃᐱᓴᔅ ᑲ ᑕᐅᒡ᙮

2 ᑎᒧᑎ 4:8

ᓴᔅ ᐊᔭᔅᑯᔅᑕᐤ ᐊᓐ ᒋᓴᐅᒋᒪᐅᑯᓂᔎᐅᓐ ᐊᓂᔭ ᒐ ᒥᔭᑭᓄᐅᒡ ᐊᓐᒡ ᒐ ᑯᐃᔅᑯᑕᑎᓯᒡ᙮ ᐊᐅᒄ ᒪᒃ ᐅᔭ ᒐ ᐸᒋ ᒥᔨᑦ ᐅᑎᐸᔨᒋᒐᐤ ᐊᓐ ᑯᐃᔅᒄ ᑲ ᐃᓯ ᑎᐸᔅᑯᓂᒐᑦ ᒥᓐ ᐸᒋ ᑎᑯᓯᒐ᙮ ᓇᒪ ᒪᒃ ᒥᒄ ᓂᔾ ᓂᑭ ᐅᒋ ᒥᔨᑯᐅᓐ ᐅ ᐊ ᐃᓯᓇᒂᒡ ᐊᑯᓂᔎᐅᓐ, ᒥᓯᐛ ᐊᓐᒡ ᓴᒋᐃᐛᐅᓂᒡ ᑲ ᐃᓯ ᐱᑯᓴᔨᒧᒡ ᐅᑎᐸᔨᒋᒐᐛ ᒥᓐ ᒐ ᑎᑯᓯᓂᔨᒋ ᑭᔭ ᐎᔨᐛᐤ ᒋᑭ ᒥᔭᑭᓄᐅᒡ᙮